SÁBADO 28 de Outubro do 2017

Comezamos un novo programa de dúas horiñas en galego dándolles a ben-vinda e convidándoos a que participen con nosoutros, xa que poden escoitarnos e vernos, en directo dende o facebook por youtube: https://www.facebook.com/xulio.couxilvazquez. E como cada semana, despois de escoitar un bocadiño de música, conectamos coa Baixa Limia para que o noso correspondente XOSÉ LAMELA, nos presente ao contertulio de hoxe don DOMINGO GONZÁLEZ LORENZO, "Chef" do Restaurante no Balneario de Rio Caldo. Presidente de dúas Comunidades de Montes, na Serra do Xurés, cazadore grande coñecedor do rural daquela zona. Fálannos das propostas e obxectivos previsto para acondicionar os montes despois do desastre acontecido en semanas anteriores por culpa dos lumes devastadores e tamén aproveitamos para comentar un chisco as súas creacións gastronómicas realizadas con produtos da zona: A cociña do Xurés. Restamoslles agradecidos pola súa colaboración desinteresada.

A seguir, despois de escoitar unha peza do novo disco de Pancho Alvarez, falamos con CARMEN PENIN, a quen felicitamos pola publicación do seu ultimo traballo: HERDEIRAS, un libro-CD cheo de engado e que recomendamos a tódolos nosos oíntes e seguidores.

Continuamos, na segunda hora, conectando con TAMARA ANDRÉS, encargada desta nova sección cultural na que tamén intervén o noso correspondente XULIO SIMÓN. Infórmanos da recente saída ao prelo do seu poemario CORPO DE ANTIOCHIA, publicado por Galaxia, e da presentación do mesmo prevista para o día 4 de Novembro en Poio. 

Damos conta de respectivos actos culturais e gastronómicos de Airiños da Nosa Galicia, en Santa Coloma de Gramenet, así como os da nosa A.C.G.Rosalía de Castro de Cornellà. Festa do pulpo e Magosto, respectivamente.

Finalmente falamos con PACO RIVAS, o noso Poeta da mariña Luguesa, que sempre participa con nosoutros nos ultimos minutos do programa.

A vindeira semana agardámosvos a todos, novamente. Que teñades unha feliz semana.

21 de OUTUBRO do 2017

Outra semaniña máis con todos vosoutros, para ofrecervos dúas horiñas de radio con entrevistas, música e informacións diversas. Xa sabedes que podedes vernos en directo porque emitimos en youtube_ //www.facebook.com/xulio.couxilvazquez, e participar sempre que queirades. A primeira conexión é con XOSÉ LAMELA, o noso correpondente na Baixa Limia, que nos presenta a súa convidada desta semana: dona MARTA DELGADO, de Mira Xurés. A conversa xira arredor do emprendimento, repasan as posibilidades de futuro e proxectos que se poden poñer en marcha nesa zona tan deteriorada polos lumes desta semana pasada en Galicia. 

Despois falamos con JUAN Pedro Sánchez, Presidente de ASOBECAT, que nos informa da celebración do MAGOSTO-Castañada da Entidade en Polinyà, para a vindeira fin de semana, á que nos convida asistir,

Recibimos a chamada de SANTIAGO LORENZO SUEIRO, que nos pon ao corrente da Conferencia que se celebrará no Hotel Eurostars Gran Marina o vindeiro martes día 24 ás 7:30, baixo o título: "El Turismo, perspectivas globales y locales". Conversarán don Amancio López (Presidente do Grupo Hotusa), don Albert Peters (Presidente de KDF, Directivos de habla Alemana). Agradecémoslle a súa amable participación e información. Celebramos a chegada aos estudos da nosa voz feminina LAURA SANTOS, que tanto extrañabamos. 

A segunda hora conectamos con XULIO SIMÓN, o noso correspondente nas Rías Baixas, que tamén nos ten preparada a participación de don XOSÉ LOIS VILAR, activista cultural, empresario froiteiro, historiador, arqueólogo, especialista en toponimia e arqueoloxía da costa sur de Galicia. A súa participación convértese nunha leución e clase informativa do acontecido nesta semana pasada na zona de Baiona, Gondomar e Vigo. Agradecémoslle a súa aportación,

E despois de escoitar un bocadiño máis de música conectamos con PACO RIVAS, o noso Poeta da Mariña Lucense, con quen comentamos a súa colaboración neste programa dende os seus comezos con Ramón López, aludindo ao aniversario de Radio Cornellà nos seus 35 anos de existencia. Tamén aproveitamos para felicitalo pola publicación deses tres libros que el mesmo nos comenta, e despídese de nosoutros coa lectura dun dos seus poemas.

A vindeira semana máis. Non deixedes de escoitarnos e participar con nosoutros.

SÁBADO 14 de OUTUBRO do 2017

Unha nova emisión de dúas horiñas de radio en galego con todos vostedes, tentando compracer a tódolos nosos oíntes e seguidores. Comezamos, dándolles a ben-vida e ofrecéndolles unha peciña de música para conectar inmediatamente co noso correspondente na Baixa Limia, XOSÉ LAMELA que nos presenta a súa convidada de hoxe, dona MARICARMEN YÁÑEZ, Alcaldesa de LOBIOS, cos que falamos e mantemos unha conversa moi interesante relacionada cos incendios que asolan aquela zona da Reserva Natural do Xurés-Gerés. Tamén nos convidan a visitar ese "paraíso ardente" que ofrece unha morea de posibilidades cheas de engado pola súa natureza, patrimonio, lecer e gastronomía. Agradecemos a súa amable participación.

E xa que falamos de gastronomía, conectamos con don UBALDO PÉREZ, responsable do "Restaurante LOS Ancares" de Barcelona, para que nos fale da súa festa gastronómico-cultural, que mensualmente celebran no seu Restaurante. Será o vindeiro día 22 deste mes de Outubro.

A seguir falamos con dona SILVIA CASTAÑEDA, Presidenta da "Irmandade Galega de Rubí" que nos anuncia a inauguración e posta en marcha do seu Bar na súa Sede Social. Tamén aproveitamos para conversar con don Raúl, responsable da coordinación do "1º Premio de Narrativa Manuel Rivas da Irmandade de Rubí" e que xa están a traballar para convocar o segundo Certame. 

Na segunda hora conectamos co noso correspondente nas Rías Baixas, XULIO Simón, que nos presenta a TAMARA ANDRÉS, Traductora e Poeta, á que comprometemos para que nos axude a encetar e levar adiante unha nova sección da que ela mesma será a encargada. 

Concetamos agora con EMILIO LUÍS LÓPEZ, Director que foi deste noso programa "Semprengalicia" para conmemorar, como fixemos no programa anterior do día 7, os 35 ANOS DE RADIO CORNELLÀ. Rememoramos o seu paso por este espazo adicado á cultura galega baixo o patrocinio da Asociación C.G.Rosalía de Castro. Temos que disculpar a participación do noso Poeta da Mariña, Paco Rivas, que non puidemos conectar con el. A vindeira semana será.

Que sexan moi felices durante esta semana e non deixen de sintonizarnos novamente e ate o vindeiro sábado. Agardámosvos a todos!!!

07 DE OUTUBRO DO 2017

Unha nova tempada con todos vosoutros. A primeira noticia e NOVIDADE importante é que xa nos podedes ver directamente por Internet, aquí mesmo, tal e como estamos nos estudos: https://www.facebook.com/xulio.couxilvazquez. E comezamos dándolles a benvida aos nosos contertulios nos estudos, MANUEL RODRÍGUEZ JULIÁN e ARMANDO FERNÁNDEZ, disculpando a presencia da nosa periodista LAURA SANTOS, por asuntos persoais aos que ten que acudir. De seguida poñémonos en contacto con HENRIQUE FERNANDEZ-MON SANCHEZ, un dos primeiros Presidentes da Asociación Cultural Galega "Rosalía de Castro" e tamén con XOSEFINA FERNÁNDEZ, Directora que foi deste programa en etapas anteriores. Aproveitamos para face referencias a aqueles anos de iniciación e comezo do noso programa, xa que pronto se cumplirán  35 anos da creación de Radio Cornellà. A conversa discorre arredor desas vivencias, acompañados como estamos co primeiro Director desta emisión de "Semprengalicia". Agradecémoslle a dedicación que nos ofrecen e convocámolos para continuar esta conversa en vindeiras ocasións, e tentaremos que tamén participen outros anteriores responsables deste programa.

Achegámonos agora a Galicia, concretamente á Baixa Limia, para conectar co noso correspondente XOSÉ LAMELA, que nos trae de convidado a un contertulio, don MANUEL RIVERO PÉREZ, que nos  ilustra en relación a varias facer do seu saber ademais de convertirse a súa conversa en clase e aprendizaxe para todos nós. Voltaremos a solicitarlle a súa aportación en videiras ocasións.

Seguimos, na segunda hora, conectando co noso correspondente XULIO SIMÓN, que tamén nos ten preparada a participación doutro convidado moi importante: XURXO SOUTO, que nos fala da celebración da Foliada en Nou Barris, na que participarán moitísimas persoas relacionadas coa nosa cultura e outros de Canarias... ... Un grande acontecemento que durará 3 días. Comezou onte e rematará mañá domingo con moitas actuacións e concertos.

Finalmente falamos con JUAN PEDRO, Presidente de ASOBECAT, que nos pon ao corrente das actividades que teñen levado a cabo este verán e adiántanos a celebración do Magosto-Castañada 2017, que realizarán na súa sé de Polinyà o vindeiro 28 deste mes. E acabamos a emisión de hoxe comentando algunhas das cousas interesantes relacionadas coa nosa Asociación Cultural Galega Rosalía de Castro, com son as Actividades no Centro, as clases de Gaita e Danzas, as recentes actuacións (Festa de San Froilán de Nou Barris...), as clases de Baile de Salón, os ensaios da compañía de Teatro "Anduriña" que pronto serán convocados... etcétera.

Desexamos que teñan unha Feliz Semana. Non sabemos se teremos emisión o vindeiro sábado, por mor do festivo. Xa volo anunciaremos en canto poidamos.

07 de Outubro do 2017

Hoxe comezamos unha nova andaina, chea de ilusión e con desexos de complacer aos nosos oíntes e seguidores. Dedicaremos a primeira parte aos inicios desta emisión en galego, ano de 1986, cando as tecnoloxías eran cativas pero tiñamos moitas ganas de acadar grandes obxectivos. Contaremos coa participación dalgúns dos seus primeiros responsables e comentaremos aqueles anos de transición e posta en marcha desta emisión. Seguro que serán dúas horiñas de RADIO moi entretidas, con moitas informacións, con moita música e con novidades que seguro serán do voso interese

Non deixedes de sintonizarnos. 

¡¡¡ Agardámovos a TOD@S !!!