Programa do sábado 24 de MAIO do 2014

Un sábado máis con todos vosoutros para ofrecervos dúas horiñas de radio en galego, con música, entrevistas e novidades, que nos chegan á nosa Redacción. Esta semana non poderemos contar coas colaboracións habituais de Laura Santos e tampoco poderemos falar co noso correspondente nas Rías Baixas, Xulio Simón, pero tentaremos suplir estas ausencias -involuntarias- con outras alternativas que coidamos sexan do voso agrado. Comezamos propoñéndolles escoitar algunhas pezas da nosa música tradicional.

Algúns comentarios relacionados cos nosos enderezos e algo máis de música, para que poidan participar neste seu programa.

Despois conectamos con Galicia, concretamente con Loureses, para falarmos con don MANUEL MANDIANES, un grande amigo etnógrafo, investigador e escritor, que ven de publicar na Editorial Sotelo Blanco o libro: VIAXE SEN RETORNO. Unha conversa-entrevista, en primicia e en exclusiva para nosoutros, moi amena e de moito interese.

Na segunda hora conectamos coa Baixa Limia e coa Mariña lucense, para falarmos con Xosé Lamela e Paco Rivas ao mesmo tempo. Disfrutamos da conversa e da declamación de varios poemas con que nos agasallou o noso poeta da Mariña.

Despedímonos informándolles dunha curiosa noticia que veñen de facer pública os do CSIC, relacionada cos retábulos das nosas igrexas galegas.

O vindeiro sábadomáis e mellor, se podemos, claro. 

¡¡¡Agardámosvos a tod@s!!!

Programa do sábado 17 de MAIO do 2014: Día das Letras Galegas

Neste día tan sinalado "AS NOSAS LETRAS GALEGAS - 2014", aproveitamos para enviarlles un saúdo de felicitación e que celebren este día con agarimo. A verdade é que faremos unha emisión algo diferente doutras ocasións debido ao acontecemento deportivo que está a suceder na cidade de Barcelona. Prometémoslles informarlles con detenemento posto que a nosa colaboradora LAURA SANTOS, faranos de correspondente e poderán recibir información do acontecemento. Non poderemos conectar, na primera hora co noso amigo XOSÉ LAMELA, na Baixa Limia, pero tentaremos facerlles "levadeiras" estas dúas horiñas de radio en galego. Ofrecémoslles escoitar algunhas pezas da nosa música e moi concretamente as que están relacionadas coas composicións que fan referencia aos poemas de DIAZ CASTRO, aproveitando o disco que nos envióu CARMEN de "2na Fronteira", e outras de María do CEO. Falamos pois de XOSÉ MARÍA DÍAZ CASTRO, o homenaxeado das Letras Galegas deste ano 2014.

Falamos con LAURA SANTOS, que nos fai de correspondente e infórmalle aos nosos oíntes e seguidores dese acontecemento deportivo tan transcendente e desexámoslle que disfrute e o pase moi ben, en boa compaña.

Na segunda hora conectamos con XULIO SIMÓN, que tamén nos achega información de primeira man sobre acontecementos relacionados coas Letras Galegas-2014, para afondar máis no coñecemento e difusión cultural do momento.

Conectamos tamén con SUSO DÍAZ, para felcitalo e compartir con el algunhas das súas inquedanzas e coas que coincidimos e desexámoslle que pase un día gorentoso.

Despedímonos e desexamos que volvan a conectar con nosoutros o vindeiro sábado, á mesma hora, que tentaremos ofrecerlles, coma sempre, dúas horas de radio en galego. 

SABADO 10 de MAIO do 2014

Unha nova emisión baixo a dirección de ARMANDO FERNÁNDEZ, xunto con LAURA SANTOS, que comezan o programa conectando con Galicia para falar con FERNANDO BARROSO, un músico e compositor galego de moita traxectoria e traballo con varios grupos musicáis e moi relacionado con grupos tradicionais galegos e cataláns.

A segunda intervención-conexión é co noso correspondente na Baixa Limia, XOSÉ LAMELA, co que manteñen unha conversa moi interesante.

Conectan con Galicia novamente para falar co XULIO SIMÓN, o noso correspondente nas Rías Baixas, que sempre nos ten preparadas unha selección de novidades e comunicacións engaiolantes e moi cheas de interese cultural.

Falan co noso poeta da Mariña Lucense, don PACO RIVAS, que sempre ten unha intervención moi retranqueira e por veces agasállanos con algunha das súas composicións poéticas.

Finalizan o programa despedíndose de tódolos nosos oíntes e seguidores desexando que volvan a sintonizarnos a vindeira semana.

3 de MAIO do 2014

Despois de varios días de "ausencia" obrigada, por mor de diversas circunstancias personais, hoxe tornamos ao traballo con todos vosoutros e a nosa primeira comunicación-entrevista é coma sempre, conectando coa BAIXA LIMIA para falarmos con XOSÉ LAMELA, o noso correspondente oficial que nos presenta ao seu contertulio convidado: XOAN CARLOS FERDEZ.RDGZ. que é o Delegado de ADEGA para Ourense. A súa aportación e a conversa que mantemos con eles seguro que vos será de grande utilidade, para coñecer un chisquiño máis polo miúdo, o entorno natural desa zona da nosa Galicia. 

 
Na segunda hora non podemos comunicarnos co noso correspondente XULIO SIMÓN, nas Rías Baixas. Damos cumplida información de varias noticias que nos chegan á Redacción e continuamos na nosa teima. 

 
Agora conectamos con LAURA SANTOS, que dende Santa Coloma de Gramanet fainos de corresponden para informarnos da Festa do 31 aniversario de "Airiños da Nosa Galicia", a Asociación Cultural Galega desa localidad. Preséntanos a OVIDIO, que nos fala da Entidade. 

 
E finalizamos o programa desexándolles que pasen unha semana moi gorentosa. 

 
A vindeira semana agardamos que volvan a sintonizarnos. Seguro que teremos novidades interesantes que comunicarlles e tamén haberá entrevistas de importancia. Nós desexamos facerlles agradables estas dúas horiñas de radio.

Programa do 26 de ABRIL do 2014

Hoxe temos a ocasión de "colgar" o programa atrasado do 26 de Abril pasado. A emisión foi dirixida por Armando Fernández. Comeza coa intervención de ALFREDO GONZÁLEZ, o noso amigo cantautor que ven a presentar o seu novo traballo disco-CD editado en tres linguas.

Conecta con Galicia, concretamente coa Baixa Limia para falar co noso correspondente XOSÉ LAMELA, que ten como convidado especial a AMERICO RODRÍGUEZ, un "raiano de Melgaço" galego-portugués, con moitas vivencias e experiencias.

Algúns comentarios máis sobre o Disco que acaba de editar e presentarnos en directo: VERITAS MI, que ven acompañado dun DVD con imaxes relacionadas coas interpretacións musicáis.

Charla con XULIO SIMÓN, o noso correspondente nas Rías Baixas, que sempre nos agasalla cunha intervención chea de contido cultural.