Día 26 de setembro do 2009

O segundo programa desta nova tempada tivemos a compañía, en directo, de moitísimas persoas que nos escoitaban mediante Internet. Teño que dárvo-las gracias a tódolos que participástedes e moi particularmente a Luís Ares, compoñente do grupo "Alann Bique", con quen mantivemos unha conversa moi entretida falando das súas aportacións á nosa cultura musical galega.

Tamén compracemos a petición dun asíduo oínte que nos demandou, hai tempo, que falaramos coa "Confitería Luísa" , de Alariz, para que nos dera as súas opinións sobre os famosísimos Almendrados, e que ela fabrica dende hai moito tempo. Estivemos a falar con "Chusa", a súa filla, quen convidou a tódolos oíntes a probar os doces que fabrican naquela confitería, e que poden demandárllelos telefónicamente tamén, que seguro quedarán contentos do seu encargo.

Na segunda hora fixemos un percorrido por algunhas das moitas noticias que nos chegan á redacción. Falamos da próxima Festa de San Froilán-2009, na Praza Maior de Nou Barris en Barcelona. Tamén mantivemos unha pequena conversa de ben-vida con Paco Rivas, o noso poeta da Mariña Lucense, que sempre nos deleita coas súas composicións en directo.

E por ultimo a entrevista "en primicia" para tódolos oíntes, con don Xosé Santiago Camba, novo Secretario Xeral de Emigración da Xunta de Galicia. Son as primeiras declaracións a un medio de comunicación en Cataluña e sentímonos moi honrados pola súa atención (así lle-lo fixemos saber persoalmente), e agardamos que non sexan as ultimas. Prometeunos que pronto viría por Barcelona para visitar aos galegos que nos atopamos por aquí.

Agardamos que sigades sintonizándonos a vindeira semana. Coma sempre convidámosvos para que participedes con nosoutros en calquera momento da nosa emisión.

Programa do 19 de setembro do 2009

Este primeiro programa da nova tempada do noso "Sempre en Galicia" comeza cunha pequena eiva xa que tan só podemos realizar unha horiña de radio en galego. Son as cousas do directo que nos obrigan a deixar espazo aos compañeiros dos deportivos para que se beneficien tódolos oíntes de Cornellà da retransmisión do partido de futbol. Agardamos ter máis sorte en vindeiras ocasións e posiblemente non teñamos que "ceder" ningún espazo máis.

Escoitamos unha primeira peza de música: "El Cant dels ocells" en versión jazzista de Pedro Iturralde Quartet. Adicatoria miña e moi persoal para homenaxear a dúas donas das que recibimos ensinanzas moi especias: A mai de Antonio Díaz, Engracia Fernández González, e Carmen Vázquez Fernández, a miña nai; recentemente falecidas.
A seguinte peza é unha adicatoria para Marta Prego, que nos escoita e síguenos dende a Universidade de Bangor.
Comezamos do mesmo xeito que rematamos no mes de xuño: Nos estudios Antonio Díaz e mais un servidor de vostedes, e nos controis técnicos Marc Font Pi, aliado imprescindible para que funcionen ben as emisións musicais, as conversas telefónicas, as solicitudes... todo un traballo que desexamos destacar xa que é para nós unha peza fundamental.
A conversa que mantemos xira ao redor das posibles novidades coas que contaremos no estudio. De momento unha moi interesante: dentro da "peixeira" xa podemos disfrutar do Wi-fi e polo tanto podemos recibir, en directo, as comunicacións dos nosos oíntes internautas. Animámosvos a que participedes. O noso enderezo email é: semprengalicia@gmail.com

Recollemos a solicitude dun dos nosos asíduos oíntes e comunicantes, o tocaio Xulio, como acostuma a anunciarse el mesmo. Compracémoslle a súa demanda e deseguida conectamos coa Asociación Cultural Galega Rosalía de Castro para que nos poña ao corrente das próximas actividades da Entidade. Don Ricardo Pérez Anta, Presidente de "Rosalía" indícanos que estan a traballar nelas e pronto teremos cumprida información, e polo miúdo, das tódalas cousas que se van a realizar. Adiántanos a participación da Grupo na Festa da Asociación "Agarimos de Badalona", co quen non puidemos contactar polo escaso tempo do que dispoñíamos. Prometemos facelo noutra ocasión e así poderemos facer unha valoración do que foi e representou a primeira festa dos galegos en Cataluña, despois do paréntese das vacacións estivais.

Agardamos poder volver a contar con todos vosoutros para o vindeiro sábado e prometémosvos "primicias importantes", concretamente a 1ª entrevista que concede o señor Secretario Xeral de Emigración da Xunta de Galicia, don Xosé Santiago Camba Bouza, a un medio de comunicación en Cataluña; temos a súa confirmación. Estamos a traballar para poder ofrecervos cousas importantes e interesantes para tódolos nosos oíntes. Tamén estamos a recibir moitas suxerencias e propostas para incorporar á nosa emisión e seguro que algunha levarémola adiante.

Ata o vindeiro sábado: Saudiños para todos.

¡Saudiños cordiais! COMEZAMOS UNHA NOVA TEMPADA

Ola a todos.

Acabamos de recibir a confirmación OFICIAL de que o vindeiro sábado 19 de setembro ás 6h do serán poderemos comezar unha "NOVA ANDAINA", outra etapa máis de emisión en galego para todos, pero desta volta con moitas novidades e incorporacións interesantes e importantes. Así pois a primeira é que estaremos conectados directamente a Internet, dende os estudios e poderemos recibir e contestar, en directo, a tódolos comentarios, suxerencias e peticións que nos fagades os internautas. Até poderemos atender, mediante chat ou calquera outra novidade técnica, a tódolos que queirades participar. Seguro que ao principio teremos as dificultades e interrupcións correspondentes á posta en marcha deses adiantos, pero prometemos poñer todo da nosa parte para poder respostar ás vosas demandas.

Neste primeiro programa teremos tan só unha hora de emisión, é dicir de 6h á 7h. O motivo é que, segundo nos adiantou a nosa directora, haberá que conectar coas instalacións deportivas do Futbol Club Cornellà, que deberán retransmitir un dos partidos desta tempada 2009-10. Coidamos que será este sábado e agardamos non ter que retallar a nosa programación, nin mudar de horario, por mor desoutro compromiso social e popular da Radio.

Noutra orde de cousas teño que pedirvos a vosa colaboración para que esta nosa emisión sexa do agrado de todos vosoutros. Sodes vos, os oíntes e seguidores, os que nos dades azos suficientes para continuarmos coa nosa tarefa, pero gustaríanos recibir as vosas inquedanzas e as vosas suxerencias para tentar poñelas en práctica, tanto no eido da emisión de música, como das entrevistas e colaboracións. Tede por seguro que sempre serán ben recibidas e considerámolo como unha obriga poder compracervos en todo o posible.
O enderezo da nosa Radio:
Radio Cornellà 104.6 FM, Emissora Municipal
C/Costa Brava, 7 Baixos
08940 Cornellà de Llobregat
Tfonos.: 93.377.80.55 /93.377.82.00
O noso enderezo electrónico : semprengalicia@gmail.com

Para esta primeira ocasión queremos darvos a coñecer as intencións e proxectos que temos para este vindeiro curso 2009 - 2010, pero abrindo a posiblidade de poder modificar todo aquelo que pola vosa parte desexedes aportar, así como as incorporacións que posiblemente teremos, xa que os contactos mantidos perante estes meses de descanso tivemos moitas entrevistas e conversas con moitas persoas interesadas en que o noso programa se actualice, se modernice e faga o posible para que se "enganche" moitas máis xente a el. Sabemos das nosas limitacións e non temos demasiados recursos, pero queremos facer realidade aquel dito de que "fai máis o que quere que non o que pode". Os que nos coñecedes, de antigo, xa sabedes como traballamos e queremos continuar coa mesma liña, sen outra finalidade máis.

A nosa teima consistirá no seguinte :

• * Falar en galego.
• * Dar a coñecer tódalas noticias que nos chegan á redacción.
• * Manter entrevistas coas persoas achegadas á nosa cultura e aquelas que desinteresadamente se prestan ás nosas solicitudes e ás nosas preguntas.
• * Emitir todas as novidades musicais galegas, ou do noso entorno, que poidamos.
• * Entreter e manter o interese con todos os oíntes perante esas dúas horiñas de Radio en Galego.

Contamos con todos vosoutros para acadar eses nosos anceios. Contamos coa vosa axuda

Agardámosvos o vindeiro sábado 19 de setembro de 6h a 7h do serán.

Programa do 27 de XUÑO do 2009

Ultimo programa desta tempada.

Denantes de nada aquí tedes os números e os agraciados finais do Concurso:

nº 014. Vicente Maza. "Hotel-Spa Santa Mariña da Ponte"
nº 010. Ceip. Coirón. "Xanela da Lúa".
nº 004. Chousa de Alcandra. "Mirador da Ribeira".
nº 027. Artabria. "Hotel Vila de Viana.
nº 093. Eva C.Grande. "Hotel O Retorno".
nº 048. Serxio Seoane. "V.R. Rosalía".
nº 019. Carlos Sousa. "V.R. A Nosa Casa-Restaurante".

¡¡¡ MOITA SORTE A TODOS ELES !!!

Comezmos o programa dando a coñecer as propostas para estas dúas horiñas de radio en galegio dándolle a ben-vida a Antonio Díaz, colaborador, corresponsal de Galicia no Mundo e Director da revista "Lúa Nova". A primeira peza de música pertence ao ultimo disco de Carlos Núñez, así como un corte coas súas verbas falando do seu disco: "Alborada de Brasil".
A nosa primeira comunicación é con Toñi, a responsable do "Hotel O Retorno", de Viana do Bolo, a quen lle agradecemos a súa aportación e participación no noso 1º Concurso-Sorteo con motivo do 23 aniversario da emisión de "Sempre en Galicia", unha charla amena que aproveita para convidar á nosa audiencia a que se acheguen a aquelas terras para descansar.

Proseguimos a mantemos unha nova comunicación con Xosé Carlos, tamén colaborador e responsable da Asociación Rosalía de Castro, que nos fai un pequeno balanzo desta tempada e prométenos continuar nesta teima de traballar polas "nosas cousas" e con máis azos na vindeira tempada.

A seguinte comunicación é con Puri, unha das responsables do "Mirador da Ribeira", outra Vivenda Rural que colaborou connosco no mentado Concurso-Sorteo de Sempre en Galicia. Agradecémoslle a súa participación e mantemos unha breve conversa na que nos informa das moitas e boas cousas que se poden degustar na súa Vivenda Rural. Tamén nos convida a irmos por alí.

Comunicámonos con Ernesto Lagarón, Presidente da Asociación Cultural Galega "Saudade" que nos informa da fusión quese vai realizar en breves momentos, na sede desa Asociación, entre "O Penedo-Fogar Galego" e "Saudade". Paga a pena escoitar as súas explicacións e motivos polos que se levará a cabo a realización deste acto tan importante.

Na segunda hora, como cada semana, conectamos con Galicia, concretamente con Xulio Simón, o noso corresponsal oficial, e despois de darnos a primicia de que a Torre de Hércules ben de ser declarada como "Ptrimonio da Humanidade", mantemos unha pequena conversa na nos envía desexhos de benestar e unhas boas vacacións para tódolos oíntes, así como o convite de que calquera que se achegue a Galicia e desexe comer farturento e barato, que tome nota dos seguintes Restaurantes:
Monolo "O Raxo", na Coruña; O Churrasco de Ouro en "A Gudiña" (Ourense); "O Gancho", en Silleda e Cándida Vello en Muras. Todos cun menú popular de menos de 12 Euros cadanseu.

Novamente comunicación con Galicia, nesta caso con "Suso da Baixa Limia", que nos pon en antecedentes sobre un acto que se está a preparar para realizar concretamente o día 26 de xullo, no que se lle fará unha homenaxe a don Xosé Luís Mendez Ferrín, con motivo dunha andaina que se desenrolará naquelas terras de Arraianos. Quedou en enviarnos máis información cando estea xa rematado o calendario final. Desexámoslle moitos éxitos a esa iniciativa.

Proseguimos o noso percorrido coa chamada a Xosé Lois, de Chousa de Alcandra, que nos axudou na elaboración do Concurso-Sorteo de "Sempre en Galicia". Míra tí como son as cousas, que un dos números que saíron premiados correspondeulle a el. Felicitámolo e desexamos que sexa para el unha experiencia agradable. Quedamos en poder vernos por Galicia, aproveitando o nos obrigado desprazamento aló, para repoñer e recargar as "baterías".

A última comunicación deste ano foi con "Xosé Antonio Dacuña", fabricante de "Queixos do Xurés". Toda unha honra telo como colaborador e participante nesa nosa andaina. Sempre lle-lo agradeceremos porque ademais non so ofreceu dous lotes de produtos, senón que fíxolle entrega a cada unha da Vivendas Rurais, dun Queixo do Xurés. ¡Moitas Gracias, X.Antonio! Faremos o posible por corresponderche, na medida das nosas posibilidades, e sempre estaremos ao teu carón. Prometémoslle achegarnos a Vilameá de Riocaldo para visitalo e compartir con el algunha que outra vivencia.

E rematamos o programa e esta tempada, desexando que volvades a estar connosco a partir da primeira quincena de setembro, que voltaremos a estar con todos vosoutros e se nos é posible con novidades, música galega e entrevistas de interese para todos.

¡BOAS VACACIÓNS! para todos.

Programa do 20 de xuño 2009

Comezamos o programa de hoxe cunha peza de música galega tradicional: A muiñeira de Chantada, pero interpretada coa guitarra e adiantámoslle aos nosos oíntes tódolos acontecementos que desexamos levar adiante nestas dúas horiñas de Radio en Galego. Primeiro damos a coñecer algunhas das noticias que nos chegan á nosa Redacción e deseguida conectamos coa directora do grupo de Teatro "Anduriña", da Asociación Cultural Galega "Rosalía de Castro", que foi agraciada cunha fin de semana gratuíta nunha das Casas Rurais sorteadas a fin de semana pasada, dona AMELIA LÓPEZ, e que nos dice que non poderá aceptar tal agasallo por mor de certos inconvenientes familiares, así que tedes que estar atentos tódolos participantes, xa que temos que extraer VARIOS números dos que non resultaron agraciados para pode disfrutar deses premios.

A segunda comunicación-entrevista é con XURXO Cerdeira Louro, Historiador do Concello de Vedra, que nos fai un pormenorizado percorrido da súa investigación e traballo sobre a Emigración galega do seu concello a América, e adiántanos algunhas das cousas que se están a preparar para conmemorar o CENTENARIO dese acontecemento en VEDRA, así como a Exposición que teñen en Mollet del Vallés, convidados pola Irmandade Galega. A verdade é que paga a pena escoitalo e prometémoslle voltar a conectar con el, a medida que se vaian sucedendo acontecementos ao redor deste evento tan importante.

Continuamos a nosa emisión e falamos agora con XULIO SIMÓN, como cada semana, deleitándonos coa súa intervención falándonos de Benedetti, Cortazar, publicacións e libros recomendados para todos nós. Remata cunha cita de Castelao referida ao Gaiteiro de Soutelo de Montes e nós, regalámoslle a tódolos oíntes a escoita dunha peza de música, en primicia, do ultimo albume de Carlos Núñez -que se titula "Alborada de Brasil"), e que podedes escoitar ao final da súa intervención. Unha regalía para todos, como remata dicindo Xulio.

A seguir conectamos con Cándido Meixide, o responsable da Colección Multimedia de Edición do Cumio que nos pon en antecedentes sobre unha publicación interesantísima referida ao Gaiteiro de Catoira: Agustín Lorenzo Loroño, que tivo lugar no Auditorio da e-Trad na Avenida García Barbón nº5 de Vigo, e na que estiveron o autor do libro, Xosé Ameneiro, Agustín Lorenzo fillo, que continúa co grupo fundado polo seu pai, e o propio Cándido. Prometeunos enviar ese traballo para que poidamos escoitalo no noso programa. Temos que agradecerlle a súa deferencia e estima ao facernos partícipes desta novidade, xa que somos os primeiros que o publicamos en Cataluña.

A ultima intervención-conversa-entrevista é con MATIAS, o responsable do "Hotel Vila de Viana", un dos promotores do Concurso-Sorteo da nosa Radio. Agradecémoslle a súa oferta e participación e fainos unha pormenorizada descrición do seu establecemento e das posibilidades que ofrece aos seus clientes na súa casa, incidindo na decoración persoal do seu recinto e na colección de reloxos que posúe. Convídanos a que probemos e que despois opinemos sobre a estancia no seu hoteliño, que está catalogado cunha estrela, pero que ten un servicio de 4 ou cinco estrelas. Agradecémosllo e prometemos voltar a falar con el en videiros programas.

DESPOIS DO SORTEO

Estou a recibir correos de felicitación e de agradecemento por este traballiño que levamos adiante gracias ao noso equipo (Serxio, Antonio e Marc) e a varias persoas alleas á nosa Entidade, que desinteresadamente nos axudaron e participaron connosco. Teño que facelo público e agradecelo persoalmente: Se non fora por Xosé Luís (Chousa da Alcandra), Mireia -a nosa directora- por Domingo, Toñi, Carmen, Narciso, Matías, Lisardo, X.Antonio Dacuña, Pedro e mais Paco Glez., eu non sería capaz de conseguir o que fixemos. Síntome moi falagado cos agradecementos, pero son eu o que teño que agradecer persoalmente a vosa desinteresada aportación sen a cal non seriamos capaces de acadar este éxito da nosa radio “Sempre en Galicia”, que tamén é unha boa parte vosa, oíntes e seguidores fieis.

Despois do Sorteo, no fermoso Parque de Can Mercader, tendo como testigos a tódolos asistentes, teño que dicir que síntome falagado e moi contento co resultado acadado. Despois de recapacitar e facer un seguimento polo miúdo de todo, quero pedir disculpas polos posibles erros que houbo. Sentímolo moito e agardamos que nos sirvan de acicate para que non volvan a suceder e procurar mellorar para vindeiras ocasións.

No tocante aos resultados temos que facervos saber o seguinte:

1º.- Os gañadores están a confirmar, con certa lentitude, a recepción dos seus agasallos, e polo que estamos a comprobar, algúns deles podia que non acepten o premio, polo que se esto sucede teremos que facer un novo sorteo con todos aqueles premios aos que renuncien os números concedidos. Así pois estade moi atentos aos dous ultimos programas de “Sempre en Galicia”.

2º.- Na relación de participantes podedes comprobar que estan repetidos 3 veces os patrocinadores do Sorteo. A razón é a que nos suxeriron e consensuamos con tódolos oíntes, e outras persoas da redacción e posta en marcha deste Sorteo: Decidiuse que recibiran tres números cada un dos patrocinadores, xa que eles tiñan que ter máis oportunidades que o resto dos participantes. Tamén se poden observar doce repeticións de Radio Cornellà, acompañadas dun número. Esas son as chamadas telefónicas á redacción da Radio, e non figuran os nomes porque cando confeccionei a lista non tiña esa relación xa que a Emisora estaba pechada esta fin de semana, por mor da Festa Major de Cornellà

3º.- O nº 103 non vai facer uso do seu premio, xa que é a Vivenda Rural “A Nosa Casa-Restaurante” e ten a súa residencia na mesma Vila de Viana do Bolo, polo tanto teremos que extraer outro número para entregar, denantes de que remate esta tempada de radio.

3º.- Tódolos participantes de momento, excepto os xa agraciados, teredes dúas oportunidades máis de ser premiados posto que haberá que extraer dous números para completar o Sorteo. O domingo pasado quedounos por entregar o número correspondente á Casa Rural “Mirador da Ribeira”. Así pois quedan por conceder os dous números correspondentes a : “Hotel Vila de Viana” e Vivenda Rural “Mirador da Ribeira”.

ESTADE MOI ATENTOS nos dous últimos programas de “Sempre en Galicia”, o día 20 e o día 27 de xuño, xa que extraeremos os dous números que faltan.

Tamén podedes seguir informados visitando este noso blog, xa que tentaremos actualizalo constantemente.

Resultado do Iº CONCURSO-SORTEO do noso programa "Sempre en Galicia"

Con motivo do "23 aniversario" da posta en marcha do programa "Sempre en Galicia" realizamos este 1º Concurso-Sorteo para agasallar aos nosos oíntes e seguidores. Gracias aos promotores e patrocinadores que desinteresadamente nos ofreceron as súas Vivendas Rurais, queixos e productos. O xogo consistiu en que tódolos interesados tiñan que enviar un correo electrónico ao noso enderezo semprengalicia@gmail.com e facer un comentario no noso blog, ou ben chamar por teléfono a Radio Cornellà solicitando un número. Os participantes e números entregados foron os seguintes:

01 Rubén Alonso. 02 Mª José Jarba. 03 Paz Zeltia. 04 Chousa da Alcandra. 05 Piska. 06 Tapi 8. 07 Fernando. 08 Rafa Muñoz. 09 Vanessa. 10 Ceip C-Dena. 11 Ofir Enríquez. 12 Olga Seco. 13 Oliver Regueiro. 14 Vicente Maza. 15 Xus Vizcaia. 16Oscar Oliver Soler. 17 Mª Luísa. 18 Kike. 19 Carlos Sousa. 20 Sebastián Santiso. 21 Carmen Alvarez. 22 Mª Paz Garrido. 23 Julio Gacía Rex. 24 Genita. 25 Victor Pérez. 26 Nuria Cots. 27 Artabria. 28 Suso Baixa Limia. 29 Iria de Matuca. 30 Gabriela. 31 Alex da Caixa. 32 Xosé Antonio. 33 Pablo C. 34 H.S Sta. Mariña. 35 Antonio Miguélez. 36 Antonio Díaz. 37 Hotel O Retorno. 38 Manoel Carrete. 39 Bolillera gallega. 40 Xanela da Lúa. 41 Paco “A Boroa”. 42 Mirador da Ribeira. 43 V.R. Rosalía. 44 V.R. A Nosa C. 45 Manolo Valdés. 46 Pilar Carracelas. 47 Saraiba. 48 Serxio Seoane. 49 Silvia Cañadas. 50 Manuel Vázquez. 51 Horacio. 52 Mónica Iglesias. 53 Marian Vidal. 54 Marta Prego. 55 Luisa Jares. 56 Marc Font. 57 Juan Carlos Diez. 58 Carlos Vagalume. 59 Elvira Veloso. 60 Amelia López. 61 Fermin Diez. 62 Antonio R.Cancio. 63 Anabel-Cornellà. 64 Natalia Cojar.65 Xulio Costa. 66 Castora da Natalia. 67 Natalia da Castor. 68 Mª Anxeles Rgz. 69 Basela Barja. 70 Pablo Martínez. 71 Radio Cornellà-Chamada-1. 72 Radio Cornellà-2. 73 Radio Cornellà-3. 74 Radio Cornellà-4. 75 Radio Cornellà-5. 76 Radio Cornellà-6. 77 Radio Cornellà-7. 78 Radio Cornellà-8. 79 Radio Cornellà-9. 80 Radio Cornellà-10. 81 Radio Cornellà-11. 82 Radio Cornellà-12. 83 Dani Villaitodo. 84 Raquel Ramírez. 85 Claudia Villaitodo. 86 Nacho Cougil. 87 Pili do Antonio M. 88 Mati Grande. 89 Helena Miguélez. 90 Marta Manzanares. 91 Rubén C.G. 92 Salva Manzanares. 93 Eva C.Grande. 94 Nuria de Salva. 95 H.S Sta.Mariña. 96 Paco “A Boroa”. 97 X.Antonio-Queixos. 98 Hotel O Retorno. 99 V.R.Rosalía. 100 Xanela da Lúa. 101 H.Vila de Viana. 102 Mirador da Ribeira. 103 V.R.Nosa Casa-R. 104 H.S Sat.Mariña. 105 V.R.Rosalía. 106 Hotel O Retorno. 107 Xanela da Lúa. 108 H Vila de Viana. 109 Mirador da Ribeira. 110 V.R.A Nosa Casa. 111 X.Antonio-Queixos. 112 H.Vila de Viana. 113 Paco “A Boroa”. 114 Jaime Martínez Abreu.

E os gañadores foron :
Nº 14.Vicente Maza : Fin de semana para 2 persoas no Hotel-Spa Sta.Mariña da Ponte.

Nº 93.Eva C.Grande: Fin de semana para 2 persoas no Hotel "O Retorno".

Nº 103.V.R.A Nosa Casa: Fin de semana para 2 persoas no "Hotel Vila de Viana".

Nº 48.Serxio Seoane: Fin de semana para 2 persoas na V.R. "Rosalía".

Nº 62.Antonio R.Cancio: Fin de semana para 2 persoas en "A Nosa Casa-Restaurante".

Nº 94.Núria de Salva: Fin de semana para 2 persoas na V.R. "Xanela da Lúa".

Nº 96.Paco González: Lote productos doados por "Queixos do Xurés".

Nº 101.Hotel Vila de Viana: Lote de productos de "Queixos do Xurés".

Nº 84.Raquel Martínez: Dúas empanadas (1 atun e outra de carne) de "A Boroa".

Nº 87.Pili de Antonio: Dúas empanadas (1 atun e outra de carne) de "A Boroa".


Podedes ver a realización do sorteo no seguinte video: