SÁBADO 16 de MAIO do 2026

Unha nova entrega deste programa que cada sábado pretende acompañarvos durante dúas horas, con música galega, entrevistas e colaboracións dos nosos correspondentes dende Galicia. Comezamos coa nosa sintonía, as salutacións e un bocadiño de música, para recibir ao primeiro participante, o noso correspondente na Costa da Morte, OSCAR REY, que sempre tren preparada unha serie de noticias daquela contorna, aínda que resumidas. Pódense ampliar na páxina quepasanacosta.gal. Volve a lembralle aos nosos escoitantes que este noso programa re-emitirase en Radio Roncudo mañá, domigo, a partir das dez da mañá. Nosoutros tamén indicamos que o luns tamén se poderá escoitar en Radio Fene, como cada semana. Agradecémoslle a súa colaboración estimada.

A segunda intervención, pequena conversa-entrevista é con ELIGIO SUEVOS, actual Presidente do Centro Galego de Lleida, que nos informa moi detalladamente das diferentes actividades e actos que desenvolveron e que tamén teñen previsto realizar próximamente. Primeiro fálanos da pasada participación na Festa Major de Lleida, na que contaron coa colaboración de dous Centros Galegos de Barcelona, Airiños da Nosa Galicia de Santa Coloma de Gramanet e a Irmandade A Nosa Galiza de Mollet. Teñen previsto realizar o "Día das Letras Galegas -2026" cunha conferencia que impartirá Charo Golmar o día 30 de maio. Tamén nos fala dun "Café de mulleres" organizado pola "Vocalía da Dona" da Entidade... Desexámoslle moitos éxitos e agradecémoslle a súa aportación.

Informamos da próxima celebración do "Día das Letras Galegas - 2026 adicado a Begoña Caamaño" que ten organizado o Centro Galego de Barcelona, previsto para o día 17 de maio, mañá mesmo. Este acto estará protagonizado por María Xesús Lama, Profesora titular de Filoloxía Galega e Portuguesa da UB e investigadora do ADHUC, xunto con María Carreira, Doutora en Filoloxía e especialista en mitocrítica. Durante o acto procederase á entrega dos premios da cuarta edición do Certame de Cartas de Amorod(i)o. Ademáis terán o acompañamento musical do Coro Lonxe da Terra, Gandarela e Avoengo. Desexámoslles moito éxito.

Monte do Toxo

Recibimos a crónica do noso correspondente viaxeiro e reporteiro gráfico, XOAN ARCO DA VELLA, que nesta ocasión fálanos do grande personaxe: Xaquin Loriga Taboada. Aviador-piloto e militar nado en Lalín, que o día 13 de maio se cumplia a efeméride realizada por este galego, que xunto cos capitans Esteve e Gallarza fixeron a travesía Madrid-Manila a bordo de sendos Breguet XIX, aparatos biplazas de cabeza aberta en tándem, a cada un dos que acompañaba un mecánico. Tratábase da escuadrilla Elcano. Coméntanos que no parque de Lalín existe un monumento adicado a Loriga, obra do escultor Francisco Asorey, que representa un avión clavado na terra, que simboliza unha cruz, que preside o aviador. Este personaxe fixo o primeiro aterraxe dun avión nunha leira de Lalín, chamada "Monte do Toxo", onde tamén existe un pequeno monolito cunha inscripción lembrando a Loriga. Agradecémoslle a súa fermosa aportación.

Falamos con BERNAT, que foi o responsable da celebración da "Feira do Polbo" diante da Sede da A.C.G.Rosalía de Castro de Cornellà. a semana pasada. Fálanos da próxima celebración da "Festa Galega de Can Mercader", os días 5, 6 e 7 de xuño, nos que estará a ofrecer os produtos da gastronomía galega de grande calidade. Haberá dúas carpas para a atención dos asistentes. Desexámoslle que teñas unha grande asistencia e disfrute dese evento tan importante.

Aproveitamos unha peza musical para anunciar as seguintes intervencións, que temos gravadas, e despedímonos ate o vindeiro sábado á mesma hora. ¡Que teñan unha feliz semana!

A nosa colaboradora MIRIAM RODRÍGUEZ, da Xunta Directiva da A.C.G.Rosalía de Castro de Cornellà, que nos comunica as distintas actuacións e eventos que veñen realizando. Comeza comentando a recente celebración da "Feira do Polbo e Serán" que tivo lugar o fin de semana pasado. A continuación fálanos da próxima participación na celebración das Letras Galegas que organiza "Agarimos de Badalona" o vindiero domingo día 17 de maio. Tamén a colaboración que terán coa Irmandade Galega de Rubí, prevista para o día 30 de maio, e convídanos a que asistamos o día 4 de maio para escoitar e participar no Pregón da Festa Major de Cornellà, xa que será a nosa Asociación C.G.Rosalía de Castro a encargada de facelo. E por último coméntanos a celebración da "Festa Galega de Can Mercader", para os días 5, 6 e 7 de xuño. Desexamos que teñan moito éxito.

Finaliza o programa coa intervención do noso correspondente XULIO SIMÓN, dende Combarro. Agradecémoslle a súa aportación.

Deixamos aquí o programa Completo - Enteiro.

SÁBADO 9 de MAIO do 2026

Comezamos outra emisión máis do noso "Semprengalicia" de cada sábado, coa nosa sintonía, as salutacións e un bocadiño de música para recibir ao noso correspondente na Costa da Morte, OSCAR REY, que sempre nos facilita unha serie de informacións moi interesantes daquela contorna, pero que se poden ampliar na páxina quepasanacosta.gal, que sempre nos recomenda. Tamén nos indica que mañá domingo volverán a emitir este programa en Radio Roncudo a partir das dez da mañá. Nosoutros lembrámoslles aos nosos escoitantes que tamén se poderá escoitar en Radio Fene o día seguinte, como ven sendo habital cada samana. Agradecémoslle a súa colaboración tan estimada.

A continuación poñémonos en contacto con ANTONIO LÓPEZ, que é o propietario do establecemento "PUBILLA IBÉRIC", sito na Avda. Josep Molins, 58 de Hospitalet de Llobregat. Está especializado en produtos ibéricos de alta gama e tamén produtos galegos de gran calidade. Por encargo pódense mercar no seu establecemento os produtos máis significativos da nosa gastronomía galega: chourizos, lacón, grelos, navizas, empanadas de diferentes clases, pan centeo e mezcla, viño das diferentes D.O. galegas, lambotadas e doces como larpeiras, roscón, amendoados, bicas... etcétera. mantemos unha conversa moi distendida. Agradecémoslle a súa información detallada.

Despois dun bocadiño de música máis, recibimos a RUBÉN  da Asociación Curro de VALGA, con quen matemos unha conversa moi interesante. Fálanos da suspensión dese curro que tiñan previsto que se levara a cabo este domingo, pero como as previsións climatolóxicas anuncian mal tempo, seica se aplaza para poder realizalo o vindeiro domingo día 17. Os cabalos, aproximadamente uns 300,  que teñen en completa liberdade nos montes de Oia e O Rosal, vannos reunindo e condúcenos ata un "cordel" ou recinto vallado ("un cierre grande"), onde comeza a cerimonia da "Rapa das bestas" que cada ano realizan. Tamén se fai outro Curro no verán, que lle chaman o "Curro das Moscas". Estes cabalos fan unha función de "desbrozadores" dos montes moi importante. Agradecémoslle a súa participación no programa de hoxe.

Poñémonos en contacto co noso correspondente viaxeiro, reporteiro gráfico e documentalista XOAN ARCO DA VELLA, que sempre ten unha proposta de visita interesante para disfrutar dalgún importante elemento patrimonial galego. Nesta ocasión dixo que estivera no Irixo, achegándose a algunhas parroquias para fotografar algún que outro petróglifo e varios cruceiro. Concretamente fai referencia a un que se atopa no lugar de Santa Maríña de Loureiro, que ten unha base moi interesante na que aparece un friso representando a Santa Cena, con tan so 6 figuras. Estivo a xantar nun local que se chama o "Abanico", que recomenda, xa que quedou moi satisfeito e moi ben atendido. Agradecémoslle a súa proposta.

Despedimos o programa anunciando a crónica que escoitaremos a continuación.

Escoitamos a colaboración do noso correspondente nas Rías Baixas, concretamente dende Combarro, XULIO SIMÓN RÚA, que sempre nos deleita coa súa aposta cultural e finaliza coa escolla dunha peza musical moi axeitada.

Deixamos aquí o programa Completo - Enteiro.

SÁBADO 2 de MAIO do 2026

Unha emisión máis deste programa en língua galega. Témolo "enlatado" por mor de certas obrigas técnicas para que se poidera aproveitar a fin de semana por parte dos responsables técnicos. Comezamos coa nosa sintonía e salutacións oportunas. Escoitamos un bocadiño de música e a continuación recibimos a colaboración do noso correspondente na Costa da Morte OSCAR REY, que nos fai un resumo das noticias escollidas para poñernos ao corriente do que acontce naquela contorna. Os interesados xa saben que poden ampliar estas noticias na páxina quepasanacosta.gal. Finaliza indicándonos que mañá, domingo, escoitarase este programa en Radio Roncudo, e nosoutros indicàmoslles que se poderá escoitar en Radio FENE, que tamén o re-emiten.

Recibimos cumprida información, por parte de MIRIAM RODRÍGUEZ, das actividades e eventos que veñen realizando e  que ten previsto realizar a nosa Asociación C.G.Rosalía de Castro de Cornellà, destacando, sobre todas elas o Pregón da FESTA MAJOR de Cornellà (O Corpus) e a Festa Galega de Can Mercader, coa actuación estelar de LUAR NA LUBRE. 

.

Damos a coñecer algunhas informacións de certo relevo en Galicia e unha moi en concreto en Barcelos, unha cidade do norte de Portugal, que celebra a Festa das Cruzes, os días 30 de abril 1, 2 e 3 de maio. Son unhas festas que teñen moita sona, á que asisten moitos galegos e galegas pola proximidade e pola batalla de Flores.

Falamos con XOAN ARCO DA VELLA, que nos comenta a tradición moi extendida no Sur de Galicia, concretamente en Pontevedra, de colgar unha ramiña de xesta na fiestra, na porta, no auto, no barco... para escorrentar o meigallo ou o mal de ollo. Debe recollerse o día 30 de abril denantes de que se poña o sol e pendurala no lugar escollido para que surxa o efecto desexado. Tamén se pode considerar unha "herba namoradeira". É unha tradición que ao parecer segue empregándose en moitos lugares. Agradecémoslle a súa aportación.

Entrevistamos a LUIS CRESPO, Director do "27 Festival Internacional de Títeres de Redondela-2026". Parabenizámolo polo traballo que están a preparar e cóntanos algunhas das propostas e actuacións que teñen previsto realizar neses días dende o 11 ata o 17 de maio próximo. Haberá Programación Escolar, Programación de Sala e Programación de Rúa. Ao mesmo tempo haberá un Mercadiño Titiriteiro, unha exposición de Os Monicreques de Kukas que se poderá visitar ata o día 21 de maio, e unha exposición de Voces de Gaza os días 21 e 22 de maio. Teñen confirmada a súa asistencia participantes de Francias, Italia, Portugal, Arxentina, País Vasco, Cataluña e Galicia. Desexámoslle moitos éxitos. E aproveitamos para despedirnos ata a vindeiro sábado á mesma hora.

Deixamos aquí o programa Completo - Enteiro.

SÁBADO 25 de ABRIL do 29026

Comezamos, coma sempre, coa nosa sintonía, as salutacións oportunas e un bocadiño de música para recibir ao noso primeiro convidado: DOUTOR ANXO CARRACEDO, Catedrático de Medicina Legal, Investigador e experto internacional en xenética. É membro da Real Academia Galega de Ciencias. Dirixe un grande equipo de investigación xenética, e Preside a Academia Mediterránea de Ciencias Forenses e tamén é Presidente da Sociedade Española de Farmacoxenética e Farmacoxenómica. Recíbenos moi amablemente e mantemos unha conversa distendida e chea de engado. Felicitámolo porque xubilouse das clases na Universidade de Santiago de Compostela, pero el precísanos que non se xubilou da faena porque segue traballando na investigación. Agradecémoslle a súa atención e desexámoslle que siga colleitando moitos éxitos nos seus traballos e nas súas investigacións.

 

Recibimos a crónica semanal do noso correspondente na Costa da Morte, OSCAR REY, que nos informa moi resumidamente dalgunhas das noticas que escolle, relacionadas coa contorna daquelas terras galegas. Os interesados poden completar a información na páxina quepasanacosta.gal. Tamén nos volve a lembrar que este programa escoitarase mañá, domingo, en Radio Roncudo, a partir das dez da mañá. Agradecémoslle a súa aportación semanal.

Despedímonos do noso correspondente con música e, esa mesma música, sérvenos para recibir ao segundo convidado RICARDO, da Asociación Muiñeiros do Río Tripes. Infórmanos de que o día 1 de maio celebrarase a "XXIII Romaría Os Noso Fariñeiros Burros e Muiños". O programa contempla unha serie de actuacións interesantes, comezando cunha Treboada ( con bombo de grandes dimensións) ás nove da mañá, Pregón a cargo da Asociación ABUFA, obradoiros para cativos, intervención e interpretación de cancións a cargo das pandereteiras "Arranca Xestas", actuación das bandas de Gaitas Xuntanza e Inquedanzas, das parroquias de Randufe e Pazos de Reis. Durante todo o día estarán en funcionamento os muiños que elaborarán fariña que empregarán para facer pan e bica de millo, que tamén se poderá mercar. Agradecémoslle a súa atención e desexamos que teñan moito éxito.

A segunda hora comezámola con música e conectamos co noso correspondente XOAN ARCO DA VELLA, viaxeiro e reporteiro gráfico-audiovisual, que nesta ocasión atópase no Monte de San Martiño. Dámoslle a benvinda e felicitámolo porque nesta ocasión ten a encomenda de axudar a descubrir e disfrutar a un grupo de cativos que visitan o "Parque Arqueolóxico Outeiro das Mouras" (Salcedo-Pontevedra), tal e como nos informa a Secretaria do Monte da Comunidade de Veciños de Salcedo, MARÍA del Puerto Garrido. Fainos unha pequena descrición de cómo se recuperou este prezado patrimonio que antes empregaba o exército ao completo. Tamén mantemos unha pequena conversa con MAIKA, Presidenta do CEIP Plurilingüe "A Carballeira" de Lourizán, que é a procedencia dos cativos que están de visita neste fermoso lugar. Agradecémoslle a súa fantástica conexión e información detallada. Desexamos que teña unha feliz semana.

Escoitamos algunha peza musical máis, e aproveitamos para anunciar a próxima celebración da "Feira do Polbo e Serán" que organiza a nosa Asoc.C.G.Rosalía de Castro, diante da Entidade (rúa Federico Soler, 71) o día 9 de maio a partir das 14 horas. Tamén anunciamos a seguinte intervención do noso correspondente Xulio e despedímonos ata o vindeiro sábado á mesma hora.

Ofrecémoslles a colaboración do noso correspondente XULIO SIMÓN RÚA, que cada semana nos envía, dende Combarro, a súa crónica cultural e informativa chea de engado e finaliza propoñendonos escoitar unha peza de música escollida por el. 

Deixamos aquí o programa Completo - Enteiro. 

SÁBADO 18 de ABRIL do 2026

Comezamos, coma sempre, coa nosa sintonía e as salutacións oportunas. Disculpamos a presencia do noso compañeiro ARMANDO FERNÁNDEZ, que aínda segue un pouco delicado e desexámoslle que pronto se recupere. Escoitamos un bocadiño de música e aproveitamos para recibir ao noso correspondente na Costa da Morte OSCAR REY, que sempre ten preparada unha crónica, escollida entre as moitas, daquela contorna. Os interesados poden amplialas na páxina quepasanacosta.gal. Tamén nos lembra que este programa poderá escoitarse mañá, domingo a partir das dez da mañá en Radio Roncudo. Agradecémoslle a súa aportación semanal, tan aprezada por nosoutros e polos nosos escoitantes.

Continuamos escoitando outro bocadiño de música e conectamos con SERXIO SANTOS OTERO, Director do Documental que leva por título: A LUZ DAS ÁNIMAS, producido por lémbrame.gal.  Foi recentemente estrenado en youtube, pero tamén se ten presentado en varios Museos, como o Museo Etnográfico Liste de Vigo, o Museo do Pobo Galego en Santiago de Compostela, na Aula Cantarela de Allariz e no Festival de Cine de Ourense. Dámoslle a ben-vinda e parabenizámolo por ese traballo e desexámoslle que teña moito éxito.

Seguimos a emisión e recibimos ao noso correspondente viaxeiro, reporteiro gráfico e documental XOAN ARCO DA VELLA, que nesta ocasión nos fala de Arzúa e dos arredores. Estivo na Fonte Santa, onde se celebra unha romería. A lenda fala de que os pelegríns ían a esa fonte porque tiña propiedades curativas. Seica había unha moura que lle gustaba moito acaparar e que se converteu nunha estatua e, que seica está soterrada naquela zona. Tamén se achegou á "Capela da Mota", adicada a San Bartolomeu, San Mateo e San Simón. Está dentro dunha carballeira (bosque de robles) moi ben coidada e con moita densidade. Lugar recomendable para visitar.

Conectamos novamente con Galicia para falar con PEPE FORMOSO, do Hotel Literario Bela Fisterra, que nos informa de varios acontecementos moi interesante realizados no Hotel. Outro acto importante foi a Asamblea Xeral Ordinaria de Profesionais do Turismo da Costa da Morte (APTCM), así como tamén nos informa da celebración doutro evento que se fixo onte mesmo, venres, no Bela Muxía: Canciones de Santiago (un Concerto Gratuito con Cancións escritas no Camiño) máis información este link: https://www.singmebackhomesongwriting.com/santiagomuxia-esp. Agradecémoslle a súa amable atención e desexámoslle que siga colleitando moitos éxitos.

Falamos con GUSTAVO PINO SALGADO, escritor galego que ven de publicar TRAICIÓN A ISOLDA, unha novela ambientada na Edade Media, que ten como lugar de descrición a zona de Monterrei e o Val do Río Támega, aínda que tamén aparecen outros lugares non moi lonxanos, como o Condado de Sanabria e outras localizacións. Agradecémoslle a súa información detallada e desexámoslle que teña moito éxito. Os seus libros pódense adquirir na páxina https://www.bubok.es/autores/gustpino,  en Amazon ou noutras plataformas. Agradecémoslle a súa amable atención e desexamos que teña moito éxito.

Despedimos o programa ata o vindeiro sábado á mesma hora, e aproveitamos para anunciar que a continuación escoitaremos a colaboración do noso correspondente dende Combarro.

Temos a colaboración de XULIO SIMÓN, o noso correspondente nas Rías Baixas, que sempre nos deleita coa súa aportación cultural diversificada e moi entretida, rematando cunha peza musical escollida.

Deixamos aquí o programa Completo - Enteiro. 

SÁBADO 11 de ABRIL do 2026

Unha nova emisión deste programa en galego, que comeza sen a presenza do noso compañeiro ARMANDO FERNÁNDEZ, por mor dunha obriga persoal, xa que tivo que desplazarse a Galiza, por asuntos persoais. Dámoslles a ben-vinda e comezamos estrenando unha peza do Grupo ALANA, que acabamos de recibir a novidade de que veñen de presentar o seu último CD titulado "Un saber". Esta peza sírvenos para recibir á primeira convidada. CARMEN PENIM, Licenciada en Filoloxía Hispánica e Doutora en Educación, unha polifacética artista e escritora que temos en grande estima e coa que comentamos varias cousas relacionadas coa súa creatividade. En primeiro lugar parabenizámola pola excelente actuación que tivo no "IX Festival Medieval de Viana do Bolo" o pasado día 4 de abril. Agradecémoslle a súa amable atención e desexámoslle que teña moitos éxitos.

Continuamos a emisión e poñémonos en contacto co noso amigo e colaborador HENRIQUE FEDEZ-MON SÁNCHEZ, que nos fai unha pequena semblanza moi persoal e entrañable do Catedrático e ex-Presidente da Real Academia Galega XESÚS ALONSO MONTERO. Coméntanos varias a interesantes anécdotas vividas persoalmente con el e moi en particular aquela na que lle tocou participar na homenzaxe que se lle deu na Casa dos Poetas en Celanova. Tamén nos lembrou que cando era Presidente da A.C.G.Rosalía de Castro convidouno a impartir Conferencias na nosa Entidade. Un referente da nosa Cultura Galega. Agradecémoslle a súa aportación.

Recibimos a crónica da nosa correspondente nos Ancares Lugueses, concretamente dende Becerreá, FERNANDA FOLLANA NEIRA, que nos recomenda visitar a páxina do Concello de Cervantes para entrar na páxina "Descubre Piornedo". Pódese visitar por Internet e, empregando un QR que se nos ofrece pódense escoitar os audios que os veciños explican dos lugares que se poden visitar e contemplar. Paga a pena intentalo. Tamén nos fala da recente presentación dun Comic que recolle a Via Hermann Künig, realizado por Miguel Fernández Vázquez,  Agradecémoslle a súa detallada información.

Conectamos novamente con Galicia para recibir ao noso correspondente viaxeiro e reporteiro gráfico, XOAN ARCO DA VELLA, que nesta ocasión fálanos de súa visita a Melide e arredores. Coméntanos que se achegou á localidade de Santa María de Leboreiro. Unha dona faloulle do Hospital de Peregrinos que alí existiu  (e que se menciona no Códice Calixtino como "Campus Levorarius" - Campo ou monte de lebres), que aínda conserva un escudo nalgunha das súas paredes. Tamén nos comenta a lenda sobre unha ponte na que se pode atopar unha man esculpida nalgunha das moitas pedras desa costrución. Agradecémoslle a súa aportación tan interesante.

Finalizamos o programa de hoxe coa proposta para que escoiten as pezas musicais, tanto Galegas como Portuguesas, máis votadas no aRi(T)mar Galiza e Portugal. As que gañaron foron no apartado de Galiza "Será por Flores" de Uxía e no Portugués, "Menina" de Mar e Carolina Deslandes.

 

Deixamos aquí o programa Completo - Enteiro. 

SÁBADO 28 de MARZO do 2026

Comezamos coa nosa sintonía, as salutacións e un bocadiño de música. Hoxe, último programa do mes de marzo, antes da Semana Santa, disculpamos a presencia do noso compañeiro ARMANDO FERNÁNDEZ, que está un pouco indisposto, e desexámoslle que pronto se recupere. Grazas a Kiko Belinchón, o noso técnico, encargado de que esto saia adiante con ben. Escoitamos un bocadiño de música e poñémonos en contacto co noso correspondente na Costa da Morte, OSCAR REY. A súa crónica semanal danos a coñecer algunhas noticias interesantes daquela contorna, e que se poden ampliar na páxina quepasanacosta.gal. Xa saben os nosos seguidores que este programa voltará a escoitarse en Radio Roncudo o domingo a partir das dez da mañá e tamén se re-emitirá en Radio Fene o luns próximo. Agradecemos a colaboración do noso correspondente Oscar e desexamos que teñan unha Feliz Semana Santa.

A seguinte comunicación é con ANXO BARANGA, da ACGB (Asemblea Cultural Galega Barcelona), que nos fala da celebración do "Proxecto Casos e Cousas" (empregando o "Cata-Galego")que se está a desenvolver dende fai anos, e que xa ten concertada as súas intervencións en diversas Bibliotecas e Centros Galegos de Cataluña, como pode ser o Centro Galego de Barcelona para o vindeiro 18 de abril, o domingo 19 de abril na Violeta (Gracia), o 21 de abril, martes, na Biblioteca Merçé Rodoreda (Horta Guinardó)... etcétera. Poden informarse máis detidamente na páxina da ACGB. Agradecémoslle a súa información e desexámoslle que teña moito éxito.

Conectamos con Galicia para recibir ao noso correspondente viaxeiro e reporteiro gráfico XOAN ARCO DA VELLA, que sempre ten algunha proposta interesante para visitar, acompañada dunha descrición interesante, por veces pouco coñecida e que paga a pena achegarse a coñecela. Nesta ocasión fálanos da súa viaxe a Valga, unha poboación pertiño de Padrón. Recomenda achegarse á fervenza da Palafita e desprazarse á poboación de Martores, onde din que se atopa o sartego de Prisciliano. Agradecémoslle a súa aportación de hoxe e desexamos que teña unhas Felices Pascuas.

Informamos dos próximos eventos que ten previsto realizar a nosa Asociación Cultural Galega Rosalía de Castro e, despedimos o programa anunciando as seguintes intervencións: o noso correspondente nas Rías Baixas, Xulio Simón e a entrevista a BIEITO ROMERO, do Grupo de Música Folk LUAR NA LUBRE.

Aquí deixamos a colaboración de XULIO SIMÓN.

A continuación temos a gravación da entrevista a BIEITO ROMERO, do Grupo de Música Folk LUAR NA LUBRE, que virá a Barcelona o día 11 de abril, para ofrecer un Concerto e tocar algunhas das próximas pezas que se publicarán no Libro-CD previsto para o mes de maio.

Deixamos aquí o programa completo - Enteiro.