Outro programa máis con todos vosoutros. Nesta ocasión tivemos que "enlatar" as intervencións, por mor da nosa participación na presentación do libro "Certame de Poesía Rosalía de Castro (2019-2023)" que se fixo onte mesmo no "CULTURGAL-2024" de Pontevedra. Preparamos este programiña con todo cariño e contamos coas participacións de persoas que seguro serán do voso agrado. En primeiro lugar mantivemos unha conversa con ESTELLA MARIS GONZÁLEZ BALBUENA, que nos facilitou as gravacións de varias intervencións poéticas nun acto que tivo lugar en Vigo. Son varias declamacións poéticas moi feiticeiras. Coméntanos que se esqueceu de nomear a Elísabeth Oliveira.
A terceira participación é tamén outra poeta: SILVIA MOTA LOPES, a gañadora do aRi(t)mar Galiza e Portugal, pola súa poesía "Ha mulheres que trazem". É unha poeta, pintora, ilustradora e autora de literatura infanto-xuvenil, que nos atende moi amablemente e coméntanos algo da súa traxectoria creativa. Agasállanos coa lectura de dous poemas seus, moi feiticeros, que lle agradecemos e desexamos que siga colleitando moitos éxitos.
E finalizamos as conexións de hoxe coa participación do noso colaborador HENRIQUE FERNÁNDEZ-MON SÁNCHEZ, que sempre ten algunha cousa interesante que comunicarnos. Nesta ocasión fálanos da súa propia colleita particular de olivas e aceite precisamente na zona da Ribeira Sacra. Naquelas terras comenta que é onde se está a recuperar o cultivo de aceite con dúas variedades moi importantes para unha boa producción de aceite, que se cotiza moi ben e está a ter unha demanda interesante. Agradecémoslle a colaboración que sempre está disposto a facernos.
Deixamos aquí o programa enteiro-completo.
Ningún comentario:
Publicar un comentario