SABADO 25 de OUTUBRO do 21014

Esta semana non puidemos ofrecervos o programa en directo, pero aproveitamos a ocasión para gravar unha alternativa interesante con varias entrevistas-conversas que consideramos serán do voso interese. Adubiámolas con algo de música galega, e coidamos que nos quedou un traballiño xeitoso.

A primeira comunicación foi con JUAN, Presidente da A.C.G.AGARIMOS de Badalona, que nos informaou das actividades que teñen previsto realizar próximamente, destacando no primeiro lugar o CONCURSO DE EMPANADAS E ROSCÓNS, que realizarán hoxe mesmo. Tamén nos convidou ao Festival Solidario que celebrarán no Centro Comercial MONTIGALÁ da cidade e do Festival Infantil no Teatro Principal co título: Un Xoguete, unha Entrada... 

En segundo lugar, ainda que non menos importante: A intervención foi con XOSÉ LAMELA, acompañado de don XOSÉ MARÍA EGUILETA, eminente arqueólogo na cidade de Ourense, que nos deleitaron coas súas aportacións culturais e coñecementos. Quedamos á espera de voltar a chamalos para podermos seguir aprendendo con eles. 

Depois tivemos a conversa habitual de cada semana con XULIO SIMÓN, o noso correspondente nas RÍAS BAIXAS, que sempre nos aporta algunha observación interesante relacionada coa cultura galega. Foi moi cativa a súa intervención, pero intensa. 

 Voltaremos o próximo día 8 de novembro, xa que o primeiro de mes é festivo, así que xa saben: 

¡¡¡FELIZ SEMANA e BONS MAGOSTOS!!!

18 de OUTUBRO do 2014

Unha nova entrega desta emisión en galego, dende esta emisora municipal e coa que pretendemos facerlles pasar dúas horiñas de radio entretidas e cheas de información, adubiadas cun chisco de música. Comenzamos dándolles a ben-vinda e adiantándolles o que pretendemos facer, algo do que se encarga de avanzarnos LAURA SANTOS:

A seguir conectamos con Galicia, concretamente coa Baixa Limia, co noso correspondente XOSÉ LAMELA, que nos presenta ao convidado-interlocutor desta semana: don DAVID PÉREZ , un arqueólogo con quen mantemos una conversa moi ilustrativa e chea de ensinanzas. Agradecémoslle-lo e contamos voltar a falar con el en vindeiros programas.

Na segunda hora chamamos a XULIO SIMÓN, que sempre nos ten preparadas algunhas informacións e noticias moi interesantes, todas elas relacionadas coa nosa cultura, tanto literaria como festeira ou musical. A vindeira semana voltaremos a ter a súa colaboración semanal con máis contidos e seguro que con moitas e interesantes novidades.

Aproveitamos a oportunidade que nos ofrece o Sr.Presidente do C.R.D.O.RIBEIRO, don MIGUEL ANXO VISO DIÉGUEZ, con motivo da súa participación no FORUN GASTRONÓMICO de Barcelona, e da Festa-Presentación que farán no Hotel Marina. Agradecémoslle a súa amable atención e prometemos voltar a falar con el para que nos valore esta experiencia en Barcelona.

E para finalizar o programa de hoxe non queríamos deixar pasar máis días sen poñernos en contcto coa ASOCIACIÓN C.G.ROSALÍA DE CASTRO, para que nos informaran das moitas actividades que están a desenvolver, como cada ano, pero algúns eventos de grande sona na cidade, como é o MAGOSTO SOLIDARIO, que se celebrará a finais da semana do 31 de outubro e 1 de novembro.

Desexamos voltar a contar coa vosa audiencia, o vindeiro sábado, á mesma hora. Prometémoslles outro programa máis, con moitas e interesantes entrevistas e novidades. ¡Graciñas por seguirnos!

Primeiro programa da tempada 2014-2015

SÁBADO 04 de outubro do 2014

Comezamos unha nova tempada con azos e desexos de compracer a tódolos nosos oíntes e seguidores. Estamos traballando para mellorar algúns elementos técnicos e poder ofrecer melloras na nosa audición; seguro que acadaremos os obxectivos prantexados. Xa vos iremos informando. Polo que respecta ao programa de hoxe teremos as asiduas conexións de sempre, primeiro coa Baixa Limia, despois coas Rías Baixas e entremedias algunha que outra intervención interesante que seguro será do voso agrado. Seguimos os mesmos: Mar Fort, nos  controis técnicos, Laura Santos, Armando Fernández e un servidor (Xulio Couxil) nas locucións e os nosos correspondentes Xosé Lamela, Xulio Simón e Paco Rivas. Así pois encetamos a emisión de hoxe poñéndonos en contacto con XOSÉ LAMELA, acompañado do seu convidado : XOSÉ GONZÁLEZ MARTÍNEZ.

A segunda conexión é co Presidente do Coro Tradicional Cantares do Brión (Vincios-Gondomar), don Xosé Manuel García Crego, con quen manteemos unha pequena conversa en col do seu primero traballo publicado: ARRUIDOS, namentres escoitamos de fondo algún tema deste CD.

Na segunda hora falamos con XULIO SIMÓN, que sempre ten algunha novidade ou noticia moi interesante relacionada coa nosa cultura. Tamén nos pon os dentes longos falando da Festa do San Froilán en Lugo, convidando aos nosos oíntes a que pasen pola cidade amurallada para disfrutar dalgún dos moitos concertos ou degustar unha ración de polvo...

Finalizamos o programa comentando unha das noticias cegadas á nosa Redacción e que ampliaremos con máis detenimiento nunha viniera emisión, relacionada coa Festa do RIBEIRO, que se celebrará o día 22 de OUTUBRO en Barcelona, pero que aproveitaremos o contacto co Señor Presidente do Consello Regulador (don Miguel Anxo Viso) para que nos fale deste evento e de moitas cousas máis. A vindeira semana non teremos programa debido á retransmisión deportiva, pero convidámolos a que volvan a sintonizarnos o vindeiro sábado día 18 que seguro teremos moitas a interesantes cousas que ofrecervos.