SÁBADO 30 de ABRIL do 2016

No programa de hoxe comezamos escoitando unha peza tradicional galega para conectarmos directamente con LAURA SANTOS, que nesta ocasión fainos de correspondente den Santa coloma de Gramanet, para falarnos da "XXXIII Festa Galega de Airiños da Nosa Galicia" que celebran esta fin de semana. Agradecémosllelo e desexámoslles moitos éxitos. 

 A segunda comunicación é con don XOSÉ TERCEIRO, Presidente do Centro Galego de Lleida, que nos pon ao corrente das celebracións que teñen previsto realizar a vindeira fin de semana en Lleida, destacando a actuación que terán os de AGARIMOS, de Badalona o día 7 de maio na capital lleidatana. 

 Na segunda hora, como sempre, conectamos con Galicia para falarmos co noso correspondente nas Rísa Baixas, concretamente en Combarro, XULIO SIMÓN RÚA, que nos fala das diferentes novidades interesantes que sempre nos ten preparadas para tódolos nosos oíntes e seguidores. 

Despedímonos ate o vindeiro sábado á mesma hora, de 18 a 20horas, despois de informarlles dalgunhas novidades interresantes e escoitar un pouco máis de música.

 A vindeira semana máis e con máis contidos culturais e entrevistas. Agardámosvos a todos. Non faltedes á nosa cita.

SÁBADO 23 de ABRIL do 2016

Comezamos o programa ofrecéndolles unha novidade musical que nos chegou dende Galicia e poñémonos en contacto con don JOSÉ BADÁS FERNÁNDEZ, da Revista LETHES e XOSÉ LAMELA fainos de contertulio presentador deste grande personaxe da Cultura Galega na LIMIA. Agradecémoslle a ámbolos dous a súa amable participación e descrición do traballo que están levando a cabo. 

 Despois comentamos un chisco algunhas novidades musicais que nos cehgaron para disfrute de tódolos nosos oíntes e seguidores. Na segunda hora conectamos con don XOSÉ CANOSA, Presidente da "A.C.G.Airiños da Nosa Galicia" en Santa Coloma de Gramenet, que nos informa das actividades previstas realizar para celebrar o "33 Aniversario" desta entidade, que comezan este domingo cun "Festival Solidario" para recoller alimentos e finalizará coa Gran Festa Galega no Parc Europa de Santa Coloma, os día 29, 30 de abril e 1 de maio próximos. 

 Tamén chamamos a don ANTONIO RODRÍGUEZ, Presidente da "A.C.G.O Noso LAR" de Terrassa, que tamén nos informa da realización da 34 FESTA GALEGA en Terrassa, prevista para os días 6,7 e 8 de maio próximos. 

 Despedímonos ate a vindeira semana, pero ofrecéndolles a escoita de varias pezas musicais, en primicia. 

 A vindeira semana máis. Seguide sintonizándonos e escoitándonos.

16 de ABRIL do 2016 - 30 ANOS de SEMPRENGALICIA

Hoxe, 16 de ABRIL, cúmplense exactamente 30 ANOS de existencia deste programa en galego de Radio Cornellà. ¡Felicitacións a tódolos que fixeron posible que esto continúe así!

Comeza o programa coa asistencia, nos estudos, de LAURA SANTOS, ARMANDO FERNÁNDEZ, OLIVER FERNÁNDEZ (Presidente da A.C.G.Rosalía de Castro), MANUEL RODRÍGUEZ JULIÁN (socio Fundador desta nosa emisión radiofónica e primeiro director da mesma), INÉS e PAU; nos controis técnicos KIKO. Unha charla distendida comentando cousas relacionadas coa celebración e coa Asociación C.G.Rosalía de Castro, e proposta de audición dunha peza musical galega.

Entra nos estudos ALFONSO RICO, o anterior Presidente da Entidade e aproveitan para chamar a XOSÉ LAMELA, o anterior Director deste programa e actualmente correspondente do mesmo dende a Baixa Limia.

A segunda hora comeza conectando coas Rías Baixas, concretamente Comabarro, onde se atopa XULIO SIMÓN, colaborador desta nosa radio dende os comezos, que ten preparada a súa aportación cultural correspondente.

Despois chámanme a min, que non puiden asistir persoalmente, e comentamos algunhas das interesante noticias que están a comunicar aos nosos oíntes e seguidores.

A última conexión é con XOAN EIRIZ, cantautor galego que ven de publicar o seu CD número 12: "Verbas no vento" e comentan con el varios aspectos do mesmo, así como a próxima presentación nos medios.

A vindeira semana máis. Non deixen de sintonizarnos e seguirnos.

9 de ABRIL do 2016

No programa de hoxe xa temos o equipo cáseque ao completo: LAURA SANTOS, ARMANDO FERNÁNDEZ e un servidor. Comezamos escoitando unha peza de música galega e deseguida facemos a primeira comunicación conectando con don CARLOS ALONSO, do Centro Galego de LLEIDA, que nos fala das pesqueiras de lampreas en ARBO e daquela zona. Despois aproveitamos a chamada e falamos con don XOSÉ TERCEIRO, Presidente do Centro Galego de Lleida, que nos pon ao corrente das novidades e actividades que veñen desenrolando e convídanos a que vaiamos a disfrutar delas. Agradecémosllelo e despedímolos con otra peza de música. 

A segunda Entrevista é con LYDIA BOTANA - a de Aquí para alá-, unha cantautora que nos engaiola coa súa conversa e virá a Barcelona para participar no Sant Jordi para nenos a vindeira semana. Agradecémoslle a súa amable atención e prometémonos visitala e saudala en persoa, cando chegue aquí. 

 Na segunda hora, coma sempre, falamos co noso correspondente nas Rías Baixas, XULIO SIMÓN, que nos pon ao corrente das noticias que el escolle así como de varias e interesantes informacións que sempre ten para todos nosoutros. 

 Despois conectamos con PABLO do IEM (Instituto de Estudos Miñoranos) que nos relata as diferentes actividades e relatorios que están a realizar nesa Gondomar chea de inquedanzas. Agradecémoslle a súa aportación e prometémonos voltar a conectar con eles para seguirmos informados. 

 Despedímonos de todos vosoutros propoñéndovos escoitar algunha peza musical galega. 

 A vindeira semana máis

2 ABRIL do 2016

Unha nova emisión de radio en galego para tódolos nosos oíntes e seguidores, que nesta ocasión coordina ARMANDO FERNANDEZ, xa que o resto do equipo atópase en diferentes actos e compromisos que lles impiden poder acompañalo. A primeira comunicación é con PABLO CASAL, do IEM (Instituto de Estudos Miñoráns) para falar de algunhas das actividades e acontecementos que teñen lugar naquelas terras de Gondomar e arredores, a visita ao Aqua-Museo, Xogando Miudiño... ... e moitas cousas máis. 

 Agora Armando toma os mandos e fai un pequeno percorrido turístico falando das posibles visitas por TERRA CHHA e arredores, tentando amosarlles as posibilidades de visita interesantes que se poden facer por aquela zona galega de grande interese. 

 A segunda comunicación é co noso correspondente nas Rías Baixas, XULIO SIMÓN, que nesta ocasión ten coma convidado a GUSTAVO REY, do Bar "O Encontro", en Barrantes, gañador do Campionato Galego de "tirador de Cañas de cervexa". Ademais un grande afeccionado aos autos antigos e tamén un músico pertencente ao Grupo NOITE FECHADA. Unha conversa esclarecedora para sabermos algo máis sobre esa arte de servir as cervexas cun xeito máis esquisito e delicado. 

 Despídese de todos propoñéndolles escoitar varias pezas musicais galegas. 

O vindeiro sábado máis...

19 de MARZO do 2016

San Xosé. Un día para felicitar a tódolos pais, e a tódolos Xosés, como así o fixemos e propuxémoslles escoitar unha peciña de música da nosa discogrfía galega. Despois chamamos ao noso Colaborador, amigo e compañeiro XOSÉ LAMELA, que ven de enviarnos un libriño feiticeiro: A VIRXE DO XURÉS. Conversamos con el arredor desta publicación tan interesante con moitísima documentación e investigación que pon ao servizo e coñecemento de todos. El mesmo nos indica que é o resultado dunha "ofrenda" que lle fixo á propia Virxe que ademais ven acompañada dunha fermosísima canción-himno, adicado á Virxe, creada por Alfredo González Vilela. Pronto teremos a ocasión de compartir momentos moi agradables o día da súa presentación oficial, que seguro nos ofrecerá a A.C.G.Rosalía de Castro.

 Algunha noticia e comunicación, que nos chega á nosa Redacción e voltamos a escoitar outra peciña de máusica da nosa discografía galega. Na segunda hora comezamos novamente con noticias e informacións que nos chegan dende Galicia e aproveitamos para seguir escoitando música galega. 

Conectamos coa Mariña Lucense, para falarmos co noso "Poeta da Mariña" PACO RIVAS, que sempre ten algunha que outra intervención con retranca e aproveitamos para falar tamén con ARMANDO FERNÁNDEZ, que se atopa xa por terras lucense, disfrutando das vacacións de Semana Santa. Despois de desexarlle unha feliz estancia a Armando, seguimos escoitando a PACO, que nos agasalla coa declamación de tres das súas creacións poéticas. Máis novidades e informacións que nos chegan de Galicia, de interese para tódolos nosos oíntes. 

 A vindeira semana non teremos emisión. Son Festas de Pascua. Agardámosvos o vindeiro día 2 de ABRIL, que voltaremos con máis noticias, conversas, entrevistas e música galega...

 ¡¡¡ Que teñan unhas FELICES PASCUAS !!!

12 de MARZO do 2016

O programa de hoxe comezámolo o equipo cáseque ao completo. LAURA SANTOS, ARMANDO FERNÁNDEZ e un servidor xunto cunha convidada de excepción, dona BELÉN XESTAL, que nos veu a visitar e será a encargada, xunto coa nosa Luara e dona MEIREIA NAVARRO, Directora da nosa Radio, de impartir unha Conferencia baixo o título de "A DONA E A RADIO". Dámoslle a Benvida e agradecésmolles a súa colaboración, e partimos para o Acto.

Armando encárgase de seguir adiante, baixo os mandos técnicos de KIKO, coma sempre. Deseguida conecta con Galicia para falar con LYDIA BOTAÑA, con quen manten unha conversa interesante.

Despois, como no se atopa localizable o noso correspondente Xulio Simón, aproveita para falar con MERCHI ALVAREZ, a nosa amiga Presidenta de Galiciame, que nos informa dunha serie de actos e actividades que están a levar a cabo na Asociación AME de Galicia.

Despídese ofrecéndolles a escoita de varias pezas musicais.

A vindeira semana, máis.