Ultimo programa do ano 2017

Para ser o ultimo programa deste ano, temos preparadas algunhas intervencións que seguro serán do voso interese. Primeiro poñémonos en contacto co noso correspondente na Baixa Limia, Xosé Lamela, que nos ten preparada a participación de VALTER Sao Martinho, un grande divulgador da cultura popular do Norte de Portugal (fronteira con Galicia), e que ademais de praticar as "regueifas ou desgarradas portuguesas", tamén toca a concertina con grande virtuosidade. Agradecémoslle a súa aportación.

A segunda intervención-entrevista é con Carmen de "Xanela da Lúa", esa Vivenda Rural con encanto que se atopa en Lira. Ademais de aproveitar para felicitala, porque están de cumpleanos, tamén lles enviamos os nosos mellores desexos de benestar, felicidade e prosperidade para o vindeiro aninovo.

Despois conectamos con CONCHA LOSADA, do Museo de Pobo Galego. Responsable do APOI, a quen lle agradecemos o envío do CD "Dispostas para Cantare", que acaban de publicar e que iremos disfrutanos ao longo do vindeiro ano. Tamén aproveitamos para felicitala e enviarlle os nosos mellores desexos de benestar e prosperidade para o vindeiro aninovo.

Na segunda hora o noso correspondente, Xulio Simón, na Rías Baixas, concretamente en Combarro. Fainos un pequeno percorrido coas súas escollas informativas e intercambiamos os mellores de desexos de benestar e paz nestas datas Nadalencas, así como un ventureiro aninovo 2018.

Tamén falamos con ANTONIO DÍAZ, o noso colaborador e Director da revista "Lúa Nova", da A.C.G.Rosalía de Castro. Envíanos as súas felicitacións e nós correspondémoslle.

A ultima conexión deste ano é con PACO RIVAS, o noso Poeta da Mariña Luguesa, que nos agasalla coa declamación dunha das súas creacións poéticas.

Desexámoslles a tódolos nosos oíntes e seguidores, o mellor para estas datas nadalencas, e que o vindeiro aninovo 2018 veña cheo de saúde e ventura para todos. 

¡Non deixedes de sintonizarnos!

Primeiro Sábado do mes de DECEMBRO do 2017

02 de DECEMBRO do 2017.

Encetamos o programa dándolles a ben-vinda e ofrecéndolles escoitar unha peciña musical para ir adubiando a nosa emisión de hoxe. E conectamos con Galicia para que o noso correspondente na Baixa Limia - Xosé Lamela - nos presente ao contertulio de hoxe, LINO PERDIZ, responsable de PLABALI, cos que mantemos unha ampla conversa repasando temas relacionados coas importantes reivindacións que teñen en marcha e outras propostas interesantes. 

A seguir falamos con Armando Fernández, que xa se atopa en Galicia, onde se desprazou para asistir e copresentar a GALA - XANTAR de GALICIAME en Cambados a vindeira fin de semana. Coméntanos que a viaxe decorreu con ben e atópase na súa localidade natal, Liñares.

Despois conectamos con DAVID, de "O VAL DAS MOURAS" que nos fala do traballo recentemente publicado e presentado: "A Xustiza pola man". Felicitámolo e prométenos pasar polo noso programa para comentalo máis polo miúdo, cando se vexa con menos compromisos.

Comezamos a segunda hora conectando novamente con Galicia, Ferrol concretamente, onde se atopa ARSENIO IGLESIAS, gañador do 3º Premio do Certame de Poesía "Rosalía de Castro de Cornellà", a quen felicitamos e mantemos unha conversa moi amena.

Despois falamos con AMELIA Espinoso Piñeiro, Presidenta da A.C.G.AGARIMOS de Badalona, que nos fala da celebración, mañá mesmo, do XXI Aniversario da Entidade. Tamén nos comenta outras cousas relacionadas coa Entidade. Felicitámola e desexámoslles moitos éxitos.

Comentamos o novo traballo de Pancho Alvarez, que aínda non puidemos conseguir falar en directo con el, debido aos seus compromisos de concertos e presentacións do novo disco Celtis Australis, pero escoitamos unha das pezas do CD.

E para finalizar a emisión de hoxe, conectamos co noso Poeta da Mariña Luguesa, Paco RIVAS, que como sempre ponlle finalización ao noso programa agasallándonos coa declamación dunha das súas creacións poéticas.

Ate o próximo programa. non se emitirá o próximo sábado, ao ser festivo, pero voltaremos no seguinte sábado, con moitas novidades, música e moitas cousas interesantes. Que teñades unha feliz semana e non deixedes de sintonizarnos.