SÁBADO 27 de ABRIL do 2024

Outro sábado máis con todos vosoutros. Comezamos coa nosa sintonía, as salutacións e escoitamos un bocadiño de música mentres nos poñemos en contacto coa Profesora, Licenciada en Filoloxía e Escritora dona REXINA VEGA, a quen parabenizamos pola recente publicación na Editorial Galaxia, dese seu libro:  "O teu perfil na miña sombra". Ven de presentalo no Ateneo Atlántico de Vigo. Un grande éxito lle auguramos e desexamos que pronto se achegue aquí, a Cataluña, para podermos disfrutar da súa presencia e fermosa comunicación, ao tempo que nos explicará, con moito detalle, ese seu traballo tan interesante. Agradecémoslle a súa participación no programa de hoxe.

Despois de escoitar outro bocadiño de música, esta vez celebrando o cincoenta aniversario da Revoluçao dos Cravos en Portugal, coa peza "Grándola Vila Morena" de Zeca Afonso, que nos serve para recibir a crónica do noso correspondente na Costa da Morte, OSCAR MANUEL REY CALO, sempre moi interesante. Antes aproveitamos para parabenizalo polo intenso traballo que está a desenvolver cos seus alumnos en diferentes lugares con moito éxito e acadando importantes Premios (a semana pasada en Plasencia e próximamente convidado a Ribadavia). Podemos ampliar as súas novidades e informacións na páxina quepasanacosta.gal, que sempre nos recomenda, así como que este noso programa re-emítese en Radio Roncudo o vindeiro domingo a partir das dez da mañá.

 

Continuamos escoitando outro bocadiño de música, esta vez o "Virolai" para felicitar con ela ás Montses, que hoxe é o seu Santo. Recibimos nos estudios a Alfonso Rico, o Vicepresidente da A.C.G.Rosalía de Castro, que nos ven a comunicar as diferentes actividades da Entidade próximas a realizar. Comeza coa que se realizará o vindeiro día once de maio, diante da Entidade: Festa do Polbo, que terá unha pequena sorpresa moi interesante para os socios: Están todos convidados a degustar unha tapiña de polbo á feira (gratuíta para os que estean ao corrente de pago).

 

Escoitamos agora una peza de música recuperada do noso arquivo, na que se escoita a EMILIO DO PANDO, tocando o Birimbao (ou Trompa), e que finaliza cantando unha pequena copla. Precisamente esta peza sírvenos para recibir á súa filla: MARTA PÉREZ TESTA, coa que mantemos unha conversa moi interesante lembrando algunha que outra anécdota deste grande músico que tocaba ese instrumento con grande virtuosismo e que el mesmo recuperou do abandono en que se atopaba. Precisamente axudou a recoller moitas das pezas que se tocaban naquela contorna. Concretamente Daniel é un digno sucesor e tocador do birimbao. Tamén algunha persoa da familia (netos) están a tocar e a intentar emular ao seu avó Emilio do Pando. Agradecémoslle a súa participación e desexamos que siga mantendo vivo ese legado musical tan feiticeiro.

 

Seguimos conversando co Vicepresidente, Sr. Rico, da A.C.G.Rosalía de Castro de Cornellà, que nos adianta os actos previstos para a realización da Festa Galega de Can Mercader, os días 31 de maio, 1 e 2 de xuño vindeiros. Homenaxe aos socios máis antigos, Noite Celta o mesmo venres día 31, coa participación das nosas "Rosalieiras" e a actuación estelar de Hevia. A ofrenda de frores diante do busto de Rosalía de Castro, o sábado, coa interpretación dos himnos galego e catalán, coa formación dun castell ondeando as dúas bandeiras, a catalana e a galega. Actuación de Asociacións galegas, catalanas e andaluzas, xunto coa Banda de Gaitas da Vila de Xixón (Asturias). Verbena popular coa actuación da Orquestra Compostela e novamente actuacións diversas o domingo xunto coa verbena amenizada pola orquestra mencionada e degustación de queimada para tódolos asistentes.

Recibimos ao noso colaborador XOAN ARCO DA VELLA, que se trasladou a Viana do Bolo, para facernos de correspondente na celebración da "Vibomask. Festival Internacional Mascarada Ibérica". Leva un distintivo de indentificación co nome do noso programa "Semprengalicia" e da nosa "Radio Cornellà". Está completamente abraiado da grande celebración que se está a desenvolver neste mesmo momento. Fálanos da grande cantidade de persoas que participan e a fermosa visión de folións e máscaras galegas, cántabras, asturianas, leonesas, portuguesas, italiana... etcétera. Despídese amosando a música que acompaña as madamas e os galanes de San Adrián de Cobres.

Aproveitamos uns minutiños para recitar unha poesía que nos mandou NIEVES FERNÁNDEZ VIDUEIRA, coa que nos agasalla aos que participamos na "Revista Lúa Nova", da nosa Asociación. É un agasallo que nos enche de honra e satisfación, recibir a súa creación poética.

 

Chamamos agora a AGAPITO VALADO FERNÁNDEZ, que nos fala da doazón dunha grande documentación que fixo á Fundación Penzol, dona Stella Maris, a filla de don Evaristo de Sela. Precisamente ese é o nome que ten a Asociación que teñen en Sela-Arbo. Unha Asociación que ten como obxectivo fundamental o Teatro e a edición dunha revista do mesmo nome, que vai a sacar próximamente o número 50. Tamén nos comenta a celebración da LXIV Festa da Lamprea, así como a que se celebra en Melgaço: 30 Festa do Alvarinho e do Fumeiro. Agradecémoslle a sua aportación no programa de hoxe.

E despedímonos ate o vindeiro sábado á mesma hora.

 ¡Que teñan unha feliz semana!

Tamén deixamos aquí o programa completo.

20 de ABRIL do 2024

Outra emisión máis deste programa. Comezamos, coma sempre coa nosa sintonía, as salutacións oportunas e un bocadiño de música para adubiar esta emisión e poñémonos en contacto co primeiro convidado, don SERXIO Mª RODRÍGUEZ ÁLVAREZ, Historiador, Politólogo, Escritor e investigador moi coñecedor do Couto Mixto. Parabenizámolo porque próximamente, concretamente o día 23 de abril, virá a Santa Coloma de Gramenet a presentar o seu libro: "O pensamento político de Ramón Piñeiro". Fálanos dese libro que contén a traxectoria política deste personaxe tan interesante da nosa cultura galega. Tamén estudou, traballou e escribiu sobre a figura de don Vicente Risco, outro galeguista que paga a pena ler, segundo nos fala na peqeuna conversa que mantivemos. Agradecémoslle a súa participación e prometémonos voltar a contactar con el para seguirmos sabendo máis da nosa historia de das súas investigacións.

dona Lucía Araújo

A continuación escoitamos outro bocado de música e poñémonos en contacto con dona LUCIA ARAÚJO JORGE, da Freguesía Pitöes das Júnias, onde van a celebrar as "12 Jornadas Galego-Portuguesas". Infórmanos das diferentes actividades e visitas qeu se poderán facer naquel recuncho feiticeiro, das Conferencias e propostas que se realizarán durante os dís 11 e 12 de maio. Paarticiparán, entre outros; Carlos Carneiro, Dulcinea Pintos, Santi Bernardo, Samuel F.Pimenta, Paulo Marinho... etcétera. Tamén haverá visitas guiadas, gastronomía e outras actividades. A participación e asistencia será completamente gratuita. Agradecemos a amable atención.

Francisco

Recibimos nos estudios a FRANCISCO RODRÍGUEZ ÁLVAREZ, que nos ven a presentar o libro: "VILLASECO, Memorias de mi juventud". Precisamente o día 23 de abril tamén presentará este libro na Asociación "Airiños da Nosa Galicia" de Santa Coloma de Gramenet. Compartirá mesa co noso anterior convidado. Este libro é a recolleita do que escribiu precisamente o seu pai, Amable Rodríguez Ferrero. Despois falaremos con máis detenemento.

Escoitamos outro bocadiño de música e poñémonos en contacto con dona EVA VEIGA, Periodista, Poeta, Licenciada en Filoloxía Inglesa, grande comunicadora e presentadora na Televisión de Galicia. Ten recibido moitos Premios polo seu traballo, pero hoxe quixemos parabenizala porque acaban de entregarlle, recentemente, un Premio nos Mestre Mateu. Agradecémoslle que nos atenda tan amablemente. Fálanos das cousas nas que está a traballar ultimamente, da presentación do libro que escribiu, conxuntamente con Francisco X.Fernández Naval "Fragor do Urdido", publicado pola Editorial Belagua. Unha conversa moi agradable e chea de engado.

Dámoslle paso á presentación do libro que antes mencionamos: "Villaseco, Memorias de mi juventud", que é plasmación do que escribiu o pai de Francisco Rodríguez Álvarez, que precisamente nos agasallou. Coméntanos cómo se fraguou esta publicación, cómo se presentou xa en Viana do Bolo no verán do ano pasado, do grande éxito acadado, da repercusión que tivo naquela zona, precisamente esa localidade de "Vilaseco da Serra" é unha poboación de Viana do Bolo. Falounos das vicisitudes e do sorprendente que lle resultou a moita demanda que acadou esta publicación. Desexámoslle moito éxito e agradecémoslle a visita que nos prodigou. Voltaremos a convidalo para que participe, outra vez, con nosoutros no programa.

Recibimos ao noso colaborador XOAN ARCO DA VELLA, tamén se une á emisión HENRIQUE FdeZ-MON SÁNCHEZ, que tiña previsto participar na conversa anterior, pero retrasouse por culpa do tráfico. E dámoslle a ben-vinda a MERCÉ ALEGRÍA. Comentamos algunhas cousas do traballo Xoan, que nos adianta algo co que nos informaremos máis polo miudo con Mercé. É autora de varios libros. Coméntanos algo sobre o último que tamén presentará o día 10 de maio na Biblioteca de Rubí: "Trece Ocas". Un traballo que versa sobre o simbolismo e a maxia do Camiño. Agradecémoslles a participación de todos eles no programa de hoxe.

Despedímonos ate o vindeiro sábado á mesma hora.

 

Deixamos aquí o programa enteiro.

 

SÁBADO 13 de ABRIL do 2024

Outro sábado máis con todos vosoutros. Comezamos coa nosa sintonía de sempre, as salutacións oportunas e un bocadiño de música para recibir ao noso correspondente na Costa da Morte OSCAR MANUEL REY CALO, que nos comunica as diversas noticias acontecidas, durante a semana, naquela contorna e que se poden ampliar más detidamente na páxina quepasanacosta.gal, ademais volve a informar que este noso programa re-emítese mañá, domingo, na emisora "Radio Roncudo" a partir das dez da mañá. Agradecémos a súa aportación e desexamos unha boa fin de semana.

Conectamos agora con ANGELA COSTAS PARADA, Pintora galega, Ilustradora de grande prestixio, que foi elixida para ilustrar o libro de poemas premiados nos 5 últimos anos do Certame Internacional de Poesía Galega Rosalía de Castro de Cornellà. Cóntanos as súas experiencias creando ilustracións e aportacións feiticeiras para moitos autores, tanto de narrativa como poética. A súa inspiración e traballo creativo plásmase nunha imaxe que ela atopa na lectura das poesías ou un personaxe que se menciona nos textos que lle propoñen. Agradecémoslle a súa participación de hoxe e desexamos que teña moitos éxitos.

Seguimos escoitando un pouco de música e damos a coñecer as actividades que ten previsto realizar a nosa Asociación C.G.Rosalía de Castro de Cornellà, durante este mes de abril e o mes de maio, que é onde se centran as máis importantes: A Festa Galega de Can Mercader, para a fin de semana do 31 de maio, 1 e 2 de xuño. Actuación estelar de Hevia para o día da "Noite Celta", coa participación das nosas "Rosalieiras", que tamén actuarán o sábado pola noite e o domingo de clausura da Festa Galega.

 

Conectamos coa nosa correspondente nos Ancares Lugueses, concretamente en Becerreá, FERNANDA FOLLANA NEIRA, que ten preparada unha intervención, a modo de crónica, para informarnos de varias e interesante novidades, entre a que destacamos a que se refire a "Asociación Ribeira Cervantega", que anotamos para poder conectar con eles e facerlles unha entrevista para saber cómo e a qué se dedican. Agradecemos a súa colaboración e despedímonos con música.

Falamos agora con XOAN ARCO DA VELLA, que nos informa da súa última visita por terras de Ourense, concretamente pola zona de San Cristobo de Cea, concretamente na aldea de Fatón, onde atopou un horreo que contempla a peculiaridade de ter esculpido un peto de ánimas. En posteriores días, na súa páxina publicará as fotos que lle fixo a ese elemento "curioso" na aldea mencionada. Coméntanos o xantar que estivo degustando e que leva no auto dúas pezas do famosísimo pan de Cea.

Continuamos o programa saudando aos seguidores e oíntes asíduos que nos mandan os seus "Me ghustan" polas redes sociais que estamos empregando para emitir o programa, concretamente dende facebook. Mencionamos ao noso incondicional Christian Salles, dende Río de Xaneiro, a miña prima Olga Vázquez dende Buenos Aires; o matrimonio Máximo e Mercedes, dende Suiza; a nosa seguidora Fina, dende Miami... ¡Moitas grazas a tod@s!

Falamos con PEPE FORMOSO, do Hotel Literario "Bela Fisterra" do hostal "Bela Muxía", que nos informa da decisión que tomaron de nomear a MARILAR ALEXANDRE, como "Madriña" da habitación Marea Viva, en sustitución de Juan Carlos Mestre, o anterior "padriño" da mencionada habitación. Tamén nos adianta outras interesantes novidades relacionadas co asunto literario e outros eventos importantes e de grande interese... mándanos un saúdo dende Mazaricos, terra dos seus avós.

Despedímonos de tódolos nosos oíntes e seguidores ata o vindeiro sábado á mesma hora.

Recibimos a crónica do noso correspondente nas Rías Baixas, concretamente dende Combarro, XULIO SIMÓN RÚA, que sempre ven acompañada con asuntos culturais moi interesantes e finaliza coa proposta de escoitar unha peza de música escollida por el mesmo.

Deixamos aquí o programa enteiro.

SÁBADO 6 de ABRIL do 2024

Unha nova emisión, despois das "ferias de Semana Santa". Comezamos coa nosa sintonía, as salutacións e propoñemos escoitar a participación do noso incondicional ointe, dende Río de Janeiro, CHRISTIAN SALLES, que nos adianta o tema que imos a tratar hoxe, co noso primeiro convidado.

Tal e como lles adiantabamos, escoitamos o comezo dunha nova peza musical e poñémonos en contacto con MODESTO FRAGA MOURE, escritor, investigador e poeta de Fisterra. Parabenizámolo polo seu traballo tan interesante relacionado coa "Biblioteca de Fisterranía". Xa leva publicado tres volumes de persoeiros sobranceiros daquelas terras. Este último recolle a vida e grandes obras de "Don Emérito" o Médico dos pobres: Desiderio Paz Figueroa. Mantemos con el unha conversa.entrevista chea de engado e aprendizaxe. O seu traballo céntrase e deixar documentado e recollido todo o material relacionado cos personaxes daquela contorna. Unha grande laboura, que continúa e que seguro terá moitos éxitos. Agradecémoslle a súa participación no noso programa de hoxe.

Continuamos o programa e recibimos a dona MARÍA LUISA ABAD, Presidente do "Ateneo Atlántico" de Vigo. Mestra, Licenciada en Filosofía e Letras e en Pedagoxía,Asesora de Educación Infantil, Orientadora escolar, Poeta e Escritora. Felicitámola polo traballo que está levando a cabo no Ateneo, e fainos partícipe das actividades previstas para este mes de abril, que comprenden exposicións, presentacións de libros, recitais poéticos, visitas culturais,  cinemAteneo, club de lectura... etcétera. Todo un compendio de Cultura Galega de calidade. Agradecémoslle a súa particpación e desexamos que colleiten moitos éxitos.

 

Escoitamos outra peciña musical e poñémonos en contacto con XOSÉ RODRÍGUEZ DÍAZ, Secretario da Fundación Vicente Risco de Allariz. Temos noticia das moitas actividades que veñen desenvolvendo ultimamente, pero na conversa con el recibimos información detallada dos próximos acontecementos, todos relacionados coa Fundación: Hoxe mesmo, pola mañá, presentación do libro de María Reimondez: A casa do amo; Espectáculo "A todo RISCO" do actor Avelino González, que realizará no Cole de Cea o próximo día 8 e máis cousas cheas de interese, que escoitaredes na conversa mantida.

 

A seguinte é a participación do noso colaborador "viaxeiro fotógrafo" XOAN ARCO DA VELLA, que nos comenta as últimas visitas que estivo realizando estes días pasados. Hoxe ven de recorrer as terrasa de Salceda de Caselas, parándose en Porriño para fotografar un recuncho de grande interese, que próximamente publicará na súa páxina. Agradecémos a súa aportación.

Despedimos o programa porque temos o compromiso de achegarnos ao Centro Galego de Barcelona, que está actuando o noso admirado amigo "Alberte Montes".

Antes de finalizar deixamos aquí a crónica semanal do noso correspondente nas Rías Baixas, XULIO SIMÓN RÚA, que sempre nos aporta información cultural moi interesante.

Deixamos aquí o programa enteiro.

SÁBADO 16 de MARZO do 2024

Este sábado tivemos que facer unha emisión especial e algo diferente. Non pudiamos facer o programa en directo porque tiñamos interpretación teatral no "Auditorio de San Ildefonso" de Cornellà. A compañía de Teatro de Aficcionados "Anduriña" puxemos en escea a obra adaptada "Cinderela e os Postres de El Rei". Consiste nunha posta en escea do conto de Cinderela, pero á nosa maneira, dándolle un "tinte" moi feminista e reivindicativo, no que puxemos todo o interese, sendo que ademia foi un dos actos convocados polo Concello de Cornellà para homenaxear a tódolas doonas. Así pois este noso programa "enlatado" tan ´so contou con poucos participantes. Seguro que disfrutarán co que fomos capaces de compartir. A primeira intervención foi a do noso correspondente nas Rías Baixas, concretamente dende Combarro, XULIO SIMÓN RÚA.

Despois escoitamos outro bocadiño de música e poñémonos en contacto co noso Presidente, OLIVER FERNÁNDEZ,  da Asociación Cultural Galega Rosalía de Castro de Cornellá. Dámoslle a ben-vinda e agradecémoslle que interveña hoxe, despois dese susto-accidente que sofriu esoutro día e que tantas persoas se interesaron por el. Ao parecer, segundo nos conta, foi un momento bastante delicado. Tiveron que operalo durante máis de cinco horas, na perna esquerda e o brazo esquerdo tamén. Deberá estar inmobilizado durante un tempo, pero a diagnose que lle deron os médicos é bastante alentadora e seguro que poderá asistir ao Teatro deste sábado no Auditorio de San Ildefonso, onde se interpretará a obra: "Cinderela e os Postres de El Rei". Agradecémoslle a súa intervención e desexamos que teña unha pronta e boa recuperación.

Mantemos unha conversa co noso "Correspondente-viaxeiro" XOAN ARCO DA VELLA, que nos tiña prometido falar das Minas de Wolframio en Galicia, e que el mesmo percorreu e buscou documentación naquelas que visitou, ademais de falar con moitas das persoas que aínda lle lembraban e recordaban algunhas enecdotas e outras peripecias que aconteceran naquela época tan convulsa e de guerra mundial. El mesmo nos indica que hai moita documentación e pódesen atopar en Internet moitos lugares de interese que informan bastante detalladamente dese acontecemento que en Galicia chegou a ter moita importancia e repercusión. Agradecémoslle a súa aportación no noso programa.

Conectamos con MARISOL PALOMO, que nos fala do CD: "Cen Voltas" da galega-belga VERÓNICA CODESAL, que estivo presentando perante un bo tempo por Galicia adiante. Está nominado para ser premiado por "ARITMAR", e polo tanto convida a tódolos oíntes e seguidores que se poñan na páxina indicada e voten por ese CD, xunto con outros dous, que así é como se vota. Desexamos que continúe con ese proxecto e que siga colleitando moitos éxitos.

Falamos agora co noso compañeiro ARMANDO FERNÁNDEZ, que aínda convaleciente, por mor dunha pequena indisposición, non puido achegarse aos estudios, pero quere participar no programa de hoxe, para compartir con todos nosoutros uns minutiños de emisión e programa. Despedímolo con múasica, como facemos con tódolos nosos interviñentes.

Seguimos a escoitar máis música e aproveitamos unha das pezas para despedirnos ate o vindeiro sábado á mesma hora. ¡Que teñan unha feliz semana!

Tamén deixamos aquí o programa completo.

SÁBADO 9 de MARZO do 2024

Un sábado máis con todos vosoutros. Hoxe non podemos contar coa participación do noso compañeiro Armando Fernández, que está convaleciente dunha pequena crisi médica, e dende aquí lle enviamos os nosos desexos de que pronto se poida recuperar e reincorporarse con nosoutros. Despois da sintonía, das salutacións e a escoita dunha peza musical, poñémonos en contacto co noso correspondente na Costa da Morte, OSCAR REY CALO, que sempre nos debulla unha escolla das noticias que podedes ampliar na súa páxina quepasanacosta.gal, tal e como informamos cada semana. As celebracións, con motivo do día internacional da dona, foron as noticias máis abundantes esta semana, xunto con outras que, como xa dixemos podedes ler na páxina antes mencionada. Desexámoslle unha feliz semana.

A segunda intervención é a de ZELTIA MATEO ÁLVAREZ, unha Peluqueira-Maquilladora de Quiroga, que ven de ser a gañadora do Cartel que anuncia a "XLII Feira do viño de Quiroga". Felicitámola e mantemos con ela unha pequena conversa sobre o seu traballo e a súa creatividade relacionada coa peluquería e maquillaxe. Ese cartel, concretamente foi confeccionado con materiais de maquillaxe, unha novidade moi interesante, algo que non se tiña realizado ate o dagora. A súa faceta de "Peluqueira á Domicilio" ten moito de atención personalizada e de atención aos maiores, nas aldeas da contorna. A súa entrega e traballo no rural, segundo nos comenta, é moi enriquecedor non só pola amabilidade con que a reciben, senón tamén polas mostras de cariño e outras satisfacións personais que lle entregan. Sempre veño pra casa con algunha cousa coa que me agasallan. Desexamos que siga colleitando éxitos.

Despois conectamos con FRANCISCO LÓPEZ FRANCO "CHESQUI", máis coñecido por "Chesqui",  Secretario do Partido Galeguista en Galicia. Fálanos da visita que realizaron a Euskadi, con motivo dunha celebración homenaxeando ao noso insigne Alfonso Daniel R.Castelao. A Presidenta das Xuntas Xerais de Bizkaia, Ana Otadui, recibiu en sede parlamentaria, a unha ampla delegación do Partido Galeguista. Ao día seguinte, foron recibidos polo Lehendakari IÑIGO URKULLU en Vitoria-Gasteiz. Recibimos unha cumprida información desta noticia e doutros aconteceres naquelas terras irmáns, moi interesantes para os nosos oíntes e seguidores. Agradecémoslle a participación no programa de hoxe.

 

Falamos con AMPARO CENTENO PRIETO, socia da nosa Asociación C.G.Rosalía de Castro de Cornellà, que tamén pertence ao colectivo "Cornellà per las Donas". Fainos partícipe das moitas e importantes actividades que o Consell de la dona de Cornellá, ten previsto realizar con motivo do día Internacional da Muller. Onte fíxose unha concentración na praza do Concello, coa lectura do manifesto e grande afluencia de persoas. Unha data moi importante será a do 16 de marzo próximo, na que participa, como cada ano a nosa Asociación e que consiste na posta en escena da obra. "Cinderela e os postres de El Rei". Baseada nun conto, pero que ten unha mensaxe feminista importante. Agradecémoslle a súa amablea atención.

 

Continuamos a emisión e recibimos a crónica da nosa correspondente nos Ancares Lugueses, concretamente dende Becerreá, FERNANDA FOLLANA NEIRA. Fálanos da publicación no xornal "La Voz de Galicia", dun traballo de investigación relacionado coa minería: "Becerreá 1.900, a febre do ouro. Unha compañía de Londres estableceuse na vila, para explotar o mineral, o que se converteu nunha euforia colectiva na zona. Este traballo é unha descuberta da que moitos non tiñan noticia.

Conectamos novamente con Galicia para falarmos con PEPE FORMOSO, do Bela Fisterra e do Bela Muxía, dous establecementos hostaleiros de prestixio na Costa da Morte. A nosa chamada é para que nos fale das moitas e interesantes noticias arredor da súa tarefa informativa en Radio Neria "Falar sen cancelas" e tamén doutros acontecementos relaciondos coa cultura en xeral e en particular coa exposición prevista no Bela Muxía, e outra moi importante e interesantísima que nos adianta, en primicia prevista para o mes de xuño, para tódolos nosos oíntes e seguidores. Agradecémoslle a súa participación e desexamos que siga colleitando éxitos nas súas empresas.

Escoitamos a definición de "galego" a cargo de Moncho Borrajo, en castelán, pero que paga a pena pola súa retranca e tan axeitada definición. En vindeiras datas trataremos de facerlle unha entrevista.

E finalizamos coa crónica do noso correspondente nas Rías Baixas, concretamente Combarro, XULIO SIMÓN RÚA, na que recibimos varias e interesantes novidades culturais da zona.

Deixamos aquí o programa completo.

SÁBADO 2 de MARZO do 2024

Outro sábado máis con todos vosoutros. Escoitamos a nosa sintonía de sempre e despois das salutacións de rigor, escoitamos outro bocadiño de música e recibimos nos estudios a MANUEL RODRÍGUEZ JULIÁN, grande amigo, que foi o primeiro director deste noso programa "Semprengalicia". A súa visita débese a que é un dos compoñentes da "Compañía de Teatro Anduriña" da Asociación C.G.Rosalía de Castro de Cornellá., e que dirixe moi acertadamente GISELA RODRÍGUEZ Conversamos acerca da próxima posta en escena da obra. "Cinderela e os postres de El-Rei", unha obra-conto adaptada precisamente pola propia compañía "Anduriña", que se interpretará o día 16 de marzo na Biblioteca, mellor dito no Auditorio de San Ildefonso, a partir das 18h. Os interesados deben ir a recoller ás entradas á Sé da nosa Entidade, na rúa Federico Soler. As entradas son gratuítas, ata completar o aforo. Desexamnos poder disfrutartodos deste evento, programado dentro das actividades relacionadas co día da dona, en colaboración co Concello. Despois da representación teremos a consabida degustación de produtos epetiscos preparados polas donas da entidade, como cada ano.

Oscar Rey

A segunda intervención é a do noso correspondente na Costa da Morte, OSCAR REY CALO, que cada semana ten preparada unha crónica con noticias e novidades relacionadas con aquela contorna, e que,  como vimos dicindo cada vez que conectamos, pódense ampliar estas e outras cousas na páxina quepasanacosta.gal, e que esta emisión re-emítese o domingo a partir das 10 da mañá en Radio Roncudo. Unha honra para todos nosoutros saber que nos escoitan en Galicia, grazas á súa colaborción. Tamén temos que informar que o luns a partir das 15h volve a re-emitirse o programa en Radio Fene.

David Carreira

A continuación falamos con don XOSÉ CARREIRA, pai do rexente David do Restaurante Asador MANDUCA, en Mazaricos. Conversamos con el para coñecer un bocadiño máis sobre a "25 FESTA do BOLO do POTE", que se celebra esta fin de semana no Concello de MAZARICOS. Agradecémoslle a súa amable atención. Tamén nos da a coñecer, un pouco do seu traballo de restauración, moi centrado nos asados e produtos de tempada, no que se refire aos peixes e outros podutos. Desexamos que teñan moito éxito nesta celebración que están a disfrutar.

Xoan Arco da Vella

Poñémonos en contacto co noso colaborador XOAN ARCO DA VELLA, que neste caso ten varias curiosidades interesantes que comentarnos. A primeira está relacionada coa costrución dunha torre cadrada cun reloxo con tres esferas, sito no concello de Arnoia (Ourense). É un agasallo que lle fixeron os emigrantes que estaban en Uruguai, procedentes desta zona. Servía para que os veciños puideran comprobar o horario das regas e emrpego das augas. Tame´n nos comenta as fotos que publicou relacionadas co Peto das ánimas nunha poboación cercana, en Crecente concretamente lo lugar de Agundes. Quedamos en poder manter unha conversa moito máis ampla relacionada coas minas de Wolfram que existen en Galicia. Agradecémoslle a súa aportación.

Escoitamos a crónica do noso correspondente nasa Rías Baixas, conctretamente dende Combaroo, XULIO SIMÓN RÚA, que sempre nos deleita coa súa aportación cultural e novidosa, despedíndose coa proposta de escoita musical sempre moi axeitada.

 

Deixamos aquí o programa completo.