sábado, 2 de diciembre de 2017

Primeiro Sábado do mes de DECEMBRO do 2017

02 de DECEMBRO do 2017.
Encetamos o programa dándolles a ben-vinda e ofrecéndolles escoitar unha peciña musical para ir adubiando a nosa emisión de hoxe. E conectamos con Galicia para que o noso correspondente na Baixa Limia - Xosé Lamela - nos presente ao contertulio de hoxe, LINO PERDIZ, responsable de PLABALI, cos que mantemos unha ampla conversa repasando temas relacionados coas importantes reivindacións que teñen en marcha e outras propostas interesantes. 

A seguir falamos con Armando Fernández, que xa se atopa en Galicia, onde se desprazou para asistir e copresentar a GALA - XANTAR de GALICIAME en Cambados a vindeira fin de semana. Coméntanos que a viaxe decorreu con ben e atópase na súa localidade natal, Liñares.

Despois conectamos con DAVID, de "O VAL DAS MOURAS" que nos fala do traballo recentemente publicado e presentado: "A Xustiza pola man". Felicitámolo e prométenos pasar polo noso programa para comentalo máis polo miúdo, cando se vexa con menos compromisos.

Comezamos a segunda hora conectando novamente con Galicia, Ferrol concretamente, onde se atopa ARSENIO IGLESIAS, gañador do 3º Premio do Certame de Poesía "Rosalía de Castro de Cornellà", a quen felicitamos e mantemos unha conversa moi amena.

Despois falamos con AMELIA Espinoso Piñeiro, Presidenta da A.C.G.AGARIMOS de Badalona, que nos fala da celebración, mañá mesmo, do XXI Aniversario da Entidade. Tamén nos comenta outras cousas relacionadas coa Entidade. Felicitámola e desexámoslles moitos éxitos.

Comentamos o novo traballo de Pancho Alvarez, que aínda non puidemos conseguir falar en directo con el, debido aos seus compromisos de concertos e presentacións do novo disco Celtis Australis, pero escoitamos unha das pezas do CD.

E para finalizar a emisión de hoxe, conectamos co noso Poeta da Mariña Luguesa, Paco RIVAS, que como sempre ponlle finalización ao noso programa agasallándonos coa declamación dunha das súas creacións poéticas.

Ate o próximo programa. non se emitirá o próximo sábado, ao ser festivo, pero voltaremos no seguinte sábado, con moitas novidades, música e moitas cousas interesantes. Que teñades unha feliz semana e non deixedes de sintonizarnos.

sábado, 25 de noviembre de 2017

SÁBADO 25 de Novembro do 2017

Un programiña máis, de dúas horas en galego, con entrevistas, comentarios, noticias e música. Seguimos indicando aquí o lugar onde podedes escoitar e "mirarnos" ao mesmo tempo que emitimos o programa: https://www.facebook.com/xulio.couxilvazquez Comezamos conectando con AMAUTA CASTRO, poeta gañador do 1º Premio do "31 Certame de Poesía Rosalía de Castro de Cornellà".  Unha conversa moi interesante na que nos pon ao corrente da súa creatividade e dos proxectos futuros. Felicitámolo e desexámoslle moitos éxitos.

A segunda intervención é con MERCHI ALVAREZ, Presidenta de GALICIAME, que nos comenta as novidades e confirmacións de asistencia á "IIIª Gala-Xantar de Galiciame" en Cambados. Un cartel por todo o alto con grandes artistas convidados. Un acontecemento ao que lle auguramos moito éxito e moita recadación para esa finalidade tan importante como é a investigación desa enfermidade.Ao parecer haberá moitas novidades e sorpresas moi agradables para os asistentes, e coma sempre, os asistentes participarán nun sorteo de moitos productos que diferentes casas e empresas donaron desinteresadamente para esta Gala. 

Falamos co 2º Premiado no "31 Certame de Poesía Rosalía de Castro", don JUAN LORENZO COLLADO GÓMEZ, de Albacete, que nos pon ao corrente da súa traxectoria poética ceativa así como doutros traballos que xa ten publicados. Agradecémoslle a súa amable atención.

Na segunda hora conectamos co noso correspondente nas Rías Baixas, XULIO SIMÓN, que sempre nos ten preparada a súa crónica cultural interesante.

Conversamos co noso Poeta da Mariña Luguesa, PACO RIVAS, que coma sempre ten un discurso cheo de interese, e que sempre se despide agasallándonos coa declamación dalgunha poesía das súas.

A semana vindiera voltaremos a propoñerlles máis contido e máis música. Que disfruten !!!

domingo, 19 de noviembre de 2017

SÁBADO 18 de Novembro do 2017

Como xa sabedes vimos emitindo via "facebook" o noso programa en directo, para que poidades seguirnos en directo, o enlace é o seguinte: https://www.facebook.com/xulio.couxilvazquez Comezamos o equipo ao completo, acompañados de varios membros do Xurado do XXXI Certame de Poesía "Rosalía de Castro" de Cornellà. Agradecémoslle a súa visita e participación. Despois de escoitar unha peciña musical TAMARA Andrés fainos partícipes de varias actividades que se están a realizar en Combarro e destaca a celebración do CURTAS Armadiña entre outras. Tamén nos aproveitamos para comentar un chisco algo dos Premios do Certame de Poesía, e despedímonos de tódolos oíntes ate a vindeira semana, por ter que acudir aos actos previstos na Entidade.

Continúan coa emisión ARMANDO e LAURA que deseguida conectan con MANOLO BARCIA, Vicepresidente de ASOBECAT e grande dinamizador cultural que o próximo domingo inaugurará unha nova emisora de Radio en Polinya, á que nos convida a todos para asistir a partir das 4 do serán. terá como participantes unha morea de artistas músicos e cantautores que colaborarán ate que o "corpo aguante".

A segunda conexión é con CARMEN PENIN, a nosa amiga cantautora que nos pon ao corrente das presentacións do seu ultimo traballo HERDEIRAS e das impresións que está a ter con esta creación tan interesante.

E para finalizar o programa de hoxe conectamos co noso poeta da Mariña Luguesa, PACO RIVAS, que sempre nos aporta visións interesantes e actuais finalizando coa súa impagable participación creativa e poética coa que nos agasalla cada semana.

A vindeira semana máis. ¡Que sexades felices!

martes, 14 de noviembre de 2017

Sábado 11 de Novembro do 2017

Un programiña máis, de dúas horas en galego que comeza dándolles a ben-vida a tódolos nosos oíntes e seguidores. Hoxe non poden estar nos estudios Laura Santos e mais Xulio C., así pois dirixen a emisión Armando Fernández e Xosé Lamela. A primeira entrevista e conexión é con Serxio, que nolo presente X.Lamela como un grande investigador. A súa aportación no programa de hoxe é moi enriquecedora e chea de ilustracións, sobre varias cuestións moi interesantes e de actualidade galegas.

Despois conectamos con Xulio Simón, o noso correspondente nas Rías Baixas, que sempre ten preparada unha intervención chea de informacións e coñecementos.

Tamén falamos con Oliver, o Presidente da A.C.G.Rosalía de Castro, que nos informa das diferentes actividades que ven realizando a Entidade nestes ultimos días e aproveita para convidar a tódolos oíntes e seguidores ao XXXI Premio de Poesía Rosalía de Castro para o vindeiro sábado día 18, no que se fallarán os devanditos Premios. Primeiro realizarase unha "Conferencia-Presentación" do libro de Tamara Andrés "Corpo de Antiochia".

No final conectamos co noso Poeta da Mariña Luguesa, Paco Rivas, para que nos deletie coa súa intervención e nos agasalle, coma sempre, cunha declamación dalgunha das súas creacións.

O vindeiro sábado máis. Que teñades unha feliz semana.