25 de MAIO do 2013

Couxil, Antonio Alvarez, Alfredo, Armando e Marcos.

O programa do pasado sábado 25 de MAIO, que estivemos grabando co noso convidado especial don ANTONIO ALVAREZ, Presidente da Asociación Castiñeiro e Nogueira, de Quintá de Cancelada, en Lugo. Veu a impartir unha conferencia moi interesante na nosa Asociación Cultural Galega Rosalía de Castro de Cornellà. 

Comezamos coa introducción de cada semana e dámoslle a ben-vida ao noso Conferenciante.

Tamén saudamos a Marcos Rodríguez, un dos Monitores do Sendeiro Quinta-Río Donsal.

Falamos con Alfredo González, que tamén participa no acto que se celebrará no Local Social da nosa Asociación.

E rematamos despedíndonos de tódolos oíntes e desexando voltar a telos na nosa sintonía.

A semana que ven non teremos emisión por coincidir coa FESTA MAJOR de Cornellà, e haberá unha programación especial.

18 de MAIO

Un programa atrasado, por mor doutros compromisos... ... Non puidemos facilitarlles o programa que emitimos o pasado sábado 18 de maio. Aquí o tedes. Repartido en varias seccións.

Na primeira parte dedicámoslle un espazo á celebración da "LETRAS GALEGAS 2013", que a nosa Asociación Rosalía de Castro de Cornellà encetou cunha actuación do Cantautor Alfredo Gonzalez xunto co Semillero Azul, no local social da nosa Asociación. Este sábado representouse a obra de Teatro: "Os vellos non deben namorarse" polo Grupo de Teatro "Anduriña" da nosa A.C.G.Rosalía de Castro, no Orfeó Catalonia de Cornellà (ese foi o motivo de non poder emitir este programiña en directo), e a seguinte fin de semana do 25 de mail, unha conferencia que impartirá don ANTONIO ALVAREZ, Presidente da Asociación Castaño e Nogueira de Quintá de Cancelada (Lugo).

Seguimos a falar dalgunhas noticias chegadas á nosa redacción e comentamos o reciente premio concedido á nos a Gaiteira Internacioan Cristina Pato: Premio Trasalba-2013.

Comentamos varios aspectos da obra da nosa escritora Rosalía de Castro.

Entrevistamos a don OSCAR RODRIGUEZ, Presidente dos Xoieiros de Galicia, e dono da Xoiería OSCAR, de Viveiro.

Falamos de "Follas Novas", da nosa Rosalía de Castro. E comentamos algunha cousiña máis.

O remate deixámolo para despedírmonos e desexarlles unha feliz semana.

11 de MAIO do 2013

Un sábado máis con todos vosotros, para tentar ofrecerlles dúas horiñas de radio en galego, con música, informacións e novidades relacionadas coa nosa Cultura Galega.

En primeiro lugar poñémonos en contacto co Profesor da Universidade de VIGO don ENRIQUE VARELA, que está a dirixir un proxecto moi interesante que levan a cabo uns alumnos seus e que ten moito que ver cunha Aplicación para os teléfonos intelixentes e que poderá aproveitarse para empregar coa axuda aos nosos MAIORES, tan só con premer unha tecla.

A nosa colaboradora, LAURA SANTOS, fainos un cativa valoración do que foi a Festa do 30 Aniversario de Airiños da Nosa Galicia de Santa Coloma de Gramanet, que tivo a ocasión de disfrutar dela e axudarnos a contactar co Presidente da Entidade.

Deseguida conectamos novamente con Galicia, coa BAIXA LIMIA, para falarmos, como cada semana, co noso correspondente XOSÉ LAMELA, que nos volve a presentar o interlocutor da semana pasada, don AQUILINO VALENCIA, Alcalde do Concello de Calvos de Randín, porque tiñamos pendente o remate da conversa tan interesante relacionada co COUTO MIXTO. 

Na segunda hora falamos con SANTI VELOSO, tamén Profesor da Universidade de VIGO, que nos informa, polo miúdo, do seu programa: PONTE NAS ONDAS. Con XIX anos de edición acadando moitos éxitos e que teñen previsto celebrar o V Encontro-Brincando no Rueiro de xogos tradicionais populares galego-portugueses en Melgaço. ¡Moitos éxitos para todos eles!

O noso comunicante de agora é don MODESTO, compoñente da Xunta Directiva da Irmandade Galega O BOTAFUMEIRO de Cerdanyola do Vallés, que nos informa dos Actos previstos realizar na celebración das Letras Galegas no seu Centro, na rúa Pablo Picaso, 5 daquela localidade.

E para rematar o noso programiña de hoxe conectamos novamente con Galicia para falarmos con XOSÉ das PATAS, encargado do  BLOG: musicaengalego.blogspot.com. Un novo Colaborador que incorporamos ao noso programa, e que el mesmo se nos ofreceu para informarnos a todos nós, das novidades musicais galegas que se vaian producindo. Agradecémoslle esta desinteresada aportación e felicitámolo polo seu traballo que nos axudará a divulgar a "nosa música".

Desexamos que pasen unha semana moi gorentosa e que volvan a sintonizar a nosa emisión o vindeiro sábado. Ofrecerémoslles unha nova entrega con máis novidades e máis música "da nosa".

SÁBADO 04 de MAIO do 2013

Outro programiña máis en galego, para tódolos nosos oíntes e seguidores. A parrilla de hoxe está moi ateigada de intervencións e participacións... Comezamos coa nosa chamada habitaul á Baixa Limia, para conectarnos co noso correspondente XOSÉ LAMELA, que nos presenta ao contertulio de hoxe: o Sr.Alcalde de CALVOS de RANDÍN (Ourense), don AQUILINO VALENCIA SALGADO, e cos que mantemos unha conversa-entrevista moi entretida. Prometémonos volver a vindeira semana, porque quedaron moitas cousas que comentar.

A seguite chamada é para recibir información, de primeira man, relacionada cos MAIOS de OURENSE: ALFONSO, responsable de Cultura do Concello de Ourense fainos unha pequena descrición de cómo se ten previsto realizar este evento tan importante que, dende tempos immemoriais vense celebrando na capital ourensana e que ten unhas particularidades moi interesantes.

Deseguida conectamos con REDONDELA, para falarmos con JULIA ALONSO, Xerente dos Empresarios desa localidade. Danos cumprida información da recén celebrada II RUTA DO PINCHO, e tamén da próxima realización da XXVII Festa do CHOCO de REDONDELA. Unha boa ocasión para visitar e disfrutar da gastronomía galega enxebre.

Na segunda hora comezamos conectando coa nosa colaboradora LAURA SANTOS, que nesta ocasión fainos de correspondente na 30 FESTA-ANIVERSARIO da Asociación Cultural AIRIÑOS da NOSA GALICIA, en Santa Coloma de Gramanet, e ponnos en contacto co seu presidente, don XOSÉ CANOSA, que nos convida a participar e disfrutar desa festa galega en Cataluña.

Novamente voltamos a Galicia, para poñernos en contacto con XULIO SIMÓN, que nos fala das cousas escollidas por el para ilustrarnos un chisco nos asuntos culturais e literarios, acompañados sempre de moita e cumprida documentación.

Xa no final da tarde conectamos con don JUAN JOSÉ FRANCO, Tenente de Alcalde e responsable de Cultura do Excmo. Concello de FENE, que nos convida a participar na VI CONCURSO DE TAPAS de FENE, que ten a particularidade de que tódalas TAPAS do Concurso son gratuítas... Paga a pena facer unha visita a ese Concello da Costa Coruñesa aínda que tan só sexa para disfrutar da degustación desas TAPAS que perante 5 fins de semana se realizan nesta localidade.

E rematamos o programa desexándolles que pasen unha feliz semana e que volvan a conectarnos o vindeiro sábado, que tentaremos levar adiante outro programiña máis, en galego e con música galega.