SÁBADO 31 de OUTUBRO do 2020

Último programa do mes de outubro, con algunha que outra novidade e exclusiva para tódolos nosos oíntes e seguidores. Coma sempre, música de sintonía. Nos controis técnicos Kiko Belinchón. Nas locucións Armando Fernández e mais un servidor. Comezamos dándolles a ben-vinda e disculpándonos pola posible audición un tanto alterada, por mor desta nova opción que tivemos que adoptar por mor da pandemia que estamos a sofrir. Desexamos que a audición non se vexa demasiado alterada. Escoitamos un bocadiño de música e saudamos ao primeiro convidado de hoxe, que nos recibe recitando un poema que se recolle no seu último libro que acaba de publicar Galaxia: Federico García Lorca. "Poeta en Nova York". Suso Díaz. Agradecémoslle a súa amable atención. Preséntanolo o noso correspondente na Baixa Limia, Xosé Lamela Bautista, e conversamos con Suso Díaz, sobre diversos aspectos e antes de despedirse aínda nos recita uns "haikus" para celebrar o día de Ricardo Carvalho Calero.

 

Escoitamos un bocadiño de música e saudamos a Juan Pedro Sánchez, Presidente de ASOBECAT, a quen lle agradecemos a súa intervención para poder disfrutar dalgúns agasallos, que recibiremos por parte desa Asociación de Bercianos, para celebrar os "40 anos da A.C.G.Rosalía de Castro" e o "40 Aniversario de Radio Sant Boi". Temos pendiente poder saudar e entrevistar a un convidado do Bierzo.

Comezamos a segunda hora conectando novamente con Galicia para saudar e agradecerlle a súa participación a OLGA NOVO, Profesora, Poeta, Escritora, Pintora e Ensaista, que ven de recibir o Premio Nacional de Poesía 2020, que ela mesmo nos puntualiza como Premio Estatal de Poesía. Felicitámola e parabenizámola por ter acadado tan prestixioso Premio. Entrevistámola-Conversamos con ela e fálanos do traballo polo que foi premiada, concretamente Feliz Idade. Queremos saber en qué está a traballar e coméntanos algo sobre unha recopilación de escritos na Revista Luzes, dirixida por Manuel Rivas e Xosé Manuel Pereiro. Agradecémoslle a súa participación na nosa humilde radio e prometemos voltar a falar con ela  noutra ocasión, desexando que siga a colleitar moitos éxitos.

A seguinte intervención-conexión é con don PACO SOTO, Presidente da Sociedad Cooperativa Agrícola GISTREDO. Preséntanolo o noso convidado Juan Pedro. Falamos dese producto que eles recollen e distribúen: As Castañas de Parede, con Denominación de Orixe, producto de calidade, da localidade de Noceda del Bierzo. Infórmanos que este ano posiblemente a recolleita non alcance a de outros anos, pero están moi satisfeitos de cómo vai a comercialización. Tamén nos informa da posible adquisición dunha máquina para poder producir fariña de castaña e eliminar intermediarios e ofrecer así un producto máis. Agradecémoslle a súa aportación e colaboración de hoxe.

Conectamos co noso Poeta da Mariña Luguesa: Paco Rivas. Infórmanos de que acaban de facer un acto en Italia moi interesante, relacionado coa súa creatividade: "II Bienale Internazionale di Pescara". na vindeira semana poderemos falar con máis detenemento deste evento e doutras cousas. Despedímonos ate o vindeiro sábado á mesma hora. 

SÁBADO 24 de OUTUBRO do 2020

Unha semana máis con todos vosoutros, ofrecéndovos este programiña de dúas horas de Radio en galego. Despois dos saúdos iniciais, conectamos coa Baixa Limia, para que o noso correspondente Xosé Lamela Bautista, nos presente ao seu convidado de hoxe: Benito Antúnez, máis coñecido por "Valente", apicultor da zona da Serra do Xurés. Mantemos unha pequena conversa-entrevista sobre ese tema tan interesante, como é a extracción do MEL.

Seguimos co programa conectando novamente con Galicia, concretamente con "Martín Maez" cantautor galego, de Pontevedra, que ven de enviarnos varios CDs -o seu último traballo: "Hábitat"- Un agasallo que compartiremos cos nosos oíntes e seguidores, para celebrar os 40 anos da nosa Asociación C.G.Rosalía de Castro e o "40 Aniversario de Radio Sant Boi". Agradecémoslle a súa colaboración de hoxe e desexámoslle que teña moitos éxitos.

Panadería DISU

Escoitamos outro bocado de música e chamamos a Digna, da Panadería DISU, de Navia de Suarna. Saudámola, dámoslle as grazas polos agasallos que recibimos para celebrar os dous 40 aniversarios da Radio e da A.C.G.Rosalía de Castro, que estamos celebrando. Recibimos pan, bizcoitos, madalenas, larpeira, roscón de noces, tarta de Navia, Empanada de ballao con pasas, empanada mixta de atum, brazo de xitano... Unha fartura de produtos. Comentamos con ela o traballo que ten que realizar para atender aos clientes da zona, repartindo polos pobos. Noutra orden de cousas infórmanos de que os que desexen adquirir os seus productos poden dirixirse á súa páxina e mercar "online" calquera produto. Tamén poden recibirse directamente no domicilio do cliente. Hai dúas tendas físicas en Barcelona, ás que envía semanalmente pan de centeo (do país) principalmente, e outros produtos. 

Conectamos co noso correspondente nas Rías Baixas, Xulio Simón Rúa, que nos ten preparada a súa crónica cultural semanal, sempre chea de informacións diversas.

Falamos con Fernanda Follana Neira, a nosa correspondente nos Ancares Lugueses, que tamén ten preparada a súa intervención e crónica semanal. Agradecémoslle a súa colaboración.

Chamamos a Francisco Xabier Rodríguez, Presidente de SAUDADE, que nos informa da próxima celebración do Magosto 2020, que este ano ten un protocolo especial, debido á pandemia que estamos a sofrir. Os socios e simpatizantes poderán recoller as castañas recén asadas o vindeiro día 7 de novembro entre as 4h e as 8h da tarde, na zona da terraza da Entidade. Recomendan que nos se aglomeren na entrada para evitar demasiada agrupación e gardar o distanciamente requerido. Tamén se pode mercar a Lotería de Nadal da Entidade, Nº 76184. Con respecto ás demais actividades, están reducidas e mantendo as normas e prevencións que debemos cumplir, por mor do coronavirus.

E antes de despedirnos dos nosos oíntes e seguidores, conversamos co Presidente de ASOBECAT, don Juan Pedro Sánchez, que tamén nos informa das actividades que puideron realizar: neste verán a entrega dos Arlequíns á Cooperativa Agrícola Gistredo Castañas de Parede e ao Cura de Cacabelos, Celebración dunha Eucaristía á "Virgen de la Encina" Patrona do Bierzo, suspensión do Magosto do 2020 e preparación do Festival do Botillo 2021... Agradecémoslle que colabore con nosuotros e desexamos moitos éxitos nos seus proxectos. Despedímonos de tod@s vosutr@s ate a vindeira semana á mesma hora. ¡Que pasen unha feliz semana!

SÁBADO 17 de Outubro do 2020

Outro programiña máis con todos vosoutros. Dámoslle a ben-vinda e grazas ao noso técnico Kiko Belinchón estamos conectados co noso compañeiro Armando Fernández e o noso correspondente na Baixa Limia Xosé Lamela. Despois de escoitar un bocadiño de música Xosé presentanos ao seu convidado de hoxe: LINO PERDIZ, de PLABALI, que nos pon ao corrente de moitas e interesantes novidades que están relacionadas con aquelas terras raianas e moi en especial das actuacións que están a realizar para que se leven adiante algunhas das reivindicacións que teñen aínda pendentes de realización. Agradecémoslle a súa amable atención e voltamos a escoitar outra peza musical. 

A seguinte comunicación é coa nosa correspondente nos Ancares Lugueses, dona Fernanda Follana Neira, que nos ten preparada unha crónica de novidades interesantes, e moi concretamente algo relacionado co Rural Galego. Destaca o grande labor que está a facer un ex-alumno do colexio en Navia de Suarna, Ismael Álvarez, que recolle nun seu traballo que publica na súa páxina web, con nada menos que 70 xogos tradicionais daquela zona. Tamén nos fala de Ainoa Fernández, unha alumna aventaxada que ben de recibir un agasallo da Deputación de Lugo por poñer en valor o Rural e que fixo un video cun poema de Andrea Valle. Outra persoa que destaca é David de Poso, un dos artistas que participou como actor na película tan premiada "O que arde", e que a pesar da súa xuventude ben de facerse cargo da explotación gandeira dos seus pais, formando parte da cooperativa "A Carqueixa, unha opción moi noble que lle honra porque ademais de ter unha formación contrastada (grado superior forestal titulado) paraticipa do seu traballo no Rural galego. A outra nominación é a de Xiao Yáñez, outro alumno aventaxado daquela zona que ben de acadar o Fin de Grado na especialidade de Piano con Premio e está a estudar segundo de Bacharelato en Becerreá. Os nosos parabens para todos eles!!! E despedímonos de Fernanda escoitando outra peciña musical para irmos adubiando estas nosas conversas.

Precisamente a seguinte comunicación é con Kike Fernández-Mon Sánchez, avó de Xiao Yáñez, de quen falabamos antes con Fernanda. Dámoslle a ben-vinda e mantemos unha conversa, entre os catro, comentado cousas de certo interese para tódolos nosos oíntes e seguidores. Para non aburrir á audiencia propoñemos escoitar unha peza musical do Grupo Malvela, que se titula "Trubisqueira".

E finalizamos despedíndonos de todos vosoutros desexando que pasendes unha feliz semana e que volvades a sintonizarnos o vindeiro sábado á mesma hora, que prometemos ofrecerlles outro programa máis, con moitas informacións, música e novidades relacionadas coa nosa cultura. Ata o vindeiro sábado.

Sábado 10 de OUTUBRO do 2020

Comezamos o programa dándolle a ben-vinda ao noso correspondente na BAIXA LIMIA, Xosé Lamela Bautista, que nos presenta ao seu convidado de hoxe: DOMINGO GONZÁLEZ LORENZO, Chef dde "Lobios Caldaria" Hotel Balneairo. Mantemos unha conversa-entrevista moi interesante na que nos informa da proposta de poñer en marcha unha Plataforma en favor dos predios e montes do entorno dese grande Parque Natural Peneda-Gerés-Xurés. Desexamos que teñan un grande éxito nas súas inquedanzas.

 

A segunda comunicación é con Pablo Casal Núñez, do Instituto de Estudos Miñoráns, que veñen de recibir a Medalla de Ouro do Concello de Baiona. Felicitámolos e tamén recibimos cumprida información das actividades e próximas intervencións que teñen previsto levar a cabo en vindeiras datas.

 

Despois conectamos con Galicia novamente para falar coa nosa correspondente nos Ancares, Fernanda Follana Neira, que nos ten preparada unha crónica moi interesante daquelas terras luguesas.

 

A seguinte intervención é a de Xerardo Feijoo, un dos compoñentes da"Associação Cultural e Pedagógica Ponte... nas Ondas" e mantemos unha conversa chea de informacións e novidades relacionadas coas actividades que están a realizar. Agradecémoslle a súa participación no noso programa de hoxe e desexámoslles moitos éxitos.

Añadir título

Tamén nos comunicamos con "ARXI", Arximiro, do Concello de "O Grove", que nos pon ao corrente da celebración dun evento moi importante: "Mulleres de Palabra", previsto para o Domingo 11 de outubro ás 13 horas, no que participarán varias poetas de grande renome. Felicitámolo e desexámoslle moito éxito.

 

E finalizamos despedíndonos de Xerardo e de todos os nosos escoitantes e seguidores, propoñéndolles que escoiten outra peciña musical. Desexando que pasen unha feliz semana, agardámolos ate o vindeiro sábado, que voltaremos a ofrecerlles outro programiña máis.

Sábado 03 de OUTUBRO do 2020

Comezamos unha nova tempada 2020/2021, "Semprengalicia": Un programa con paixón polas nosas cousas e con desexos de aprender. Este primeira emisión non poderemos ofrecerlla coas dúas horas de costume, por mor de certos atrancos que temos, pero ofrecémoslles un contido interesante, cos medios dos que dispoñemos. En primeiro lugar dámoslle a ben-vinda e saudamos ao noso colaborador na Baixa Limia, Xosé Lamela. 

 

Despois pasámoslle a palabra a Xosé Lamela, que nos presenta ao seu convidado: don Luis Manuel García Mañá, policía, escritor e político. Felicitámolo pola publicación do seu ultimo libro: "Non fales o que non debes" editado por Xerais. Falamos dese traballo e comentamos algunhas cousas do seu contido. Agradecémoslle a súa colaboración de hoxe, e prometémonos voltar a contactar con el para seguir falando doutras moitas cousas.

 

Disculpamos a Armando Fernández, que hoxe se atopa de viaxe polas terras francesas, concretamente nos arredores de Lourdes. De tódolos xeitos falamos con el e coméntanos algunha cousiña. A continuación conectamos con Galicia novamente, para falar co noso correspondente nas Rías Baixas, concretamente en Combarro, Xulio Simón, que nos ten preparada unha crónica moi interesante e fálanos dunha páxina moi interesante relacionada coas palabras patrimoniais e enxebres, A Toponimia: "Galicia Nomeada". 

 

E así transcorreo a emisión de hoxe. Cativa pero intensa e con importantes aportacións dos nosos correspondentes e unha entrevista interesante, coa autor dun libro recentemente publicado. Despedímonos ate o vindeiro sábado, que procuraremos ofrecerlles as dúas horiñas de radio en galego, como sempre.