SÁBADO 25 de NOVEMBRO do 2023

Outro programa máis, de dúas horas en galego. Comezamos coa nosa sintonía de sempre e despois das salutacións escoitamos un bocadiño de música para recibir ao noso correspondente na Costa da Morte, OSCAR REY CALO, que nos fai un resumo das noticias máis salientables daquela contorna, extraidas da páxina quepasanacosta.gal, na que poden ampliar a información que nos adianta semanalmente. Agradecémoslle a súa aportación e desexamos que teña unha feliz semana.

Escoitamos o comezo dunha peza interpretada co piano, de ALBERTO VILAS, precisamente con el mesmo conectamos. É Profesor de música no Conservatorio de Pontevedra e xa ten recibido varios premios, concretamente o Martín Codax. Parabenizámolo porque, como el mesmo nos anuncia, en quince días publicarase un CD que leva por título: "Once cancións e unha danza". Unha obra moi especial que conten moitas e interesantes interpretacións populares, moi especialmente a "Danza das espadas", unha peza moi antiga e tradicional de Redondela. Prometémonos voltar a conectar con el cando xa estea no prelo esa publicación, á que lle auguramos moita sorte.

Continuamos a emisión escoitando a "Virtudes" a actriz "repunante", inventada por "Meryfos_", que ten moitos seguidores precisamente en MIAMI (EE.UU.) a donde nos diriximos para conectar e comunicarnos con FINA, unha seguidora e escoitante dos nosos programas. Precisamente foi ela a que nos pediu que lle fixeramos unha entrevista a esa artista. Agradecémoslle a súa atención e audición semanal, así como tamén que comparta as nosas programacións cos seus seguidores e nas súas redes. Para nosoutros é un pracer e unha honra que nos sigan dende o outro lado do Atlántico. Forte aperta, Fina.

Conversamos con XOSÉ GONZÁLEZ MARTÍNEZ, Presidente do Foro Peinador. Recibímolo concretamente con música de "Treixadura" para lembrar esa celebración tan especial na que estivo participando na honra a Domingo Lorenzo - "Mingos", no cemiterio de Barcia de Mera (Covelo), con motivo do Día da Restauración da Memoria Lingüística de Galiza. Precisamente mañá mesmo volverán a realizar un acto no cemiterio de Vilar de Santos (A Limia), coa colocación dunha placa conmemorativa para a recuperación de espazos da Língua Galega. Tamén nos comenta a celebración doutros actos relacionados co emprego do idioma en empresas de grande relevancia, e a entrega do bacelo de prata á Adega Tapias de Mariñan. Agradecémoslle a súa aportación no noso programa de hoxe.

A crónica da nosa correspondente nos Ancares Lugueses, a cargo da nosa correspondente FERNANDA FOLLANA NEIRA, está moi centrada na recuperación das viñas dunha localidade moi concreta, ribeira do río Navia: COEA. Posiblemente sexa unha das explotacións vinícolas máis interesantes que se levarán a cabo nesa zona e ao parecer teñne moi boas referencia e espectativas de producción. Agradecémoslle a súa aportación tan interesante. Por certo compartimos unha das fotos que nos mandou, concretamente o Mural do que xa tiñamos falado.

 

Entrevistamos a SU GARRIDO POMBO, unha cantautora e compositora galega. Escoitamos algo de música do seu ultimo CD.: PATIOS DE LUZ. Saudámola e felicitámola porque a próxima semana, concretamente o día dous de decembro, virá a Barcelona para deleitarnos cunha actuación en directo na Ateneu Roig de Gracia-BCN. Fálanos da súa creatividade musical das interpretacións ultimas, concretamente a que fixo esoutro día na Fundación Castro Alves-BINNAR, en Portugal. Prepararémos para disfrutar coas súas interpretacións a próxima fin de semana. Desexámoslle moitos éxitos.

E despedímonos ate o vindeiro sábado á mesma hora. Deixamos aquí o programa enteiro.

SÁBADO 18 de NOVEMBRO do 2023

Un sábado máis con todos vosoutr@s, tentando levar adiante este programa de dúas horas de Radio en Galego. Comezamos coa nosa sintonía de sempre e despois das salutacións saudamos a un convidado especial que nos visita nos estudios: ANTONIO REY (TOTÓ), que é das Ermitas.

 

Escoitamos un bocadiño de música e trasladámonos (telefónicamente) á Costa da Morte, para recibir ao noso corespondente OSCAR REY CALO, que ten preparada a súa crónica semanal relacionada coas noticias daquela contorna, e que se poden ampliar na páxina quepasanacosta.gal, como vimos informando cada semana, o mesmo que lles lembramos que este noso programa re-emítese en Radio Roncudo os domingos a partir das dez da mañá. Agradecementos para Oscar e desexámoslle feliz semana.

A continuación mantemos unha longa conversa con ANTONIO REY (Totó). Falamos daquel Val das Ermitas tan feiticeiro, das Festividades que se fan, dos produtos de primeira calidade que se poden disfrutar ali, dos viñedos espectaculares, das oliveiras, das vistas panorámicas, da Semana Santa, do Viacruces e do Calvario, das imáxenes-esculturas que hai en cada unha das estacións do Calvario, do Santuario da Nosa Señora das Ermitas... ... etcétera. Pero non nos esquecemos dun detalle moi especial que ten moito que ver cunha fermosa actividade que o noso visitante realiza cada vez que se celebra algún acontecemento nas Ermitas: Reparto de amendoados para os veciños e amigos. Na última ocasión preparou nada menos que catrocentos amendoados elaborados por el mesmo, cunha receta especial herdada da súa familia.

 

Na segunda hora comezamos conectando coa nosa correspondente nos Ancares Lugueses: FERNANDA FOLLANA NEIRA, que sempre nos acostuma a ilustrar coa súa intervención informándonos dalgún acontecemento relevante, relacionado con aquela contorna galega. Agradecémoslle a súa colaboración semanal, que sempre recibimos con moito agarimo.

Conectamos despois con Galica, concretamente Redondela, onde se atopa FON CONDE, un dos compoñentes do Grupo Musical CANTATORRELLA. Escoitamos a súa música. Parabenizámolo porque mañá mesmo, domingo día 19 estrenan un video-clip que leva por título "Preludio", que conta coa participacion do grande Tatán (de Tanxarina). Coméntanos cómo é a súa traxectoria e composición do Equipo composto por: Antonio Vidal, Myriam Cortizo, Diego Orge, Mario Blanco e el mesmo Fon Conde. Xa fixeron varios concertos no verán, a descatar o da Sala Rebullón, en Mos, cunha moi boa acollida do público. Agradecémoslle que nos atendera e desexamos que teñan moito éxito na súa andaina.

E despedímonos dándolle as grazas ao noso convidado-visitante de hoxe, a quen lle ofrecemos a posibilidade de achegarse aos nosos estudos cada vez que o desexe. Foi unha honra aprender con Totó, moitas cousas daquel Val das Ermitas, tan fermoso e singular. ¡Moitas Grazas, Antonio Rey (Totó)! Ate o vindeiro sábado á mesma hora.

 

Deixamos aquí o programa completo.

SÁBADO 11 de NOVEMBRO DO 2023

Outro programa máis para tódolos nosos oíntes e seguidores. Comezamos coa nosa sintonía de sempre e as salutacións oportunas. Ofrecémoslles unha peza de música da cantautora ROCÍO CAAMAÑO, nada en Cee, para despois conectar con ela e aproveitar para felicitala pola súa traxectoria creativa. Estivo actuando no verán, concretamente no mes de Agosto en San Feliú de Guixols, xunto con outros músicos de sona internacional, como Rozalén e outros. Conversamos un bocadiño con ela, denantes de actuar en Torrelodones. Agradecémoslle a súa amable atención e prometémonos voltar a conectar con ela para que nos siga informando das súas intervencións e concertos, ademais somos primicia, xa que nos adiante que pronto sairá ao prelo un novo single. Desexamos que teña moita sorte e moitos éxitos.

A seguinte intervención é a do noso correspondente na Costa da Morte, OSCAR REY CALO, que nos ofrece a súa crónica semanal coas informacións e noticias que escolle moi particularmente para tódolos nosos oíntes e seguidores. Aproveitamos para dicirlles que poden ampliar moi detidamente tódolas novidades na páxina de quepasanacosta.cal, como lles vimos dicindo cada semana. Tamén lles lembramos que este programa re-emítese os domingos a partir das 10h da mañá en Radio Roncudo.

Despois de escoitar outra peza musical, poñémonos en contacto con EDUARDO Alberto Rodríguez Cunha, máis coñecido por TATÁN, fundador da Compañía de Teatro TANXARINA-Títeres, precisamente escoitando a peza musical titulada "Bailar de novo", que acaban de publicar coa súa voz e a participación de Chus e Raquel Domínguez. En anteriores emisións xa a escoitáramos, pero hoxe voltamos a emitila. Está traballando na próxima actuación que fará en Madrid. Coméntanos algunhas cousas interesantes da súa tarefa artística e cretaiva. Desexámoslle que siga tendo moita sorte e moitos éxitos en tódolas súas actuacións.

Comezamos a segunda hora conectando do Presidente de ASOBECAT, JUAN PEDRO SÁNCHEZ, que hoxe mesmo celebran o seu MAGOSTO-2023, no "Asador del Bierzo". Fálanos dun menú excepcional que van a degustar antes de tastar as castañas do Bierzo. Tamén aproveitamos para felicitar e saudar ao recente Vicepresidente da Asociación de Bercianos, ALFONSO MIGUEL MARTÍN, elexido hai uns días, na última Asamblea. Desexámoslles que teñan unha grande Festa.

Despedímonos porque a continuación ofrecémoslles unhas grabacións xa programadas con antelación.

A primeira é a intervención do Ilmo. Sr. Alcalde do Concello de Viana do Bolo, don ANDRÉS MONTESINOS, que nos fala da problemática relacionada co parón que afecta á Mina de Penouta. A Corporación Municipal que preside ven apoiando e participando na demanda de reapertura e explotación da mencionada mina. Fixeron un pleno no que tódolos membros, incluida a oposición, aprovaron unha resolución de apoio e solidaridade coas reivindicacións dos traballadores. Tamén nos informou das diversas actuacións que ten previsto realizar para beneficio da poboación de Viana do Bolo. Agradecémoslle a súa atención e desexamoslle moita sorte.

Escoitamos a colaboración do noso correspondente nas Rías Baixas, concretamente dende Combarro, XULIO SIMÓN RÚA, que sempre ten unha moi interesante comunicación cultural.

Deixamos aquí o programa enteiro.

SÁBADO 4 de NOVEMBRO do 2023

Un sábado máis con todos vosoutros, para ofrecervos dúas horiñas de Radio en Galego. Comezamos coa nosa sintonía de sempre e despois das salutacións e a proposta de escoitar un bocadiño de música, conectamos con Galicia para conversar con SECUNDINO FERNÁNDEZ, representante do BNG en Viana do Bolo, a quen lle solicitamos que nos faga unha pequena descrición do que está a acontecer naquela contorna relacionado coa explotación mineira na localidade de Penouta, que pertence precisamente a ese Concello. A verdade é que están moi preocupados xa que o Tribunal Superior de Xustiza de Galicia emitiu unha orde de paralización desa mina, na que están a traballar nada menos que 129 persoas. Non só afecta a esas familias senón que tamén eso prexudicaría a varias empresas subcontratadas e unha merma de actividade en todo o entorno e Concellos limítrofes, xa que moitos dos empregados son de localidades veciñas. Tamén nos comenta, a nivel político, a opinión sobre os pactos que o partido socialista está a ter con Cataluña e a proposta do seu partido para acadar a gobernabilidade. Agradecémoslle a súa participación e desexámoslles que teñan moita sorte para que se poida seguir traballando en Penouta, a única Mina de Coltan de Europa.

Despois doutro bocadiño de música conectamos co noso correspondente na Costa da Morte, OSCAR REY CALO, que xa ten preparada a súa crónica semanal con informacións e novidades moi interesantes sobre aquela zona galega, que se pode ampliar abondosamente e con amplitide na páxina quepasanacosta.gal, como vimos informando en cada emisión. Tamén el mesmo nos lembra, cousa que lle agradecemos, a re-emisión deste programa os domingos en Radio Roncudo, e da que temos constancia que é moi ben recibida e consultada por moitos escoitantes e seguidores. Desexamos que teña unha feliz semana.

A continuación recibimos a MIGUEL ANXO MATO FONDO, poeta e escritor que nos sorprenda cunha creación poética feiticeira: "Endreça per Joan Miró". Agasállanos coa súa lectura, primeiro en catalán e despois en galego. Parabenizámolo por esta poesía e tamén poloa presentación do seu ultimo libro de poemas na libraría Eixo de Ourense, acompañado de grandes amigos poetas e escritores. É unha honra e un placer poder contar con colaboracións desinteresadas como nos aporta Miguel Anxo. Agradecémoslle a súa participación e desexámoslle moitos éxitos na súa creatividade.

Conectamos coa nosa correspondente nos Ancares Lugueses, concretamente dende Becerreá, FERNANDA FOLLANA NEIRA, fainos unha intervención informativa sobre algúns aconteceres. Breve comunicación xa que o temporal que está azoutando Galicia (borrasca Ciara e borrasca Domingos) impide poder saír a pasear ou achegarse a ningún lugar,  o mellor é acollerse para non ter ningún percance. Agradecémoslle a súa participación de hoxe.

Damos a coñecer algunhas informacións que nos chegan á Redacción, como o Recital Poético que se realizará o vindeiro día 11 no Centro Galego de Barcelona a partir das 6h da tarde, na que participarán Tamara Andrés, Sara Villar Aira e Ánxela Lema París. Os Magostos que celebra a A.C.G.SAUDADE de Barcelona e a Asociación AGARIMOS de Badalona, hoxe mesmo. Tamén comunicamos que poden asistir ao Magosto que celebra a A.C.G.Rosalía de Castro na rúa Federico Soler, 71 a partir das 20:30h, diante da Entidade. Estan todos convidados. Despedímonos ate o vindeiro sábado á mesma hora.

Escoitamos a colaboración de LUIS LOSADA, co envío das súas PALABRA VOADORAS, nas que nos fai partícipe do libro de Brais Lamela, con apuntes moi interesantes para os lectores e invítanos a súa lectura. Agradecémoslle esta aportación cultural ao noso programa.

Despois fálanos XULIO SIMÓN RÚA, dende as Rías Baixas, concretamente dende Combarro. Mándanos a súa crónica semanal con apuntes tamén culturais moi interesantes, finalizando a súa intervención propoñéndonos escoitar unha peza de Mafalda Arnauth feiticeira: "Bendito Fado, Bendita Gente".

 

Deixamos aquí o programa enteiro.

SÁBADO 28 de OUTUBRO do 2023

Unha emisión máis deste programa de dúas horas en Lingua Galega. Comezamos coa nosa sintonía e as salutacións oportunas. Estrenamos unha peza musical que nos enviou  "Tatán" titulada "Bailar de novo" que nos serve para darlle a ben-vinda ao noso correspondente na Costa da Morte, OSCAR REY CALO, que sempre ten preparada unha crónica escollida das Noticias que se poden ampliar moi detidamente na páxina quepasanacosta.gal. Agradecémoslle a súa aportación e voltamos a escoitar outro bocadiño de música.

Seguidamente conectamos con dona MERCEDES VÁZQUEZ SAAVEDRA, a quen felicitamos e parabenizamos efusivamente porque ven de recibir o título de MESTRE DA MEMORIA, xunto con Xan de Vilar. Fálanos da súa traxectoria como fotógrafa, como etnógrafa, como escritora e como recuperadora dos Entroidos, tanto galegos coma portuguese zamoranos e moitos máis. Séntese como unha verdadeira "Arraiana" e con moita querenza daquelas terras de Montalegre, Couto Mixto, Pitoes das Junhas, Castro Leboreiro... ... Desexamos que siga tendo moita sorte e colleitando os froitos que vai sementando.

Recibimos a participación do noso amigo e colaborador HENRIQUE FEDEZ-MON SÁNCHEZ, que dende Navia de Suarna fálanos das xa rematadas vindimas na Ribeira Sacra, da súa recente visita a terras de Portugal, moi concretamente as vilas e localidades de Tomar, Coimbra e outras. Tamén nos fala da celebración dos Magostos, que en Galicia está moi presente pola época na que estamos. Precisamente esta fin de semana celébrano en Navia de Suarna, cunha carpa para mellor acoller aos participantes.

Falamos con MANUEL VAZQUEZ OSORIO, Presidente do Centro Galego NÓS, de Sabadell, que a semana pasada celebraron a "Festa do Pulpo" cunha grande afluencia de asistentes e moito éxito. Para vindeiras datas, concretamente o día 11 de novembro, coincidindo co San Martiño, clebrarán o Magosto na Entidade, ao que nos convida para disfrutar das castañas asadas acompñadas de viño galego.

Despois conectamos coa Mariña Luguesa, desde onde nos fala o Poeta PACO RIVAS, que sempre ten unha conversa moi acaída e danos a súa impresión sobre momentos da actualidade e outras cousas. Por motivos alleos tivemos un corte na comunicación, pero comprometémonos para continuar, en vindeiras datas, coa conversa interrumpida.

 

Desexamos que teñan unha feliz semana.

Escoitamos a crónica do noso correspondente nas Rías Baixas, concretamente Combarro, XULIO SIMÓN RÚA. Unha aportación cultural con noticias interesantes e de actualidade.

Deixamos aquí o programa completo.

SÁBADO 21 de OUTUBRO do 2023

Emisión do noso programa, un sábado máis, comezando coa nosa sintonía, os saúdos a tódolos nosos oíntes e seguidores, presentando o equipo, co noso Técnico de Son á fronte, Kiko Belinchón, e despois de escoitar un bocadiño de música conectamos co noso correspondente na Costa da Morte, OSCAR REY CALO, que nos fai un resumo informativo do que sucede naquela contorna. Os interesados xa saben que poden seguir informándose na páxina quepasanacosta.gal. Esta emisión re-emítese en Radio Roncudo, Radio Neria, mañá domingo e en Radio Fene os luns. Desexámoslle que pasen unha feliz semana.

A segunda intervención é a da Escritora, Narradora, Poeta e Actriz MARÍA LADO LARIÑO. Felicitámola e dámoslle os nosos parabens porque ven de recibir, xunto co resto dos actores e actrices da película "O Corno", a Cuncha de Ouro do Festival de cine de San Sebastián. Conversamos con ela sobre a película, que nos recomenda. Fálanos un chisco de qué vai o entramado moi feminino e ambientado en Galicia. Tamén sabemos algo máis da súa traxectoria poética, escritora de teatro, traballa con Lucía no espectáculo "AldaoLado"... Agradecémoslle a súa atención e desexámoslle que siga colleitando moitos éxitos.

Entrevistamos ao Poeta, Escritor, Licenciado en Filoloxía Galego-Portuguesa, RAFAEL VILLAR GONZÁLEZ. Felicitámolo porque acaba de ser o recente gañador do "XXI Premio de Poesía da Fundación" polo seu traballo "Os lugares da Memoria". Fainos saber algo máis dese poemario tan interesante e agradecémoslle que nos ilustre coa súa participación.

Recibimos á Doutora, Investigadora e Neurocientífica dona SONIA VILLAPOL SALGADO, que nos fala dende Houston (Texas), mediante unha video-conferencia que empregamos nos estudios. Felicitámola porque acaba de estar en Lugo facendo o Pregón das Festas do San Froilán, acadando moito éxito. Preguntámoslle sobre o que está a investigar relacionado co Alzheimer e danos cerebrais. Recoméndanos que estemos sempre activos xa que eso axuda a que non aparezan os síntomas desa enfermidade. Parabenizámola pola edición do seu libro: "Consciencia: A Ciencia que nos rescatou da pandemia". Fainos a proposta de realizar unha conversa-entrevista sobre as investigacións dese tema que está a investigar para máis adiante, cousa que nosoutros aceptamos e propoñémonos conectar con ela a principios do vindeiro ano 2024. Agradecémoslle a súa amable atención e desexámoslle moita sorte e moitos éxitos.

A seguinte intervención é a do Poeta da Mariña Luguesa, PACO RIVAS, que sempre nos recibe moi alegre. Fálanos das moitas presentacións e charlas que tivo neste verán, promocionando o seu último libro: "Posdata, Quérote". Precisamente dese mesmo libro de poemas recítanos dúas  creacións súas. Desexámoslle unha feliz semana e despedímonos ate o vindeiro sábado.

Deixamos aquí o programa completo.

SÁBADO 14 de OUTUBRO do 2023

Segundo programa desta tempada 2023/2024. Comezamos coa nosa sintonía, as salutacións de costume e un bocadiño de música para recibir ao noso correspondente na Costa da Morte OSCAR REY CALO, que ten preparada a súa crónica semanal resumida, pero chea de información interesante. Coma sempre indica que se pode ampliar as súa informacións na paxína que eles coordinan quepasanacosta.gal, sempre accesible para tódolos nosos oíntes e seguidores. Agradecémoslle a súa aportación.

A segunda intervención é a do Sr.Presidente da Asociación Cultural Galega Airiños da Nosa Galicia en Santa Coloma de Gramenet, don XOSÉ CANOSA. Felicitámolo polas moitas actividades e eventos que estan realizando ultimamente e recibimos información cumprida e moi importante, relacionada coa "9ª Festa Cultural do Pulpo" prevista para a seguinte fin de semana dende o 19 ata o 21 de outubro, no Parc Europa de Santa Coloma. Tamén nos informa doutras actividades e eventos importantes que teñen previsto realizar. Agradecémoslle a súa amable atención.

Continuamos a emisión e poñémonos en contacto con dona MARÍA XOSÉ PORTEIRO, Escritora, periodista, política Licenciada en Publicidad e Relacións Públicas. Agradecémoslle a súa participación no noso programa. Comentamos algunhas novidades e actuacións importantes que terán pronto suceso en Galicia. Comentamos o evento "VigoFem" (onde estarán Xina Vega, Miriam Ferradans e Su Garrido Pombo, entre outras) que se realiza dende o 16 ate o 20 de outubro que é un proxecto artístico e cultural protagonizado por mulleres, coincidindo coa Día da Escritoras. Tamén nos fala dos Premios da Crítica, da nova composición do Xurado, presidido por don Manuel Bragado Rodríguez. María Xosé será a encargada de facerlle a "laudatio" ao Presidente saínte, don Bieito Ledo Cabido. Enviámoslle a nosa máis sinceira felicitación e desexamos que teñan moitos éxitos.

Encetamos a segunda hora conectando coa nosa correspondente nos Ancares Lugueses, dende Becerreá, FERNANDA FOLLANA NEIRA, fainos a súa crónica semanal e comentamos algunhas das noticias que nos comunica e agradecémoslle as instantaneas que nos envía para compartir con tódolos nosos oíntes e seguidores.

Conectamos novamente con Galicia para entrevistar a unha Artista, cantautora e Poeta, que admiramos e que tiñamos previsto falar con ela hai tempo: LUCÍA ALDAO. Dámoslle a benvinda e agradecémoslle que nos atenda tan amablemente. Felicitámola pola súa intervención e participación nun evento moi importante en Tunez, convidada polo Instituto Cervantes. Tamén pola actuación na que acaba de participar hoxe mesmo, en Fisterra, no "Natasha Lelenco"-Casa das Peritas. Despois da charla distendida e amena que nos dispensou, agasallános coa declamación dun poema seu. ¡Moitas grazas Lucía! Seguiremos en contacto e desexamos que sigas colleitando moitos éxitos.

Despedímonos ate o vindeiro sábado á mesma hora. ¡Que teñan unha feliz semana!

Pero deixamos aquí a colaboración do noso correspondente nas Rías Baixas, concretamente Combarro, XULIO SIMÓN RUA, que nos envía a súa crónica semanal moi interesante.

Colocamos aquí o programa completo, sin interrupcións.