SÁBADO 29 de XUÑO dp 2019

Este último programa da tempada 2018-19 encetámolo dándolles a ben-vinda e conectando directamente co noso correspondente na Baixa Limia, Xosé Lamela Bautista, que nos ten preparada a intervención de don Luís Manuel García Mañá, Presidente da Asociación de Amigos do Couto Mixto. Falamos con eles sobre a celebración da próxima entrega de varas de mando aos novos Xuíces Honorarios do Couto Mixto a vindeira fin de semana de Xullo. Desexámoslles moitos éxitos e despedímolos ate a próxima conexión que agardamos poder realizala na seguinte tempada.

Continuamos a emisión conectando co Presidente da ASOBECAT, don Juan Pedro Sánchez, a quen felicitamos pola súa honomástica e aproveita para informarnos da entrega dos Alecrins de Honra que se fará en Touro, no mes de Agosto. Os elixidos por parte da Asociación son Embutidos Santa Cruz de Montes na persoa de  don José Antonio Otero e a Empresa Reformas Carrete, na persoa de dona Mercedes. Voltaremos a contar con el cando reanudemos as nosas emisións.

Falamos agora co noso amigo e colaborador Henrique Ferdez.Mon Sánchez, que foi Presidente da A.C.G.Rosalía de Castro. Dende Galicia propónnos a realización dunha publicación que recolla con precisión e detalle as moitas e interesantes actuacións desta nosa Entidae, facendo fincapé na posta en valor dalgunhas persoas, en particular a de Antonio Díaz, que estivo desde o comezo e inauguración xunto con outras persoas que compre salientar. 

Non podía faltar a intervención do noso colaborador e correspondente nas Rías Baixas, Xulio Simón Rúa, que nesta ocasión atopámolo facendo unha paridiña nunha viaxe que tiña programada. Agradecémoslle a súa atención e o agasallo co que se despide de todos nosoutros, que consiste na lectura de dous poemiñas dunha autora moi  interesante: Cristina Corral Soilán. Desexámoslle que teñan unhas vacación moi gorentosas e un bon verán.

Tamén falamos con LIS LATAS, a quen felicitamos polo traballo tan delicado que acaba de fabricar para un gaiteiro que perdeu un dedo: Un punteiro personalizado cunha chave axeitada para suplir esa deficiencia. Tamén aproveitamos para felicitalo pola Gaita para o Premio Nacional de Artesanía. no seu Obradoiro atópase Pepe Romero, un grande Gaiteiro e Profesor da Banda de Porto do Son. Agradecémoslle a súa colaboración de hoxe no noso programa.

Conectamos co noso Poeta da Mariña Luguesa, Paco Rivas, que ademais de despedirse de todolos nosos oíntes e seguidores para desexarlles un feliz verán, agasallános coa declamación-recitación dun pequeno poema da súa autoría.

Un servidor atrévese a ler o ultimo poema da nosa Poeta Pastora, Nieves Fernández Vidueira, que leva por título : Quixera ser leitarega. E así finalizamos o programa de hoxe, 

Que teñan un feliz verán e unhas vacacións cheas de engado. Comezaremos a nova tempada no mes de outubro. 

¡Sexan Felices!

Sábado 15 de San Xoan do 2019

Comezamos outro programa máis, con todos vostedes, con música para recibir ao noso correspondente na Baixa Limia Xosé Lamela Bautista, que nos presenta ao seu convidado de hoxe, o Doutor Alvaro de Castro. Unha conversa-entrevista moi interesante e moi animada. Agradecémoslle a súa participación no programa de hoxe e comprometémonos voltar a falar co Doutor.

Despois de escoitar outro bocadiño de música falamos co amigo Santiago Lorenzo Sueiro, que nos informa da súa nova faceta radiofónica: "A hora de Sueiro" na Radio Digital, que emite por Youtube.

Escoitamos o Himno do Couto Mixto, interpretado por María do Ceo, para recibir ao noso amigo e poeta Suso Díaz, a quen felicitamos e enviámoslle os nosos parabens porque foi elixido pola Asociación de Amigos do Couto Mixto para concederlle o título de Xuíz Honorario do Couto Mixto, que se lle entregará o vindeiro día 6 de xullo. Tamén nos congratulamos con el polas diversas publicacións e poemarios. Tamén nos agasalla coa lectura dun dos seus poemas.

Continuamos conectando con Galicia novamente para que a nosa correspondente nos Ancares, Fernanda Follana Neira, nos faga a súa crónica semanal relacionada con esa zona luguesa. Tamén nos agasalla coa lectura dun poema de Toño Núñez, co que foi premiado o cineasta Oliver Laxe.

E a ultima conexión é co noso Poeta da Mariña Luguesa, Paco Rivas, que nos atende aínda que con certas dificultades, xa que non está no lugar asíduo de cada semana. Agradecémoslle a súa aportación.

Voltaremos a última fin de semana deste mes de San Xoan, posto que a vindeira teremos que celebrar a Festa Galega de Can Mercader, e no se emitirá este programa. Así pois, agardamos que volvan a sintonizarnos o próximo dia 29 para despedirnos e finalizar esta tempada. ¡Sexan felices!

SÁBADO 08 de XUÑO do 2019

Outra semaniña máis con todos vosoutr@s, ofrecéndolles dúas horiñas de radio en galego. Comezamos dándolles a ben-vinda e despois de escoitar a fermosa voz de Madalena Gamalho Farinha, conectamos co noso correspondente na Baixa Limia, Xosé Lamela Bautista, que ten como convidado ao CHEF do RESTAURANTE HABANA 83 de Ourense. Saudámolos e conversamos distendidamente sobre a traxectoria dese establecemento gastronómico que segue acadando moitos éxitos, non só pola súa atención e relación calidade-precio, senón tamén porque esmérase na oferta de grandes e exquisitos pratos de tempada e con productos da zona. Felicitamos a Antonio Simoes de Dios, que nos atende amablemente, por ter acado ese gorro blanco de Radio Turismo que lle concederon nese grande Salón Internacional Gastronómico de Ourense XANTAR. Agradecémoslle a súa participación de hoxe e desexámoslle que sigan colleitando éxitos.

Continuamos escoitando máis música e conectamos co noso correspondente nas Rías Baixas, Xulio Simón Rúa, que nos ten preparada a intervención dunha coñecida nosa LOLI BELOSO NEIRA. Están en Tomeza, para presentar precisamente o libro de Loli que se titula ALEX COS NENOS. Unha obra altruista e solidaria, xa que o que se recade na venta destes libros irá expresamente para os nenos de Nicaragua.

A seguinte comunicación é coa nosa correspondente FERNANDA FOLLANA NEIRA, que dende Os Ancares sempre nos fai unha crónica dalgunha cousa interesante e moi ben documentada. Agradecémoslle a súa colaboración neste noso programa.

Tentamos ofrecerlles algo interesante no aspecto creativo e moi axeitado ao momento no que estamos, xa que acaba de pasar por Galicia a "Borrasca Miguel" e unha das nosas admiradas poetas, Nieves Fernández Vidueira, enviounos un poema relacionado con el e polo tanto atrevémonos a lelo para todos vostedes. Desculpen se non lle dou a entonación que merece.

Agora recollemos e damos información de varias noticias que nos chegan á Redacción, moi interesantes: A concesión das Medallas Castelao, que este ano son totalmente femininas, a Festa Galega de Can Mercader, prevista para os días 21, 22 e 23 de xuño...

Escoitamos outro bocadiño de música e voltamos a informar de máis novidades en Galicia, como é a celebración este venres pasado da "VII Edición de NO BICO UN CANTAR", organizado polo Consello da Cultura Galega, na localidade raiana de TUI. Tamén detallamos algunha que outra noticia máis, relacionada con Galicia, claro. E cunha peza musical do grupo Malvela, que fai tempo non escoitabamos, despedímonos de toda a audiencia e seguidores ate a vindeira semana.

Que Sexan moi Felices e agardámosvos o próximo sábado.

Sábado 01 de San XOAN do 2019

Un sábado máis con todos vosoutros. Comezamos dándolle as grazas ao noso Presidente da A.C.G.Rosalía de Castro, Oliver Fernández, pola súa visita nos estudos e saudando a tódolos nosos oíntes e seguidores. Despois de escoitar unhas notiñas musicais poñémonos en contacto co noso correspondente na Baixa LImia, Xosé Lamela Bautista, que sempre ten un personaxe importante para entrevistar e conversar sobre asuntos interesantes.

Nesta ocasión falamos con Cristian Oliveira Brito, un dos responsables da edición do xornal de Entrimo "O PICARAÑO", que xa vai polo seu segundo número. Felicitámolo e congratulámonos pola boa acollida que está a ter esta publicación que ven a representar a reedición dun xornal que se publicaba alá polos anos de 1909... Seguen con forza con esta publicación tan interesante que recolle unha morea de importantes comunicacións. Agradecémoslle a súa participación e as informacións tan detalladas, así como a noticia da recente publicación e presentación do libro CD "Sindo de Olelas". 

Falamos agora con Oliver Fernández, da vindeira "Festa Galega de Can Mercader" prevista para os días 21, 22 e 23 de XUÑO coa actuación estelar de ANXO LORENZO e as "ROSALIEIRAS" o primeiro día na "Noite Celta", que xa leva tres anos celebrándose. Pormenorízanos as diferentes actuacións e actos previstos aos que nos convida a tódolos oíntes e seguidores, para disfrutar non só da música senón tamén da gastronomía de grande calidade que se pode degustar no recinto. Tamén aproveitamos para falar co noso amigo e colaborador esporádico MANUEL RODRÍGUEZ JULIÁN, que foi o primeiro Director deste programa que hoxe levamos adiante.

Despois conectamos con Galicia para que a nosa correspondente nos Ancares, Fernanda Follana Neira, nos faga a súa crónica semanal relacionada con aquel entorno e outras novas escollidas.

E hoxe temos a honra de "recibir" e falar coa nosa grande amiga MERCEDES TARACIDO, que nos fala dende Suiza, grazas a colaboración do seu propio marido don MÁXIMO FELIPE BENÍTEZ. Unha conversa, casi entrevista, relacionada coa escrita do seu libro "Por Camiños e Carreiros", e as súas vivencias de infancia. Foi un placer poder conversar con esta galega que admiramos pola súa creatividade e comunicación tan afable. Como xa temos o seu contacto seguiremos falando con ela en próximas ocasións. Algo xa nos ten adiantado a súa prologuista Raquel da Venta, con quen falamos en emisións anteriores.

E por último atrévome a lervos unha das ultimas poesías da nosa Poeta-Pastora Nieves Fernández Vidueira, que se titula "Mañanciña de San Xoan", moi axeitada polo recente mes que acabamos de encetar... 

Despedímonos ate o vindeiro sábado. 

¡Que teñan unha feliz semana!

SÁBADO 25 de MAIO do 2019

Outro programa con todos vostedes. Comezou a emisión con Armando Fernández nos estudos, e disculpando a presencia de Xulio por mor de certas obrigas personais. Despois das salutacións pertinentes comunícase con Xosé Lamela Bautista, o noso correspondente na Baixa Limia, que nos presenta ao convidado de hoxe o Sr.Alcalde de Entrimo don Ramón Alonso López, para falar de aspectos relacionados coa proposta de homenaxe a un ilustre personaxe da localidade e dun libro recentemente publicado, así como doutros interesantes aspectos da zona.

Despois falamos con Domingo González Lorenzo, CHEF-Cociñeiro do Hotel-Balneario de Lobios e Presidente de varios Tecores de Caza da Serra do Xurés, ademais de varias comunidades de montes da mesma zona. Falamos da "VII Festa da CAZA do Xurés", das Formativas e Gastronómicas de Caldaria-Lobios... Unha conversa que se ve enriquecida pola grande aportación profesional de Domingo amosándonos o seu bon quefacer no aspecto gastronómico e experto coñecedor da fauna dese entorno fermosísimo que é a Serra do Xurés. 

A seguinte intervención é a da nosa correspondente nos Ancares Lugueses, Fernanda Follana Neira, que ten preparada a súa paarticipación con varias informacións moi precisas e interesantes.

E para finalizar comunicámonos co noso Poeta da Mariña Luguesa, Paco Rivas, que sempre ten unha intervención axeitada e enriquecedora, non só polo seu verbo, senón tamén pola súa creatividade poética, coa que nos agasalla con asiduidade declamando algunha delas.

Despedímonos ate o vindeiro sábado. Que sexan felices!!!

SÁBADO 18 de MAIO do 2019

Presentando "En Blanco"

Na Radio con Lamela e Mandianes

Un programiña máis, con todos vosoutros. Estamos acompañados, en directo polo noso correspondente na Baixa LImia, Xosé Lamela Bautista, e polo grande Antropólogo don Manuel Mandianes Castro, que ven a facer unha Conferencia, con motivo das "Letras Galegas 2019" na A.C.G.Rosalía de Castro de Cornellà, e aproveitar para presentarnos o seu ultimo libro: "En Blanco". Falamos un chisco con eles e tamén aproveitamos a ocasión para ler unha das ultimas poesías coas que nos agasalla a nosa "Poeta-Pastora" Nieves Fernández Vidueira, relacionada co día de hoxe: O día dos Museos. Moi axeitada para este día tan singular. Mandámoslle as nosas felicitacións e agradecémoslle que comparta connosco tan fermosas palabras.

Despois de despedirnos de tódolos nosos oíntes e seguidores, deixamos que continúe a emisión ofrecéndolles unha serie de escollas musicais coas que poden disfrutar amplamente.

E finalizamos con máis música galega para completar o horario establecido. Pregámoslles que nos disculpen por non poder ofrecerlles un programa con máis contidos, xa que temos que acompañar ao noso convidado de hoxe, don Manuel Mandianes Castro, que nos deleitará coa súa exposición sobre o día adicado a Antón Fraguas Fraguas e completarao cos comentarios sobre seu libro : En Blanco.

Despedímonos ate a vindeira semana, que prometemos ofrecerlles outro programa entretido. ¡Que teñan unha feliz semana!

SÁBADO 11 de MAIO do 2019

Comezamos outro programa de "Semprengalicia" dándolles a ben-vida e ofrecéndolles escoitar unha peciña musical para conectar con Galicia, concretamente coa Baixa Limia, onde se atopa o noso correspondente José Lamela Bautista, que nos presenta ao seu convidado de hoxe, don MANUEL MARIÑO, propietario do Restaurante LINDO VERDE, en Lindoso, que acaba de "reinaugurar" ese establecemento. Mantemos unha conversa moi interesante falando das ofertas gastronómicas que se poden degustar nese emblemático lugar, situado ao pe do Castelo de Lindoso e pertiño do encoro do mesmo nome. Agradecémoslle a súa amable atención e prometémonos visitalo en canto vaiamos por aquela zona tan feiticeira, para poder xantar algún deses pratos deliciosos que preparan con tanta excelencia.

Falamos agora con RAQUEL DA VENTA, prologuista do libro de Mercedes Taracido: "Por camiños e carreiros", do que xa tiñamos falado, pero aproveitamos esta conversa-entrevista para que nos amplíe coñecementos sobre a nosa amiga Mercedes, que con tanto cariño confeccionou ese libriño. Foi un pracer poder departir con Raquel estes minutos de conversa sobre a parella conformada por Mercedes e Máximo, aos que aprezamos e admiramos.

Na segunda hora o noso correspondente nas Rías Baixas, concretmente en Combarro, Xulio Simón, preséntanos ao seu convidado de hoxe, o grande Cantautor LUIS PASTOR, ao que lle profesamos grande admiración, pola súa traxectoria creativa tan fecunda e pola súa aposta en defensa da liberdade, tanto no período franquista como actualmente, que segue a dar concertos sen parar.

Despois conectamos novamente con Galicia, para falarmos con José Carlos Ulloa, un poeta lucense que nos adianta a próxima publicación de dous libros da súa autoría e que contarán con diversas colaboracións de persoas amigas e poetas coma el.

Tiñamos previsto falar con Nieves Fernández Vidueira, a nosa pastora poeta, porque desexabamos agradecerlle públicamente a atención que nos dispensa, xa que nos enviou o seu libro "Retrincos do meu ser". Non nos foi posible e así aproveitamos para ler un dos seus poemas adicados á aldea de Quintela doPando (Viana do Bolo) lugar de nacemento da autora. Despois de escoitar outro bocadiño de música e desexarlles que pasen unha feliz semana, despedímonos ate o vindeiro sábado.

SÁBADO 04 de MAIO do 2019

Outro programa máis con todos vosoutros, no que tentamos ofrecervos novidades, entrevistas e música e que desexamos sexan do voso interese. A primeira comunicación é con CARLOS JULIO GONZÁLEZ, un mozo Quirogués de 16 anos que ven realizando unha labor de informador-periodista como afeccionado pero con moita dedicación e seriedade, precisamente na comarca de Quiroga e leva adiante a súa páxina DIARIO DE QUIROGA, moi aprezada polos veciños e por moitas persoas que se achegan a coñecer algo máis daquela contorna. Agradecémoslle a súa amable atención e non descartamos a posibilidade de que participe con nosoutros nalgunha sección do noso programa. 

Aproveitamos uns minutiños para sacar da presentación á nosa periodista LAURA SANTOS, que está no Parque Europa de Santa Coloma de Gramanet, disfrutar do terceiro día de Festa Galega que organiza Airiños da Nosa Galicia con motivo do seu 36 cumpleanos. ¡Parabens e graciñas por atendernos! os galegos ofrecen a súa cultura musical e gastronómica nese parque emblemático que xa é unha tradición na cidade, e que rematará o día 5 con queimada popular gratuita.

Continuamos e poñémonos en contacto co noso correspondente na Baixa Limia, Xosé Lamela Bautista, que nos ten preparada a intervención dun coñecido e colaborador da nosa radio: don ASER ALVAREZ GONZÁLEZ, Director executivo de Arraianos Producions e grande coñecedor da Baixa Limia. Aproveitamos para darlle os nosos parabens, por ter acadado o "Premio de Xornalismo Johan Carballeira", que lle entrega o Concello de Bueu, cun Texto sobre Mendez Ferrin, cuxo título é "Ferrín e a poesía do circo". Explícanos cómo se desenvolveu este traballo arredor de Méndez Ferrín, a poesía e o circo, que conta coa participación de Quico Cadaval, dous arraianos de pro. Agradecémoslle a súa atención e lamentamos non poder contar coa participación de Xosé por mor da mala comunicación telefónica que hoxe non foi a axeitada.

Continuamos e conectamos coas Rías Baixas, para que nos informe dalgún dos moitos eventos que se están a celebrar en Pontevedra. Concretamente un deles é relevante porque no Triatlón Internacional dous galegos Javier Gómez Noia e Pablo Dapena -primeiro e segundo- e no apartado feminino Judith Corachán e Anna Noguera foron prata e bronce. Agradecémoslle a súa aportación.

Atrevémonos a ler unha das creacións poéticas da nosa amiga "poeta pastora" Nieves Ferdz.Vidueira, que se titula: Cando o que miras fala. Unha verdeira descrición da fotografía coa que ilustra o seu poema, e que nos tentamos darlle a entonación correspondente para disfrute de todos...

A vindeira semana máis. non deixen de sintonizarnos. Aquí estaremos.¡Grazas!

Sábado 27 de ABRIL do 2019

Unha semaniña máis con todos vosoutros. Comezamos dándolles a ben-vida e ofrecéndolles escoitar a "Grándola Vila Morena", para conmemorar a "Revolución dos Cravos", dese 25 de Abril. Esa música sérvenos para saudar e recibir ao noso correspondente na Baixa Limia, Xosé Lamela Bautista que ten como convidado para a primeira intervención a Lino Perdiz, membro de PLABALI e grande coñecedor da zona. Fálannos das moitas oportunidades que se deberían aproveitar para aumentar os recursos da zona e poder disfrutar das moitas melloras que se precisan naquela contorna. Agradecémoslle a súa aportación no programa de hoxe e despedímonos ate a vindeira emisión.

Continuamos o programa dando coñecemento de varias novidades e informacións recibidas na Redacción da nosa Radio, como é a próxima visita de Iolanda Zúñiga á Universidade de Barcelona, prevista para o día 30 de Abril ás 9:30 horas...

A segunda hora comezámola coa intervención do noso correspondente nas Rías Baixas, Xulio Simón Rúa, que ten como convidado a Joao Afonso, sobriño do finado Zeca Afonso. Unha entrevista chea de novidades relacionadas coa creatividade musical deste grande cantautor mozambiqueño.

Despois conectamos con Ubaldo Pérez, do Restaurante Los Ancares, na rúa Robrenyo de Barcelona, que nos pon ao corrente da próxima celebración da "Festa Gastronómica da Primavera" prevista para o día 12 de maio próximo. Agradecémoslle a súa información detallada.

Antes de finalizar falamos co noso poeta da Mariña Luguesa, Paco Rivas, que sempre ten unha intervención interesante e remata agasallándonos coa recitación dunha das súas creacións poéticas.

A vindeira semana máis. Que pasen unha feliz semana !!!

SÁBADO 13 de ABRIL do 2019

Un programa máis con todos vosoutros. Comeza a emisión ARMANDO FERNÁNDEZ, que hoxe atópase "sosiño" nos estudos, xa que un serividor está de viaxe coa familia. Despois das salutacións de rigor e escoitando un bocadiño de música conecta con XOSÉ LAMELA BAUTISTA, que ten como convidado a don DOMINGO GONZÁLEZ LORENZO, asiduo colaborador do noso programa e un Cociñeiro de grande renome naquela contorna. Fálannos da "VII Festa da Caza do Xurés", que se celebrará nestas datas de Semana Santa. Desexámoslle moitos éxitos.

A segunda comunicación é co 4º Tenente de Alcalde de TUI, Concelleiro de Cultura, Patrimonio, Medio Ambiente e Deportes don EDUARDO FREIRÍA MARTÍNEZ, que moi amablemente nos atende para poñernos ao corrente da "Festa do MEIXÓN", que se celebra dende o 6 ao 29 de Abril. Unha recuperación desa ancestral forma de pescar e degustar o "Meixón", que non se debe confundir co mexilón, xa que así se chama á "ANGULA" nesta zona fronteiriza de Galicia e Portugal, na desembocadura do río Miño. Agradecémoslle a súa cumprida información e comprometémonos voltar a falar con don Eduardo en vindeiras datas para que nos axude a coñecer algo máis dese lugar tan feiticeiro e que tantas e boas cousas nos ofrece aos galegos e visitantes.

Continuamos o programa conectando con SUSO DÍAZ, amigo e poeta galego a quen felicitamos e enviámoslle os nosos parabens pola recente publicación do seu ultimo poemario adicado ao "Couto Mixto", que leva por título: "A utopía que diluíu o vento". Agradecémoslle a súa participación no noso programa e desexámoslle moitos éxitos con esa publicación.

A seguinte entrevista é co Sr.Presidente do "COXGA, Colexio Oficial de Xoieiros de Galicia", don OSCAR RODRÍGUEZ BLANCO, que tamén é propietario da xoieria Oscar de Viveiro. Fálanos da "IIº Congreso da Xoiería de Galicia", que se celebrou en Santiago de Compostela o día 6 de Abril. Contou cunha asistencia moi numerosa, máis dun cento de xoieiros e profesionais do sector asistiron a ese grande evento no MUPEGA, onde se trataron unha morea de temas entre os que destacaron o Comercio e o Futuro da xoiería. Sempre contamos coa atención de don Oscar e agradecémoslle moi encarecidamente a súa amabilidade.

Despois da entrevista ao Sr. Presidente do Coxga, Armando fai unha pequena intervención e despídese ate o vindeiro programa no que desexamos contar con todos vosoutros outra vez. 

Desexámoslle que pasen unhas felices Festas de Semana Santa.

SÄBADO 6 de ABRIL do 2019

Outro programa máis con todos vosoutros, para ofrecerlles novidades, entrevistas, música, conexións e moitas cousas máis. A primeira conexión é co noso correspondente na Baixa Limia, Xosé Lamela Bautista, que ten como convidada de hoxe a Marta Delgado González, de Mira Xurés, que nos informan moi detalladamente de varias actividades que teñen previsto realizar naquela contorna do Gerés-Xurés. Andainas moi interesantes e tamén o Walking Festival Xurés previsto para os días 14 a 21 de ABRIL. Fermosas propostas para aproveitar e disfrutar do sendeirismo e da gastronomía local.

A segunda intervención é a do Sr. Barrerio, encargado e coordinador das "Xornadas Técnicas de Promoción e difusción do viño no Camiño", en San Miguel de Sarandón, e que forman parte da "XXXIX Festa do Viño do Ulla" en VEDRA. Unha cumprida e abondosa información que ofrecemos aos nosos oíntes e seguidores, agardando poder compracelos.

Na segunda hora comezamos sempre coa conexión, en Combarro, do noso correspondente Xulio Simón, que hoxe trainos como convidado especial ao sociólogo e escritor Manuel Monge González, que hoxe nos falará do seu libro: O perverso goberno de Feijóo. Sete anos en negro. Novidades e moita información que quizaves moitos dos nosos oíntes e seguidores non coñecían. Voltaremos a entrevistalo.

Aínda temos tempo de falar con LEOPOLDO CLAVERÍA, de Viana do Bolo. Restaurador de grande prestixio e socio propietario que foi do Restaurante CASA Darío de Barcelona. Unha conversa distendida na que nos da a coñecer unha chea de interesantes lugares para visitar naquela zona ourensana. Agradecémoslle a súa aportación e prometémonos voltar a conectar con el en vindeiras datas.

A vindeira semana máis. ¡Deica o sábado que ven!

SÁBADO 30 de MARZO do 2019

O ultimo programa do mes de marzo con todos vosoutros. Temos que disculpara a participación dos nosos colaboradores semanais, Xosé Lamela, Xulio Simón e Fernanda Follana, que teñen outras obrigas que atender. Despois de darlles a nosa máis cordial benvida, poñémonos en contacto co noso amigo e antigo corresponsal da Axencia EFE en Padrón, MASITO BEIRÓ, que nun tempo foi o noso correspondente en Galicia, para participarlle os nosos parabens porque xa se atopa disfrutando da xubilación e aquelas pequenas incomodidades de saúde parece que xa remitiron. Aproveita para darnos coñecemento de varias e interesantes noticias, que seguro profundizaremos en vindeiras ocasións. Agradecémoslle a súa participación no noso programa de hoxe.

Segidamente falamos con Montse González de Verso a Verso, que ademais de notificarnos algunhas das actuacións nas que participou, agasállanos coa recitación dunha poesía adicada ao viño Mencía. Unha primicia para tódolos nosos oíntes e seguidores. ¡Moitas grazas Montse!

Despois conectamos novamente con Padrón para falarmos con ISAAC, Xefe de Cociña do emblemático "Hotel Restaurante Scala". É unha satisfacción e un privilexio contar coa súa aportación de hoxe, xa que de primeira man infórmanos da celebración da "Vª Festa Gastronómica da degustación da Lamprea" e este establecemento é un dos que participan moi activamente nesta oferta e degustación dese prato tan cotizado. Indícanos que aínda que mañá será o ultimo día deste evento, no Restaurante do Scala seguirán ofrecendo ese suculento manxar ate ben entrado o mes de Abril e quizaves na Semana Santa aínda poderán dirixrse a eles para reservar e  probalo por tan só 30€uros. En vindeiras ocasión tentaremos voltar a falar con Isaac, para que nos continúa informando das exquisiteces que se poden degustar no Scala de Padrón.

A continuación aproveitamos para informalles de dous acontecementos relacionados co pasamento dun grande investigador da nosa Literatura Medieval - Giussepe Tavani - e o doutro grande da nosa cultura como foi acordionista Pazos de Merexo. As nosas máis sinceiras condolencias. Tamén comentamos a posibilidade que teñen de reservan, aínda están a tempo, para disfrutar nesta Semana Santa, da estancia na Vivenda Rural "Xanela da Lúa", rexentada por dona Carmen, coa que tenabamos falar en directo con ela, pero non nos foi posible... Pero xa saben que se queren disfrutar dun lugar con encanto achéguense a Lira e alúguense na "Xanela da Lúa". Outra oferta das que queremos facer mención, para que teñan outras oportunidades, neste caso no interior de Galicia, é a Vivenda Rural no Interior, concretamente pertiño de Melide: "A Casa de Asumpta", se proban seguro que voltarán posto que teñen unha atención especial e ademais da gastronomía galega tamén escoller algúns pratos típicos cataláns, posto que os donos son de Sant Vicens dels Horts.

Outra das Vivendas Rurais que tamén lles indicamos e seguro que serán moi ben recibidos é a "Casa de Romualdo", na Ribeira Sacra. Falamos con Francisco, un cego zanfonista que nos explica un bocadiño do que poden disfrutar naquel paraxe incomparable onde se practica a "viticultura heroica" do viño Mencía e Godello, por excelencia. Unha casa do século XVI que aínda poden tentar alugala para algún dos vindeiros días de Semana Santa. 

E por hoxe ren máis. Desexamos que pasen unha feliz semana e o vindeiro sábado, de 18 a 20horas, prometémoslles voltar a tentar facer outro programiña, cheo de noticias, boa música galega e moitas cousas máis.

23 de Marzo do 2019

Un programa máis con todos vosoutros. Comezamos ofrecéndolles unha peza musical para  comunicar directamente co noso correspondente na Baixa Limia, Xosé Lamela Bautista. Nesta ocasión mantemos unha conversa-entrevista chea de coñecementos e ensino que lle agradecemos moito e despedímolo ate a vindeira semana. ¡Moitas grazas pola túa colaboración semanal, Xosé!

A segunda intervención é a de Daniel Bellón, un grande da nosa música galega. Profesor e virtuoso da Gaita, que tamén toca outros instrumentos. Fálanos da súa traxectoria profesional e das creacións e próximas novidades que están a preparar. Tamén nos pon en antecedentes desa Escola Bellón-Maceiras de Fene, que conta con moitísimos alumnos que están a darlle moitas satisfaccións.

A segunda hora comeza coa conexión co noso correspondente nas Rías Baixas, Xulio Simón Rúa, que nos presenta ao Catedrático don Xesús Alonso Montero, cos que mantemos unha conversa-entrevista chea de ensino e anécdotas moi interesantes. Agradecémoslles a súa intervención de hoxe.

Despois falamos co noso poeta da Mariña Luguesa, Paco Rivas, a quen felicitamos e dámoslle os nosos parabens polo pequeno video co que nos agasallou, e que tódolos nosos oíntes e seguidores poden disfrutar e contemplar na páxina de vimeo.

Aproveitando que estamos a celebrar a semana da poesia atrevémonos a recitar a poesía da nosa poeta pastora Nieves Fernández Vidueira, que seguro será do agrado de tódolos nosos oíntes.

Xa nos despedimos ate a vindeira semana. ¡Disfruten!

Sábado 16 de Marzo do 2019

Comezamos outro programiña máis de dúas horiñas de radio en galego, dándolles a ben-vinda e saudando á nosa amiga poeta dona Miriam Ferradáns Ferradás, que nos acompaña hoxe nos estudos e á que lle agradecemos a súa participación nestes primeiros instantes. Témola aquí porque ven impartir unha Conferencia que leva por título: "As Mulleres da Conserva Galega". Este é un dos moitos actos que están a desenvolver na Asociación Rosalía de Castro de Cornellà, como integrantes do Consell de la Dona. Agradecémoslle a súa participación desinteresada. Despedímonoso ate a vindeira semana á mesma hora. Quedan en boas mans, con Armando.

A seguinte comunicación é co noso correspondente na Baixa Limia, Xose Lamela Bautista, que nos pon ao corrente da súa aportacion semanal, sempre chea de interese para todos nosoutros. Despois de escoitar algunhas pezas musicais conectamos con Galicia para falar con SES, María Xose Silvar, que acaba de publicar un novo CD que leva por título: "Rabia ao Silencio". Agradecésmolle a súa colaboración que sempre amosou coa nosa humilde emisión e desexámoslle moitos éxitos.

Continúa coa conexion con Fernanda Follana Neira, a nosa correspondente nos Ancares, que ten preparada a súa colaboración semanal relacionada con aquelas terras luguesas.

E despedímonos ate a vindeira semana, que tentaremos estar con todos vosoutros con máis música, entrevistas, noticias e comunicacións de interese para todos vosoutros.

SÁBADO 09 de Marzo do 2019

Comezamos outro programa máis ofrecéndolles unha peza da cantautora MARÍA DO CEO, para conectar con Galicia e recibir ao noso correspondente na Baixa Limia Xosé Lamela Bautista, que nos ten preparada a participación de don ANTONIO PIÑEIRO FEIJOO, asíduo colaborador e escritor no Xornal "La Región" de Ourense, grande dinamizador cultural, responsable e Padrón en varias Fundacións galegas, como a de Curros Enríquez... Mantemos unha conversa-entrevista chea de ensino e prometémonos voltar a conectar con eles para seguir recibindo informacións e novidades.

Seguidamente escoitamos unha peza musical, concretamente REXURDIMENTE, que acaban de poñer no "youtube" as "De VACAS", un Grupo musical moi interesante e cos que tiñamos moitas ganas de falar. Chamamos a Paula, unha das compoñentes, que nos atende moi amablemante e danos cumprida información da súa creación e traxectoria musical. Desexámoslles moitos éxitos. En vindeiras datas tentaremos voltar a comunicarnos con elas para que nos sigan dando noticias dos seus concertos e da súa interesantísima traxectoria musical. Agradecémoslle a súa participación tan amable.

A segunda hora, como cada semana comeza coa conexión con XULIO SIMÓN RÚA, que dende as Rías Baixas sempre ten preparada a súa participación con interesantes aportacións.

Nesta ocasión ten como convidada a Loli Beloso Neira,  con quen xa temos falado noutras ocasións, pero neste caso queremos felicitala pola publicación do libro: ISAAC DIAZ PARDO e FERNANDO ARRANZ. Fálanos deste traballo que ten moito que ver coa visibilización deste grande ceramista Fernando Arranz. O recedado pola venta deste libro seguirá entregándoo para a investigación do Cancro. ¡Moitas grazas Loli!

Falamos agora coa nosa correspondente nos Ancares, Fernanda Follana Neira, que den A Fonsagrada fainos a súa crónica semanal referida ás actividades que está axudando a realizar nesa fermosa localidade luguesa.

Aínda temos a participación de TAMARA ANDRÉS, coa súa sección "No Estrelampar", que a recibimos mediante unha gravación que nos envióu, pero que está chea de información cultural, como ven sendo habitual na súa aportación de sempre. ¡Graciñas, Tamara!

E despedímonos ate a vindeira semana, que teremos a Conferencia da nosa amiga Miriam Ferradáns, sobre "As Mulleres da Conserva galega". Esperamos poder conversar con ela próximamente...

2 de MARZO do 2019

Un programiña máis con todos vosoutros, tentando pasar dúas horiñas de radio en galego, con novedades musicais, entrevistas e conversa entretidas... Precisamente falando de música ofrecémoslle a escoita dunha peciña musical do último CD das "Tanxugueiras". Despois das salutacións conectamos coa Baixa Limia para que o noso correspondente XOSÉ LAMELA nos presente á convidada doutora dona PATRICIA PAZOS CRESPO, médico rural en Lobios. Mantemos unha conversa-entrevista moi interesante, relacionada con esa profisión tan importante naquelas zonas tan pouco poboadas. Agradecémoslle a súa amable atencion e comentamos a posibilidade de continuar a nosa conversa en vindeiras ocasions, para seguir falando doutros aspectos arraigados no tradicional galego.

A segunda intervención é a de dona CARMEN PICHEL, a nosa amiga costureira de grande prestixio, afincada en Lestedo, que nos fala da "XXXVI Festa da Filloa da Pedra de Lestedo, en Boqueixón". Danos unha ampla e cumprida información desta Festa de Galicia declarada de Interese Nacional.  Tamén nos informa, en primicia para tódolos nosos oíntes e seguidores do seguinte: A presentación do 1º traxe de muller para unha Xenerala do Encontro de "Xenerais do Ulla", que terán unha actuación importante na celebración da mencionada Festa da Filloa de Lestedo o día 10 de marzo vindeiro. Desexámoslles moitos éxitos e agradecémoslle a súa fantástica colaboración.

Despois falamos con don MANUEL MANDIANES CASTRO, Antropólogo, doutor en Etnografía e Antropoloxía, en Ciencias Sociais, Socioloxía e Teoloxía. Científico titular do CSIC, e escritor. Saudámolo e felicitámolo polo artigo recentemente publicado na prensa galega (na Voz de Galicia) e así aproveitamos para que nos fale do Entroido que se celebra no "Triàngulo máxico do Entroido Ourensán -Laza, Xinzo, Verín-" que ten unhas raíces ancestrais impresionantes. Tamén nos comenta un bocadiño do seu último libro: "En Blanco", que seguro virá a presentar próximamente a Cornellà. Agradecémoslle a súa aportación de hoxe no noso programa e suxerímoslle voltar a conectar con el para seguir comentando moitas das súas reflexións e comentarios.

Despois de escoitar outra peza do último CD das Tanxugueiras, detémonos comentado varias informacións que nos chegan á nosa Redacción. E despedímonos ate a vindeira semana.

Que disfruten e non se esquezan de voltar a conectarse con nosoutros. ¡Que sexan felices!

23 de FEBREIRO do 2019

Dúas horiñas de radio en galego para todos vostedes, oíntes e seguidores. Comezamos escoitando unha peza de música do Grupo "Son de Seu-Folk" e conectamos co Presidente da A.C.G.Rosalía de Castro, don Oliver Fernández, que nos informa das actividades previstas para próximas fechas e convídanos a participar nelas.

Despois conectamos con don HORACIO GIL EXPÓSITO, Ilmo.Alcalde do Concello de ARBO, que nos pon ao corrente da celebración da "LIX Feira-Festa da Lamprea". Un grande acontecemento cheo de moitas actividades ao que nos convida para participar nel e disfrutar deste grande acontecemento gastronómico acompañado dos viños de denominación de Orixe Rías Baixas e Condado. Agradecémoslle a súa participación e desexámoslle moitos éxitos.

Atrévome a recitar unha das poesías que cada día nos envía a nosa grande poeta pastora Nieves Fernández Vidueira, adicada á Lúa e que leva por título: O Poder da Lúa.

Ubaldo Pérez, do "Restaurante Los Ancares" na rúa Robledo de Barcelona danos a noticia da celebración da "Cacholada" prevista realizar no seu establecemento para o día 10 de marzo próximo, ao que nos convida pero que se apuren para reservar, xa que as plazas agótanse pronto.

A seguinte comunicación é con Anxo Angueira, Presidente da Fundación Rosalía de Castro en Padrón, que nos fala da celebración do "Día de Rosalía", para mañá mesmo 24 de febreiro, data na que se conmemora o nacemento da nosa poetisa. Proposta para cantar a Foliada de Rosalía e tomar o Caldo de Groria, que se ven celebrando dende comezos do mes, tanto en Padrón como en Santiago de Compostela e outras cidades da nosa Galicia.

Escoitamos agora a "María La Blanco", (filla dun grande amigo noso Xocas Blanco Blanco) que nos canta "Tierra mojada". Unha fermosa voz. Comprometémonos a tentar conectar con ela para poder coñecela máis polo miúdo.

Conectamos novamente con Galicia concretamente co Ilmo.Sr.Alcalde de Viana do Bolo, don Secundino Fernández, que nos fala da celebración da "49 Festa da Androlla", que se celebrará próximamente o día 3 de marzo, domingo Gordo. Tamén nos fala do Entroido vianés e da recuperación das Comparsas, nalgunhas das parroquias de Viana do Bolo. Dámoslles os nosos parabéns e desexámoslles que teñan moitos éxitos.

A ultima intervención é a da nosa colaboración TAMARA ANDRÉS, encargada da sección NO ESTRELAMPAR, que ten preparada varias noticias relacionadas coa poesía e coa nosa cultura galega. Tamén nos recita varias poesías moi fermosas.

Despois de agradecerlle a súa participación de hoxe á nosa colaboradora, despedímonos con música e desexando que volvan a sintonizarnos o vindeiro sábado á mesma hora.

SÁBADO 16 de Febreiro do 2019

O programa de hoxe esta a cargo de ARMANDO FERNANDEZ, que conecta con XOSÉ LAMELA BAUTISTA  e presenta ao contertulio don JOSE MARÍA EGUILETA, cos que manten unha extensa comunicación chea de contidos e informacións moi interesantes.

A segunda conexión é con don JORGE MINAS DOMINGUEZ SOUTO, un grande traballador e coñecedor do "Entroido Vianés", que se atopa precisamente en Penouta para ofrecer o Folión semanal que percorre as diferentes localidades para adiantar e ir preparando aos veciños para o entroido ancestral que se realiza en Viana do Bolo. Agradecémoslle a súa amable aportación.

Continúa na segunda hora coa conexión co noso correspondente nas Rías Baixas, don XULIO SIMÓN, que cada semana ten preparadas unha escolla de informacións e noticias moi importantes.

Despois conecta coa nosa correspondente nos Ancares Lugueses, dona FERNANDA FOLLANA NEIRA. que aproveita a ocasión para dar cumplida información de varias noticias sobre aquela zona e propón algúns percorridos e sendeiros moi recomendables.

Finaliza a emisión despedíndose e desexando que volvan a conectarse a vindeira semana.

09 de FEBREIRO do 2019

Disculpamos a ausencia nos estudos de Xulio e Laura, por motivos persoais ineludibles. Tampouco poderemos contar coa colaboración semanal de Xulio Simón, pero tentaremos facer as dúas horiñas de radio en galego, procurando entretervos e aportar novidades e informacións interesantes. A primeira conexión é coa Baixa Limia, para que o noso correspondente XOSÉ LAMELA, preséntanos ao combidado de hoxe don XOSÉ MARÍA EGUILETA FRANCO, Arqueólogo e asíduo colaborador do programa. Unha conversa-entrevista chea de informacións e ensinos moi interesantes. Parabens e fondos agradecementos pola participación de hoxe.

A segunda comunicación é a conexión con SILVIA PARDO, coa que cada ano nos poñemos en contacto para que nos informe dese grande acontecemento que se celebra en Ourense: XANTAR, o Salón Gastronómico Internacional que cada ano nos sorprende pola súa calidade e grandes innovacións que nos vai debullando pouco a pouco nesta entrevista esta nosa grande amiga.

Despois comunicámonos con FERNANDA FOLLANA NEIRA, a nosa correspondente nos Ancares Lucenses, que ten preparada unha intevención con moitas novidades e curiosidades relacionadas coa zona dos Ancares.

Falamos con don JUAN PEDRO SÁNCHEZ, Presidente de ASOBECAT, (Asociación de Bercianos en Cataluña) que ten preparado falar con don JOSÉ MANUEL PEREIRA VEGA, Ilmo.Alcalde de Villafranca del Bierzo, xa que este ano é o Concello homenaxeado neste XVI Festival del Botillo en Cataluña... ... non foi posible a conexión. Tentarémolo noutra ocasión. Aprovietamos para que o Presidente dea boa conta do recado e infórmanos do acontecemento previsto para o día 16 de Febreiro no Hotel Front Air, de Sant Boi de Llobregat. Si se apuran aínda poderán reservar algún tique para a cea, pero teñen que darse moita presa porque xa quedan moi pouquiñas entradas...

A vindeira semana máis. Non deixen de sintonizarnos.