A emisión comeza conectando con Galicia para falar con XOSÉ RODRÍGUEZ CRUZ, Etnógrafo e grande coñecedor das nosas tradicións populares da zona Ourensana e moi concretamente da comarca Arraiana, ademais da súa implicación no "Couto Mixto", así como escritor asíduo do xornal O SIL. Mantemos unha conversa moi interesante relacionada con aquelas terras, na que se pode apreciar a súa aportación ensinante.
A segunda conversación é con dona EMMA GONZÁLEZ, de Expourense, que nos fala de XANTAR, o 17 Salón Internacional de Turismo Gastronómico", e ademais de convidarnos a participar dese grande evento, tamén nos informa das moitas actividades relacionadas con esa celebración.
Despois falamos con don RUBÉN FERNÁNDEZ, da Casa Castelao, A Fonsagrada, xa que están a preparar a XIX FEIRA do Butelo desa localidade, e na que participarán cunha mostra dos seus productos.
A seguinte entrevista é con don XESÚS RON, do Grupo de teatro CHEVERE, que virán a interpretar unha función teatral ao Auditorio de Nou Barris, en Barcelona. Agradecémoslle a súa colaboración e aportación informativa nesta nosa emisión.
A vindeira semana voltaremos. ¡¡¡ Graciñas por seguirnos !!!
Ningún comentario:
Publicar un comentario