SÁBADO 22 de NOVEMBRO do 2025

Comezamos coa nosa sintonía, as salutacións oportunas, un bocadiño de música e poñémonos en contacto con MÍRIAM MARTÍN, periodista filla de galegos, que traballa na Televisión de Banyoles, e que nos comenta algunhas cousas relacionadas coa súa faceta profisional. Aproveitamos para que nos diga algunhas cousas persoais relacionadas coas visitas a Galicia, posto que a súa familia é de Valga, perto de Padrón (Pontevedra). Fálanos das visitas periódicas, casi obrigadas no verán, para disfrutar do lecer e da familia. Desexamos que teña moito éxito na súa tarefa.

Despois de escoitar outro bocadiño de música conectamos coa profesora de francés, traductora e poeta ELÍSABETH OLIVEIRA, en Galicia, para felicitala pola recente publicación do seu libro de poemas: "AS NINGUÉN", editado por Edicións Belagua. Xa tivo varias presentacións nalgunhas librerias e ten previsto continuar en datas próximas. Mantemos unha conversa moi enriquecedora e ilustrativa para coñecer un pouco máis sobre ese título que é unha metáfora do que ela mesma define como "as que calaron, anularon, queimaron... Nós, mulleres, nada máis, nada menos, aínda na loita por recoñecernos iguais. Nós! que tivemos de inventarnos". Coméntanos que a feminidade temos que seguir reivindicándoa e apostando pola posta en valor das mulleres na sociedade actual. Agradecémoslle a súa aportación no programa de hoxe e desexamos que teña moitos éxitos.

Continuamos a emisión e recibimos a MARTA DOVIRO, artista e presentadora na Televisión Galega. Parabenizámola polo seu traballo e coméntanos algo da súa traxectoria artística en diversas series televisivas así como tamén nalgunha película. Descríbenos a qué é debido ese seu nome artístico moi interesante, que provén dun seu familiar, concretamente seu bisavó paterno e adoptouno artísticamente. Ten presentado programas moi interesantes e actualmente estase a emitir pola canle da Televisión Galega, e convídanos a visionala, unha serie que leva por título "O home perfecto", e na que ela ten unha actuación bastante destacada. Agradecémoslle a súa amable atención e desexamos que siga colleitando moitos éxitos.

Voltamos novamente a Galicia para recibir a crónica da nosa correspondente nos Ancares Lugueses, concretamente dende Becerreá, FERNANDA FOLLANA NEIRA, que nos fala da Ponte de Cruzul e da Cova de Valdavara. Tamén nos comenta que próximamente se inaugurarán as novas "Cabanas da Casa Chao". Prometémonos conectar con Marifé, responsable e copropietaria.

 

Seguimos escoitando música e aproveitamos para conectar co noso correspondente viaxeiro e reporteiro gráfico XOAN ARCO DA VELLA, que sempre ten preparada unha suxerencia, que nos recomenda, para visitar, nesta ocasión a Serra do Suído e contemplar a que denominaron a "Casa do Demo", que non era tal. Aquí podedes escoitar a súa descrición detallada.

Despedimos o programa con esa música de fondo anunciando o que temos previsto a continuación.

 

Escotaremos a crónica cultural que nos envía o noso correspondente nas Rías Baixas, concretamente dende Combarro, XULIO SIMÓN RÚA. Nesta ocasión é unha continuidade do que nos adiantou a semana pasada, falando dos Gaiteiros.

Deixamos aquí o programa Completo - Enteiro.