Saltar ao contido principal

1º Programa do ano 2016

9 de xaneiro do 2016 
¡¡¡ FELIZ ANO e BEN VIDOS !!!

Comezamos este primeiro programa do 2016 con azos e ganas de facervos pasar dúas horiñas de radio en galego, cheas de engado e ledicia. Nesta primeira emisión tan só se atopan nos estudos LAURA SANTOS e ARMANDO FERNANDEZ, e nos controis técnicos KIKO. O resto do equipo, Xosé Lamela un chisco indisposto; Xulio Couxil nunha Rolda de Prensa e Xulio Simón recollendo o Título dun traballo realizado no verán pasado. O equipo segue en pé, como en anos anteriores, e tentaremos ofrecervos o mellor de cada un de nós. 
A primeira conversa-entrevista deste ano é con don XOSÉ CARLOS G.G., Presidente de XUNTANZA e membro da Xunta Directiva da A.C.G.Rosalía de Castro. Tratamos diversos aspectos das Asociacións Galegas en Cataluña e moi en particular da nosa Asociación, así como dos recentes Premios de Poesía Rosalía de Castro e outros aspectos relacionados cos futuros proxectos das Entidades as que facemos referencia. 

A segunda comunicación-conexión é con dona SARA INES CASTRO, Alcaldesa de CASTRO CALDELAS, que moi amablemente nos recibe e nos atende, a pesar das súas múltiples ocupacións. A conversa, tan amena, que mantemos con ela énchenos de coñecementos e noticias moi interesantes, por certo, todas elas relacionadas coa localidade de Castro Caldelas e a recuperación das nosas tradicións ancestrais. Agradecémoslle a súa aportación e prometémonos voltar a conectar con ela en vindeiras datas, para que nos siga ilustrando e informando. 

Despois chamamos a LUCIANO COUSELO, Pintor e artista de recoñecido prestixio que nos fala das exposición que ten nos locais da Entidade Rosalía de Castro, e que tamén fixo no García Nieto, onde se fixo a Conferencia central dos Premios de Poesía Rosalía de Castro no mes de decembro pasado. 

Tamén falamos con don ALFONSO RICO, Presidente da A.C.G.Rosalía de Castro, que aproveita a ocasión para felicitar o aninovo a tódolos nosos oíntes e seguidores. 

A ultima conexión é con Xulio Couxil, quen despois de comentar un chisco as cousas do programa, facilítanos a conversa con don JUAN PEDRO, Presidente de ASOBECAT. Acaban de facer unha Rolda de Prensa para presentar o "XIII Festival do Botillo 2016", previsto para o vindeiro día 6 de febreiro no mesmo Hotel Front Air Congress (de Sant Boi de Llobregat), onde se celebrou a devandita presentación. En vindeiras datas voltaremos a falar con Juan Pedro, para que nos informe, máis polo miúdo, deste evento dos bercianos en Cataluña. 

A próxima semana máis e, se podemos, mellor. Agardámosvos a tod@s.

Comentarios

Publicacións populares deste blog

Resultado do Iº CONCURSO-SORTEO do noso programa "Sempre en Galicia"

Con motivo do "23 aniversario" da posta en marcha do programa "Sempre en Galicia" realizamos este 1º Concurso-Sorteo para agasallar aos nosos oíntes e seguidores. Gracias aos promotores e patrocinadores que desinteresadamente nos ofreceron as súas Vivendas Rurais, queixos e productos. O xogo consistiu en que tódolos interesados tiñan que enviar un correo electrónico ao noso enderezo semprengalicia@gmail.com e facer un comentario no noso blog, ou ben chamar por teléfono a Radio Cornellà solicitando un número. Os participantes e números entregados foron os seguintes: 01 Rubén Alonso. 02 Mª José Jarba. 03 Paz Zeltia. 04 Chousa da Alcandra. 05 Piska. 06 Tapi 8. 07 Fernando. 08 Rafa Muñoz. 09 Vanessa. 10 Ceip C-Dena. 11 Ofir Enríquez. 12 Olga Seco. 13 Oliver Regueiro. 14 Vicente Maza. 15 Xus Vizcaia. 16Oscar Oliver Soler. 17 Mª Luísa. 18 Kike. 19 Carlos Sousa. 20 Sebastián Santiso. 21 Carmen Alvarez. 22 Mª Paz Garrido. 23 Julio Gacía Rex.

SÁBADO 18 de NOVEMBRO do 2023

Un sábado máis con todos vosoutr@s, tentando levar adiante este programa de dúas horas de Radio en Galego. Comezamos coa nosa sintonía de sempre e despois das salutacións saudamos a un convidado especial que nos visita nos estudios: ANTONIO REY (TOTÓ) , que é das Ermitas.   Escoitamos un bocadiño de música e trasladámonos (telefónicamente) á Costa da Morte, para recibir ao noso corespondente OSCAR REY CALO , que ten preparada a súa crónica semanal relacionada coas noticias daquela contorna, e que se poden ampliar na páxina quepasanacosta.ga l, como vimos informando cada semana, o mesmo que lles lembramos que este noso programa re-emítese en Radio Roncudo os domingos a partir das dez da mañá. Agradecementos para Oscar e desexámoslle feliz semana. A continuación mantemos unha longa conversa con ANTONIO REY ( Totó). Falamos daquel Val das Ermitas tan feiticeiro, das Festividades que se fan, dos produtos de primeira calidade que se poden disfrutar ali, dos viñedos espectaculares, das ol

SÁBADO 2 de DECEMBRO do 2023

Outro sábado máis con todos vosoutros, pero nesta ocasión con visita nos estudios, moi especial e moi honrosa: Os Membros do Xurado do "XXXVII Certame de Poesía Rosalía de Castro de Cornellà". Dámoslles a ben-vida e mantemos unha pequena conversa coa Presidenta dona CHARO GOLMAR e con ARMANDO REQUEIXO . É un pracer poder conversar con eles. Concretamente Charo fará a presentación de dous libros da súa autoría: "No bico do vento" e "Alma de Nadal". A grande festa que a Asociación C.G.Rosalía de Castro realiza cada ano, con motivo do Certame de Poesía, convértese sempre nunha grande afluencia de socios, amigos e simpatizantes, que son recibidos con música da propia Banda da Asociación. Despois, durante a cea de convivio, danse a coñecer os Premiados dese Certame. Recibimos a crónica do noso colaborador na Costa da Morte OSCAR REY CALO , que cada sábado ten preparada, coas noticias e informacións escollidas daquela contorna galega. Moitos dos nosos escoitant