SÁBADO 7 de NOVEMBRO do 2026

Comezamos unha nova emisión do "Semprengalicia" de cada sábado, como sempre, coa nosa Sintonía, as salutacións e un bocadiño de música, para recibir ao noso correspondente na Costa da Morte, OSCAR MANUEL REY CALO. A súa crónica, moi aprezada polos nosos escoitantes e seguidores, é un pequeno resumo que escolle das moitas noticias que se poden ampliar na páxina quepasanacosta.gal. Recórdanos que este programa volve a emitirse os domingos a partir das 10 da mañá en Radio Roncudo. Tamén o poderán escoitar o luns en Radio Fene. Temos que agradecerlles a colaboración que nos prestan.

A segunda intervención é con CARMEN BLANCO SANJURJO, Escritora, Actriz e Avogada galega. Ven a presentar o seu libro "El Fuego en la Piedra", que é a continuación dun primeiro "Gorrións e Falcóns". Será o vindeiro xoves día 12 de novembro a partir das 19h, na cripta do século XV, que foi un antigo baño xudeu, un lugar emblemático @caelumbcn, perto da Catedral Gótica. Están convidados tódolos asistentes a un viño especiado e un bizcoito, receta medieval que tarda sete días en facerse, a ao final poderán degustar unha queimada. Cóntanos de qué vai o libro e agradecémoslle a súa información detallada. Desexamos que teña moito éxito.

Conectamos novamente con Galicia para recibir ao noso correspondente viaxeiro e reporteiro gráfico XOAN ARCO DA VELLA, que nos recomenda achegarnos a zona de Ribas de Sil, na Ribeira Sacra. Visitar a localidade de Torbeo, onde se pode contemplar a igrexa románica de Sant María, e alí perto, contemplar a paisaxe extraordinaria dende o Meandro de Cubela. Aproveita para mencionar e contar o que lle dixeron de Filomena Arias Armesto, a Meiga, Curandeira, Bruxa ou Sabia de Torbeo. Moitas Grazas Xoan.

A continación poñémonos en contacto con DANI, da A.C.G.Rosalía de Castro. Infórmanos do Magosto-2026, que se celebra na Sé da Entidade. Tamén no comenta que se están impartindo clases. As "Rosalieiras" teñen como profesor a Manuel do Grupo Ailá. Próximamente, concretamente o día 21 de novembro, celebrarase o fallo do "40 Certame de Poesía Rosalía de Castro". Teremos a presentación de dous poemarios.:"Lázara", de Rexina Vega e "No Círculo", de Pura Salceda. Será un día poético en tódolos sentidos. Agradecémoslle a súa participación de hoxe e desexamos un Feliz Magosto.

Xa non temos máis participacións en directo, polo tanto despedímonos ate o vindeiro sábado á mesma hora. ¡Que teñan unha feliz semana!

Escoitamos a entrevista que lle fixemos a LUÍS VELOSO, responsable da Casa Rural "A Rousía", en Baltar (Ourense) que participan nos "Outonos Gastronómicos de Turismo de Galicia" ofrecendo dous menús de calidadee quilómetro cero (el comenta que son de quilómetro menos cero, porque van a buscar os alimentos camiñando e coa bolsa na man). Estancia e xantar nunha casa do ano 1830, restaurada e acondicionada para disfrutar da estancia, atención e bo xantar. Tamén teñen un spa, para relaxación. Agradecémoslle a súa participación e desexamos que teñan moito éxito.

Deixamos aquí o programa Completo - Enteiro.