Sábado 5 de FEBRERIRO do 2022

Comezamos a emisión de hoxe coa nosa sintonía de sempre, dándolles a ben-vida e ofrecéndolles escoitar unha peciña musical para despois conectar co noso correspondente na Costa da Morte, Oscar M. Rey, que sempre ten preparada a súa crónica semanal. Coma sempre algo reducida, pero que os nosos oíntes e seguidores poden ampliar na excelente páxina quepasanacosta.gal. Agradecémoslle a súa estimada colaboración e aportación.

A continuación falamos con Cándido Pazó, Director de escena Teatral, Autor, Narrador Oral e Actor Galego. Parabenizámolo porque virá a Barcelona a estrear a obra "Cigarreras", en castelán, aínda que xa a interpretaron en Galicia e en galego "Gigarreiras". Estarán no Teatre Romea dende o día 22 de febreiro ate o día 6 de marzo. Adiántanos un bocadiño e infórmanos do contido desta obra baseada nun texto de Emilia Pardo Bazán. As entrada pódense reservar con antelación e teñen un custo máis barato si se mercan antes da estrea. Desexámoslles moitos éxitos.

Seguimos a emisión e conectamos con Xoan Eiriz, cantautor do que escoitamos unhas peciñas do seu último traballo que leva por título: Amada Rosalía. Son catro pezas interpretadas por Xoan, con música de Nacho Varela e os poemas do noso admirado amigo poeta Suso Díaz. ¡Grazas pola túa aportación, Xoan!

Conectamos con Fernanda Follana Neira, a nosa correspondente nos Ancares Lugueses, para recibir a súa crónica semanal.

E falamos co noso amigo e colaborador Henrique Fdez-Mon Sánchez. Comentamos algúns aspectos da actual situación relacionada coa nefasta proposta de poñer en marcha un Parque de Muiños de Vento naquelas montañas luguesas. Tamén nos comenta algunha cousa relacionada coa explotación gandeira.

Despedímonos ate o vindeiro sábado á mesma hora. 

 

SÁBADO 29 de XANEIRO do 2022

Leandro

Cristina Corral Soilan

Comezamos coa nosa sintonía habitual saudando a tódolos nosos oíntes e seguidores e despois de escoitar un bocadiño de música, coma sempre, conectamos con Galicia para manter unha conversa-entrevista con CRISTINA CORRAL SOILÁN, xunto con LEANDRO LAMAS. Felicitámolos a ambos pola recente publicación do libro NO FAIADO. A creatividade literaria correspóndelle a Cristina e as ilustracións son de Leandro. Unha ampla conversa para coñecer algo máis sobre esa publicación editada por Edicións Embora, que seguro tódolos nosos oíntes e seguidores interesados poderán adquirir próximamente. Agradecémoslle a súa amable atención e desexámoslles moitos éxitos.

A segunda intervención é a do noso correspondente na Costa da Morte, concretamente en Fisterra, para recibir a súa crónica semanal con informacións e noticias de interese relacionadas con aquela contorna. Voltamos a repetir que para ampliar informacíon e noticias de interese poden entrar na páxina:  Que Pasa na Costa.gal, onde atoparán, máis polo miudo, as noticias que nos avanza Oscar M. Rey. Lembrámosvos que este programiña reemítese por Radio Roncudo e Radio Neira os domingos de 12 a 14h.

 

Despois de escoitar outro bocadiño de música conectamos novamente con Galicia, concretamente A Fonsagrada, onde se atopa o noso amigo e grande reporteiro gráfico Manuel Fernández, máis coñecido por Manolo Foteiro. Ponnos ao corriente da celebración da "Feira do Butelo" de A Fonsagrada, declarada de Interese Turístico Galego e que nesta ocasión cumple 25 anos de existencia. Enviámoslle os nosos parabens, pola parte que lle toca e infórmanos de varios aspectos da Feira, das súas colección de máquinas de fotos, de reloxos, de reportaxes e videos, de proxectos nos que está involucrado e doutras cousas de interese. Agradecémoslle a súa participación.

E despedímonos ate o vindeiro sábado á mesma hora. ¡Sexan Felices!

SÁBADO 22 de XANEIRO do 2022

Terceiro programa deste ano 2022. Comezamos saudando a tódolos nosos oíntes e seguidores a escoitamos a María Bethania coa peza "Sonho meu" para conectar co noso correspondente na Costa da Morte, Oscar M. Rey, que nos envía a súa crónica semanal. Para saberdes algo máis relacionada con estas terras podedes entrar na páxina: https://www.quepasanacosta.gal/. Agradecémoslle, coma sempre, a súa moi estimada colaboración estimada.

Fransy González

A segunda intervención é con FRANSY González, Profesora de baile e canto. Unha das voces máis representativas da música tradicional galega. Dende moi noviña formou parte da Asociación XIRADELA. Ao longo da súa carreira ten gravado e colaborado con artistas como Carlos Núñez, Dulce Pontes, Jorde Savall, Erik Marchand, The Chieftains e actualmente forma parte do trio  Fransy, Davide e Cibrán. Felicitámola polo seu labor de profesora e de receptora e recolledora de cantos e músicas tradicionais da zona de Bergantiños. Agradecémoslle a súa participación no programa de hoxe.

Conectamos con Olga Novoa. Agradecémoslle o envío que nos fixo dos exemplares da revista cultural que axuda a publicar: "Nós, a Xente do Redor". Editada en Ourense ten a participación de moitos e grandes poetas, escritores, pintores e persoas de recoñecida valía. Seguiremos en contacto.

A segunda hora dámoslle a ben-vida a dona África González Fernández, Médica Catedrática de Inmunoloxía na Universidade de Vigo, cofundadora da empresa Nanoinmunotech e académica da Real Academia de Farmacia de Galicia. Agradecémoslle a súa amable atención. Axúdanos a coñecer algo máis sobre cómo temos que comportarnos e o que posiblemente vai acontecer coa pandemia que estamos a padecer.

 

Continuamos o programa recibindo a crónica da nosa correspondente nos Ancares Lugueses, Fernanda Follana Neira. Novidades e informacións precisas dos aconteceres naquela contorna.

Despedímonos dos nosos oíntes e seguidores ata o vindeiro sábado á mesma hora.

SÁBADO 15 de XANEIRO do 2022

Segundo programa deste ano 2022 con tódolos nosos oíntes e seguidores, tentando ofrecerlles dúas horiñas de radio entretidas e aprendendo un pouco máis cada día. Despois das salutacións iniciais escoitamos un pouco de música para recibir ao noso correspondente na Costa da Morte, Oscar M. Rey, que nos fai a súa crónica semanal, aínda que se atopa un pouco convaleciente. Agradecémoslle a súa aportación semanal.

A segunda intervención é a da periodista e poeta Nieves Neira Roca, sobriña do grande poeta Uxío Novoneira. Infórmanos das actuacións que se levaron a cabo para soterrar os restos de Uxío o día de onte na súa terra natal, O Courel. Tamén nos agasalla recitando un poema. ¡Moitas Grazas, Nieves!

Contamos agora coa colaboración do noso amigo Luís Losada, que dende Pontevedra nos envía a súa aportación cultural moi interesante. Concretamente fálanos de Rosalía Fernández Rial, e de "Desnortadas".

Continuamos na segunda hora escoitando a interpretación musical de Xoan Eiriz, que son uns versos de Suso Díaz. Precisamente falamos con el para felicitalo polo CD e tamén pola recente publicación do libro de poemas que leva por título: 

"Asulagadas", adicado á memoria do Val do Limia, moi concretamente Aceredo, Buscalque, O Vao e Reloeira. Antes de finalizar a nosa conversa-entrevista recítanos un poema dese mesmo libro. ¡Moitas grazas e moitos éxitos Suso! 

 

Conectamos coa nosa correspondente Fernanda Follana Neira, que tamén ten preparada a súa crónica semanal con informacións e novidades interesantes.

 

E finalizamos a emisión de hoxe falando co noso Poeta da Mariña Luguesa, Paco Rivas, que sempre ten unha charla desenfadada e agradecida. Tamén os informa das próximas publicacións que están a piques de saír do prelo.

Despedímonos ate o vindeiro sábado. Que teñan unha feliz semana. Aquí deixamos o programa enteiro.

Primeiro programa do 2022, SÁBADO 08 de XANEIRO.

Comezamos coa nosa sintonía de sempre e dámoslle a ben-vida a tódolos nosos oíntes e seguidores. Propoñemos que escoiten unha peza moi interesante, que se atopa en youtube concretamente e que leva por título : "Muller Ferreña". É unha homenaxe que queremos ofrecer ao noso correspondente na Costa da Morte, Oscar M. Rey, con quen conectamos a continuación.

Escoitamos outra peza musical e con ela dámoslle a ben-vida a dona Celia Inés Feijoo Soto, Presidenta da Memoria Histórica de Celanova, sobriña de don Luís Soto. Mantemos con ela unha conversa moi agradable e prometémonos voltar a comunicarnos con ela para que nos siga informando das moitas e importantes actividades nas que está inmersa. Agradecémoslle a súa amable atención.

Voltamos a escoitar outra peza musical e poñémonos en contacto con dona Celia Pereira Porto, Presidenta da Fundación Vicente Risco. Unha "entrevista" moi interesante e con moita información. Foi un primeiro contacto que seguro voltaremos a facer para que nos axude a coñecer máis polo miúdo ese grande traballo que están a realizar.

A segunda hora conectamos novamente coa nosa correspondente nos Ancares Lugueses, Fernada Follana Neira, a que felicitamos o ano e aproveita para achegarnos algo de información sobre ese traballo tan interesante que están levando a cabo para a realización da proba ciclista que realizarán no mes de Marzo. Desexámoslle moitos éxitos.

Continuamos a emisión conectando con Galicia para recibir ao noso amigo e colaborador Henrique Fedez-Mon Sánchez, que ademais de comentar parte da nosa emisión, tamén nos fai partícipe de varios aspectos relacionados coas intervencións anteriores.

E finalizamos o programa de hoxe conectando co noso Poeta da Mariña Luguesa, Paco Rivas, que sempre ten unha intervención algo retranqueira e agradable para despedir a tódolos oíntes.

Desexamos que teñan unha feliz semana.

SÁBADO 18 de DECEMBRO do 2021

Xulia Feixoo

Último programa do ano 2021. Comezamos dándolles a ben-vinda e ofrecéndolles escoitar unha peza de música para recibir á primeira convidada: Xulia Feixoo: Etnomusicóloga, percusionista, Licenciada en Historia do Arte, Profesora de Ensino Secundaria e autora do libro: "Concha do Canizo... este pandeiro que toco".

Agradecémoslle a súa atención e imos aprendendo algo máis dese traballo que nos descubre agarimosamente. Ven acompañado, ese libriño editado por Central Folque, por un CD con nada menos que 46 pezas musicais, recopiladas. Grande traballo. Desexámoslle unhas Felices Festas e que teña moitos éxitos.

A segunda conversa é coa nosa correspondente Fernanda Follana Neira, que hoxe non pode darnos as súas noticias de cada fin de semana, porque está viaxando para unha celebración en Pontevedra. Aprovietamos para felicitarnos mutuamente estas datas Navideñas e desexarlle un ventureiro aninovo 2022, ademais de agradecerlle a súa aportación de corresponsalía dende Becerreá.

Despois Falamos con Nieves Neira Roca, xornalista, bailarina e poeta galega, que ven de publicar un libro que nos axuda a dar a coñecer aos nosos oíntes e seguidores. Titúlase: "O feitizo de Maruja Roca". Agradecémoslle a súa amable atención. Tía abuela de Nieves, foi unha grande fotógrafa dos anos 40. Un libro cheo de documentación e información daquela época, con fotografías en blanco e negro. Segue a presentalo por Galicia adiante, acompañada do fotógrafo Eutropio Rodríguez, Pablo Sanmamed e Iago Mouriño. Tamén aproveitamos para felicitarlle as Festas e desexarlle o mellor para o vindeiro ano 2022.

A continuación conectamos co noso correspondente nas Rías Baixas, Xulio Simón, aínda que hoxe non se atopa alí mesmo. Desexámonos mutuamente unas Felices Festas e despedímonos ate o vindeiro ano que retomaremos a habitual conexión para que nos deleite coas súas aportacións culturais.

Recibimos agora a salutación e felicitación do Presidente da nosa A.C.G.Rosalía de Castro de Cornellà, Oliver Fernández. Mándalle moitos saúdos e felicitacións aos socios da Entidade e a tódolos oíntes e seguidores do programa. Nosoutros tamén lle correspondemos coa mesma felicitación e agradecémoslle que participara hoxe neste último programa do 2021.

Recitamos agora unha poesía da nosa amiga e admirada poeta: Nieves Fernández Vidueira, que está relacionada precisamente con estas datas. Desexámoslle moi Boas Festas!!!

Xoan Curiel

Temos agora a intervención do cantautor Xoan Curiel. Felicitámolo porque acaba de enviarnos un Video-clip cunha peza musical fermosísima: "Dizer-vos quer'eu mia senhor", que corresponde ao seu CD Treide comigo. Enviámoslle os nosos parabens para este Nadal e escoitamos esta femosa peza.

Depois escoitamos unhas pezas de música, unhas panxoliñas moi acaídas para este Nadal.

E para finalizar este programa de hoxe, conectamos co noso Poeta da Mariña Luguesa, Paco Rivas, que ademais de felicitarnos a todos, sempre ten unha intervención e conversa moi cariñosa e de contidos familiares e de proximidade, que fan moi distendida a súa aportación semanal. Graciñas, Paco e feliz ano!.

E despedímonos de todos vosoutros, benqueridos oíntes e seguidores desexándovos que teñades unha Boas Festas de Nadal e que o vindeiro aninovo 2022 vos acompañe con moita saúde e ventura. Aquí deixamos o programa enteiro.

SÁBADO 11 de DECEMBRO do 2021

Comezamos dándolles a ben-vinda e saudando aos membros do Xurado do "35 Certame de Poesía Rosalía de Castro", dona Diana Varela (Presidenta) e don Armando Requeixo (Vocal). Escoitamos un bocadiño de música e despedímonos ata o vindeiro sábado porque temos que presentarnos no Auditori de San Ildefons, para a presentación da xulipedia.com, do noso amigo e colaborador Xulio Simón, e tamén do CD gravado pola A.C.G.Rosalía de Castro.

Segue o programa con Armando e conecta con Cruz Martínez, poeta xa premiada en dúas ocasións precisamente, no Certame de Poesía Rosalía de Castro. Agradece a súa participación e ela agasalla a tódolos nosos oíntes e seguidores coa lectura dun poema da súa creación. ¡Moitas grazas Cruz!

Despois conecta coa nosa correspondente nos Ancares Lugueses, para recibir a crónica da nosa correspondente Fernanda Follana Neira. 

A continuación conecta con Oscar M. Rey, correspondente na Costa da Marte, que tamén nos envía a súa crónica semanal. Agradecemos a súa colaboración.

Finalmente fala co noso poeta da Mariña Luguesa, Paco Rivas, que sempre ten unha palabras axeitadas para colaborar co noso programa.

Despide o programa desexando o mellor para todos e prometendo voltar o vindeiro sábado á mesma hora.