SÁBADO 29 de NOVEMBRO do 2025

Comezamos unha emisión máis, coa nosa sintonía, as salutacións oportunas e un bocadiño de música, para poñernos en contacto co noso correspondente na Costa da Morte OSCAR M. REY CALO. que sempre ten preparada unha crónica resumida das máis relevantes noticias que suceden naquela contorna. Lémbranos que se volverá a escoitar o noso programa en Radio Roncudo, mañá domingo, a partir das dez da mañá, e que na páxina quepasancosta.gal, pódense coñecer e ampliar as noticias que nos facilitou. Agradecémoslle a súa colaboración e desexamos que teña unha feliz semana.

Facémoslle unha pequena entrevista-conversa a MARÍA GÓMEZ, Xerente de "EMGROBES" (Empresarios Grovenses de Bens e Servizos). Parabenizámola pola parte que lle toca e danos a coñecer a noticia da celebración Gastronómica tan importante que cumple 23 anos de celebración: "XXIII Xornadas Gastronómicas" Festa da Centrola de O Grove, dende o 27 de novembro ata o día 8 de decembro. Agradecémoslle a atención e desexamos que teñan moito éxito.

Continuamos o programa e poñémonos en contacto con ANTONIO ÁLVAREZ GONZÁLEZ, Presidente da "Asociación Castaño e Nogueira" de Cancelada.  Asociación sen ánimo de lucro que traballa para o impulso do desenvolvemento Rural e Medio Ambente. Parabenizámolo porque o Sendeiro "Ruta Quintá - Río Donsal"

, presentou a súa candidatura para ser nominado Sendeiro Azul, polo Xurado da ADEAC, antes do Nadal deste ano. Paga a pena escoitar as informacións e comentarios tan interesantes que nos facilita o Presidente. Agradecémoslle a detallada información que nos aportou e desexamos que pronto lle sexa concedido ese título tan importante e moi merecente, baixo a nosa humilde opinión. Como somos talismán, seguro que en breve voltaremos a comunicar esa noticia.

Conectamos novamente con Galicia, para entrevistar e conversar con MARIFÉ PÉREZ ARIAS, que rexenta o Restaurante "Casa do CHAO" en Villaverde, Navia de Suarna, e que acaba de inaugurar as "Cabanas do Chao". Parabenizámola porque a inauguración foi todo un éxito de participación veciñal e amiszade de moitas persoas que aprezan ese labor en prol do Rural e a atención esmerada que facilitan aos que se achegan a degustar os menús do seu restaurante e que agora poderán disfrutar dun aloxamento fermoso e cheo de grandes comodidades. Desexamos que sigan colleitando moitos éxitos.

Recibimos a proposta visitable do noso correspondente e colaborador viaxeiro incansable e reporteiro gráfico XOAN ARCO DA VELLA, que nos fla da visita, que poden contemplar nas súas publicacións, ao mosteiro de San Pedro de Cela, na parroquia de Louredo, en Buxán da Ribeira Sacra. Recomendable tamén poder disfrutar do servizo gastronómico que se atopa na Casa Pepe, na ribeira do Río Miño.

Despedimos o programa anunciando a crónica que nos envióu o noso correspondente XULIO SIMÓN.

Aquí podedes escoitar a crónica de XULIO SIMÓN RÚA, o noso correspondente nas Rías Baixas, dende Combarro concretamente. Unha fermosa aportación cultural acompañada dunha lectura poética moi interesante e finalizando coa escoita dunha peza de Uxía.

Deixamos aquí o programa completo - Enteiro.