SÁBADO 22 de ABRIL do 2023

Comezamos coa nosa sintonía de sempre e dámoslle a ben-vinda aos nosos oíntes e seguidores. Temos nos estudos ao Grupo Musical "VENUS MAMBA", composto por Nuria e Pedro, de que escoitamos unha peza para recibirmos á primeira convidada mediante a chamada telefónica a dona ASUNCIÓN, da Asociación Bubaíño de Castro no Concello de Carballedo (Ribeira Sacra). Fálanos da "XX Feira da Carne ao Caldeiro e Produtos Locais-2023"

. Teñen previsto unha celebración especial, xa que os encargos que recibiron, de momento, fan que teñan previsto servir nada menos que máis de mil cincocentos quilos de carne, ademais doutros produtos locais. Terán como pregoeiro a don Rubén Camilo Lois González. Estarán amenizados polo Grupo de Gaitas Falcatrueiros e a charanga Unión Phenosa. Toda esta celebración estará a cargo dos veciños deste pobo de Castro. Agradecémoslle a súa colaboración de hoxe e desexámoslles moita sorte.

Continuamos o programa falando co Nuria e Pedro, Grupo VENUS MAMBA, da súa traxectoria musical das cancións e clases musicais. Precisamente as músicas que estamos escoitando hoxe no programa pertencen á súa creatividade.

Recibimos agora a colaboración da nosa correspondente nos Ancares Lugueses, FERNANDA FOLLANA NEIRA. Coméntanos as rutas que se poden disfrutar naquela contorna. Fainos unha relación dun artigo que se publicou no xornal A Voz de Galicia, no ano 1903, dun personaxe interesante, Marcelino da Ponte. Fai referencia a visita dos Grobos, un lugar de grande interese.

A conversa con Nuria e Pedro do Grupo musical "VENUS MAMBA" axúdanos para continuar a nosa emisión de hoxe comentando algunhas cousas particulares da súa creatividade musical.

Precisamente, escoitando música de "Venus Mamba" que nos visita nos estudios, escoitamos outra peza feita por eles mesmos e grazas a súa participación e colaboración poñémonos en contacto co noso Poeta da Mariña Luguesa PACO RIVAS, que ademais da súa amable atención agasállanos coa lectura dun seu poema, como adianto da celebración do Sant Jordi que é o "día do Libro e da Rosa".

 

E despedímonos de tódolos nosos oíntes e seguidores desexando que teñan unha feliz semana.

Aínda nos queda tempo para escoitar a crónica do noso correspondente na Costa da Morte OSCAR REY CALO, que nos fai un resumo escollido das noticias daquela contorna. Agradecémoslle a súa especial colaboración.

Colgamos aquí o programa completo:

SÁBADO 15 de ABRIL do 2023

Un sábado máis para ofrecerlles dúas horiñas de Radio en galego. Comeza coa sintonía de sempre e despois das salutacións e un bocado musical recibimos a crónica do noso correspondente na Costa da Morte: OSCAR REY CALO, que nos fai un resumo das noticias escollidas por el, relacionadas cos aconteceres daquela contorna, e que se poden ampliar, como sempre indicamos, na páxina que manteñen tan activa e interesante quepasanacosta.gal. Agradecémoslle a súa aportación semanal.

A continuación mantemos unha conversa moi interesante con TOMÁS MARÍA PORTA I CALSINA, Avogado e escritor que virá a presentar o seu libro titulado "AVENTURAS A GALICIA" , na sede a A.C.G.Rosalía de Castro de Cornellà o próximo día 22 deste mes. Será unha festa posto as súas presentacións sempre son unha mostra do seu afecto e cariño polas terras galegas, e pola súa cultura literaria, moi especialmente Rosalía de Castro e os nosos clásicos.

 

Continúa o programa recibindo a colaborción e comentarios do noso Poeta da Mariña PACO RIVAS, que tamén felicita ao noso contertulio de hoxe, Tomás. A conversa é un percorrido literario e lingüístico moi ocurrente bastante relacionado co noso idioma galego, no que tamén intervén o noso visitante de hoxe. Finaliza a súa intervención e agasállanos coa lectura dunha súa creción poética.

Seguimos conversando con Tomás María Porta, que fai un percorrido cativo do seu libro. A verdade é que o seu convite para achegarnos á presentación do seu libro faise moi interesante e seguro que emocionante. ¡Agardamos a vosa presencia o día 22 de ABRIL!

Damos paso á crónica semanal do noso correspondente nas Rías Baixas, concretamente en Combarro, XULIO SIMÓN RÚA, que sempre ten moita aportación cultural e literaria, finalizando coa proposta que nos fai para escoitar unha peza musical moi feiticeira.

Deixamos aquí o programa completo:

SÁBADO 01 de ABRIL do 2023

 O programa de hoxe ofrecémosllo despois de preparalo "enlatado" por mor das "ferias"-vacacións da Radio. Coidamos, de tódolos xeitos, que son dúas horiñas de emisión en galego moi interesantes, con entrevistas e música galega de actualidade. Comezamos coa nosa sintonía, escoitamos unha peza do "Grupo Raiceira" e deseguida conectamos con Galicia para entrevistar a CARME LÓPEZ FERNÁNDEZ, Mestra con doble grao de Educación Infantil e Primaria, Profesora na ETRAD de Vigo e na Universidade de Santiago de Compostela. Acaba de presentar unha Tese de Doutoramento sobre o Repertorio Popular, polo que tivo unha nota de Sobresaínte Cum Laudem. É a 1ª vez que se trata desde unha perspectiva académica a música tradicional. Parabenizámola e axúdanos a entender un chisco este traballo. Agradecémoslle-lo e prometémoslle voltar a falar con ela para que nos siga ensinando.

A continuación escoitamos outra peza musical e dámoslle paso ao noso amigo e colaborador HENRIQUE FEZ-MON SÁNCHEZ, con que repasamos a súa traxectoria como directivo, que foi, da A.C.G. Rosalía de Castro. Coméntanos cómo foi a creación da Entidade, cómo se presentou para exercer de Presidente da mesma, xunto cun equipo e un proxecto cheo de novidades e propostas novidosas para aquela época de dificultades, tanto económicas como de sociabilidade, a posta en marcha da revista, o programa de Radio actual, o Grupo de Baile e Gaita, o Certame de Poesía, o Busto de Rosalía no Parque de Can Mercader, unha Coral, exposicións de pintura de pintores recoñecidos... Facemos unha pequena pausa e escoitamos outra peza de música.

Seguimos a conversa con Kique comentando tódalas cousas que nos indicou e a grande colaboración e participación coa que contou en todo momento. Lembrounos que tamén se fixeron moitas Conferencias con grandes personalidades, tanto literarias como políticas. Así mesmo comentounos a creación da compañía de teatro de aficionados "Anduriña", dirixida pola señora Amelia, que aínda perdura. Unha súa reflexión final sobre a continuidade que lle fai pensar que "outros virán que mellor nos farán". Ogallá que teña continuidade e que teñamos sustitutos nesta teima de ofrecer e dar a coñecer "as nosas cousas". Voltamos a escoitar outra peza galega de actualidade.

Recibimos a participación do noso correspondente nas Rías Baixas, XULIO SIMÓN RÚA, que nos envía dúas noticias relevantes e finaliza coa proposta de escoitar unha peza musical de Salvador Sobral e Abe Rábade.

Continuamos a emisión ofrecéndolles a participación de OSCAR DE SOUTO, que ten un programa na "Costa da morte" titulado "FAROS", e no que declama poesía. Nesta ocasión envíanos unha creación súa e tamén unha de outra poeta galega ANA MAR FRAGA. Agradecémoslle a súa colaboración e participación no noso programa de hoxe.

E despedímonos ate o día 15 de ABRIL. 

¡Que teñan unha felices PASCUAS!

SÁBADO 25 de MARZO do 2023

 Outro programiña máis deste "Semprengalicia" para tódolos nosos oíntes e seguidores. Comezamos coas salutacións de sempre e despois de escoitar un bocadiño de música poñémonos en contacto co primeiro convidado: don MANUEL GONZÁLEZ GONZÁLEZ, Catedrático de Filoloxía Románica e Coordinador Científico do Centro Ramón Piñeiro. Felicitámolo por ter acadado o Premio da Cultura Galega 2022, e que lle entregaron na primeira quincena deste mes en Lugo, xunto con outras destacadas personalidades da nosa Cultura Galega. Mantemos unha conversa-entrevista moi interesante. Agradecémoslle a súa participación.

A seguinte convidada é ANDREA FERNÁNDEZ MANEIRO, poeta e escritora galega (de Carril). Recibímola co Pasobobre Leizapren, que nos envióu esoutro día e que é un agasallo dun grande amigo dela. Felicitámola porque ven de recoller, na Coruña, o IV Premio de Poesía Eduardo Pondal do 2022, polo seu poemario "Voto de Silencio". Agradecémoslle a súa atención e agasállanos coa lectura dun seu poema. Sempre é un pracer conversar con Andrea.

Falamos, a continuación con dona LOURDES IGLESIAS OREIRO, de Mazaricos. Unha Enfermeira galega afincada en Castelldefels, que nos comenta unha serie de vicisitudes que lle aconteceron na súa traxectoria vital e na súa profisión que tanto amou. Os momentos e anécdotas moi intensas, os seus traballiños de cando era cativa... Ficaron moitas cousas no tinteiro pero quedamos en voltar a contactar con Lourdes para que poidamos saber máis cousas interesantes. ¡Moitas grazas Lourdes! Seguiremos en contacto.

Recibimos agora a crónica da nosa correspondente nos Ancares Lugueses, FERNANDA FOLLANA NEIRA. Sempre ten preparada algunha novidade interesante relacionada coa zona e moi concretamente coa productividade e oferta gastronómica, concretamente da casa "O Sabor dos Ancares" - A Carqueixa, dos pratos cociñados... Tamén da próxima celebración da Procesión do Venres Santo na Semana Santa... ¡Grazas Fernanda!

Agora a crónica do noso correspondente na Costa da Morte, OSCAR REY CALO, que coma sempre ten preprada unha síntesi reducida das novas que acontecen naquela zona, e que os nosos oíntes e seguidores poden ampliar na páxina quepasanacosta.gal

. 

E antes de finalizar escoitamos a colaboración do noso correspondente nas Rías Baixas, XULIO SIMÓN RÚA, que nos axuda a coñecer algunha cousa cultural máis.

Aquí vos deixamos o programa enteiro. Ate o vindeiro sábado. 

¡Que teñan unha feliz Semana!

SÁBADO 18 de Marzo do 2023

Un programa máis con todos vosoutros. Comezamos coa nosa sintonía de sempre, salutacións de ben-vinda a tódolos nosos oíntes e seguidores e despois de escoitar un bocadiño de música poñémonos en contacto con Xocas Blanco Blanco, do Restaurante-Marisquería "OS GALEGOS en Granollers. Felicitámolo porque están a cumplir nada menos que 25 anos desque comezaron a súa andaina na Restauración nesa localidade. Cóntanos cómo foron aqueles comezos e cómo están agora de satisfeitos polo que teñen acadado. pola clientela que tanto cuidan e porque están a ofrecer uns produtos galegos de primeira claidade. Tamén falamos co seu socio Xosé Fernández, que tanto admiramos polo bon trato que lle ofrece aos clientes e polo seu bon facer. Desexamos que sigan cumplindo moitos máis e que a súa clientela disfrute da súa proposta gastronómica galega, que tanto nos engrandece aos galegos. ¡Parabens!

Falamos agora con IVAN OLMOS FERREIRO, un grande Orador, na súa época universitaria, que ten acadado o Premio de Oratoria universitaria a nivel mundial. Parabenizámolo e mantemos unha conversa chea de ensino e aportación comunicativa. Actualmente dedícase ao ensino e a outros quefaceres moi importantes no eido da Comunicación. Agradecémoslle a súa amable atención e desexamos que teña moitoa sorte e moitos éxitos.

A seguinte conversa é con ISABEL CHAPELA LORENZO, que segue a presentar e dar a coñecer o seu libro: "Nunca fuimos normales". Coméntanos a súa intención de podr presentar ese libro nestas terras galego-catalanas. Prometémoslle acompañala e facilitarlle a posibilidade de que poida estar presente na Sé da nosa Entidade Rosalía de Castro. Desexamos que siga colleitando moitos éxitos.

Conectamos con Galicia, concretamente con FERNANDA FOLLANA NEIRA, en terras de Becerreá. É a nosa correspondente nos Ancares Galegos e desexamos que o siga sendo por moito tempo máis. Fálanos da presentación que fixo o seu compañeiro no Instituto, Historiador Ignacio Cabarcos Fernández, en Cervantes. E despedimos o programa ate o vindeiro sábado á mesma hora.

Aquí tedes o programa completo (libre de virus).

SÁBADO 11 de MARZO do 2023

Comezamos unha nova emisión deste programa "Semprengalicia" con ánimo de facerlles pasar dúas horiñas de radio en galego entretidas. Coma sempre a nosa sintonía de cada semana e unha peciña de música para darlle paso á primeira convidada que é dona CELIA PEREIRA PORTO, Presidenta da Fundación Vicente Risco. Coméntamos unha man chea de actos e actividades que realizaron e teñen previsto celebrar. Agradecémoslle as informacións e as lecións que nos aporta cada vez que falamos con ela. Desexamos que sigan tendo moita sorte. Tamén nos convida a participar e disfrutar da súa documentación que teñen, ao seu dispor, tódolos que o desexen. Para eso teñen que entrar na súa páxina web da Fundación, e solicitar calquera documentación do seu fondo bibliográfico que precisen, que sempre serán moi ben atendidos e seguro que lle-la facilitarán.  (https://www.fundacionvicenterisco.com/).

   

A segunda convidada é dona OLGA NOVOA, escritora e poeta, moi ligada á publicación da revista que se edita en Ourense: "Nós, a Xente do Redor", na que ela participa moi activamente. Fálanos das súas inquedanzas creativas, das súas publicacións poéticas e das diferentes intervencións que está a realizar en diversos medios, como Tele-Miño e outros lugares. Está traballando para recoller as súas poesías nun pequeño poemario ou libriño, que posiblemente nos dea a sorpresa cando esté a piques de publicalo. Desexámoslle moitos éxitos nesa andaina.

Conectamos agora con outra escritora: PURI ESCUREDO, que ven de publicar aquela novela que nos adiantou o ano pasado, cando falamos con ela, e que leva por título: "Destino", baseada no que lle relatou unha emigrante galega en Arxentina. A partir do día vintecatro xa se pode mercar nas librerías. Está moi ilusionada e moi contenta con esa próxima posta en escea. Desexámoslle que disfrute do resultado e coidamos que pronto recibirá os parabéns de tódolos lectores.

Falamos con PEPE FORMOSO, do Bela Fisterra e Bela Muxía. Dámoslle os nosos parabens porque foi elixido Presidente da Asociación de Empresarios hostaleiros da Costa da Morte, que recolle un número moi importante de establecementos de moitos Concellos da contorna. Tamén o felicitamos polos moitos actos e eventos que está a celebrar no Hotel Bela Fisterra e tamén nese Albergue Bela Muxía co selo "Q" de Calidade, que lle outorgaron. É un pracer poder conversar tan amigablemente con Pepe. Sempre lle desexamos que teña moita sorte nos seus proxectos e,  moitos éxitos.

Temos a crónica do noso correspondente na Costa da Morte, OSCAR REY CALO, que sempre escolle un resumo das noticias que se publican en quepasanacosta.gal, coas que nos fai partícipes das novidades acontecidas naquela contorna.

Recibimos a coidada aportación cultural do noso correspondente nas Rías Baixas, XULIO SIMÓN, que remata coa  proposta de escoitar unha peza do grande Zeca Afonso, relacionada cunha información interesante de Lagos de Meia praia.

A continuación "colgamos" aquí o programa completo.

SÁBADO 4 de MARZO do 2023

Unha nova emisión do "Semprengalicia". Comeza coa sintonía de sempre e as salutacións oportunas para recibir a Rubén Rodríguez Rodríguez, RUBÉN RIÓS, un actor galego, productor de cine e televisión, que acaba de publicar un libro "Arrieiros Somos". Felicitámolo e mantemos con el unha conversa-entrevista coa que nos da a coñecer algunhas das moitas actividades e traballos nos que está comprometido. Notifícanos que virá a Barcelona, concretamente ao Centro Galego de BCN para presentar o seu libro, precisamente o día 22 de abril, e nosoutros ofrecémoslle que poida presentalo na A.C.G.Rosalía de Castro tamén. Agradecémoslle a súa amable atención e quedamos para concretar o asunto do libro.

A segunda conversa é con HENRIQUE FDEZ-MON SÁNCHEZ, que nos fala da súa visita á Fundación Vicente Risco en Allariz, con motivo da presentación do XXII Premio Literario da Fundación, que recaeu en M.Carmen Caramés Gorgal, polo seu traballo titulado A Casa da Mina. Prometémonos poñernos en contacto coa autora para entrevistala e que nos poida informar dese traballo e cómo poder adquirilo. Kique fixo de embaixador da nosa faceta comunicadora, diante da Fundación e agradecémosllo.

Recibimos agora a crónica do noso correspondente na Costa da Morte OSCAR REY CALO, que sempre fai un percorrido informático resumido, que todos podedes ampliar na páxina "quepasanacosta.gal". Agradecémoslle a súa colaboración e precisión na súa crónica.

Despois ponse en contacto con AMELIA ESPINOSO PIÑEIRO, Presidenta da A.C.G.AGARIMOS de Badalona, que nos comunica a súa participación escepcional no Entroido da vila, así como o resto das actividades pendientes de realizar en vindeiraas datas.

Recibimos a crónica da nosa correspondente nos Ancares Lugueses, FERNANDA FOLLANA NEIRA, que sempre ten interesantes novidades que comunicarnos.

 

Antes de recibir a crónica de Xulio Simón, despídese Armando dos oíntes e seguidores.

E a continuación escoitamos a crónica cultural do noso correspondente nas Rías Baixas, XULIO SIMÓN, que nos comunica algunhas das novidades recentes en Pontevedra e despídese cunha peza dun cantautor portugués de grande sona Joao Afonso, coa peza "Tangerina dos Algarves".

Deixamos aquí o programa enteiro.