Ultimo programa do 2013

SABADO 21 de DECEMBRO do 2013 

Facemos este ultimo programiña do ano coa intención de facerlles pasar dúas horiñas cheas de alegría. Aproveitando que estamos nunhas datas tan entrañables poñémonos en contacto con FARRUCO GRAÑA, de Ribadeo, que ven recibir o 1º Premio de Narrativa "Rosa Reboredo" da A.C.G.Rosalía de Castro de Cornellà (a nosa Entidade). Charlamos un chisco con el, felicitámolo e desexámoslle o mellor para o vindeiro ano. 

 A segunda comunicación é con MIRIAN FERRADANS, poeta de Bueu, que acadou o 1º Premio do 27 Certame de Poesía da nosa Entidade. Ademais de felicitala polo seu éxito tamén lle desexamos moi boas Festas de Nadal e moitos éxitos no vindeiro ano 2014. 

 A terceira conversa e mini-entrevista é con CRISTINA FERREIRO, outra xoven poeta que acadou o 2º Premio do Certame de Poesía da nosa Asociación. Agradecémoslle a dedicación que nos dispensa e desexámoslle moitos éxitos.

 Novamente chamamos a Galicia, concretamente a Ourense e falamos con ARANCHA RODRIGUEZ, outra xove e nobel poetisa, que gañou o 3º Premio de Poesía en Língua Galega, da nosa Entidade. Felicitámola e desexámoslle Felices Festas. 

Na segunda hora falamos primeiro con YOLANDA FERNÁNDEZ, para felicitarlle estas Festas entrañables e desexarlle o mellor para o vindeiro ano. 

 Despois, acompañados polo presidente da A.C.G.Rosalía de Castro, ALFONSO RICO, falamos co noso poeta da mariña Lucense, PACO RIVAS para desexarlle o mellor nestas datas e que siga mantendo ese seu bon humor para con todos nosoutros. 

 E para finalizar comunicámonos con SES, a nosa admirada cantautora galega, para felicitala e desellarle o mellor.

 Despedímonos de toda a nosa audiencia e seguidores cunha panxoliña e desexando que todo decorra ben, ata o ano 2014.

14 de decembro do 2013

Despois do "descanso" da semana pasada, voltamos a ofrecervos outro programiña de Radio en galego, con algunas intervencións interesantes. En primero lugar chamamos ao noso correspondente -Xosé Lamela- na BAIXA LIMIA, para que nos presente ao contertulio desta semana: PABLO RODRÍGUEZ PAZ, unha persoa con moita proxección que ademáis ten un currículum cheo de condecoracións académicas. Fálanos das moitas posibilidades e recursos dos que dispón a Baixa Limia e mantemos unha conversa-entrevista moi interesante. 

 Denantes de comezar a segunda hora comentamos un chisco os dous CDs que nos chegaron á Redacción: GALIZA, de Kepa Junkera e DANZAS BRANCAS, da Orquestra SONDESEU. Unha música que compartimos cos nosos oíntes e seguidores.

 Conectamos con XULIO SIMÓN, que como cada semana fainos un pormenorizado percorrido polas escollas culturais que nos ofrece. Tamén nos comenta un chisco os Primeiros Premios Galegos da Música Martin Codax, e fai unha pequena referencia ao Festival que se celebrará en Pontevedra nos comezos do vindeiro ano 2014, CANTOS NA MARE, coordinado pola grande UXÍA. 

 Antes de despedirnos comentamos novamente algo máis sobre a música que lles propoñemos escoitar.

 A vindeira semana será o ultimo programa deste ano. ¡Agardámosv@s! ¡Que teñades unha feiticeira semana!

Sábado 30 de NOVEMBRO

Un programiña máis en galego. Comezamos coa presentación do disco GALIZA, de KEPA JUNQUERA, e dándolle a ben-vinda a ANXO ANGUEIRA, Presidente da Fundación e Patronato ROSALÍA DE CASTRO, en Padrón. Mentres agardabamos a presencia doutros combidados, falamos co amigo Anxo Angueira de moitas e importantes actividades da fundación. Tamén lles propuxemos escoitar algunha peza do novo disco de Kepa Junquera.

Chegan aos nosos estudios XULIO SIMÓN e MARÍA XOSÉ SILVAR, SES. Saudámolos e mantimos unha pequena conversa con todos eles. De remate desta entrevista-conversa, agasállanos SES cunha interpretación "á capela" dunha peza tradicional galega. Paga a pena escoitala.

Na segunda hora continúa a programación a cargo de ARMANDO FERNÁNDEZ, cos seus comentarios e propostas para escoitar un chisco máis de música galega... 

Para rematar conecta coa Mariña Lucense para falar con PACO RIBAS, o noso colaborador e Poeta da Mariña, para despedirse de tódolos nosos seguidores e oíntes. A vindeira semana non emitiremos, por mor do día festivo, pero a semana seguinte, é dicir o día 14 voltaremos outra vez, para ofrecerlles un programa máis, con moitas novidades e interesantes conversas e entrevistas. 

¡¡¡Que sexan felicies!!!

O Programa do 23 de NOVEMBRO

Este día desprazámonos a Lleida, para participar, coa Compañía de Teatro "ANDURIÑA", da A.C.G.Rosalía de Castro, na posta en escena da obra titulada "Os vellos non deben namorarse". Estivemos acompañados dunha morea de persoas da Entidade, e compartimos con eles un día de irmandade co Centro Galego de Lleida, que foron os que nos convidaron.

Fixemos un programa "enlatado" como dicimos sempre nestas ocasións, pero coido que alomenos entretido e con moita música. Cando o teña dividido axiña o colgarei, para disfrute de todos vosoutros.

Programa atrasado do día 16 de NOVEMBRO pasado

Por mor de certas "obrigas" personais, non puiden estar con todos vosotros nos estudios da nosa Radio, pero si que estiven acompañándovos dende a miña localización, mediante unha chamada telefónica que me fixo o amigo ARMANDO FERNANDEZ, que foi o encargado de levar adiante o programa. 

Tan axiña como teña os audios que sempre grabamos, farei as particións oportunas e colgarémolo neste blog que tanto me animan a facelo e continualo os nosos oíntes e seguidores. 

Pídovos disculpas polo atraso, pero deseguida que poida poñerémolo ao día.

Aquí vos presento o programa do SÁBADO 16 de NOVEMBRO pasado. Como xa vos dixen anteriormente, dirixe ARMANDO FERNÁNDEZ, e despois dos saúdos de rigor comeza na primeira hora falando con INMA GRASS, a responsable de FOLMUSICA. Tamén interveño eu, que xunto con Armando realizamos unha conversa-entrevista moi interesante, versando a maioría do tempo sobre o novo disco de KEPA JUNQUERA: GALIZA, un libro disco que se presentará o 19 de novembro en Santiago de Compostela e que lles prometemos ofrecer en vindeiras emisións.

 Despois ponse en contacto co noso correspondente-colaborador XULIO SIMÓN, en Combarro, que nos pon ao corrente das súas aportacións culturais tan interesantes, cheas de ensino para todos nós. 

 A seguir comunicámonos con ALFONSO RICO, o Presidente da A.C.G.Rosalía de Castro, que nos fala das ultimas actividades e interesantes novidades que se están a realizar na Entidade. Agradecémoslle-lo e prometemos voltar a falar con el para que nos informe do Premio de Poesía e outras cousas. 

 Para finalizar propoñéomoslles escoitar un chisco máis de música galega, aproveitando o novo disco de RADIO COS, que nos envióu o noso amigo Xoan Luaces Fandiño e que seguro deleitará a tódolos nosos esocoitantes. A vindeira semana non poderemos estar nos estudios, pero o noso programa estará con todos vosoutros. ¡Agardámosvos!