SÁBADO 24 de FEBREIRO do 2024

Óscar Rey

Un sábado máis con todos vosoutros. Dúas horas de Radio en Galego para informarvos e dar a coñecer algunhas novidades interesantes. Comezamos coa nosa sintonía de sempre, as salutacións e un bocadiño de música para recibir ao noso correspondente na Costa da Morte, ÓSCAR REY CALO, que sempre ten preparada a súa crónica semanal moi acaída. É un resumo das novidades e informacións acontecidas naquela contorna, que todos os nosos oíntes e seguidores poden ampliar, como sempre lles informamos, na excelente páxina quepasanacosta.gal. Tamén nos lembra que este noso programa volve a re-emitirse en Radio Roncudo mañá, domingo a partir das 10h da mañá. Agradecémosllelo e desexamos que teña unha feliz semana.

A continuación dámoslles a coñecer unha serie de actividades que ten previsto realizar a nosa Entidade: A.C.G.Rosalía de Castro de Cornellà, que comeza coa celebración da Asemblea Xeral prevista para esta mesma tarde a partir das 19h, na Sé. Despois a celebración do "Día da Dona" prevista para o día 16 de marzo a partir das 18h no Auditorio de San Ildefonso de Cornellà, onde se interpretará a obra teatral : "Cinderela e os postres de El Rey", a cargo da Compañía da propia Entidade "Anduriña". Tamén están previstas as eleccións á Xunta Directiva para o día 17 de marzo, o día 21 de abril excursión ás Minas de Cardona e o día 4 de maio "Feira do Polbo" diante da Entidade.

Conectamos agora coa Asoc. Toxos e Xestas de Barcelona para falarmos con do Alvaro Voces, Presidente da Entidade e Concha, Profesora de música, baile e Gaita. Póñenenos ao corrente da próxima celebración dun evento de grande importancia: "Exposición Cornamusas Primitivas. Historia da Civilización", na Sé da propia Entidade o día 10 de marzo. Un acto que contará cunha enorme cantidade de participantes. É o día mundial da Gaita e teñen previsto unha grande participación de gaiteiros, bandas de gaitas, solistas e pariticpantes, tanto galegos como asturianos e cataláns. Agradecémoslle a súa amable atención e desexámoslles moitos éxitos.

Falamos coa nosa correspondente nos Ancares Lugueses, concretamente dende Becerreá, recibimos a crónica de FERNANDA FOLLANA NEIRA, que nos adianta algunhas novidades interesantes da zona. Tamén nos fala da recuperación duns viñedos de grande interese na zona do Navia. Concretamente fálanos da Ruta do Río Navia, en bicicleta, que a semana pasada puido realizala xunto con outros compañeiros e despois celebrala cun cocido nun Restaurante.

Xoan

Recibimos a XOAN ARCO DA VELLA, que como ven sendo habitual cada semana, fainos partícipes das súas visitas e achádegos moi interesantes. Nesta ocasión descríbenos as andanzas e percorrido dun personaxe moi interesante: don MANUEL BARREIRO CABANELAS, un empresario filántropo galego, nado en mil oitocentos sesenta e sete en Laxedo (Covelo - A Lama), e que faleceu en Río de Xaneiro no 1950. A historia deste personaxe é verdadeiramente un exemplo de entrega e axuda ao rural extraordinaria. As súas aportacións económicas foron de grande importancia no seu  momento. Ao parecer a Raíña María Cristina tramitou para el o título nobiliario de Conde.

 

Escoitamos agora a crónica do noso correspondente nas Rías Baixas, concretmente Combarro, XULIO SIMÓN RÚA, que sempre nos envía unha comunicación moi interesante con aportacións culturais de grande interese.

Deixamos o programa enteiro aquí e desexamos que teñan unha feliz semana.

SÁBADO 17 de FEBREIRO do 2024

Oscar REY

Un sábado máis con todos vosoutros. Hoxe temos que disculpar a ausencia do noso compañeiro Armando, por mor dunha pequena indisposición persoal. Despois da sintonía de sempre e as salutacións oportunas, escoitamos un bocadiño de música e deseguida nos poñemos en contacto co noso correspondente na Costa da Morte OSCAR REY CALO, que nos envía o seu resúme semanal referido aos aconteceres máis interesantes daquela contorna. Xa saben que se poden ampliar estas informacións na páxina quepasanacosta.gal e tamén voltamos a lembrar que mañá, a partir das dez da mañá, voltará a emitirse este noso "Semprengalicia" en Radio Roncudo. Despedímolo dándolle as grazas pola súa aportación e desándolle unha feliz semana.

Xoan Arco da Vella

A continuación poñémonos en contacto con XOAN ARCO DA VELLA, que nos ten preparada unha disertación moi interesante relacionada cos "Chozos", na zona da Serra do Suído. Este nome ten moita similitude coa palabra que tamén empregan nas montañas de Portugal "As Brandas". Unhas edificacións moi interesantes empregadas polos pastores cando subían á montaña para refuxiarse. Tamén nos comenta algo sobre as construcións dos "Foxos do lobo". Algún deles moi especial na súa construció, xa que tiña unhas dependencias dobres, en forma de uve dobre... A súa comunicación sempre ten algo de aprendizaxe e novidade interesante. Agrtadecémoslle a súa aportación de hoxe.

Juan Pedro e Charo López

Conectamos con JUAN PEDRO SÁNCHEZ, Presidente de ASOBECAT (Asociación de Bercianos en Cataluña) con motico da relaización que teñen prevista para mañá mesmo: "XX FESTIVAL DEL BOTILLO-2024 en Cataluña". Está acompañado de dona CONSUELO LÓPEZ PÉREZ, Concelleira de Cultura do Concello de CORULLÓN, que será o Concello homenaxeado este ano. Comezará este evento mañá, domingo a partir das 12:30h no Hotel Front-Air Congress de Sant Boi de Llobregat. Unha celebración á que asistirán máis de trescentas persoas e na que se homenaxeará tamén a don JAVIER ALVAREZ. como BERCIANO ILUSTRE-2024, socio e propietario da Adega ALMÁZCARA-MAJARA, D.O. Bierzo, que aportará o viño que se degustará nese xantar. Tamén será homenaxeado don JUAN PABLO GÁNDARA, como Premio Literario 2024. Desexámoslles moita sorte e moitos éxitos.

Kique

Conectamos con Galicia para falar co noso amigo HENRIQUE FERNANDEZ MON-SANCHEZ. Había tempo que non tiñamos contacto con el. Recibímolo preguntándolle polos acontecementos recentes relacionados co Entroido. Festas moi tradicionais arraigadas na zona de Viana do Bolo, Verín, Xinzo, Laza e Maceda. Unha conversa que tame´n se achega a Portugal, porque non fai moi tempo estivo vistando a zona de Tomar e arredores. Tamén se achegou a Coimbra. Fálanos da Biblioteca fermosísima da Universidade: "A Joanina". UnHA visita que paga a pena, aínda que non che dan moitos minutos para contemplala. Despedímolo e escoitamos outra peza musical.

Despois da peza musical damos lectura ao poema de Rosalía de Castro: "MIÑA CASIÑA MEU LAR". Con esla queremos rememorar a festividade que se conmemora cada 23 de febreiro en Padrón, na Casa de Rosalía. Moitos restaurantes aprovietan para ofrecer no seu menú, un "Caldo de Groria", ese mesmo día. E a Asociación de Gaiteiros de Galicia convida a tódolos gaiteiros a que interpreten a "Alborada de Rosalía" e que o publiquen naas redes sociais, para celebrar o "Día de Rosalía".

Recibimos a crónica do noso correspondente XULIO SIMÓN, nas Rías Biaxas, concretamente Combarro, que recolle novidades e comunicacións culturais e moi interesantes.

 

Deixamos o programa enteiro aquí.

 

SÁBADO 10 de FEBREIRO do 2024

Un sábado máis con todos vosoutros. Comezamos coa nosa sintonía, os saudos de rigor e un bocadiño de música para recibir a RAKEL ÁLVAREZ, da Asociación C.G. Airiños da Nosa Galicia, en Santa Coloma de Gramenet. Saudámola e felicitámola porque acabamos de recibir unha fotografía co seu fillo disfrazado de "Follateiro", unha fermosa tradición que se recuperou e se conserva aínda en Lobios e os seus arredores. Unha iniciativa estupenda, para dar a coñecer algo moi importante na celebración do Entroido en Galicia e que se convirte na primeira mostra dun traballo moi escrupuloso e fermosísimo, por primeira vez en Cataluña. Tamén falamos do Restaurante do Centro, que hoxe celebran a Festa do Entroido con moitas e importantes solicitudes para degustar os manxares de primeira calidade que se servirán. Agradecémoslle a súa amable atención e participación.

 

Continuamos o programa e conectamos co noso correspondente na Costa da Morte, OSCAR REY CALO, que nos ten preparada a súa crónica semanal, extraída da páxina que sempre nos recomenda quepasanacosta.gal e na que se pode completar e ampliar, máis polo miúdo, as diferentes noticias e importantes novidades que están a suceder naquel feiticeiro recuncho da nosa Galicia.

A seguir falamos co noso novo correspondente en Pontevedra XOAN ARCO DA VELLA, que nesta ocasión puntualízanos o lugar onde se atopa: Lourizán. Precisamente comenta algo moi interesante relacionado con esa localidade, na que se atopa o "Pazo de Lourizán" que ademais é o lugar onde se imparten estudios especializados de silvicultura e que contén un bosque de máis de cincocentas hectareas con árbores centenarias, únicas de moitas especias de magnolias. Amplía a información e historia do "Rey Alfonso I da Amazonia", que nos adiantou a semana pasada. Foi a visitar aas terras de Avión, lugar de procedencia deste personaxe, concretamente: Ildefonso Graña Cortizo. Unha verdadeira historia digna de estudo. Agradecémoslle a súa descrición desa fermosa historia, con mezcla de lenda.

 

Despois conectamos coa nosa correspondente nos Ancares Lugueses, en Becerreá, FERNANDA FOLLANA NEIRA, que tamén nos envía a súa crónica semanal con noticias e sucesos. Relátanos tamén, un chisco, parte da publicación dun artigo, escrito por ela mesmo e publicado na Voz de Galica, relacionado coa estrada naquela zona: "La carretera que tropieza dos veces con la misma montaña". A verdade é que esa estrada semella que teña un "feitizo" porque ao parecer tivo xa moitos sucesos e derrumbes, moito antes de que se construíra a estrada actual. Desexamos que pronto quede amañada.

Falamos agora con JAVIER ÁLVAREZ, da adega "Almázcara-Majara" con D.O.Bierzo, que será homenaxeado no "XX Festival del Botillo en Cataluña" como "Berciano Ilustre 2024". Parabenizámolo e aproveitamos para conectar co Presidente JUAN PEDRO SÁNCHEZ, da ASOBECAT,  que é a Asociación organizadora do evento, previsto para o próximo día 18 de febreiro no Hotel FrontAir Congress de Sant Boi de Llobregat. Desexamos que teñan moita sorte e moitos éxitos.

E despedímonos ate o vindeiro sábado á mesma hora.

Deixamos aquí o programa enteiro.

SÁBADO 3 de FEBREIRO do 2024

Un programa máis desta nosa emisión en galego, con todos vosoutros. Comezamos coa nosa sintonía de sempre, as salutacións oportunas e dándolle a ben-vinda a dona YOLANDA DÍAZ GALLEGO, que nos agasalla coa súa presencia nos estudos. Escoitamos un bocadiño de música e de seguida encetamos a emisión. É unha honra e un placer poder contar coa visita de dona Yolanda. Acaba de publicar un libro que leva por título: "DECIDÍN DESVELAR O PROCESO. Na galeguidade asentouse o compromiso Acción e evolución no Uruguai, 1954-1978". Teremos que ler con detenemento este libro que seguro contén un morea de documentación e información pouco coñecida e que seguro servirá para que os interesados poidan decubrir moitas cousas importantes relacionada coa emigración nas Américas. Fainos partícipe de algunhas e interesantes anécdotas que se recollen no libro e adubiamos a conversa con algunha peza musical.

Seguimos a conversar con dona Yolanda falando da súa traxectoria persoal e tan interesante, que tivo lugar en Uruguai durante máis de vinte anos. Está sendo unha conversa moi distendida e chea de engado.

A seguir recibimos a conexión co noso correspondente na Costa da Morte, ÓSCAR REY CALO, que ten preparada unha intervención escollida e algo resumida, pero que os nosos oíntes e seguidores poden ampliar na páxina quepasanacosta.gal, como vimos informando cada semana. Tamén informamos que este programa re-emítiese en "Radio Roncudo" o domingo a partir das dez da mañá. Agradecémoslle a súa crónica e desexamos que teña unha feliz semana.

Recibimos a visita do Presidente de ASOBECAT don JUAN PEDRO SÁNCHEZ e o Vicepresidente don ALFONSO MIGUEL MARTIN, que nos veñen a informar do "XX Festival del Botillo 2024 en Cataluña". Realizarase no Hotel Front Air Congress de Sant Boi de Llobregat, o día 18 de febreiro a partir das 12:30 da mañá. Os convidados e asistentes serán recibidos coa música da banda de gaitas de Fegalcat, que colaborarán no evento. Tamén nos informa dos Homenaxeados elexidos para o festival deste ano: Berciano Ilustre don JAVIER ÁLVAREZ, socio da Adega Almázcara Majara; don JUAN PABLO GÁNDARA DE TORENO - Premio Literario 2024 e o Excelentísmo Concello de Corullón, representado polo seu Alcalde don LUIS ALBERTO ARIAS GONZÁLEZ.

Comentamos con Yolanda a súa actuación e participación no programa "Sempre en Galicia" de América. Fainos a presentación que ela mesma tiña na comunicación deste programa emblemático que aínda hoxe en día se sigue emitindo.

Seguimos conversando cos nosos contertulios de hoxe, que nos honran coa súa presencia nos estudos, en directo. Alfonso Miguel, Vicepresidente de ASOBECAT, informa da traxectoria de vinte anos de existencia desta entidade berciana que tanto aprezo e sona ten no noso entorno, non só pola repercusión e aceptación que ten esta convocatoria gastronómica do botillo, senón tamén pola grande asistencia que teñen nese festival anual que celebran.

Dámoslle paso a JUAN PABLO GÁNDARA DE TORENO, o Homenaxeado Literario no "XX Festival del Botillo -2024" que nos fala da súas novelas publicadas, recentemente unha que posiblementetraerá ao xantar do botillo: "Los últimos de la Modelo". Desexámsolle moitos éxitos.

Seguimos a emisión e poñémonos en contacto con XOAN ARCO DA VELLA, ese grande colaborador que xa ven sendo habitual cada fin de semana con nosoutros. A súa aportación está moi relacionada co noso patrimonio e as súas visitas viaxeiras a lugares recónditos da nosa xeografía galega. Nesta ocasión ten unha comunicación curiosa relacionada cun rey galego dos jíbaros.

Conversa e comentarios finais cos nosos contertulios nos estudios, Yolanda, Juan Pedro e Alfonso para comentar algunhas cousas interesantes. Agradecerlles a súa presencia de hoxe, en directo, no programa e desexarlles moita sorte e moitos éxitos na súa andaina. Despedímonos ate o vindeiro sábado.

A seguinte intervención é a do noso correspondente nas Rías Baixas, concretamente dende Combarro, XULIO SIMÓN RÚA, que cada sábado nos envía a súa crónica semanal con noticias culturais e informativas moi interesantes.

Deixamos aquí o programa enteiro.

SÁBADO 27 de XANEIRO do 2024

Outro programa máis con todos vosoutros. Despois da sintonía, as salutacións e un bocadiño de música conectamos coa Rolda de Prensa que está a realizarse no Hotel Front Air Congress de Sant Boi. Falamos con Juan Pedro Sánchez, Presidente de ASOBECAT e co Vicepresidente Alfonso Miguel, que nos informan da celebración do "XX Festival del Botillo 2024 en Cataluña" previsto para o día 17 de febreiro próximo, xunto cos nomeamentos "Homenaxeados Bercianos Ilustres 2024", que corresponderán a don Javier Álvarez, propietario da Adega Almázcara Majara. Berciano literario ilustre a don Juan Pablo Gándara de Torén e ao Concello de CORULLÓN. Desexamos que teñan moitos éxitos nesta celebración tan excepcional.

A seguinte comunicación é con don RUBÉN FERNÁNDEZ, da CASA CASTELAO, na Fonsagrada, a quen felicitamos porque o Concello acaba de concederlles o Butelo de Ouro pola súa tarefa a prol da Feira do Butelo nesa localidade Luguesa. Tamén o felicitamos polas grande labor industrial e emprendedora que está levando a cabo nesa localidade. Agradecémoslle a súa intervención no programa de hoxe.

Recibimos a Crónica semanal do noso correspondente na Costa da Morte, OSCAR REY, que nos fai partícipes das novidades e noticias que suceden naquela contorna, que é un resumo das que se poden atopar na súa paxina quepasanacosta.gal. Tamén nos volve a lembrar que este noso programa reemítese mañá, domingo na emisora "Radio Roncudo". Agradecémoslle a súa estimada colaboración.

Despois poñémonos en contaco co noso "colaborador-correspondente viaxeiro" XOAN ARCO DA VELLA, que nos pon ao corrente dalgunhas visitas de grande interese cultural. Sempre ten algunha novidade e curiosidade que os nosos oíntes e seguidores agradecen, e así nolo comunican por medio dos correos e das súas intervencións. Seguiremos en contacto e desexamos que siga nesa tarefa tan importantes para nosoutros, que tanto valoramos.

 

Conectamos novamente con Galicia para falar coa Señora Alcaldesa de Castro Caldelas, dona SARA INÉS VEGA NÚÑEZ, que nos fala da grande Festa dos Fachos celebrada recentemente e doutros asuntos moi interesantes relacionados con ese concello Ourensán que ela dirixe. Desexamos que teña moita sorte e que siga colleitando moitos éxitos.

Despedímonos ate o vindeiro sábado e desexamos que teñan unha feliz semana.

Para finalizar escoitamos a crónica do noso correspondente nas Rías Baixas, XULIO SIMÓN, que sempre nos ten preparada unha intervención cultural moi axeitada que remata coa escoita dunha peza musical moi acaída.

 

Tamén deixamos aquí o programa completo.

SÁBADO 20 de XANEIRO do 2024

Comezamos unha nova emisión deste programiña de dúas horas de Radio en Galego coa nosa sintonía de sempre, as salutacións semanais a tódolos nosos oíntes e seguidores e despois de escoitar un bocadiño de música, poñémonos en contacto co primeiro convidado, don XOSÉ BENITO REZA, Enxeñeiro de montes e escritor celanovés. Mantemos unha conversa moi engaiolante relacionada coas moitas actividades que se están a celebrar na Casa dos Poetas de Celanova, que é a sede da Fundación Curros Enríquez. Danos a coñecer a recente presentción dun libro de Xosé-Henrique Costas: Ao sur da liberdade, e tamén da publicación da revista que el mesmo dirixe: "A Xanela", concretamente o nº 3. Unha publicación dedicada á divulgación do patrimonio natural e cultural, que recolle unha serie de artigos moi interesantes, coa participación de plumas moi recoñecidas. Axúdanos a coñecer un pouco máis aquela contorna e agradecémoslle a súa participación no programa de hoxe.

A segunda intervención é a de MONTSE RIVERA, unha das fundadoras do Grupo de cantareiras e pandereteiras LEILÍA, que veñen de despedirse dos escenarios o día 13 deste mesmo mes, cun Concerto no Auditorio de Galicia, en Santiago de Compostela. Un exitazo. Mantemos unha cativa conversa para felicitala e aproveitamos para desexarlle moita sorte e moitos éxitos nesta nova andaina que continuará realizando como Profesora e impartindo obradoiros de baile, canto e pandereta. Os traxes tradicionais galegos e outros obxectivos nos que segue a traballar. Poderemos contar coa súa presencia precisamente na Asociación Cultural Irmandade Galega de Rubí a partir da próxima semana, que virá a impartir unhas clases. Promete asistir tamén ao "Serán de Inverno" previsto para o día 27 deste mes de xaneiro no Centro Galego de Barcelona.

 

Conectamos agora con ALBERTO, da Asociación TREBON DO MILDEU, en Albarellos, que hoxe mesmo están preparando a actuación, que lle chama "PRE-Entroido",  e que consiste nun desfile dos compoñentes e participantes cos seus bombos e coas chocas do Entroido, percorrendo as rúas de localidade e armando un folión extraordinario que finalizan coa degustación e xantar nocturno consistente e bocadillos de "porco ao espeto" e outras viandas, acompañas co viño da zona (D.O.Verín) e chupito de licor café, para aclarar a garganta. Agradecémoslle a súa información e desexámoslle que teñan unha feliz celebración.

Informamos agora da próxima Inauguración da Exposición e Mostra: "Alfonso X El Sabio e Galicia", prevista para o día 25 de xaneiro ás 18:30 horas no Edificio Histórico da Universidade de Barcelona, e que contará coa participación e intervención dun grupo de gaiteiros da A.C.G.Rosalía de Castro. Outra celebración moi importante é a "Concentración Conxunta" nas Estacións de Tren "Sants de Barcelona e Monforte de Lemos en Lugo", para o día 27 deste mes ás 12 do mediodía, para reclamar e pedir que se volva a poñer en marcha o servicio de Tren Nocturno a Galicia, como tiñamos denantes do "Covid-19". Tamén damos a coñecer a celebración da Rolda de Prensa que terá lugar ese mesmo día 27 pola tarde, concretamente ás 18h no Hotel Front Air Congress de Sant Boi de Llobregat, na que se informará da celebración do "XX FESTIVAL DEL BOTILLO 2024 EN CATALUNYA".

Recibimos a GUMER PORTAS, de Radio Lalín, que nos pon ao corrente das moitas e importantes celebracións que se están a realizar con motivo da "LVI Feira do COCIDO de LALÍN", prevista para o 4 de febreiro, pero que dende o día 12 deste mes de xaneiro sucédense unha man chea de eventos relacionados con este evento: O mes do cocido, a Alvariza (Exposición e venta de Mel), o Divercocido (sai un porco polas rúas da vila para convidar aos cativos a unha festa-xuntanza na Carpa principal da Festa), A Matanza Tradicional, Presentación e Exposición de Arte, Entrega de Premios... Agradecémoslle a súa aportación e seguiremos en contacto.

Continuamos o programa conectando co poeta da Mariña Luguesa PACO RIVAS, que sempre ten preparada unha aportación creativa e poética moi interesante. Nesta ocasión agasállanos a tódolos nosos oíntes e seguidores coa lectura e declamación de dous poemiñas curtos de grande beleza.

Recibimos a crónica do noso correspondente das Rías Baixas, concretamente en Combarro, Xulio Simón, con novidades culturais interesantes.

E despedímonos ate o vindeiro sábado á mesma hora. Aquí deixamos o programa enteiro.

SÁBADO 13 de XANEIRO do 2024

Primeiro programa deste recen encetado dous mil vintecatro. Saudamos a tódolos nosos oíntes e seguidores e despois de escoitar un bocadiño de música poñémonos en contacto co recén "fichado" colaborador XOAN ARCO DA VELLA. Fálanos do seu percorrido de hoxe, para documentar, fotografar e dar a coñecer algúns recunchos da nosa Galicia. Algúns deles moi agochados e moi interesantes, sempre parte do noso patrimonio cultural. Nesta ocasión complácenos escoitar cómo nos describe algún dos petos de ánimas que te visitado e recollido na súa páxina que recomendamos visiten: xoanarcodavella.com. Ten rexistrado nada menos que máis de 5 millóns de visitantes. ¡Parabens por esa dita, Xoan! Moitas grazas e ate a semana que ven.

Falamos agora con CHUS LAMA, Filóloga e Profesora no Departamento de Galego na Universidade de Barcelona que nos informa moi brevemente da inauguración de Exposición "Afonso X e Galicia", prevista para o xoves próximo día 25 de xaneiro, no edificio histórico da Universidade de Barcelona. Unha actividade promovida polo Consello da Cultura Galega, na que participou moi activamente o Departamento de Galego da Universidade de Barcelona, e por eso felicitamos a Chus pola súa aportación. Na mesma inauguración actuará o Grupo de Gaitas da nosa Asociación C.G.Rosalía de Catro de Cornellà. Tamén están previstas diferentes actividades relacionadas con este evento. Teñen un programa moi extenso que comprende a realización de Conferencias, Concertos, presentación de libros... etcétera. Agradecémoslle a súa participación no noso programa.

A seguinte intervención é con PILAR ANSEDE, Presidenta do CENTRO GALEGO DE BARCELONA, que nos informa de diferentes actividades que está a desenvolverse, concretamente hoxe mesmo estan a impartirse un Taller de Canto Tradicional a cargo da Profesora CECILIA SAENZ. Tamén teñen programado un "Serán de Inverno" onde participarán moitas Entidades Galegas.

Conectamos novamente con Galicia para poñernos en contacto con ROSANA PRIETO FLORINES, Guia turística e responsable política do BNG da zona Sur de Lugo. Infórmanos da celebración dunha "Concentración Simultánea" que está convocada para o día 27 de xaneiro ás 12h en SANTS (BCN) e Monforte de Lemos, para recuperar os trens nocturnos que tiñamos de Barcelona a Galicia, suspendidos dende a aparición do Covid. A convocatoria está prevista que teña unha afluencia de importancia, non só en Monforte de Lemos (Galicia) senón tamén na estación de Sants (BCN). Compre que asistan moitas persoas, non só galegos, xa que é unha reclamación que tamén lle interesa a moitos cidadáns doutras localidades intermedias de Castela e León, Argaón e mesmo Cataluña. Este era un medio de transporte moi empregado polos galegos pola comodidade do desplazamento nocturno. Agradecémoslle a información e seguiremos en contcto para continuar informando e solicitando a participación cidadana.

Recibimos a colaboración do Poeta da Mariña Luguesa, PACO RIVAS, que sempre ten unha actuación interesante. Nesta ocasión, ademais de desexarnos un feliz ano a todos, agasállanos coa lectura dun seu poema adicado ás máscaras. ¡Gracias Paco!

Recibimos a crónica da nosa correspondente nos Ancares Lugueses, FERNANDA FOLLANA NEIRA, que nos fala da posta en valor e adquisición de dous castelos da zona, moi interesantes, xa que un deles se cnvertirá en escola de cociña tradicional galega. Despedímola ate o vindeiro sábado.

A colaboración de XULIO SIMÓN, dende as Rías Baixas, concretamente dende Combarro, está precedida dunha peza musical que el mesmo elixe, así como a despedida. Moi interesante as reflexións e comentarios relacionados co que está a suceder nas praias galegas... "Outra máis"... e algunha novidade máis que podedes escoitar aquí.

Despedímonos ate o vindeiro sábado, disculpando a non participación do noso correspondente na Costa da Morte, Oscar Rey. Sentimos moito a súa falta de hoxe, pero tiña certas obrigas persoais e non puido ser. Seguramente que o suplirá o vindeiro sábado. Desexamos que teñan unha feliz semana.