SÁBADO 27 de MAIO do 2023

Silvia

Un sábado máis con todos vostedes, tentando levar adiante este programiño de dúas horas de Radio en Galego. Despois da nosa sintonía e das salutacións oportunas, ofrecémoslle un bocadiño de música para recibir a primeira convidada de hoxe, que é dona SILVIA CASTAÑEDA, Presidenta da Asociación Cultural Galega "Irmanda Galega de Rubí". Parabenizámola pola celebración da Festa que tivo lugar a fin de semana pasada. Coméntanos a relación dos Premiados no "VI Certame Literario de RELATO CURTO", e que corresponden aos seguintes: Categoría A (Infantil de 6 a 121 anos) María Victoria Brown, coa historia "Mi arbol de moras". Categoría B (de 12 a 18 anos) Rita Cano Mayorga, coa historia "Mirada y sonrisas". Categoría C (Adultos en castelçan) Raquel Ugarriza coa historia "Caído del cielo". E Categoría D (Adultos en galego) Euloxio Fernández, coa historia "Cuestións Filosóficas". Tamén nos comenta cómo foi esa Festa do Pulpo do 19, 20 e 21 de maio, na Rambla do Ferrocarril, en Rubí. Agradecémoslle a súa participación de hoxe. 

Seguimos adiante e conectamos con Galicia para recibir a crónica do noso correspondente na Costa da Morte OSCAR REY CALO, que sempre ten preparado un interesantísimo resumo de noticias que se poden ampliar na páxina oficial quepasanacosta.gal, tal e como informamos cada semana.

Xan Pampin

O seguinte convidado é XAN PAMPIN, líder do Grupo Musical AILÁ. Acaban de publicar o seu último CD que leva por título SANSOLIMON. Precisamente, para recibilo escoitamos unha peza dese novo traballo que se compón de once títulos moi seleccionados. Fálanos dos concertos que están a facer en Galicia e centrámonos no que virán a ofrecer o día 9 de xuño con motivo da Festa Celta que se celebrará no Parque de Can Mercader, de Cornellà, con motivo das Festas do Corpus. "Festa Major" de Cornellà. A Asociación C.G, Rosalía de Castro ten previsto facer a "Festa Galega 2023" os días 9, 10 e 11 de xuño nese emblemático Parque, onde se atopa o busto de Rosalía, e a inauguración farana precisamente este Cuarteto galego de música tradicional "AILÁ", xunto coas Rosalierias da Asociación. Desexámoslle moita sorte e moitos éxitos.

María Xosé Porteiro

Falamos agora coa periodista e escritora de grande prestixio MARÍA XOSÉ PORTEIRO. Case non precisa presntación. Licenciada en Publicidade e Relacións Públicas pola Universidade de Vigo, pasou a súa infancia en Cuba para despois instalarse coa súa familia en Vigo. Traballou e dirixiu diversos espazos radiofónicos. Ten publicado no The Washington Post, na Voz de Galicia, na revista Tiempo, no xornal "l País". Foi Concelleira, Tenente Alcalde, na cidade de Vigo... etcétera. Dámoslle a benvinda e mantemos unha conversa moi agradable e interesantísima. A entrevista discurre preguntándolle algunhas cousas relacionadas coa súa traxectoria e escrita... Adiántanos algo sobre o seu úlitmo libro publicado: "TABIBA", da Editorial Elvira, que está a presentar en diversas localidades, e precisamente unha moi destacada na "Fundación Vicente Risco" na vila de Allariz, para o vindeiro venres día 2 de xuño. Tamén nos fala da novela "Sándalo", da que nosoutros recollemos unha cita doutros periodistas e que a señalan como "a gran novela da emigración". Quédannos moitas cousas que comentar con ela, pero prometémoslles aos nosos oíntes e seguidores que voltaremos a poñernos en contacto con ela para saber máis. ¡Moitas grazas María Xosé"!

Despedímonos dos oíntes como locutores, xa que a continuación escoitaremos a crónica do noso correspondente nas Rías Baixas, concretamente dende Combarro, XULIO SIMÓN RÚA, que coma cada semana nos ensina algo que compre saber no eido cultural galego.

Fina Casalderey

A continuación escoitamos a entrevista que grabamos con DONA FINA CASALDEREY. Seguro que será do interese de tódolos nosos oíntes e seguidores porque nos informa dalgunhas novidades interesantes e da novela recentemente publicada, que leva por título: "A MULLER XABARIL", editado por Xerais. Unha entrevista-conversa moi interesante que serve para coñecer un bocadiño máis desa grande escritora que admiramos e aprezamos. No próximo mes de xuño faranlle unha homenaxe (moi merecida) a Asociación de Escritores en Lingua Galega, precisamente na cidade de Pontevedra. Agradecémoslle a súa amable atención e desexámoslle moita sorte e moitos éxitos. Seguiremos en contacto.

Deixamos aquí o programa completo.

SÁBADO 20 de MAIO do 2023

Rogelio Santos Queiruga

Unha nova entrega deste programa de dúas horas en galego. Comezamos coa nosa sintonía de sempre e ofrecémoslle unha peciña musical para conectar con Galicia e falar con ROGELIO SANTOS QUEIRUGA, un mariñeiro e grande comunicador que nos enche de satisfacción saudalo. Coméntanos algunhas cousas relacionadas co medio en que se desenvolve a súa laboura no mar. Fálanos das actividades e accións que están a desenvolver para reclamar que se poida resolver o asunto da Mina de Sanfinx, que ten moito que ver coa morea de escombros e basura que pode chegar a contaminar (e moito) a Ría de Noia e Muros. Estaba a explicarnos a súa tarefa e de repente tivemos un APAGÓN, que nos deixou sen poder emitir o programa. Aquí podedes escoitar o asunto tal e como aconteceu. Faremos o posible por conectar con el noutra ocasión e ampliar minuciosamente esas informacións. Agradecémoslle a súa aportación de hoxe no noso programa, que se interrumpíu pola falta de luz.

Despois do reinicio da Emisora e do traballo encomiable do noso técnico Mar Pi, puidemos voltar a emitir, e nesta ocasión puxémonos en contacto co noso correspondente na Costa da Morte, OSCAR REY CALO, que nos envía a súa cr´nica semanal, escollendo as noticias máis destacables. Xa saben tódolos nosos oíntes e seguidores que poden ampliar todas esas informacións na páxina quepasanacosta.gal, como cada semana. Lembrade que este programa reemítese os domingos en Radio Roncudo e Radio Neria a partir das dez da mañá.

Xosé Glz.Martínez

Chamamos ao noso admirado e benquerido don XOSÉ GONZÁLEZ MARTÍNEZ, Vicepresidente da Asociación Amigos do Couto Mixto, para felicitalo pola elección dos XUÍCES HONORARIOS do Couto Mixto para este ano 2023, e que son tres personalidades moi implicadas nesa tarefa de exaltación galego-portuguesa, e que son: Fernando Venâncio, Ángeles Huerta e Mario García. Tamén lle damos os nosos parabens pola concesión e ingreso na Academia das Ciencias Socias do Couto Mixto a Antropóloga Dª PAULA GODINHO, que celebrou o seu ingreso coa lectura dun discurso en Castro Leboreiro o pasado día 21 de abril. A resposta ao seu discurso deulle-la o Presidente da Asociación don Luís García Mañá. Agradecémoslle a súa amable atención e desexámoslles moita sorte e moitos éxitos.

Intervén a nosa correspondente nos Ancares Lugueses, FERNANDA FOLLANA NEIRA, que nos fai a súa crónica moi interesante. Fálanos das moitas actividades que se están a desenvolver na súa contorna e tamén nos informa da exposición que teñen no seu Instituto, que leva por título: "Becerreá no tempo". Precisamente unha periodista e poeta amiga, acaba de publicar unha reportaxe no xornal "O Progreso de Lugo" que recolle con moito detalle este acontecemento.

Despedimos o programa escoitando a crónica semanal do noso correspondente nas Rías Baixas, concretamente dende Combarro, XULIO SIMÓN RUA, que sempre nos aporta algunhas noticias culturais interesantes.

Deixamos aquí o programa repartido en dúas seccións: Inicio e Despois do Apagón. Que teñan unha feliz semana.

SÁBADO 13 de MAIO do 2023

Melania e Zaza Guiomar

Comezamos unha nova emisión coa nosa sintonía de sempre e despois das salutacións oportunas escoitamos un bocadiño de música para e con ela recibimos a primeira convidada, MELANIA P. CRUZ, unha grande actriz luguesa, a quen saudamos cordialmente e parabenizámola por ter acadado o Premio da Cultura Galega na especialidade de Artes Escénicas. Ten unha traxectoria profesional moi extensa. Mantemos unha conversa moi amena e distendida. Fainos saber que pronto comezará unha xira de interpretación Teatral coa obra "Continente María", sobre María Casares, dirixida por  Tito Asorey, e que a levarán a Madrid e a Colombia a partir do mes de xuño. Ten recibido moitos Premios, o de María Casares concretamente,  gañadora en varias ocasións do Mestre Mateos e do FICBUEU. Agradecémoslle a súa participación de hoxe no noso programa e desexámoslle moita sorte e moitos éxitos.

A seguinte intervención é a do noso correspondente na Costa da Morte, OSCAR REY CALO, que nos fai a súa crónica semanal escollendo as noticias resumidas que se atopan ampliadas na páxina oficial de quepasanacosta.gal. Agradecémoslle a súa colaboración semanal.

Continuamos a emisión e poñémonos en contacto con ANTÍA AMEIXEIRAS, do Grupo Musical Caamaño & Ameixeiras. Acaban de facer as probas de son no escenario da Praza Trafalgar de Badalona, xa que esta mesma tarde ofrecerán un Concerto para celebrar o 25 Aniversario da A.C.G.AGARIMOS de Badalona. Felicitámolas. Seguro que farán as delicias dos asistentes, e prometen ofrecerlles algunha que outra sorpresa, xa que os músicos da Entidade tamén asistirán ao Concerto. Antía ven de participar no Xurado dos Premio Martin Codax. Parabenizámola por elo e desexamos que sigan colleitando moitos éxitos. Convída aos nosos oíntes e seguidores que se acheguen ao Concerto porque disfrutarán e bailarán.

Entrevistamos agora ao noso admirado amigo PEPE FORMOSO, do Hotel Bela Fisterra. Parabenizámolo porque ese hotel foi seleccinado para os Premios Traveling for happiness awards 2023. Entrando na páxina do mesmo hotel pódese votar para que lle concedan ese distintivo de Excelencia. Comentamos con Pepe as moitas actividades culturais que estan a programar. Unha moi importante será a que se realizará a vindeira fin de semana do 26 e 27 de maio na que se poderá disfrutar da degustación de viños e da presentación de varios libros. Tamén algunhas das que xa se realizaron como a presencia de Kepa Junquera que estivo presentando o seu libro: Berpiztu. O acto contou coa presenza de moitos amigos de Kepa e moita afluencia de público que quería homenaxear a este grande músico, compositor e productor. Mestre da Trikitixa. Agradecémoslle a súa atención e desexámoslle moita sorte e moitos éxitos en tódalas propostas culturais que realiza.

Despois falamos con MANOLO VELASCO, que é o Presidente do "Premio de Narrativa Breve" convocado pola A.C.G. Irmandade Galega de Rubí. Coméntanos que a participación é moi numerosa en castelán, aínda que a de galego parece algo cativa, pero que a calidade dos traballos presentados polos participantes é bastante alta, segundo os membros do Xurado. O fallo darase a coñecer no transcurso da Festa que se celebrará a próxima fin de semana do 19 ao 21 de maio. Desexamos que sigan acadando moita participación e enviámoslle os nosos parabens aos posibles premiados, agradecéndolle a súa participación de hoxe no noso programa.

Entrevistamos a BERNARDO PENABADE, Profesor e Escritor. Despois de saudalo, parabenizámolo por ter acadado o PREMIO MEENDINHO 2023. É un recoñecemento ao traballo de ensinante e galeguización  que leva adiante con ese Projecto Burela, no que participan unha morea de alumnos. As emisións radiofónicas, que realizan os alumnos, escoitanse nos diferentes lugares do mundo onde se atopa o Insitituto Cervantes, en calquera outra Universidade ou institución de lingua galega. Desexamos que siga colleitando moitos éxitos.

Despedímonos ate o vindeiro sábado, porque a continuación intervirá o noso correspondente nas Rías Baixas, Xulio Simón.

Escoitamos a colaboración de XULIO SIMÓN RÚA, dende Combarro. A súa crónica conten varias informacións ou noticias que seguro serán do voso interese.

Colgamos aquí o programa completo.

SÁBADO 6 de MAIO do 2023

Outra emisión máis do "Semprengalicia". Comezamos coa nosa sintonía de sempre e despois das salutacións ofrecémoslle escoitar unha peza musical que nos acaba de chegar. Titúlase "Aire" das Tanxugueiras. Servirá para darlle paso ao noso correspondente na Costa da Morte OSCAR REY CALO, que nos ten preparada a súa crónica semanal escollida dentro das noticias que se poden ampliar na páxina  quepasanacosta.gal. Agradecémoslle a súa aportación semanal.

Continuamos o programa e poñémonos en contacto con MARISOL PALOMO, compoñente do Grupo Musical IALMA, de Bélxica, que están a realizar unha xira de concertos en Galicia: Ialma canta a Rosalía na Semana das Letras Galegas. Estarán en Salvaterra de Miño, na celebración da Festa da Semaneteira, o día 13 de maio. O día 14 en Cambados, o día 16 en Verin e o 17 en Ferrol (no Auditorio Jofre). Mantemos unha conversa moi amena e enriquecedora. Fálanos do Grupo, dos moitos concertos que teñen realizado ao longo da súa traxectoria, da composición do Grupo actual, dos proxectos e próximas actuacións... Agradecémoslle a súa amable atención e desexamos que teñan moita sorte e moitos éxitos, e despedímonos escoitando parte da súa música do seu ultimo album "Camiño".

 

Seguimos escoitando algunhas pezas do Cd de Ialma: "Camiño".

A seguinte convidada é UXÍA, esa cantautora galega que admiramos tanto. Acaba de publicar un CD que leva por título: "De tu casa a la mía", sobre poemas de Rosalía de Castro e Federico García Lorca. É un traballo en conxunto con XABIER RUIBAL, outro grande autor e músico gaditano que tamén admiramos tanto. Desexámoslle moita sorte poque acaban de ser seleccionados para os Premios MIN da Música Independente. Están probando e ensaiando porque terán unha actuación a partir da 20 horas en Oleiros (Coruña). Concédenos esta cativa entrevista e tamén nos pon en contacto con Xabier, a quen parabenizamos pola súa faceta musical e agradecémoslle a súa participación no noso programa. Teremos a posibilidade de disfrutar con eles o vindeiro día 12 de maio no "Teatre Juventud" de Hospitalet de Llobregat, que virán a dar un concerto. Desexámoslles moita sorte e moitos éxitos.

Aproveitamos esta ocasión para escoitar algo máis de música e anunciar a próxima intervención do noso colaborador. Despedímonos ate a vindeira semana á mesma hora.

A colaboración do noso amigo LUIS LOSADA. Envíanos unha gravación relacionada cun libro de Nazaret López: "Pecados Veniais". É un convite á súa lectura e un adianto de cómo se pode disfrutar da súa lectura. En vindeiras datas tentaremos conectar con esta autora. Agradecémoslle a súa aportación e aproveitamos para despedirnos deixando que escoiten esta gravación.

Deixamos aquí o programa completo.