SÁBADO 25 de FEBREIRO do 2023

Outro sábado máis con todos vosoutros. Dúas horiñas de Radio en Galego, que comeza coa nosa sintonía de sempre e as salutacións oportunas. Ofrecémoslle un bocadiño de música de ben-vinda e a continuación conectamos co noso correspondente na Costa da Morte, OSCAR REY CALO, que nos fai partícipes da súa crónica semanal escollendo algunhas noticias interesantes que se atopan recollidas na páxina quepasanacosta.gal. Agradecémoslle a súa aportación no día de hoxe.

Poñémonos en contacto con AMPARO CENTENO, que forma parte do Consell Municipal das Donas de Cornellà e unha socia moi implicada na A.C.G."Rosalía de Castro". Participa moi activamente nas actividades  da Asociación de donas e tamén axuda na coordinación dalgunhas actividades na nosa Entidade. Danos cumprida información das moitas actividades que teñen previstas no Concello para celebrar o día das "donaas traballadoras", que comezarán o día 28 deste mes de febrreiro e finalizarán o 25 de marzo. Destaca a "Conferencia" que se realizará na A.C.G. Rosalía de Castro o día 18 de marzo, a cargo de ANDREA NUNES BRIONES, baixo o título: "Todas as mulleres que son. Cartografía poética". Ao finalizar serviranse uns aperitivos e doces confeccinados polas donas da Entidade.

Falamos con JUAN PEDRO SÁNCHEZ, Presidente da Asociación de Bercianos en Cataluña (ASOBECAT) que teñen a celebración do "XIX Festival del Botillo-20023" mañá mesmo, no Hotel Front Air, de SAnt Boi de Llobregat. Están traballando nos últimos detalles e infórmanos que xa non caben máis convidados e participantes. Actualmente teñen confirmados nada menos que cuatrocentos asistentes. Ao parecer, ademais de disfrutar dese producto berciano tan especial, os asistentes recibirán algúns agasallos que aportará o Concello de Vega de Espinaredo, xunto con outros sorteos con produtos bercianos. Desexámoslles moita sorte.

Xurxo e un boteiro

Seguimos o programa e falamos con JORGE MINAS DOMÍNGUEZ COUSO, Presidente da Asociación Robreda e da Asociación de "Folións Rurais". É un entusiatas recolector de documentación específica desta tradición tan arraigada e moi ben conservada naquela contorna. Temos que agradecerlle a súa aportación e coñecementos relacionados cos Entroidos, Folións e Comparsas da zona. Tamén nos informa da próxima celebración da "Mazcarada Ibérica" prevista para mediados do mes de marzo, e que se realiza dende fai uns anos en Viana do Bolo e Vilariño de Conso. Foi precisamente Xurxo o seu creador, promotor e coordinador xeral. Desexamos que sigan tendo moita sorte e moitos éxitos.

Conectamos co noso poeta da Mariña Luguesa, PACO RIVAS, que sempre ten unhas palabras e conversa moi agradable. Particípanos que ten en imprenta un novo libro de "haikus" e outro que titulará: "Postdata - Quérote". En próximas conexións e conversas que seguiremos, continuaremos recibindo información da publicación deses traballos e seguro que nos agasallará con algunha das súas creacións poéticas.

Falamos agora con OSCAR DE SOUTO, poeta en Ponteceso. Alegrámonos polo seu traballo de divulgación poética nas Radios da Costa da Morte, co seu programa "Faros". Tamén nos indica que está a realizar unha labor informativa e comunicativa moi interesante, relacionada cos Concellos, en Radio Neria, Radio Roncudo e Radio Garden. Desexámoslle moita sorte nesa andaina comunicativa.

E despedímonos coa lectura da poesía de "Rosalía de Castro": "Minha Casinha, meu LAR", que é a nosa homenaxe no día de Rosalía que se lecebrou o pasado día 23 de febreiro.

Colocamos aquí o programa enteiro.

SÁBADO 18 de FEBREIRO do 2023

Voltamos a informarlles de que o noso programa reemítese en Radio Roncudo e Radio Neria os Domingos pola mañá, e en RADIOFUSIÓN os luns ás 15h. "Radio Cornellá en Galicia".

Alfonso e Juan Pedro

O programa de hoxe comezámolo, coma sempre coa nos sintonía, dándolles a benvida e despois de escoitar un bocadiño de música conectamos on JUAN PEDRO SÁNCHEZ, Presidente da Asociación de Bercianos en Cataluña, para comentar con el a celebración do XIX Festival del Borillo-2023 no Hotel Front Air de Sant Boi. Concretamente será a celebración o vindeiro domingo día 26, un xantar excepcional con ese producto típico do Bierzo, acompañados dos Homenaxeados "Bercianos Ilustres" diste ano: don Victor García Alonso (do Mesón del Bierzo) e dona María Luisa Picado, xunto co Concello de Vega de Espinaredo. Os viños serán de Adegas Gancedo, do Bierzo, e os botillos de Embutidos Santa Cruz de Montes. Mención especial a Vallelongo, colaborador berciano. Desexamos que teñan moitos éxitos.

O seguinte convidado é don DOMINGO GONZÁLEZ LORENZO, "CHEF" do Balneario Caldaria en Lobios. Coa súa participación sabemos algo máis dese extraordinario manxar único e diferente "A Lamprea", que él mesmo cociña cun esmero e delicadeza persoal, posto que o prepara á bordalesa, pero con viño do ribeiro e cogumelos galegos, en pago de viño de burdeos. Tamén nos fala doutros pratos moi especiais, cabra montesa, perdiz... é dicir fainos querer e aprezar, un bocadiño máis, a nosa gastronomía galega. Precisamente nos envía unha foto (que non podemos compartir agora aquí) dun postre que acaba de confeccionar: "falso erizo de mar". ¡Moitas grazas Domingo! Que sigas colleitando moitos éxitos!

Continuamos o programa con outro bocadiño de música e conversamos agora co Ilmo.Sr.Alcalde de Viana do Bolo, don ANDRÉS MONTESINOS, para que nos fale da "51 Festa da Androlla-2023". Mañá, domingo gordo, é o día en que se xuntan os folións de 21 núcleos do Concello, acompañados de comparsas, boteiros e moitísimas persoas para disfrutar dese xantar "A Androlla" que preparan con tanto esmero. Unha celebración aompañada de charangas que animan esa xuntanza con máis de tres mil asistentes, sin contar coas persoas que seguro encherán os Restaurantes da vila e dos arredores. Desexámoslle moita sorte.

Conectamos agora co noso colaborador e amigo HENRIQUE FDEZ-MON SANCHEZ, que sempre ten algunha cousa interesante que comentar con nosoutros. Coméntanos que está rodeado de Adegas de grande prestixio na Ribiera Xacra, e descríbenos unha en especial "Adega Terra Brava", que posúe un "acaneadoiro", bambán ou carriola, máis coñecido como "columpio", que seica se precisa pagar para poder montarse nel, pero que paga a pena porque semella que estés bambeándote enriba mesmo do embalse do río Sil. Agradecémoslle a súa colaboración e participación no noso programa e desexamos que teña un feliz Entroido!

Recibimos a crónica do noso correspondente na Costa da Morte, OSCAR REY CALO, que, coma sempre, é un resumo moi ben escollido das novidades e noticias que se poden ampliar na páxina quepasanacosta.gal, onde se recollen tódolas informacións relacionadas con aquela contorna.

A seguinte intervención é a do noso colaborador LUÍS LOSADA, que dende Pontevedra envíanos a súa aportación Literaria: "Palabras Voadoras" falando de María Casares. Un libro de Arancha Estévez recentemente publicado que nos convida a ler, e coa que posiblemente tentaremos conectar, en vindeiras datas, para entrevistala e que nos descubra algunha cousa máis sobre a súa obra creativa. Moitas Grazas, Luís.

Colocamos aquí o programa completo:

SÁBADO 11 de FEBREIRO Do 2023

Queremos lembrarlle aos nosos oíntes e seguidores que este programa reemítese en Galicia, os domigos por Radio Roncudo e os luns por Radio Fusión.

Outro programiña máis con todos vosoutros. Comezamos escoitando un bocadiño de música e poñémonos en contacto co noso correspondente na Costa da Morte, OSCAR REY CALO, que nos fai a súa crónica semanal cun resumo de noticias escollidas. Os que desexen ampliar estas informacións poden facelo consultando a páxina quepasanacosta.gal.

Despois de escoitar outro bocadiño de música poñemonos en contacto con dona MERCEDES VÁZQUEZ SAAVEDRA, unha fotógrafa de grande prestixio e grande coñecedora das Máscaras e Entroidos de Galicia e Portugal. Concédnos uns minutiños para informarnos precisamente da visita recente ao pobo de Bemposta-Mogadouro, na raia Portuguesa, que tivo a celebración dun desfile de Máscaras moi interesante. Agradecémoslle a súa amable atención.

Seguidamente poñémonos en contacto con PABLO GARCÍA - CHICHAS, locutor e comunicador en Radio Estrada, a quen felicitamos porque foi o conductor da Celebración do día dos Medios en Galego, que se celebrou o día 7 de febreiro pasado. Agradecémoslle a súa participación de hoxe no noso programa.

Continuamos, a segunda hora conectando con JOSÉ CEREIJO SOTO, das Adegas e Viñedos Gancedo, no Bierzo. Tamén conectamos con JUAN PEDRO SÁNCHEZ, Presidente de ASOBECAT (Asociación de Bercianos en Cataluña, que celebrarán o "XIX Festival del Botillo 2023" o día 26 de febreiro no Hotel Front Air de Sant Boi. Os viños Mencía e Godello das Adegas Viñedos Gancedo serán os que se degustarán nese xantar do botillo. Felicitámolos e mantemos unha conversa-entrevista desexando que teñan moitos éxitos nesa celebración gastronómica.

Despois escoitamos á nosa correspondente nos Ancares Lugueses, FERNANDA FOLLANA NEIRA, que nos fala do tempo, da marcha cicloturista do cocido, da reportaxe a Ramón, de Ramiro e as clebracións de misa en galego...

 

A continuación temos a intervención do noso correspondente nas Rías Baixas, concretamente dende Combarro, XULIO SIMÓN, que nos fai a súa crónica semanal.

Aquí deixamos a gravación completa do programa de hoxe.

SÁBADO 4 de FEBREIRO do 2023

Noticia de importancia para tódolos nosos oíntes e seguidores: este programa reemitirase a partir da semana próxima, tódolos luns ás 15 horas en RADIOFUSIÓN - GALICIA.

Unha emisión máis deste noso programa de dúas horas en galego: "Semprenglaicia". Despois da sintonía e das salutacións oportunas, escoitamos un bocadiño de música e conectamos co noso correspondetne na Costa da Morte: OSCAR REY, que ten preparada a súa crónica semanal resumida. Podedes ampliar estas informacións e novidades  na páxina que sempre recomendamos: quepasanacosta.gal, onde se recollen as noticias máis precisas relacionadas coa Costa da Morte.

A continuación conectamos con JUAN PEDRO SÁNCHEZ, Presidente de ASOBECAT (Asociación de Bercianos en Cataluña) que están a presentar o "XIX Festival del Botillo 2023". Unha rolda de prensa á que asisten socios, amigos e simpatizantes desta emblemática Asociación, que están a celebrar no Hotel Front Air, de Sant Boi. Precisamente neste lugar será onde se celebrará este xantar do Botillo. A súa intervención é para dar a coñecer as personalidades elixidas como "Bercianos Ilustres", que son Victor García Alonso, Mª Luísa Picado Silva e o Concello de Vega de Espinareda.

 

Uns comentarios para irmos dando paso a outro bocadiño de música.

Conectamos con Galicia para falar con Rubén Fernández, de CASA  CASTELAO, que este ano participará na "XXVI Feira do Butelo da Fonsagrada" cos seus productos, os días 11 e 12 de febreiro. Fálanos da súa empresa, dos productos que sirve no só en Galicia senón en toda a Península e máis alá das nosas fronteiras. Agradecémoslle a súa a mable atención e desexamos que teña moita sorte.

Conversamos co noso poeta da Mariña Luguesa, PACO RIVAS, que sempre participa connosco nesta emisión radiofónica.

Despedímonos ate o vindeiro sábado á mesma hora.

A última intercvención é a do noso correspondente nas Rías Baixas, concretamente dende Combarro, XULIO SIMÓN, coa súa aportación cultural moi acertada, para disfrute de tódolos nosos oíntes.

Aquí podedes escoitar o programa completo:

SÁBADO 28 de XANEIRO do 2023

Un sábado máis con todos vosoutros para ofrecervos este programiña de dúas horas en galego. Comezamos coa nosa sintonía, as salutacións de rigor e a continuación, despois de escoitar, en primicia o novo CD de María do CEO: "Galicia NAI", poñémonos en contacto co noso correspondente na Costa da Morte, OSCAR REY, que nos fai partícipes das noticias escollidas relacionadas con aquela zona. Xa saben que poden ampliar estes datos na páxina "quepasanacosta.com".

Continuamos coa escoita doutra peza do último CD de María do Ceo e agora conectamos novamente con Galicia para falar coa Sra.Alcaldesa do Concello de Vilariño de Conso, dona MELISA MACIA DOMÍNGUEZ, que nos recibe moi amablemente e ponnos ao corrente da próxima celebración da "34 FESTA do Cabrito 2023" prevista para o día 18 de febreiro, que xunto co Entroido de Vilariño, está declarada "Festa de Interese Turístico de Galicia". Mantemos unha conversa-entrevista moi interesante e chea de informacións moi importantes para todos aqueles que desexen visitar ese Concello da montaña Ourensana. Fálanos da gastronomía, da xeografía chea de encanto, dos encoros (das Portas, do Zenza e da Edrada), da bica, do postre especial "Montonico"... ... e convida a tódolos nosos oíntes e seguidores que se acheguen a Vilariño en calquera época do ano que serán ben recibidos, pero que no Entroido e na Mazcarada (no mes de Marzo) son datas impresionantes para disfrutar de algo moi particular e único. Desexamos que teñan moita sorte.

O seguinte convidado é CARLOS PARDO, da Empresa "Vallelongo", que será un dos colaboradores do "XIX Festival del Botillo" en Cataluña, organizado pola ASOBECAT (Asociación de Bercianos en Cataluña), previsto para o día 26 de febreiro próximo. Fálanos dos productos que elaboran e da súa participación neste evento ao que aportará algúns dos seus elaborados productos. Desexámoslle moitos éxitos e agradecémoslle a súa participación no programa de hoxe.

Recibimos agora a colaboración da nosa correspondente no Ancares Lugueses, FERNANDA FOLLANA NEIRA, que tamén ten preparada a súa aportación informativa cunha documentación moi interesante. Despedímola con música de María do Ceo.

Falamos agora co noso Poeta da Mariña Luguesa, PACO RIVAS, que nos agasalla coa declamación de dúas das súas creacións poéticas. Agradecémoslle esa lectura que compartimos con tódolos nosos oíntes e seguidores.

Despedímonos ate o vindeiro sábado á mesma hora.

E colocamos, no final, a crónica do noso correspondente nas Rías Baixas, concretamente en Combarro, XULIO SIMÓN, que fai un percorrido cultural moi engaiolante, despedíndose cunha peza musical elixida por el mesmo.

Deixamos aquí o programa completo.

SÁBADO 21 de XANEIRO do 2023

Un sábado máis con todos vosoutros tentando "amenizar" estas dúas horiñas de radio en galego. Despois da sintonía de conexión e das salutacións de comezo conectamos co noso correspondente na Costa da Morte, OSCAR REY, que nos ten preparada unha crónica resumida de informacións e noticias interesantes daquela contorna. Coma sempre recomenda que se acheguen á páxina quepasanacosta.gal, onde poderán recibir unha maior e máis completa información das noticias.

 

A segunda convidada é ANDREA NUNES BRIÓNS, Profesora, Filóloga, Escritora e Poeta galega, que acadou o 3º Premio no "XXXVI Certame de Poesía Rosalía de Castro" co poema que leva por título: "Incríbel pero certa". O Xurado dixo deste poema o seguinte: Unha reescrita dende o feminismo. Cultura popular. Amor non tóxico con tintes de bixesualidade. Representa un amor plural. Escrita transgresora pero non ofensiva, que vai do universal ao particular. Moderna, diferente. Recíbenos moi amablemente e mantemos unha conversa moi entretida e interesámonos pola súa traxectoria creativa. Está a piques de publicar un novo poemario. Convidámola a que se achegue a Barcelona para presentalo no Sant Jordi. Agradecémoslle o agasallo que nos fai recitando un poema dos seus. Seguiremos en contacto.

Continuamos a emisión e poñémonos en contacto co noso amigo HENRIQUE FDEZ-MON SÁNCHEZ, que nos reciben, recén chegado dunha súa viaxe a Vigo. Coméntanos as súas vivencias do traxecto en tren dende esa localidade ata Monforte de Lemos, que lle lembra aquela fermosísima canción de Andrés Dobarro: "Tren que me leva pola beira do río... ..." Unha intervención saudosa e de recordos que algúns delas conforman parte da historia vivida por moitos galegos que tiveron que vir a traballar a Cataluña. Agradecémoslle a súa participación no programa de hoxe.

A seguinte intervención é a de MALORES VILLANUEVA, Profesora e escritora galega nada en Xesteira (Cerdedo-Cotobade). Recibímola e felicitámola por ter presentado o seu libro sobre a Biografía de don Paco: Fracisco Fernández del Riego. Malores foi a persoa que estivo ao seu carón durante moitos anos, e moi especialmente traballando con el. Agradecémoslle que nos reciba tan amablemente. Non puidemos falar moito de don Paco, porque estivemos a preguntarlle outros asuntos máis xenerais. Prometémonos voltar a conectar con ela noutro momento e entón falaremos, polo miúdo, dese libro ao que lle auguramos moito éxito por moita documentación que aporta e porque ademais neste ano celébranse as Letras Galegas-2023 conmemorando a figura de don Paco. Moitas grazas Malores.

 

Finalizamos despedíndonos ate o vindeiro sábado, pero deixamos colgada a colaboración do noso correspondente nas Rías Baixes, XULIO SIMÓN.

 

Tamén lles ofrecemos o programa completo, aquí mesmo.

 

 

14 de XANEIRO do 2023

Primeiro Programa do 2023.

Comezamos coas salutacións habituais e despois de escoitar un bocadiño de música poñémonos en contacto coa nosa correspondente nos Ancares Lugueses, FERNANDA FOLLANA NEIRA, que ten preparada a súa intervención semanal para actualizarnos algunhas novidades e interesantes informacións.

Despois poñémonos en contacto con ANTÍA YÁÑEZ, Profesora e escritora galega, coa que xa tivemos anteriormente algún contacto e conversa interesante, pero que nesta ocasión queremos felicitala porque unha das súas publicacións: "PLAN DE RESCATE", foi elixida, entre 200 obras presentadas, na selección de "Ibby oustanding books for young people with disabilities" (libros destacados para persoas con discapacidade). Infórmanos que, en breve, voltará estar no prelo traducida ao castelán e ao catalán. Agradecémoslle a súa participación no noso programa de hoxe e desexámoslle que siga acadando moitos éxitos.

A seguinte é a conversa que mantivemos con CRISTINA CORRAL SOILÁN, Profesora, poeta e escritora que nos comenta a súa faceta de incansable escritora, que sempre está a escribir, que estivo no Culturgal de Pontevedra asinando e entregando o seu libro ilustrado: "No Faiado". Enviámoslle os nosos mellores desexos e que seguiremos a súa traxectoria e continuaremos en contacto.

Continuamos a segunda hora de programa conectando co noso correspondente na Costa da Morte, OSCAR REY CALO, que nos aporta a súa resumida e escollida crónica semanal relacionada coas novidades daquela contorna galega. Lembramos, unha vez máis, que poden seguir informándose e ampliando ese coñecemento si visitan a páxina quepasanacosta.gal. O programa reemitirase en Radio Concudo e Radio Neria, o domingo próximo.

Falamos co noso Presidente da A.C.G.Rosalía de Castro de Cornellà, ÓLIVER FERNÁNDEZ, a quen felicitamos polo seu labor a prol da nosa cultura, pero moi concretamente pola participación no evento celebrado o día 10 de decembro pasado: "Unha Xeración. Dous Mundos". Tamén o felicitamos pola participación no Concerto do día 30 de Decembro no Palau da Música de BCN, xunto a Carlos Núñez, convidados con outros participantes doutras entidades. Estivo, nesta ocasión expresamente o noso Presidente e outros compoñentes da nosa Asociación, no Concerto de Carlos Núñez celebrado no Auditori de Girona o día 7 de xaneiro. Parabens! Os que o desexen xa poden anotarse para as clases de música, gaita, pandeireta, informática e tódalas actividades que xa están en marcha na Entidade. Seguiremos informando das diferentes actividades que se vaian realizando.

 

Conversamos co noso poeta da Mariña Luguesa, PACO RIVAS, que sempre ten unha agradable intervención no noso programa.

Despedimos o programa de hoxe coa intervención do noso correspondente nas Rías Baixas, XULIO SIMÓN.

Colgamos aquí o programa completo.