SÁBADO 31 de OUTUBRO do 2026

Un sábado máis con todos vosoutros. Comezamos coa nosa sintonía, as salutacións e un bocadiño de música para darlle paso ao noso correspondente na Costa da Morte, OSCAR REY, que sempre ten preparada unha crónica, algo resumida, dos aconteceres naqauela contorna. Os interesados poden ampliar esas informacións e novidades na páxina quepasanacosta.gal, e lémbranos que mañá, domingo, a partir das dez da mañá voltará a emitirse este programa en Radio Roncudo. Nosoutros engadimos que o luns tamén se poderá escoitar en Radio Fene, como cada semana. Agradecémoslle a súa colaboración e despedímonos ata o vindeiro sábado á mesma hora.

Recibimos nos estudios a SUSANA GUARDIA LORENZO, cantautora, que ven acompañada de DAVID LO BUENO. Agradecémoslle a súa visita. Concertamos que despois das intervencións que tiñamos comprometidas escoitarémola en directo e falaremos da súa traxectoria.

Falamos con ALFONSO MIGUEL MARTÍN, Presidente de ASOBECAT (Asociación de Bercianos en Cataluña), que nos dá a coñecer a celebración do seu MAGOSTO-2026. Será unha cea no "Asador del Bierzo", na rúa Mallorca, 18-20 de Barcelona, o día 14 de novembro, a partir das 20:30h. O menú está composto de entrantes moi variados, un segundo prato a elexir entre entrecot de Galica, cordeiro ao forno, Samón con salsa de améndoas ou colas de rape á mariñeira. Todo elo bañado con viño mencía e godello da D.O. Bierzo. Os postres irán acompañados das castañas de Hornija.  Os asistentes tamén poderán ser agasallados nun sorteo de productos do Bierzo. Agradecémoslle a súa participación e desexamos que teñan moito éxito.

Poñémonos en contacto novamente con Galicia, para entrevistar a dona CARMEN BLANCO SANJURJO, escritora, actriz e avogada galega, que virá a Barcelona, concretamente á sala Caelum, no centro do Barrio Gótico, para presentar o libro: "El Fuego en la Piedra", segundo libro da série "Gorrión e Falcóns". Será o día 12 de novembro a partir das 19h. Esta presentación estará amenizada por Xurxo Romaní, que interpretará, entre outras pezas, a banda sonora do libro. Os asistentes á presentación poderán degustar un petisco medieval acompañado de viño especiado. Desexámoslle que teña moito éxito.

Conversamos con SUSANA GUARDIA LORENZO, que nos visita nos estudios, xunto con DAVID LO BUENO. Fainos un pequeno percorrido da súa traxectoria musical e disfrutamos dunha pequena actuación en directo. Infórmanos de cando comezou a cantar, quen foi o seu primeiro profesor e músico, cantos discos ten publicado, dos diferentes sitos onde ten actuado, e do último traballo que publicou: Ya no puedes engañarme. Un pracer e unha honra poder disfrutar da súa aportación.

Conectamos coa nosa correspondente nos Ancares Lugueses, concretamente dende Becerreá, FERNADA FOLLANA NEIRA, que nos ten preparada unha crónica interesante sobre aquelasa terras luguesas. Desexámoslle un feliz magosto.

Continuamos con SUSANA GUARDIA LORENZO e DAVID LO BUENO, que nos deleitan con outra das súas intervencións en directo. Agradecémoslles a súa participación no noso programa de hoxe e desexámoslles que teñan moitos éxitos.

Escoitamos a crónica do noso correspondente nas Rías Baixas, concretamente dende Combarro, XULIO SIMÓN RUA, que sempre ten preparada unha colaboración cultural-informativa e chea de engado.

 

Deixamos aquí o programa Completo - Enteiro.

SÁBADO 24 de OUTUBRO do 2026

Un sábado máis con todos vosoutros. Comezamos coa nosa sintonía, as salutacións e un bocadiño de música para recibir ao noso correspondente na Costa da Morte, OSCAR REY. Sempre ten preparada unha crónica reducida da maioría das novas informativas daquela contorna. A súa aportación é unha bocanada de aire fresco para os nosos escoitantes e seguidores, que nos agradecen esta conexión semanal para saber un chisquiño máis dos aconteceres daquel entorno galego tan fermoso. Agradecémoslle a súa colaboración e despedímolo con outro anaquiño de música.

Poñémonos en contacto con FELIPE REA OTERO, que nos fixo chegar unha nova moi interesante: Participa el, xunto co seu fillo e a súa dona (música familiar, como el mesmo a define) no "III Concurso de Composición Música Tradicional para nuevas músicas" da Fundación Lola Pérez Rivera, en Aranda de Duero. Coméntanos que é unha composición feita con gaita. Indicamos aos nosos escoitantes e seguidores que poden meterse na páxina da Fundación para votar pola composición de Felipe. Conversamos algo sobre a súa traxectoria musical, que se remonta a moitos anos atrás. Propoñémoslle que poidamos continuar esta pequena conversa noutro momento para coñecer, máis polo miúdo, as súas composicións musicais e concertos. Prometémoslle voltar a conectar con el para completar esa información e agradecémoslle a súa amable atención e comunicación. Desexámoslle moitos éxitos.

Recibimos ao noso correspondente viaxeiro e reporteiro gráfico XOAN ARCO DA VELLA. Hoxe cóntanos a descuberta dunha documentacion moi interesante, relacionada coa participación moi especial do crego Don Rogelio, na parroquia do Santuario do "Cristo de Xende",  Concello de A Lama. Seica neste lugar traballaron, en complot co servizo de intelixencia do Reino Unido, para poder axudar aos refuxiados e escapados da segunda guerra mundial. O lugar, ademais é espectacular, alomenos o cruceiro que alí se atopa. Fermosa aportación a de hoxe, Xoan. Moitas grazas pola túa colaboración.

 

 

Continuamos a emisión informando da "Homenaxe a Suso Vaamonde" que hoxe están a celebrar no Centro Galego de Barcelona. 

.

Tamén comentamos a "XIII Festa do Pulpo" do Centro Galego NÓS, que se celebra no Eix Maciá de Sabadell os días 6, 7 e 8 de novembro. Informounos o seu Presidente, Manuel Vazquez Osorio, que o Magosto-2026 celebraránno a fin de semana seguinte, o día 14 de novembro. Que teñan moito éxito.

E finalizamos o programa dando a coñecer algunhas novas chegadas á Redacción, adubiadas con algunhas peciñas musicais. E aproveitamos para despedirnos ata o vindeiro sábado á mesma hora.

 

Deixamos aquí o programa Completo - Enteiro

SÁBADO 17 de OTUBRO do 2026

Acabamos de recibir un "Alert" da Generalitat e polo tanto teremos un programa alterado, xa que debemos abandonar os estudios antes das oito. De tódolos xeitos tentaremos facer esta emisión o máis digna posible, apra que poidan disfrutar da nosa música, das informacións e novidades que poidamos ofrecerlles. Comezaremos, coma sempre coa nosa sintonía, as salutacións e un bocadiño de música para recibir ao primeiro convidado de hoxe. Temos que disculpar ao noso compañeiro Armando Fernández, que sigue convaleciente. Desexamos que pronto se recupere. Non podemos conectar co noso crrespondente na Costa da Morte, Oscar Rey, porque está participando nun evento importante fora de Galicia. Seguro que nos informará a vindeira semana. En pago desta ausencia conectamos co noso correspondente viaxeiro e reporteiro gráfico XOAN ARCO DA VELLA, que nos propón a visita a un lugar interesante: San Ourente de Entís. Tamén nos relata unha lenda relacionada con ese santo, así como a romaría que se celebra cada ano naquel fermoso recuncho ubicado na Serra de Outes. Agradecémoslle a súa aportación de hoxe e, despedímolo con música.

Coa música de fondo deste compositor e mestre de Gaita, XAQUIN XESTEIRA LOSADA, mantemos unha peqeuna conversa-entrevista moi engaiolantes. Parabenizámolo porque o Concello de Cambados, de onde é natural Xaquín, vai a entregarlle o Premio Ramón Cabanillas o vindeiro día 7 de novembro, data da conmemoración do pasamento do poeta cambadés. Este mestre gaiteiro, percusionista, docente e divulgador da música tradicional galega, é un referente para moitos músicos. A conversa con Xaquín é unha mostra máis da súa bonhomía. Agradecémoslle a súa participación no programa de hoxe e desexamos que siga colleitando moitos éxitos.

Conversamos con ELIGIO SUEVOS, Presidente do Centro Galego de Lleida. Tamén o felicitamos porque hoxe finaliza un obradoiro de cociña galega, que comezou no principio desta semana. Ao parecer os asistentes están moi satisfeitos e felicitan ao Chef que impartiu as clases de cociña. Tamén nos adianta e nos informa da "Festa do Marisco" que teñen previsto celebrar o vindeiro xoves día 22 ata o domingo 25 de novembro, que se realizará na explanada do Campo de Futbol de Lleida. Tódolos asistentes á inauguración recibirán, como agasallo, unha ración de mexilóns galegos. Agradecémoslle a información detallada e desexámoslles moitos éxitos.

Despois dunha peza musical ofrecémoslles a crónica do noso correspondente dende Combarro, XULIO SIMÓN RÚA. Sempre escolle, o noso correspondente, noticias de grande importancia e interese. Agradecémoslle a súa colaboración e despedímonos ate o vindeiro sábado á mesma hora. ¡Que teñan unha feliz semana!

 

Antes de finalizar o programa escollemos unhas peciñas musicais como complemento do programa, xa que non podemos continuar nos estudios por mor da "Alerta" que recibimos ao comezo da emisión.

Deixamos aquí o programa Enteiro-Completo.

SÁBADO 10 de OUTUBRO do 2026

Comezamos coa nosa sintonía, as salutacións oportunas e ofrecéndolles a escoita dunha peza musical para recibir a primeira comunicación, a crónica do noso correspondente na Costa da Morte, OSCAR REY, que nos fai un resumo dos aconteceres naquela contorna. Os interesados poden ampliar estas noticias na páxina de quepasanacosta.gal. Tamén aproveitamos para felicitar a Oscar a a Fina Paulos, porque xa forman parte do Consello da Cultura Galega, como membros da equipa de investigación e Docencia. ¡Noraboa! Lémbralle aos nosos escoitantes e seguidores que, este programa, volverá a escoitarse nas ondas de Radio Roncudo, mañá, domingo a partir das dez da mañá. Agradecésmolle a súa aportación e desexamos que teña unha boa semana.

Despois de escoitar outro bocadiño de música, poñémonos en contacto co noso correspondente viaxeiro e reporteiro gráfico XOAN ARCO DA VELLA. Nesta ocasión coméntanos algo sobre tres lugares moi especiais que se atopan no Camiño de Santiago Portugués: O Alto de Labruja, O Chan das Pipas e a Canicouva. Lugares que paga a pena visitar polo de importancia que tiveron nun momento histórico importante, como foi a invasión das tropas de Napoleón.

 

A seguinte comunicación é a crónica da nosa correspondente nos Ancares Lugueses,  FERNANDA FOLLANA NEIRA, que hoxe se atopa en San Román de Cervantes para poder disfrutar do Documental que leva por título: "Prisciliano e a Gallaecia". Foi realizado por Aser Álvarez, de Arraianos Produccións. Desexamos que disfrute desa proxección.

Seguimos escoitando música e poñémonos en contacto con TANIA MOSQUERA CASTRO, investigadora da Universidade de Santiago de Compostela. Felicitámola porque, xunto con outros tres investigadores, Mikel, Hugo e Roque, levarán a cabo o proxecto MEPRA: Memoria, Patrimonio Rural e Arqueoloxía das covas e abrigos das serras orientais. Este proxecto é beneficiario dunha axuda da IV edición do Programa de Forcados do Centro Universitario das Paisaxes Atlánticas Culturais (CISPAC) para fomentar a investigación posdoutoral e colaborativa. Contan coa colaboración dos concellos de Baleira, Baralla e Becerreá, así como tamén coa colaboración da "Asociación Castaño e Nogal" en Quintá de Cancelada. Agradecémoslle a información detallada e desexamos que teñan moitos éxitos. 

Damos información de sendas actividades e actuacións que teñen lugar en Hospitalet e Barcelona, promovidas concretamente pola "Casa Galega de Hospitalet" e polo "Centro Galego de Barcelona".

Finalizamos o programa anunciando a crónica do noso correspondente XULIO SIMÓN RÚA, que sempre finaliza cunha proposta musical interesante. Desexamos que teñan unha feliz semana.

Deixamos aquí o programa Completo - Enteiro.

SÁBADO 3 de OUTUBRO do 2026

Comezamos unha nova andaina. A tempada 2026 - 2027, deste programa "Semprengalicia" coa mesma intención de sempre:  ofrecervos as noticias que nos achegan dende Galicia os nosos correspondentes e aquelas que recollemos nosoutros na Redacción, xunto coa música que intercalamos para ir adubiando este noso programa. Non contamos coa presencia do noso compañeiro ARMANDO FERNÁNDEZ, que aínda se atopa convaleciente. Desexamos que pronto se recupere. Encetamos o programa de hoxe coa Estrea Oficial da sintonía "XIAO", que xa demos a coñecer no programa de conmemoración do 40 aniversario deste programa, realizado na Sé da nosa Entidade "A.C.G.Rosalía de Castro". Así comezaremos tódolos sábados a partir dagora. Despois das salutacións oportunas e un bocadiño de música, conectamos co noso correspondente na Costa da Morte OSCAR REY, a quen felicitamos primeiramente polos éxitos que está a acadar na súa tarefa profisional, xunto con Fina Paulos. ¡Nhoraboa! e recibimos a súa crónica que resume moi sucintamente para darnos a coñecer algunhas novidades moi interesantes, e que se poden ampliar na páxina quepasanacosta.gal, como ben nos indica en cadansúa intervención. Tamén nos lembra que mañá, domingo volve a re-emitirse este noso programa en Radio RONCUDO a partir das 10 da mañá. Nosoutros engadimos que tamén se poderá escoitar en Radio FENE o vindeiro luns. Agradecémoslle a súa aportación e desexamos que teña unha feliz semana.

Escoitamos unha peza musical e poñémonos en contacto con XOSÉ LIZ de CEA, precisamente o autor desa peza. Este vigués é Profesor multi-instrumentista, compositor, mestre da corda pulsada, compositor, intérprete, arreglista e docente de grande prestixio nacional e internacional no circuito do Folk e da Celtic Music. Mantemos con el unha conversa distendida e axúdanos a coñecer, un bocadiño, a súa traxectoria creativa. Prometémonos voltar a conectar con el para que nos fale da próxima publicación na que está a traballar e que pronto estará no prelo. Despedímolo con outra das súas pezas agradecéndolle a súa amable atención e desexamos que colleite moitos éxitos.

A continuación falamos co noso amigo e colaborador HENRIQUE FEDEZ-MON SÁNCHEZ, que sempre está atento á nosa chamada. A conversa con el sempre é ben recibida. Coméntanos cousas da súa vivencia, de cómo pasou o verán, de aconteceres e sucesos nos que participou, así como dos que ten noticia e coñece, polo miúdo, como a fundación e celebración da "Festa do San Froilán" en Nou Barris, que puxo en marcha Domingo Díaz. Tamén fai unha referencia interesante sobre algún dos personaxes tradicionais que aínda se conservan no San Froilán de Lugo, fundados polo ilustre Trapero... Sempre é de agradecer a súa aportación.

 

Recibimos á nosa correspondente nos Ancares Lugueses, concretamente dende Becerreá, FERNANDA FOLLANA NEIRA, que ten preparada unha crónica relacionada con asuntos relacionados con aquela zona rural tan estimada. Coméntanos algunhas curiosidades do verán, o Mural da Ponte do Cruzul, a moi interesante e curiosa anécdota coñecendo a persoas de Sant Boi de Llobregat, facendo o camiño do Norte e moi concretamente o Camiño Lebaniego, en Cantabria. Agradecémoslle a súa colaboración e despedímola con música.

Mantemos unha conversa con ELIGIO SUEVOS, Presidente do Centro Galego de Lleida, que nos fala da Festa do Breogán, celebrada a fin de semana pasada. Infórmanos da celebración dun Curso de Cociña, que impartirá unha cociñeira de Galicia os días 15, 16 e 17 deste mes de outubro. A Festa do Marisco na afin de semana do 22 ao 25 deste mesmo mes. Xa no mes de novembro o Magosto con castañas e panellets regados con moscatel, viño do ribeiro e quizais con chupitos de licor café. Tamén comenta que xa se  enviaron os comunicados aos socios e colaboradores para que aporten as súas colaboracións á revista "Xurdimento". E unha importantísima comunicación: Están a traballar para celebrar o 50 aniversario do Centro Galego de LLeida, que será o vindeiro 2027. Pretenden facer unha Festa con moita participación e agardan que poidan achegarse a maior parte dos Centros Galegos de Cataluña. Agradecémoslle a súa comunicación e desexamos que sigan colleitando moitos éxitos.

Recibimos a ANTONIO, o Presidente da "Irmandade Galega O Noso LAR de Terrassa". Están celebrando o 44 aniversario da súa fundación, cunha "Festa do Pulpo en Tarrasa". Festa gastronómica os días 9, 10, 11 e 12 de outubro.Comezarán o día 9 cunha Reunión dos Centros Culturais de Terrassa e inauguración da Festa na Praza Ricard Camí. O Sábado día 10 apertura da carpa ao mediodía coa actuación do Grupo de Gaitas de Saudade e Xantar de Socios. O Domingo día 11 novamente actuación das Gaitas e Xantar Oficial coa asistencia de autoridades e outros Centros Culturais. E o luns, tamén festivo, continuará a celebración co Campionato de Tute. Desexamos que acaden moitos éxitos.

Cando comezamos o programa recibimos unha alerta climatolóxica moi importante, polo tanto despedimos o programa desexando que nos volvan a sintonizar o próximo sábado á mesma hora. ¡Que teñan unha feliz semana!

Deixamos aquí o programa completo.

SÁBADO 27 de XUÑO do 2026

 PROGRAMA ESPECIAL CELEBRANDO O 40 ANIVERSARIO DA EMISIÓN "SEMPRENGALICIA" 

EN RADIO CORNELLÀ

Estamos na Sé da Asociación C.G.Rosalía de Castro de Cornellà, na rúa Garraf. Comezamos o programa, coma sempre, coa nosa sintonía, as salutacións aos escoitantes e seguidores, pero tamén aos asistentes. Un bocadiño de música e recibimos a primeira felicitación nada menos que a do don  VALENTÍN GARCÍA, Secretario Xeral de Política Lingüística da Xunta de Galicia. Tamén escoitamos a de Rebeca Munín, Vicepresidenta de AMEGA (Asociación de Medios de Comunicación en Galego) e falamos co noso correspondente viaxeiro XOAN ARCO DA VELLA, que tamén aproveita para felicitarnos. Desexámoslle un feliz verán.

A continuación escoitamos unha peciña das nosas "Rosalieiras", cantareiras da Asociación C.G.Rosalía de Castro, tamén recibimos outra felicitación moi importante, a de XABIER DÍAZ, e a de ANA VILA PORTOMEÑE, a Poeta Labrega. Conectamos con MANUEL RODRÍGUEZ JULIÁN, que foi o primeiro director deste programa que hoxe celebra os 40 anos de existencia. Tamén o parabenizamos, pola parte que lle toca.

Seguimos con música e dámoslle paso á crónica do noso correspondente na Costa da Morte, OSCAR REY CALO, que sempre ten preparado un resumo das novidades que acontecen naquela contorna, ademais de lembrarnos que se poden ampliar esas novas na páxina quepasanacosta.gal e que mañá domingo voltará a escoitar este noso programa en Radio Roncudo a partir dasa dez da mañá. Agradecémoslle a súa colaboración e desexámoslle un feliz verán. Tamén se re-emitirá este programa o lun en Radio FENE, como cada semana.

Recibimos a Felicitación moi sentida de HENRIQUE FDEZ-MON SÁNCHEZ, ex-Presidente que foi da A.C.G.Rosalía de Castro e codirector deste programa nun tempo atrás. Fai lembranza dalgúns momentos importantes no desenvolvemento deste programa. Agradecémoslle a súa intervención.

Agradecemos a presencia de XOSEFINA GONZÁLEZ, que tamén formou parte da dirección deste programa durante un tempo, xunto con outras persoas. Coméntanos a súa experiencia enriquecedora e a participación que tivo de moitas persoas que estiveron ao seu carón. Tamén recibimos a felicitación da nosa correspondente nos Ancares Lugueses, FERNANDA FOLLANA NEIRA. Aproveitamos a interpretación dun cuarteto de gaiteiros da Asociación, para disfrutar da nosa música.

Entrevistamos a MARISA LÓPEZ TEIJÓN, doutora, xinecóloga, investigadora e divulgadora. Naceu en Vilafranca do Bierzo, moi colecida pola súa traxectoria relacionada coa reproducción asistida, e pola súa participación en proxectos de innovación e vivenda colaborativa. Durante un tempo foi directora do Instituto Marqués, centro especializado en tratamentos de fertilidade. Ten investigado sobre a aplicación da música en embrións e na audición fetal, pola que ten recibido o Premio Ig Nobel de Obstetricia. Felicitámola pola súa traxectoria investigado e ela aproveita para felicitarnos a nosoutros polo noso aniversario. Prometemos voltar a entrevistala.

Recibimos a chamada de ROCÍO GARCÍA PÉREZ, diputada no Parlamento de Catalunya. Felicítanos pola nosa traxectoria que ela mesmo coñece ben de preto, xa que estivo sempre moi ligada á nosa traxectoria radiofónica. Como periodista e responsable, tempo atrás, sendo Directora de Radio Cornellà, Agradecémoslle a súa amable atención e despedímola con música das nosas "Rosalierias".

Intervén o noso Presidente OLIVER FERNÁNDEZ, para agradecer a presencia dos asistentes e continuamos a conversa con XOSEFINA, ao tempo que recibimos a felicitación de CHRISTIAN SALLES, dende Brasil, a de CLARA FARIÑA, das Pandereteiras de Verducido e a de ANTONIO ÁLVAREZ, Presidente da Asociación Castaño e Nogal de Quintá de Cancelada.

Acompáñanos MIREIA NAVARRO, actual Directora de Radio Cornellà, a quen lle agradecemos a súa presencia e tamén que nos permitira poder emitir este programa para conmemorar este Aniversario cheo de participación e felicitacións que estamos a recibir. A súa felicitación é unha mostra máis do aprezo e cariño que se percibe polos responsables da Radio. Agradecémoslle as súas verbas e a participación de hoxe. Os nosos gaiteiros interveñen para animar a súa presencia.

Cantan as nosas Rosaileiras e despois recibimos as felicitacións do noso correspondente XULIO SIMÓN, dende Combarro. Tamén escoitamos a felicitación de CARMEN PENIM e PABLO, Administrador de Correos xubilado, que dende Vigo tamén nos envía a súa feiticeira felicitación. Falamos con Emilio Luís, que nun tempo atrás foi director deste programa que hoxe está de aniversario. Parabenizámolo, pola parte que lle toca e, agradecémoslle a súa aportación de hoxe no programa.

Falamos con SERXIO SEOANE, outra coordinador deste programa que nun tempo tamén estivo participando e axudando a súa difusión. Recibimos a felicitación doutra escritora e poeta amiga, dende Lalín: CHARO GOLMAR.

Os gaiteiros volven a interpretar outra peciña e recibimos as felicitacións de PILAR ANSEDE, Presidenta do Centro Galego de Barcelona e LUÍS LOSADA, Profesor xubilado e colaborador do noso programa coas súas "Palabras voadoras" e xa non temos máis tempo para recibir outras felicitacións que nos chegaron. Despedimos o programa ata o vindeiro mes de outubro que voltaremos con máis azos para seguir con esta tarefa comunicativa tan engaiolante.

Deixamos aquí o programa Completo - Enteiro, sin as felicitacións que colocamos a continuación, para que quede documentación.

Publicamos neste noso blog, o resto das Felicitacións que non puidemos escoitar na emisión de hoxe: XOSÉ MANUEL F.  MONTES, CESAR PAZOS, JUAN RODRÍGUEZ GÓMEZ DACAL (Do Centro Galego de Lleida) e MANOLO BARCIA. Moitísimas Grazas!

Outras poucas felicitacións, que non puidemos escoitar no programa: PEPE FORMOSO, VICTOR HUGO, CAROLINA SILVA, RAFA de RADIO MONFORTE e PEDRO PÉREZ (do Grupo Duplex). Moitísimas Grazas!

SÁBADO 27 de XUÑO DO 2026

Benqueridos escoitantes e seguidores. Esta tarde, a partir das 18h celebraremos na Sede a Asociación C.G.Rodalía de Castro en Cornellà (no Local da rúa Garraf) o "40 Aniversario deste nosa emisión SEMPRENGALICIA". Agardamos poder disfrutar cos socios e asistentes deste programa especial.