Primeiro programa do 2022, SÁBADO 08 de XANEIRO.

Comezamos coa nosa sintonía de sempre e dámoslle a ben-vida a tódolos nosos oíntes e seguidores. Propoñemos que escoiten unha peza moi interesante, que se atopa en youtube concretamente e que leva por título : "Muller Ferreña". É unha homenaxe que queremos ofrecer ao noso correspondente na Costa da Morte, Oscar M. Rey, con quen conectamos a continuación.

Escoitamos outra peza musical e con ela dámoslle a ben-vida a dona Celia Inés Feijoo Soto, Presidenta da Memoria Histórica de Celanova, sobriña de don Luís Soto. Mantemos con ela unha conversa moi agradable e prometémonos voltar a comunicarnos con ela para que nos siga informando das moitas e importantes actividades nas que está inmersa. Agradecémoslle a súa amable atención.

Voltamos a escoitar outra peza musical e poñémonos en contacto con dona Celia Pereira Porto, Presidenta da Fundación Vicente Risco. Unha "entrevista" moi interesante e con moita información. Foi un primeiro contacto que seguro voltaremos a facer para que nos axude a coñecer máis polo miúdo ese grande traballo que están a realizar.

A segunda hora conectamos novamente coa nosa correspondente nos Ancares Lugueses, Fernada Follana Neira, a que felicitamos o ano e aproveita para achegarnos algo de información sobre ese traballo tan interesante que están levando a cabo para a realización da proba ciclista que realizarán no mes de Marzo. Desexámoslle moitos éxitos.

Continuamos a emisión conectando con Galicia para recibir ao noso amigo e colaborador Henrique Fedez-Mon Sánchez, que ademais de comentar parte da nosa emisión, tamén nos fai partícipe de varios aspectos relacionados coas intervencións anteriores.

E finalizamos o programa de hoxe conectando co noso Poeta da Mariña Luguesa, Paco Rivas, que sempre ten unha intervención algo retranqueira e agradable para despedir a tódolos oíntes.

Desexamos que teñan unha feliz semana.

SÁBADO 18 de DECEMBRO do 2021

Xulia Feixoo

Último programa do ano 2021. Comezamos dándolles a ben-vinda e ofrecéndolles escoitar unha peza de música para recibir á primeira convidada: Xulia Feixoo: Etnomusicóloga, percusionista, Licenciada en Historia do Arte, Profesora de Ensino Secundaria e autora do libro: "Concha do Canizo... este pandeiro que toco".

Agradecémoslle a súa atención e imos aprendendo algo máis dese traballo que nos descubre agarimosamente. Ven acompañado, ese libriño editado por Central Folque, por un CD con nada menos que 46 pezas musicais, recopiladas. Grande traballo. Desexámoslle unhas Felices Festas e que teña moitos éxitos.

A segunda conversa é coa nosa correspondente Fernanda Follana Neira, que hoxe non pode darnos as súas noticias de cada fin de semana, porque está viaxando para unha celebración en Pontevedra. Aprovietamos para felicitarnos mutuamente estas datas Navideñas e desexarlle un ventureiro aninovo 2022, ademais de agradecerlle a súa aportación de corresponsalía dende Becerreá.

Despois Falamos con Nieves Neira Roca, xornalista, bailarina e poeta galega, que ven de publicar un libro que nos axuda a dar a coñecer aos nosos oíntes e seguidores. Titúlase: "O feitizo de Maruja Roca". Agradecémoslle a súa amable atención. Tía abuela de Nieves, foi unha grande fotógrafa dos anos 40. Un libro cheo de documentación e información daquela época, con fotografías en blanco e negro. Segue a presentalo por Galicia adiante, acompañada do fotógrafo Eutropio Rodríguez, Pablo Sanmamed e Iago Mouriño. Tamén aproveitamos para felicitarlle as Festas e desexarlle o mellor para o vindeiro ano 2022.

A continuación conectamos co noso correspondente nas Rías Baixas, Xulio Simón, aínda que hoxe non se atopa alí mesmo. Desexámonos mutuamente unas Felices Festas e despedímonos ate o vindeiro ano que retomaremos a habitual conexión para que nos deleite coas súas aportacións culturais.

Recibimos agora a salutación e felicitación do Presidente da nosa A.C.G.Rosalía de Castro de Cornellà, Oliver Fernández. Mándalle moitos saúdos e felicitacións aos socios da Entidade e a tódolos oíntes e seguidores do programa. Nosoutros tamén lle correspondemos coa mesma felicitación e agradecémoslle que participara hoxe neste último programa do 2021.

Recitamos agora unha poesía da nosa amiga e admirada poeta: Nieves Fernández Vidueira, que está relacionada precisamente con estas datas. Desexámoslle moi Boas Festas!!!

Xoan Curiel

Temos agora a intervención do cantautor Xoan Curiel. Felicitámolo porque acaba de enviarnos un Video-clip cunha peza musical fermosísima: "Dizer-vos quer'eu mia senhor", que corresponde ao seu CD Treide comigo. Enviámoslle os nosos parabens para este Nadal e escoitamos esta femosa peza.

Depois escoitamos unhas pezas de música, unhas panxoliñas moi acaídas para este Nadal.

E para finalizar este programa de hoxe, conectamos co noso Poeta da Mariña Luguesa, Paco Rivas, que ademais de felicitarnos a todos, sempre ten unha intervención e conversa moi cariñosa e de contidos familiares e de proximidade, que fan moi distendida a súa aportación semanal. Graciñas, Paco e feliz ano!.

E despedímonos de todos vosoutros, benqueridos oíntes e seguidores desexándovos que teñades unha Boas Festas de Nadal e que o vindeiro aninovo 2022 vos acompañe con moita saúde e ventura. Aquí deixamos o programa enteiro.

SÁBADO 11 de DECEMBRO do 2021

Comezamos dándolles a ben-vinda e saudando aos membros do Xurado do "35 Certame de Poesía Rosalía de Castro", dona Diana Varela (Presidenta) e don Armando Requeixo (Vocal). Escoitamos un bocadiño de música e despedímonos ata o vindeiro sábado porque temos que presentarnos no Auditori de San Ildefons, para a presentación da xulipedia.com, do noso amigo e colaborador Xulio Simón, e tamén do CD gravado pola A.C.G.Rosalía de Castro.

Segue o programa con Armando e conecta con Cruz Martínez, poeta xa premiada en dúas ocasións precisamente, no Certame de Poesía Rosalía de Castro. Agradece a súa participación e ela agasalla a tódolos nosos oíntes e seguidores coa lectura dun poema da súa creación. ¡Moitas grazas Cruz!

Despois conecta coa nosa correspondente nos Ancares Lugueses, para recibir a crónica da nosa correspondente Fernanda Follana Neira. 

A continuación conecta con Oscar M. Rey, correspondente na Costa da Marte, que tamén nos envía a súa crónica semanal. Agradecemos a súa colaboración.

Finalmente fala co noso poeta da Mariña Luguesa, Paco Rivas, que sempre ten unha palabras axeitadas para colaborar co noso programa.

Despide o programa desexando o mellor para todos e prometendo voltar o vindeiro sábado á mesma hora.

SÁBADO 27 de NOVEMBRO do 2021

Outro sábado máis con todos vosoutros. Disculpo a miña ausencia porque estou atendendo aunha obriga imprescindible no CULTURGAL de Pontevedra. Nos estudios Armando Fernández e Manuel Rodríguez Julián. Comeza coas salutacións de rigor e escoitando un bocadiño de música, concretamente de Eloi Caldeiro, do Grupo BRATH, que hoxe actúan no Tradicionàrius de Gracia. A continuación comunícanse con Olga Novoa, unha nova colaboradora que dende Ourense nos pon ao corrente de varias intervencións culturais de interese.

Conectan con Oscar Rey, o noso correspondente na Costa da Morte, que ten preparada a súa crónica semanal para informarnos do que acontece naquelas contornas. Xa saben que para máis información teñen a oportunidade de empregar a páxina "QuepasanaCosta.gal".

Despois de escoitar outro bocadiño de música conectan con Henrique Fdez.-Mon Sánchez, na Ribeira Sacra de Ourense. Manteñen unha conversa distendida comentando varios asuntos.

Xina Vega e Cruz M.Vilas

A continuación interveño eu, dende o recinto de Culturgal-Pontevedra, informando das actuacións que en nome da A.C.G.Rosalía de Castro estivemos realizando. Presentando o Certame de Poesía, que celebra nada menos que 35 anos de existencia, e da celebración, mañá 28, dun recital poético no que intervirán dúas poetas Premiadas no noso Certame, concretamente Xina Vega e Cruz Martínez Vilas. Agradezo a chamada.

Finalizan coa participación do noso Poeta da Mariña Luguesa, Paco Rivas.

Desexamos que teñan unha feliz semana. O vindeiro sábado máis.

SÁBADO 20 de NOVEMBRO do 2021

Comezamos a emisión de hoxe coa nosa sintonía de sempre e despois de saudar aos oíntes e seguidores, escoitamos un bocadiño de música do Grupo de música galego BRATH, que lidera ELOI CALDEIRO, a quen saudamos moi cordialmente e agradecémoslle que nos atenda. Fálanos, un chisco, da súa traxectoria da celebración do 40 aniversario dese grupo de música tradicional e da próxima actuación o día 26 en Cal Ninyo (Sant Boi de Llobregat) así como tamén outro Concerto o día 27 no Tradicionarius de Gracia. Desexamos que teñan moitos éxitos.

A seguinte intervención é a do noso correspondente na Costa da Morte, Oscar M. Rey, que nos fai a súa crónica semanal informándonos dos aconteceres daquela contorna. Os que desexen informarse moito máis polo miúdo, como él mesmo nos indica, póñanse na páxina de Quepasanacosta.gal. 

Despois entrevistamos a Rubén Cougil, informático e creador. Fálanos dun xogo de mesa que acaban de presentar : El Extranjero. Participa nun evento que se ven realizando dende fai varios anos en Catalunya, e ao que se presentaron, nesta ocasión máis de 100 propostas e escolleron 20 xogos. Un destes xogos é o de Rubén e Silvia, a súa compañeira. Ogallá que algunha Editorial se interese por ese xogo. A súa intención é poder traducilo a varios idiomas, entre os que pensan incluír o galego e o catalán. ¡Parabéns e Felicitacións por ese proxecto tan interesante!

A segunda hora continuámola conectando coa nosa correspondente nos Ancares Lugueses, Fernanda Follana Neira, que nos fai partícipes da súa crónica semanal.

De seguido chamamos a Ana Moldes. Grande amiga que nos fala da Biblioteca de O Grove, na que participa moi activamente, no clube de lectura e outras moitas actividades que se veñen realizando. Están moi orgullosas por teren recibido o Premio Nacional de Bibliotecas "María Moliner", como unha das 10 mellores bibliotecas de España. Fálanos das presentacións de autores e poetas de grande sona e importantes no eido literario. ¡Grazas, Ana Mari!

Seguimos o programa e contatamos co noso Poeta da Mariña Luguesa, Paco Rivas, que sempre ten unha conversa moi agradable e entretida e agasállanos coa lectura dunhas novidades moi interesante.

E finalizamos as intervencións coa colaboración do moi estimado amigo Luís Losada, dende Pontevedra.

E despedímonos ate a vindeira semana.

Aquí podedes escoitar o programa completo.

Sábado 13 de NOVEMBRO do 2021

Pancho Álvarez

Comezamos unha nova emisión de "Semprengalicia" con ánimo de informar e tratar de entreter aos nosos oíntes e seguidores perante estas dúas horas de Radio. Escoitamos un bocado de música e conectamos con Galicia para recibir ao noso correspondente na "Costa da Morte", Oscar M. Rey, que nos fai unha pequena, pero intensa, crónica informativa para que poidamos estar ao tanto do que acontece por alí. Ademais, os interesados, poden entrar na páxina que sempre nos recomenda http://quepasanacosta.gal, para saber algo máis. Agradecémoslle a súa colaboración semanal.

Outra correspondente é Fernanda Follana Neira, que dende Os Ancares Lugueses tamén nos relata unha crónica moi interesante, recomendando algunhas rutas de senderismo e outras visitas para disfrutar da gastronomía outonal, que por aquelas contornas existe.

Cordas Históricas

A continuación  Pancho Álvarez, un grande músico que admiramos e seguimos, dedícanos uns minutiños e, despois de saudalo, aproveitamos para felicitalo pola recente publicación dun CD moi interesante: "Cordas Históricas". Fainos unha pequena descrición dese traballo, dos diferentes instrumentos empregados nel, das pezas interpretadas (todas tradicionais). Tamén o parabenizamos polo concerto que realizou, acompañando a Carlos Núñez, no Teatro Alfredo Kraus de Canarias. Adiántanos que virá ao Concerto de Fin de Ano, no Palau o día 30 de decembro, acompañando a Carlos Núñez. Desexámoslles moitos éxitos, e agradecemos a súa atención.

Despois conectamos con David Fernández, do Grupo "O Val das Mouras". Tamén o felicitamos porque veñen de publiar un novo CD : Bruixes e Poetes. Precisamente o día 21 deste mes de novembro farán a súa presentación no "Auditori BARRADAS" de L'Hospitalet de Llobregat.

 

Finalizamos o programa falando co noso amigo e colaborador Henrique Fdez-Mon Sánchez, que dende Galicia, na Ribeira Sacra concretamente, coméntanos cómo se realizaban os magostos na súa infancia, a diferencia coas actuais festas que defiren bastante do tradicional. Fálanos do remate da vendima; comenta que os adegueiros están bastante satisfeitos pola abondosa colleita deste ano e despedímolo con música, coma sempre.

O vindeiro sábado á mesma hora. Que teñades unha feliz semana. 

Aquí podedes escoitar o programa enteiro.

SÁBADO 6 de NOVEMBRO do 2021

Este programa de hoxe tivemos que "enlatalo" por mor de certos impedimentos técnicos: Precisamente o noso Técnico, Kiko Belinchón, acaba de ser pai. ¡Nhoraboa! ¡Moitos parabens e moita saúde para criar a ese Alex, que acaba de nacer! Despois das salutacións de comezo e escoitar un bocadiño de música, poñémonos en contacto co noso correspondente na Costa da Morte (Qué pasa na Costa.gal), Oscar M. Rey, que nos envía a súa crónica semanal, para sabermos algo máis daquela contorna galega.

Magosto - Castañada

Despois falamos con Francisco Xabier Rodríguez López, Presidente da A.C.G.Saudade de Barcelona, que nos informa da recente visita que fixeron a Monserrat, coa participación doutras entidades e do Secretario Xeral de Emigración Antonio Rodríguez Miranda. Tamén nos convida, a tódolos oíntes e seguidores, para que poidamos degustar as castañas que esta tarde se repartirán na Sede da Entidade, con motivo da celebración do Magosto 2021. Este ano poderase disfrutar da xuntanza e convivio cos socios e simpatizantes.

Tamén falamos co Presidente do Centro Galego NÓS, de Sabadell, Manuel Vázquez, que esta tarde teñen a celebración dunha obra teatral en galego, a cargo de "Furafollas", e tamén convida a tódolos oíntes, socios e seguidores, para que a vindeira fin de semana, concretamente o día 13 se acheguen a sede da Entidade para degustar as castañas que se entregarán con motivo do Magosto 2021. Agradecémoslle a comunicación e desexamos que teñan moito éxito.

Rubén Alonso

Seguimos escoitando outro bocadiño de música que conectamos con Rubén Alonso de Ponga, que nos fala da presentación da súa 4ª novela: Amores de Guerra y Paz. Coméntanos cómo foi a súa xestación e escrita. Parabenizámolo por ese traballo e desexamos que, a non tardar tamén o poidamos ter presente nalgunha das nosas Asociacións, para poder adquirilo, que no-lo asine e poder departir con el máis polo miúdo.

O Chef Domingo Glz Lorenzo

Falamos agora cun grande CHEF, Domingo González Lorenzo. Tamén o felicitamos e dámoslle os nosos máis efusivos parabens, porque ven de recibir a "Culler de Ouro de Cebiche" no Salón Internaciónal de Turismo Gastronómico "XANTAR" de Ourense. Sentímonos moi orgullosos de telo como un moi bo amigo e desexamos que siga colleitando moitos máis Premios e éxitos.

E despedímonos ate o vindeiro sábado, á mesma hora. Aquí está o programa completo.