Programa do sabado 16 de febrero

Unha semaniña máis con todos vosoutros, tentando levar adiante este programiña, en galego, para entretervos un chisco e axudar a espallar "as nosas cousas". 

A primeira parte da emisión sempre está adicada ao noso colaborador XOSE LAMELA, na Baixa Limia, que nos presenta a alguén interesante e facemos unha pequena entrevista-conversa con el. Hoxe temos que disculpalo por mor de certos asuntos personais. Agardamos e desexamos que pronto se arranxen. 

Votamos man doutros recursos e chamamos a ANA DOS SANTOS, poeta nobel que nos fala do seu libro de poemas : OJOS AMARILLOS. Ousamos pedirlle que nos lea un dos seus poemas e agradecémoslle a súa boa disposición e conversa amena. Desexámoslle moitos éxitos e prometémonos volver a charlar con ela noutro momento.

A segunda parte dedicámoslle-la ao noso colaborador XULIO SIMÓN, que dende as Rías Biaxas, Combarro concretamente, fálanos de cousas moi ben escollidas e seleccionadas relacionadas sempre coa nosa cultura galega.

Agora conectamos con O GROVE, falamos con ANA Mª MOLDES, unha nova "fichaxe" para esta nosa sección de noticias e comunicacións. Falamos con ela das COMPARSAS tradicionais e populares que se veñen realizando na penísula de O Grove, dende hai moitos anos. Coméntanos e fálanos das letras tan divertidas e retranqueiras que se publican con motivo do Entroido. Como ela mesmo dí: Son un reflexo do que a sociedade está a vivir nestes momentos, a nivel nacional e moi especial a nivel local. Paga a pena meterse na Internet e buscalas no youtube, como ela mesmo nos recomenda. Agradecémoslle a súa participación e coidamos que noutra ocasión voltaremos a tela como comunicante.

Denantes de acabar o programiña de hoxe, e aproveitando a achega que nos fixo un amigo dende Galicia, damoslles a coñecer un bocado da historia do RAVACHOL de Pontevedra, moi recomendable nestas datas do Entroido galego.

Voltamos a desexarlles unha semana moi agradable e feliz. A semana que ven faremos un novo programa e queremos telos outra vez como seguidores e oíntes. Faremos o posible por acadar o obxectivo de sempre: que sirva de lecer para todos.

SABADO 9 de FEBREIRO

Unha semana máis emitimos este programiña en galego para tódolos nosos oíntes e seguidores, tentando entretelos e pasar dúas horiñas de radio o máis amenas posibles. Dámoslle a ben-vida a todos e moi particularmente ao noso colaborador ARMANDO FERNÁNDEZ, e saudamos ao noso técnico MARC FORT, que sempre nos axuda en todo o preciso para que saiamos ao ar sen ningún atranco. Conectamos con Galicia, coa Baixa Limia, como cada semana. Xosé Lamela preséntanos a don XOSÉ MANUEL PÉREZ BOUZA, o ex-senador e portavoz do BNG en Ourense, con quen mantemos unha conversa-entrevista moi amena, e que prometemos continuar en vindeiras ocasións. Dámoslle-las gracias e desexámoslles que pasen un ¡Bon Entroido!

Recibimos con música do Bierzo aos responsables de ASOBECAT, Asociación amigos do Bierzo. Temos nos estudios a JUAN PEDRO SÁNCHEZ e a  TOÑO VIEIROS, que nos axudarán a manter unha conversa moi interesante co seu homenaxeado deste ano no "X FESTIVAL DEL BOTILLO EN CATALUÑA": don JOSÉ LUÍS PRADA MÉNDEZ. Con "Prada a Tope", a conversa non ten desperdicio. Virá preparado para disfrutar con tódolos bercianos de Cataluña e traerá agasallos para os que asistan á CENA: Un sorteo dunha fin de semana no PALACIO DE CANEDO (Ponferrada) e varios LOTES de productos de PRADA a TOPE. A cea será no Hotel CAMPUS da Universidade de Bellaterra, en Cerdanyola  (BCN), igualiño que en anos anteriores.

Tamén conectamos con CUBILLOS DEL SIL, Concello do Bierzo que tamén seráhomenaxeado este ano no Festival del Botillo, e falamos co seu Alcalde don JOSE LUÍS RAMÓN, que nos fala do seu Concello e convídanos a visitalo e disfrutar dunha estancia naquel entorno feiticeiro.

Conectamos con LIA CM, componente do Grupo CHOCOLAT, amiga do noso programa e cantante a quen admiramos e apreciamos dende hai tempo. Anímanos a participar e disfrutar do XANTAR de Entroido que se celebrará no Local Social da A.C.G.Rosalía de Castro mañá mesmo, así como disfrutar da sesión de baile amenizado por ela mesmo. Seguro que será todo un éxito.

Tamén nos chama e falamos con ALFONSO RICO, Presidente da Entidade A.C.G.ROSALÍA DE CASTRO, para convidar a tódolos socios, seguidores e simpatizantes que desexen asistir ao XANTAR de ENTROIDO de mañá día 10. Unha oportunidade excepcional para disfrutar dun serán entretido e agradable ao ritmo de baile con encanto.

Despedímonos desexándolles unha semana moi alegre e, agardámolos a todos, a vindeira semana.

sábado 2 de febreiro do 2013

Unha semaniña máis encetamos este programiña en galego para tódolos nosos oíntes e seguidores, dándolles a ben-vida e saudando ao noso estimado colaborador e compañeiro de emisión ARMANDO FERNÁNDEZ, así como ao noso técnico MARC FORT, que sempre nos axuda a que todo esté nas óptimas condicións. A nosa primeira conexión-comunicación con Galicia facémola a traverso do noso correspondente na BAIXA LIMIA, Xosé Lamela, que nos presenta ao conversador-entrevistado DAVID PÉREZ LÓPEZ, arqueólogo de Bande e un grande coñecedor e defensor da Baixa Limia.

Unha das sorpresas e interesante conversa de hoxe, é a intervención e charla co noso amigo MANOLO BARCIA, Vicepresidente e Fundador da ASOBECAT, Asociación de Bercianos en Cataluña, que nos adianta información sobre a "Gran Cea do Botelo en Cataluña" e que neste ano homenaxeará a don José Luis Prada, un berciano de pro moi coñecido en toda a península polos seus productos con denomición de orixe e de primeira calidade, que el comercializa coa marca "Prada a tope". Tamén nos fala do seu programa en Radio La Llagosta, "Escoita Galicia", tódolos mércores de 8:30 ate as 10 da noite. Convídanos a pasar polo seu Restaurante "Rincón de Galicia" en Polinyà, para disfrutar e degustar unha cea con espectáculo e música o próximo día 16 de febrero. Coincide coa Festa Berciana, pero seguro que haberá aforo suficiente en ámbalos dous eventos. Desexámoslles moitos éxitos, para estas dúas celebracións.

Na segunda hora falamos con XULIO SIMÓN, dende as Rías Baixas. Fainos unha escolla documentada sobre o Conde de Lemos e outras personaxes históricas moi interesantes, e que poden ser referentes de actualidade se miramos os aconteceres de "presuntas corrupcións políticas" nos momentos actuais.

Tiñamos pensado comunicarnos e falar con algunha persoa de Viana do Bolo, para que nos informara un chisco da XLIII Festa da Androlla, así como do seu famosísimo Entroido, pero non nos foi posible. Intentarémolo a vindeira semana. Tamén se nos interrumpiu a comunicación que tiñamos previsto para comentar a celebración do "ENTROIDO na A.C.G. ROSALÍA de CASTRO", pero tampouco o conseguimos. Prometemos facelo o próximo sábado. Despois de escoitar un boacdiño de música, falamos con PACO RIVAS, o noso poeta da Mariña Lucense, que nos deleita, para acabarmos o programa, coa lectura dalgunha das súas creacións poéticas.

Desexamos que volvan a conectar con nosoutros. O vindeiro sábado teremos moitas máis informacións e aquelas novidades que se vaian sucedendo e que os nosos correspondentes e colaboradores escollan para ofrecérllelas a todos vostedes. ¡Graciñas por estar ahí e que teñan unha FELIZ SEMANA!!!