SÁBADO 30 de ABRIL do 2022

Unha nova emisión do noso programa. Comezamos coa escoita da nosa sintonía de sempre e conectamos con FRAN SIEIRA Compañía de DANZA, para felicitalo pola recente celebración do Día Internacional da Danza. Acaban de ter un "exitazo" en Vigo coa interpretación da obra "Demente". Infórmanos das próximas actuacións en Vilalba e en Santiago de Compostela. Desexámoslle moitos éxitos.

Conectamos agora co noso correspondente na Costa da Morte, Oskar da Fontiña, para que nos envíe a súa crónica semanal de noticias, escollidas entre outras moito que poden recoller máis polo miúdo na páxina "quepasanacosta.gal", que sempre lle comentamos a tódolos seguidores.

A terceira intervención é a de MANUEL PÉREZ ÁLVAREZ, que participa dende Hospitalet de Llobregat, onde reside. Quedamos que voltaríamos a telo nos estudios en vindeiras datas. Agradecémoslle a súa escoita e seguimento do noso programa.

Despois volvemos novamente a Galicia para recibir a Fernanda Follana Neira, que sempre ten preparada a súa crónica dos Ancares lugueses. Desexámoslle unha feliz semana.

A continuación comentamos algunhas noticias chegadas á Redacción, relacionadas con algúns premios da Música e outros aconteceres de relevancia en Galicia.

E despois de escoitar outro bocadiño de música, damos pasa á colaboración de Xulio Simón Rúa, o noso correspondente nas Rías Baixas, concretamente dende Combarro, que nos ilustra coa súa aportación cultural.

E despedímonos ate a vindeira semana á mesma hora. 

¡Que teñan unha feliz semana!

SÁBADO 23 de ABRIL do 2022

Retomamos a emisión deste programa de dúas horas de Radio en Galego, despois do lecer da Semana Santa. Facemos as salutacións de benvida e ofrecémoslles un bocadiño de música para recibirmos a primeira intervención dende Galicia: Fernanda Follana Neira, a nosa correspondente nos Ancares Lugueses, que nos fai a súa crónica semanal. 

A segunda participación é a do noso colaborador e amigo Henrique Fez-Mon Sánchez, dende Navia de Suarna. Agradecémoslle a súa aportación e participación.

Falamos con ROSALÍA MORLAN, poeta e escritora galega, que está a asinar libros, da súa autoria, na Praza Ibiza de Barcelona. Foi convidada pola AC.G. Saudade e patrocinada por Política Lingüística. Felicitámola e desexámoslle moitos éxitos.

Tamén recibimos a crónica semanal do nosos correspondente na Costa da Morte, Oskar da Fontiña. A súa aportación informativa é de grande interese e importancia para nosoutros e agradecémoslle a súa aportación en nome de tódolos oíntes e seguidores que nos fan chegar as felicitacións por ese traballo. Xa saben que poden recoller máis información detallada na páxina quepasanacosta.gal. Tamén teñen a oportunidade de voltar a escoitar este noso programa nas Radio da Costa, que se reemite o domingo.

A seguinte conversa é co Ilmo. Sr. Alcalde do Concello de Arbo, don HORACIO GIL EXPÓSITO. Felicitámolo pola celebración da FESTA Gastronómica máis antiga de Galicia: "Festa da Lamprea". Coméntanos varios e importantes acontecementos. Fálanos do concerto entre varios Concellos limítrofes, concretamente Arbo, Crecente, As Neves, A Cañiza e Melgaço, acaban de asinar o protocolo de colaboración para crear a "Eurocidade do Miño". A Xunta ven de declarar a "Festa da Lamprea Seca" como Festa de Interés Turístico Galego. Tamén nos informa das moitas e diversas actuacións que se celebrarán perante esta fin de semana: Degustación de lamprea, a Arbo-mostra, verbenas, concertos.... etcétera. 

Finalizamos o programa de hoxe ofrecéndolles a entrevista que mantivemos con CLARA VIDAL, que ven de presentar o seu recente poemario titulado "A (des)memoria". Agradecémoslle a súa participación e desexámoslle moitos éxitos.

Despedimonos ate o vindeiro sábado.

 

¡Que teñan unha feiz semana!

SÁBADO 2 de ABRIL do 2022

Primeiro programa do mes de abril. Comezamos coa nosa sintonía de sempre e dámoslles a nosa benvida, anunciando que o programa de hoxe é "enlatado", pero que grazas ao noso técnico Kiko Belinchón, podemos ofrecerlles estas dúas horiñas de radio en galego "cáseque coma sempre".

 

Escoitamos unha peza de Tanxugueiras para darlle a ben-vinda ao noso correspondente na Costa da Morte Oskar da Fontiña. Agradecémoslle a súa colaboración semanal que resume como sempre, aínda que podesdes ampliar as súas noticias, como sempre, na páxina quepasanacosta.gal.

A segunda intervención é a da nosa correspondente nos Ancares Lugueses, Fernanda Follana Neira, que sempre ten unha intervención moi acaída e moi interesante para todos nosoutros.

Despois conectamos coas Rías Baixas para recibir a colaboración do noso amigo e correspondente Xulio Simón, que tamén nos axuda a coñecer un pouquiño máis da Cultura Galega en xeral, e moi particularmente a de dúas donas galegas relevantes. Tamén nos agasalla coa lectura dun texto interesante.

Seguimos o programa coa entrevista-conversa que mantivemos con don DAVID VALCARCE CANEDO, Director en RTVE, e JUAN PEDRO SÁNCHEZ, Presidente de ASOBECAT. Parabenizamos a ambos porque hoxe mesmo celebrarase o "XVIII Festival del Botillo en Cataluña" no Hotel Front Air Congress de Sant Boi de Llobregat e perante a súa celebrción entregaráselle a mención de Honra a este Berciano Ilustre, nado en Fabero. Elexido Berciano de Honra polos Bercianos de Cataluña.

E a última conversa é con dona ANDREA FERNÁNDEZ MANEIRO, unha amiga poeta que sempre nos atende con amabilidade e admiramos a súa creatividade e traxectoria. Falamos do Florencio Delgado Gurriarán, o homenaxeado coas Letras Galegas 2022. É un anticipo do que pretendemos facer en vindeiras datas, concretamente no mes de maio, pero que adiantamos como un petisco literario. Tamén nos fala doutros Premios de Poesía e da próxima publicación dun seu poemario. ¡Moitas grazas, Andrea!

Finalizamos desexando que teñan unha 

¡FELIZ SEMANA SANTA! e  ¡FELICES PASCUAS!