SáBADO 23 de Outubro do 2021

Comezamos unha nova emisión do "Semprengalicia" coa nosa sintonía de sempre e dándolles a ben-vinda a tódolos nosos oíntes e seguidores. A continuación conectamos con XESÚS FRAGA, a quen parabenizamos, porque ben de gañar o Premio Nacional de Narrativa pola súa novela "Virtudes (e misterios)", que segundo as noticias que nos chegaron á Redacción, trata dunha familia da Coruña marcada pola Emigración. Coméntanos algunha cousas relacionadas coa súa creación e agradecémoslle a súa amable atención. Noutra ocasión, cando poidamos ler o seu libro, voltaremos a falar con el para aprender algo máis. ¡Grazas Xesús!

A segunda intervención é con outra persoa relacionada coa escrita, nesta ocasión chamase ARANCHA NOGUEIRA, que tamén a felicitamos dándolle os nosos parabens por ter acadado o Premio de Poesía Victoriano Taibo, que convoca o Instituto de Estudos Miñoráns en colaboración co Concello de Gondomar e a Editorial Galaxia. A obra presentada é "Antese". Mantemos unha conversa-entrevista para poder informarnos, un bocadiño, da súa traxectoria e agasállanos cuns versos desa obra premiada, como adianto do que será cando se publique. Moitas grazas Arancha!!! e ¡Moitos éxitos!!!

Continuamos o programa e conectamos novamente con Galicia, para recibir a crónica semanal do noso correspondente na Costa da Morte, Oscar Manuel Rey, que nos informa moi polo miúdo, das noticias que escolleu para nosoutros. Un privilexio e unha esclusiva para os nosos oíntes e seguidores.

A segunda hora encetámola saudando a Quique Fernández Món-Sánchez e voltando novamente a Galicia, concretamente Ourense, para falar con OLGA NOVOA. Agasállanos coa lectura dunha das súas creacións poéticas. Un primeiro contacto que nos serve para coñecela un chisquiño e en vindeiras datas terémola como colaboradora. ¡Moitas Grazas Olga!

Despedimos a Olga cun bocadiño de música e recibimos a UXÍA, responsable da Biblioteca Municipal de O Grove, a quen parabenizamos por teren acadado o Premio María Moliner a nivel de España. Unha distinción que comparten con tódolos usuários e lectores desta biblioteca que ofrece moitos servicios as seus usuários. Foi unha primeira conversa, algo curta, pero prometémonos voltar a conectar con ela e coa persoa que nos puxo en contacto (Ana Mari) para saber algo máis do seu traballo.

A continuación chamamos a don Xesús Mazaira Varela, socio da Queixería "Airas Moniz", na Ribeira Sacra, tamén para darlle os nosos parabens porque veñen de recibir o Premio ao Mellor Queixo Azul de España, no concurso de Gourmet Queixos. Non  o comentamos en directo pero tamén se lle concedeu un Premio por parte do Ministerio de Agricultura, no

Certame de Alimentos de España. Prometémonos voltar a conectar con el para que nos siga informando desa empresa modélica na Ribeira Sacra.

E por último conectamos coa nosa correspondente no Ancares Lugueses, Fernanda Follana Neira, que ten preparada a súa crónica informativa sobre aquelas terras luguesas. ¡Grazas, Fernanda!

Despedímonos ate o vindeiro sábado á mesma hora.

Aquí poden escoitar o programa enteiro.