A segunda colaboracións recibímola dende a Costa da Morte, concretamente dende Cee. O noso correspondente Oscar Manuel Rey, mándanos a súa crónica semanal. Resáltanos a súa relación coa páxina "que pasa na costa" que é o centro informativo de referencia para tódalas persoas interesadas. Moitas grazas, Oscar!
Escoitamos unha peza musical (primicia para tódolos nosos oíntes e seguidores) que interpretan as "Tanxugueiras", que leva por título Rabia. Pertence ao CD que acaba de publicar o Grupo catalán "Roba Estesa". Precisamente este trema interprétano empregando os tres idiomas: castelán, catalán e galego. A continuación conectamos con Galicia, concretamente coa nosa correspondente Fernanda Follana Neira, que dende os Ancares lugueses ofrécenos, tamén, a súa crónica semanal con novidades interesantes.
Despedimos a Fernanda con música e dámoslle a ben-vida a Eva Veiga Torre, poeta, escritora e periodista, a quen felicitamos pola súa extraordinaria actuación-declamación que tivo lugar en Santa Coloma de Gramanet, días pasados. Agradecémoslle a súa amable atención. É un primeiro contacto que celebramos e hónranos coa cativa charla que mantivemos, pero prometémonos voltar a convidala e preguntarlle moitas cousas máis para coñecemento dos nosos oíntes e seguidores. ¡Moitas grazas Eva Veiga!
Conectamos co noso Poeta da Mariña Luguesa, Paco Rivas, que sempre ten unha amena conversa e comunicación. Fálanos das recentes publicacións e agasállanos con dous "haikus" da súa autoría.
E despedímonos ate o vindeiro sábado á mesma hora.
¡Que teñan unha feliz semana!
Aquí poden escoitar o programa completo.
Ningún comentario:
Publicar un comentario