SÁBADO 26 de MAIO do 2018

Outra emisión de dúas horiñas en galego, que comezamos dándolles a ben-vida e saudando ao noso Presidente da A.C.G.Rosalía de Castro -Oliver Fernández-, que nos visita. Despois de escoitar un bocadiño de música, conectamos en primeiro lugar co noso correspondente na Baixa Limia, José Lamela Bautista, que ten como convidado ao eminente hematólogo FIZ CAMPOY, cos que mantemos unha conversa-entrevista moi ilustradora e chea de ensino no ámbito das investigacions relacionadas coa profisión de don FIZ. Agradecémoslles as súas colaboracións no programa de hoxe.

A segunda conversa é con dona SILVIA CASTAÑEDA, Presidenta da "Irmandade Galega de Rubí", que nos pon ao corrente da celebración da "Festa das Letras Galegas" e degustación de pulpo, xunto coa mostra de bailes tradicionais e rexionais, ademais do Concerto que fixeron onte o Grupo "Val das Mouras". Tamén nos falou da entrega de Premios aos gañadores das tres categorías do "IIº Certame de Relatos Curtos Manuel Rivas". Felicitámolos e desexásmoslles moitos éxitos.

Chamamos a ARMANDO FERNANDEZ que nos fai de correspondente dende Badalona, xa que está a presentar as diferentes actuacións dos Grupos musicais que están intervindo nas "Xornadas Culturais, XXI Aniversario da ACG. AGARIMOS de Badalona". Agradecémoslle a súa información e atención.

Despois falamos con MANUEL VÁZQUEZ OSORIO, Presidente do Centro Galego NÓS de Sabadell, que teñen previsto realizar a "XXVIII Festa Galega no Eix Masiá" de Sabadell, os días 1, 2 e 3 de xuño próximo. Tamén nos comenta a realización de varios actos culturais.

Falamos agora con SUSANA SEIVANE, a nosa grande artista internacional convidada para o grande Festival CELTA, que se realizará no Parc de Can Mercader de Cornellá o venres 1 de xuño, organizado pola A.C.G.Rosalía de Castro. Recíbenos moi amablemente e conversamos sobre o que ten previsto realizar nese grande evento na cidade de Cornellà. Precisamente esa Fin de semana é cando se realizarán os diversos actos programados pola Asociación con actuacións dos diferentes Grupos, Ofrenda de frores ao busto de Rosalía, Verbenas, Queimada de final de festa e fogos artificiais. Agradecémoslle a participación de Susana.

Antes de finalizar aínda temos tempo para dedicarlle os últimos minutiños ao noso Poeta da Mariña Luguesa, PACO RIVAS, que sempre ten unhas palabras moi axeitadas na súa conversa e finaliza agasallándonos coa lectura duns "haikus" da súa creación literaria. Despedímonos de Paco e tamén de tódolos nosos oíntes e seguidores e aproveitamos para informarlles do resultado pouco favorable para a U.E.Cornellà, que perdeu diante do Sporting de Xixón-B por 2 goles a cero. Desexamos que poida ter posibilidades de continuar coa disputa do ascenso á segunda división... Xa o veremos. Que teñan unha feliz semana. e non deixen de sintonizarnos outra vez o vindeiro sábado.

SÁBADO 19 de MAIO do 2018

Unha semaniña máis con todos vostedes. Hoxe temos a visita de Manoel Carrete, que ven acompañado de moitos amigos. Agradecémoslle a súa amable atención. Como cada semana aquí vos deixamos o "link" para que poidades vernos e escoitarnos en directo: https://www.facebook.com/SemprenGalicia/videos/1697283797017813/ Conectamos con Galicia para falarmos co noso correspondente nas Rías Baixas, XULIO SIMÓN, que nos ten preparada a participación de don MARCOS MACEIRA, Presidente da Mesa pola Normalización Lingüística, que nos falan da celebración da "Letras Galegas en Santiago" e doutras reivindicacións arredor da nosa lingua galega. Xulio remata a súa intervención cunha pequena alusión a María Victoria Moreno, homenaxeada das Letras este ano.

Aproveitamos a presenza de MANOEL CARRETE nos estudos e agradecémoslle a súa presencia a sí como a súa participación neste noso programa. Fálanos da súa presenza na celebración das Letras Galegas no Saló de Cent, preséntanos á Secretaria da Federación das Entidades Galegas en Cataluña, dona Marisol Pérez Estévez, e comentamos algunhas cousas máis con algún dos asistentes. Despedímolos con música e unha forte aperta.

A segunda conexión é coa Baixa Limia, onde se atopa o noso correspondente XOSÉ LAMELA, que nos presenta ao seu convidado don DOMINGO GONZÁLEZ LORENZO, "Chef" no Restaurante do Hotel-Balneario de Lobios-Caldaria. Unha conversa-entrevista chea de importantes propostas e ideas para desenvolver e traballar a prol do Parque Natural do Xurés, coas que están traballando nas diferentes asociacións e Comunidades de Montes (Reserva Mundial da Biosfera Xurés-Gerés). Agradecémoslle a súa amable atención.

Despois falamos con ALEX PERNAS, que acaba de publicar a súa primeira novela XARFAS, da que nos fai unha pequena semblanza e indícanos cómo poder adquirila (en Amazón) ou baixala de internet, nunha páxina que se pode consultar no seu propio facebook ou en luscofusco.gal. Desexámoslle moitos éxitos.

Antes de despedirnos atrevémonos a ler unha das últimas poesías que publicou NIEVES FERNÁNDEZ VIDUEIRA, como pequeno agasallo final das Letras deste ano. 

E despedímonos de todos vosoutros, escoitantes e seguidores, ate a vindeira semana, que prometemos voltar outra vez con máis novidades e máis música. ¡Sexan Felicies!

SÁBADO 12 de MAIO do 2018

Comezamos un programiña máis con todos vostedes dándolles a ben-vida e desexando pasen connosco dúas horiñas de radio en galego, entretidas e interesantes.

Aquí podedes escoitar o programa en directo, e vernos nos estudos: "Semprengalicia". 

A primeira comunicación é co noso correspondente na Baixa Limia, don Xosé Lamela Bautista que nesta ocasión tennos preparada a intervención, como convidado a don FRANCISCO JOSÉ FRAGA CIVEIRA, portavoz da oposición na Deputación de Ourense. Comezamos falando da Demografía e repasamos varios aspectos da situación social e actual naquelas contornas. Agradecémoslles a súa aportación na emisión de hoxe, e prometémonos voltar a comunicarnos, en vindeiras datas, para que nos sigan informando e ilustrando sobre tantas cousas interesantes.

A segunda intervención é a da nosa moi estimada colaboradora TAMARA ANDRÉS, que se encarga da sección "No ESTRELAMPAR". Felicitámola pola laboura que está a facer nese "Combarro Literarios" e outras actuacións tan interesantes. Fálanos da presentación na Libraría Paz, do Concerto con Oscar Ibáñez no Auditoria de Arousa, dos Camiños da Lingua por Vilaboa, da Festa do Melindre en Melide... e moitas cousas máis. ¡Moitas grazas!

Despois poñémonos en contacto co noso correspondente nas Rías Baixas, XULIO SIMÓN, que nos presenta ao convidado desta semana don ELADIO RODRÍGUEZ, da Adega "Arco da Vella", en Beade, da D.O. Ribeiro. Coméntanos moitas cousas relacionadas cos seus viños e coa cultura.

A seguir, despois de escoitar un bocadiño de música, falamos con don ANTONIO RODRÍGUEZ, Presidente da "Irmandade Galega O Noso Lar de Terrassa", que están de celebración, nada menos que a "36 Festa Galega en Terrassa". Aproveita para convidar aos nosos oíntes e seguidores.

Tamén nos poñemos en contacto con dona AMELIA, Presidenta de "AGARIMOS" de Badalona, que nos fala dende Lleida, onde se atopa o Grupo de Baile e Gaitas actuando para o Centro Galego, que están de Festa Major, e salvando as inclemencias do tempo coméntanos da grande admiración e espectación que desperta a oferta musical galega que ofreceron. Tamén nos indica que estemos preparados e convídanos para asistir á Festa anual que celebrarán a vindeira fin de semana do 26 e 27 de MAIO en Badalona, que ademais será presentada polo noso compañeiro Armando Fernández. Despedímola e tamén nos despedimos nós de todos vostedes, ate a vindeira semana. ¡Sexan Felices!

SÁBADO 5 DE MAIO DO 2018

Un sábado máis con todos vosoutros para tentar ofrecerlles dúas horiñas de radio en galego. Xa sabedes que podedes escoitarnos e "vernos" en directo no seguinte enderezo de facebook: "Semprengalicia". A primeira comunicación é coa Baixa Limia, para falar co noso correspondente XOSÉ LAMELA, que nos ten preparada a participación de don LUÍS GARCÍA MAÑÁ. Falamos en primeiro lugar do seu libro: Por que as sombras non teñen ollos. E despois continuamos a conversa-entrevista comentando outras cousas moi interesantes.

A segunda intervención é a dese grande escritor, profesor e crítico literariio ARMANDO REQUEIXO, que nos fala dese acontecemento, un acto que se está a celebrar no Pazo de San Roque en Compostela, tan interesante adicado a María Victoria, homenaxeada nas Letras Galegas deste ano, e do que nos fai partícipes. Graciñas Armando.

Despois conectamos con don XOSE LUIS AXEITOS, a quen felicitamos públicamente por ter acadado o premio "Losada Diéguez" polo seu traballo sobre a figura de Manuel Antonio. Falamos deso e da recente publicación do 2º número da revista Follas Novas da Fundación Rosalía de Castro.

E no final do programa conectamos co noso Poeta da Mariña Luguesa, PACO RIVAS, que sempre ten unha visión moi especial das "súas cousas" galegas do momento. Tamén nos agasalla cuns "haikús" da súa autoría, que lle agradecemos.

A vindeira semana máis. Desexamos que sexan moi felices e ate o vindiero sábado.