Comezamos outra emisión sabatina, coa nosa sintonía de sempre, dándolles a benvida e ofrecéndolles unha pincelada musical para despois conectar co noso correspondente na Costa da Morte, ÓSCAR REY, que sempre ten preparada unha crónica semanal moi sucinta. Agradecémoslle a súa aportación. Os que desexen ampliar esas informacións, poden abrir a páxina quepasanacosta.gal, que teñen toda a información precisa daqueles concellos galegos.
Despois falamos con Fernanda Follana Neira, a nosa correspondente nos Ancares Lugueses, que nos fai unha escollida crónica moi interesante sobre as árbores, diferenciando as de follas caducifolias e follas perennes, xunto con outra nova tipoloxía moi curiosa: arbores marcescentes. Agradecémoslle a súa aportación.
Seguimos a emisión, e como tiñamos previsto unha intervención dun adegueiro, que non pode atendernos, falamos un bocadiño da súa adega: "Eladio Piñeiro". Xa falamos nalgunha ocasión con este enólogo-adegueiro, pero agora queriamos que nos comentara algo sobre unha investigación e proposta de conservación do viño moi curiosa: 14 meses de conservación de botellas de viño dentro dunha gavia e sumerxidas no mar. Noutra ocasión agardamos que nos poida desvelar algo sobre ese traballo.
Informamos da seguinte intervención, a do noso correspondente nas Rías Baixas. Aproveitamos para despedirnos ate o sábado próximo.
Colaboración de Xulio Simón, falando da primeira emisión de Radio en Galego e doutras cousas moi interesantes.
Deixamos aquí o programa completo.
Comentarios