Aínda que un chisco máis tarde do habitual, hoxe colgamos o programa do sábado pasado, que non puidemos faceloa antes... Seguro que será do voso interese. Comezamos conectando coa Baixa Limia, para que o noso correspondente XOSÉ LAMELA, nos presentara ao contertulio convidado desta semana. don XOSÉ SIMOES, Xerente da Empresa "Grupo Xalana" e que nos fan un percorrido pola recolleita e próxima presentación dun libro-recetario de cociña tradicional da Baixa Limia, no que tamén aparecen varias creacións poéticas. Unha conversa moi amena e que faise cativa pola grande cantidade de documentación e aportacións que posee. En vindeiras datas tentaremos de completar esta conversa que comezamos hoxe con grande animación. Moitas grazas Xosés, e ate moi pronto.
A segunda intervención preséntanola o noso correspondente nas Rías Baixas, Xulio Simón, e é a de don ANTÓN MASA VAZQUEZ, Investigador da Misión Biolóxica de Galicia e Presidente da APDR -Asociación pola Defensa da Ría de Pontevedra- coordinador da grande concentración e manifestación que se está preparando en Pontevedra para reclamar a desaparición do Complexo Industrial de Lourizán. Agradecémoslle as súas palabras na nosa radio.
Despois conectamos novamente con Galicia para falar co noso Poeta da Mariña Luguesa, PACO RIVAS, que sempre ten unha aportación creativa e agasállanos coa lectura de varios textos da súa autoría.
A ultima participación é a de Silvia e Verónica, da "Casa Galega de Hospitalet" que nos visitan nos estudios. Ademais de contarnos todo que teñen previsto celebrar a vindeira fin de semana en Hospitalet, agasállannos coa interpretación en directo de varias pezas musicais. Agradecémoslle a súa participación e desexámoslles que teñan moitos éxitos.
A vindeira semana voltaremos. Non deixen de sintonizarnos.
Ningún comentario:
Publicar un comentario