24 de xaneiro do 2009

Nesta ocasión, despois da sintonía do programa, coma sempre, con música de Cristina Pato, dámoslle a benvida a tódolos oíntes poñendo unha peza de musica para convidar a tódolos oíntes a que participen con nosoutros e que nos soliciten, se así o desexan, algunha das pezas que temos na nosa biblioteca discográfica.

Temos a chamada dun dos nosos máis asíduos oíntes, o "tocaio Xulio", que nos pide unha peza de calquera banda de música galega. Compracémolo e pasamos á nosa primeira comunicación con Juan, o presidente do Centro Agarimos de Badalona, que nos pon ao corrente da "festa do polbo" que celebraron o sábado pasado no sede do Centro, na rúa París de Badalona.

Despois dámoslle as nosas felicitacións a Mario Senén, Presidente da Asociación Saudade de Barcelona, pola publicación que acaban de facer da moi coidada revista do Centro. Indícanos que seguen a traballar e facendo cousas para que tódolos galegos, e non galegos, que desexen achegarse á rúa Chapi, 18-20, serén ben recibidos. Convida a tódolos oíntes a que se apunten para celebrar con eles a "Festa do Entroido" que se celebrará o vindeiro día 14 de febreiro no Hotel Hesperia Tower de Hospitalet.

Saudamos, a continuación a Suso, da Baixa Limia, e mantemos unha amena conversa con el, falando de moitas cousas en torno ás inquedanzas que compartimos.

Na segunda hora comezamos con outra peza de música moi novidosa: Ny Hiraira, composta por Kepa Junquera e interpretada por varios artistas colaboradores con el no seu fenomenal disco, como María del Mar Bonet, entre outros moitos, e sérvenos de presentación da nosa entrevista estrella con Xosé López Rivas, xunto con Xulio Simón. A longa conversa xira sobre a participación de Xosé no ultimo DAKAR. Unha experiencia engaiolante con moitísima información do que se precisa para poder participar nunha das máis importantes probas deportivas do mundo.

Dámoslle as nosa felicitacións a Paco Rivas que nos informa do momento inclemente do tempo que está a decorrer neses instantes en Galicia e moi concretamente na Mariña Lucense. Específicamente atópanse sen luz dende fai moitas horas, pero aínda ten espazo suficiente para nos declamar algunha das súas composicións poéticas.

Remata o noso programa de hoxe coa colaboración, de cada semana, da nosa "poeta galega en Catalunya" IRIA, que nos amosa un pouco do quefacer de Méndez Ferrín.

2º Programa do 2009

Diante de nada unha pequena observación para tódolos nosos seguidores: Os nomes que están resaltados corresponden as respectivas grabacións con eles. Así pois premendo derriba dos nomes que están resaltados e un pouco máis agrandados, conteñen as grabacións das súas intervencións. O segundo programa do ano comezamos coa axuda e participación de “Kike de Vidal”, que é como acostuma a asinar as súas escritas o noso amigo e colaborador habitual Henrique Fernández Sánchez, grande promotor cultural e anterior Presidente da Asociación Cultural Galega “Rosalía de Castro”. Énchenos de orgullo, e sérvenos de estímulo o feito de contar, ao noso carón, con persoas coma Kike, que sempre tiveron inquedanzas que compartimos. Anunciamos as propostas para estas dúas horiñas de radio e escoitamos a primeira intervención musical a cargo de Kepa Junquera que conta coa colaboración de Mª del Mar Bonet, e dámoslle paso á comunicación telefónica con dona Amelia López, directora do grupo de teatro “Anduriña” e tamén representante no Consell de la Dona en Cornellà. Unha conversa na que nos fai partícipes a tódolos oíntes de varias informacións interesantes.

Seguidamente escoitamos outra peza de música e poñémonos en contacto con Ricardo Pérez Anta, actual Presidente da Asoc.G.Rosalía de Castro, que ademais de felicitar o ano a tódolos oíntes tamén nos pon en antecedentes de tódalas actividades nas que se pode participar na Entidade que preside.

A continuación voltamos a escoitar outra peza de música, de Berrogüetto concretamente, e que nos sirve para darlle entrada a conversa que mantemos con Manuel Barcia, que nos da unh ampla información e aproveita para convidar a tódolos oíntes á “VIª Festa do Botelo” organizado polos amigos do Bierzo en Catalunya, que se celebrará o vindeiro 14 de febreiro nas instalacións do Hotel Campus de Bellaterra, e á que asistirán, entre outros, o Sr.Luís del Olmo, o Alcalde de Ponferrada, Presidente del Consejo Comarcal del Bierzo, Alcalde de Fabero.../... e unha morea máis de persoaxes ilustres. Podedes enterarvos moito mellor visitando a súa páxina web: http://www.orgullodelbierzo.es/. A verdade é que poder asistir a ese evento e con ese precio (35€ por persoa) será unha oportunidade única para disfrutar desa gastronomía das terras do Bierzo. Na segunda hora comunicamos con Galicia e establecemos conversa-entrevista con Xulio Simón e co nosa entrevistado estrella, don Manuel Lourenzo González, profesor e escritor laureado e recente premio do XXV Xerais de Novela pola súa obra O xardín das pedras flotantes, grabación que podedes escoitar pinchando nos nomes de Xulio (entrevista) e Manuel (ficha do autor). Nesta semana, igoal ca no primeiro programa do ano, non puidemos ofrecerlles a comunicación habitual con Paco Rivas. Enterámonos do falecemento da súa mai e dende aquí facémonos eco desa perda e enviámoslle o noso máis sentido pesar pola perda dese ser querido. Afervoadamente sempre nos terá ao seu carón para o que nos precise. E rematamos o programa coa intervención da nosa poeta galega en catalunya IRIA, que nesta ocasión fainos un percorrido por outra das súas incursións na literatura que ela nos ofrece

PRIMEIRO programa do 2009

Unha semana máis comezamos dándolle a benvida a tódolos nosos oíntes, seguidores e simpatizantes agasallándolles cunha peza de música escollida especialmente para celebrar que comezamos o ano co primeiro programa de "Sempre en Galicia" con novidades e primicias que nos chegan de Galicia. Trátase dun disco recén estrenado en Vigo e que se titula precisamente "Vigo Yé Yé". Envíanolo o selo "Pai Música", da man de Germán Fandiño, co que tentaremos falar ao longo do programa.

* A nosa primeira comunicación é con XULIO SIMÓN, para felicitalo neste novo ano que encetamos e para que nos fale un bocadiño do que ten preparado. Aténdenos solícito, aínda que se atopa traballando nos labores específicos da poda na súa viña. Fálanos da posibilidade de ter unha entrevista con José López Rivas, que se ao parecer está participando, xunto con outro galego, no DAKAR. A verdade é que non puidemos comunicar con el, per agardamos poder facelo no vindeiro programa ou nos seguintes, para que nos enterarnos, polo miúdo, desa experiencia que debe ser moi atractiva e espectacular. Tan só puidemos falar uns minutiños, pero abondos para saudarnos e desexarnos o mellor para todos. Coma sempre, un pracer e unha sorte, a que nos temos coa súa colaboración e participación desinteresada e semanal. ¡Graciñas Xulio!
Premendo aquí escoitaredes a Xulio Simón

* A segunda comunicación e participación é a de ANTONIO DÍAZ, director da revista LUA NOVA e colaborador da nosa emisión. Felicitámolo por ter acadado o 1º Premio da Secretaría Xeral de Emigración, pola edición da súa revista. Unha honra que quixo extender a tódolos que colaboran e participan nesa publicación en galego dende a Asociación Rosalía de Castro. Tamén chega ao estudio, para compartir este primeiro programa do ano 2009 o noso colaborador e compoñente do equipo de Sempre en Galicia, Serxio Seoane, que non se quería perdelo, e aproveita para enviarlle a súa felicitación persoal a Antonio. A conversa xira entorno a esa publicación tan importante para tódolos galegos de Catalunya e que baixo a súa dirección agardamos que cumpla tódolos proxectos que pretende. Falounos de colgala nunha páxina en Internet, aproveitar tódalas vantaxes das novas tecnoloxías,... etcétera. Moitos ánimos e que eses seus anceios se vexan cumpridos.
Escoitade a conversa con ANTONIO premendo AQUÍ

* Non vos falamos do noso novo Técnico. Trátase de MARC, que podedes ver nesta instantánea. Gracias a el funcionan todas as nosas comunicacións e a escolla de música que imos escoitando. Así pois voltamos a escoitar unha peza de música dun dos 10 grupos do disco "VIGO YÉ-YÉ", unha verdadeira primicia para todos nós. A verdade é que contamos con colaboradores que nos axudan a sermos do máis actuais e rabiosamente rompentes no eido musical galego. Esto axúdanos a sermos cada vez máis entusiastas e ter azos para continuar coa nosa teima de facer este programiña en galego para todos vosoutros.

Continuamos coa nosa andaina e Serxio preséntanos a Juan Rodríguez, cociñeiro responsable do Restaurante-Pescadería-"LA GRAN MARISCADA", na Avda.Diagonal 203. Esta semana teñen coma oferta especial o quilo de mexilóns galegos a 1 €. Unha especialidade non moi corrente en Barcelona. É un Restaurante especial xa que o cliente pode escoller o marisco que desexe, alí mesmo lle-lo cociñan e tamén poden escoller o viño que teñen na súa ampla adega...
Aquí tedes a conversa mantida con Juan.

* Seguimos a falar con Serxio e danos un avance dos seus proxectos vindeiros: Falamos do disco "Vigo Yé-Yé", do seu programa de Cociña, a proposta dun programa de Bricolage na Televisión, a promoción do grupo NEIRELA que xa está preparando un programa de actuacións, as grabacións, concretamente a de Laura Burgués, as firmas de contratos a partir da semana vindeira... Premede aquí para escoitalo.

*Comezamos a segunda hora cunha peza de música de Berrogüetto, damos información da concesión de Académico de Honra a José Viale Moutinho, e aproveitamos para comunicarnos con Anabel, artista compoñente do grupo de Teatro Anduriña de Rosalía de Castro. Podedes escoitala aquí.

*Conectamos con Galicia concretamente con Germán Fandiño, de Pai Música, que nos comenta polo miúdo ese traballo presentado o día 19 de decembro de "Vigo Yé-Yé".
Premede aquí para escoitalo.

* Continuamos a nosa andaina e nesta ocasión achegámonos outra vez a Galicia para falar con anterior Director deste programa "Sempre en Galicia": don Xosé Lamela, hoxe nas funcións de Alclade de Lobios. Agradecémoslle a súa atención e correspóndenos coa súa felicitación persoal para tódolos oíntes, que varios anos foron seguidores da súa comunicación semanal.
Grabación da súa participación

* A última participación destas dúas horiñas de radio en galego correspóndelle á nosa Poeta en Catalunya : IRIA, como cada semana. Desta vez fálanos do manifesto das vangardas europeas, aproveitando un libro de Xesús González Gómez:
Grabación do que nos dixo.

Ultimo progama do ANO 2008

Nesta ocasión comezamos o programa SERXIO SEOANE e mais un servidor.

Saudamos a toda a audiencia e a tódolos nosos asiduos oíntes, dedicándolle un especial saúdo aos que nos escoitan mediante Internet e a todos aqueles que nos sintonizan dende o outro lado do Atlántico, enviándolle un afectuoso saúdo e desexos de que pasen unhas festas saudosas e que teñan un remate do 2008 excelente e unha entrada de Aninovo chea de engado. Dedicámoslle a primeira peza de música precisamente a unha delas, concretamente a Olga Vázquez, quen nos envióu un correo moi feiticeiro, que nos fai ter máis azos para continuar nesta tarefa de facer esta nosa programación en galego para todos vosoutros.

Estou recollendo a grabación que fixemos para poder colgala no blog. Teño que convertela en mp3 e despois facelo. Pídovos un pouco de pacencia e en pouco tempo xa a teredes para que poidades comprobar cómo se desenvolveu este ultimo programa do ano 2008