lunes, 2 de julio de 2018

SÁBADO 30 de XUÑO do 2018

Neste programa do "final de curso" comezamos, coma sempre, ofrecéndolles unha peciña musical para despois conectar con Galicia, onde nos recibe o noso correspondente XULIO SIMÓN, que ten un convidado especial o Doutor ANXO MARÍA CARRACEDO ALVAREZ, Catedrático de Medicina Legal, científico, investigador e experto internacional en Xenética. A conversa-entrevista é para nós unha honra e un privilexio. Énchenos de ensino e sabenza. Xulio ten que deixarnos pero intervén LOLI BELOSO NEIRA, gran amiga do Doutor e coñecedora da súa traxectoria científica e humana. Agradecémoslle a ambos a amabilidade que tiveron connosco e desexámoslles que continúen nesa tarefa altruista de axuda á investigación, que amosa LOLI, e que o Doutor Carracedo siga colleitando éxitos na súa laboura científica e investigadora.

Despois de escoitar outra peciña musical, voltamos novamente a Galicia, concretamente á Baixa Limia, onde nos recibe o noso correspondente XOSÉ LAMELA BAUTISTA, que tamén nos presenta ao contertulio de hoxe, o SR. SINDO GAYOL, prestixioso Empresario daquela zona que rexenta o Restaurante "O Esquecemento". Conversamos sobre a súa traxectoria e outras cousas relacionadas coa Baixa Limia, co despoboamento, coas posibilidades de mellora... ... en vindeiras datas comprometémonos a voltar a solicitar a súa colaboración na nosa emisión.

Na segunda hora conectamos con TAMARA ANDRÉS, encargada da sección : NO ESTRELAMPAR, que está chea de contido cultural e comunicativo moi interesante. Desexámoslle que teña un bon verán e desexámoslle moitos éxitos na súa tarefa dinamizadora cultural.

Falamos coa nosa >LAURA SANTOS</b>, que por motivos persoais non puido estar con nosoutros estas últimas datas, pero que lle desexamos tamén un bon verán e contamos poder recibila novamente nos estudios o vindeiro "curso", cando comecemos a finais de setembro ou en outubro.

Tamén comentamos co noso "Poeta da Mariña Luguesa", PACO RIVAS, as inquedanzas e próximas intervencións que se lle presentan para este verán. Desexámoslle o mellor.

E despedímonos de todos vostedes, non sin antes indicarlles que temos anotado na axenda, o nome de dona MERCEDES TARACIDO, nada en Cedeira, e autora dun libro que leva por título: "Por camiños e carreiros"

Desexámoslles un ¡Feliz Verán! para todos. Estén atentos que xa lles informaremos da data exacta na que comezaremos a vindeiro curso. Non deixen de sintonizarnos e que sexan moi felices!!!

No hay comentarios:

SÁBADO 30 de XUÑO do 2018

Neste programa do "final de curso" comezamos, coma sempre, ofrecéndolles unha peciña musical para despois conectar con Galicia, o...