Neste día do San Xosé comezamos, como cada semana coa nosa sintonía, dándolles a ben-vida e agradecéndolles a súa escoita. Poñemos un bocadiño de música e conectamos coa nosa primeira convidada. É a segunda vez que contactamos coa científica galega
SONIA VILLAPOL, Neurocientífica, Investigadora no Medical Center de Houston, integrante dun grupo de científicos de 28 Institucións punteiras no mundo da investigación do Covid-19. Agradecémoslle a súa atención e recibimos unha pequena lección de cómo debemos atender a actual situación desa pandemia que aínda non acabou e que temos que seguir atendendo con moito "sentidiño". Fálanos da covid persistente. Moi importante e moi a ter en conta polas consecuencias e polas secuelas. Felicitámola polo seu traballo e seguiremos "incomodándoa" para que nos siga informando. ¡Moitísimas grazas, Sonia!
A seguinte intervención é a do noso correspondente na Costa da Morte, OSKAR da FONTIÑA coa súa crónica semanal. Importante aportación á nosa emisión semanal, que despois escóitase en diferido en Radio Roncudo os domingos de 12 a 14 horas. Saiban que tamén se poden ampliar as informacións que nos aporta Oskar na páxina "quepasanacosta.gal"¡Moitas grazas, pola vosa inestimable colaboración!
Despois conectamos con Galicia, concretamente con Castro Caldelas onde se atopa Rocío, da "Queixería Touza Vella" que nos informa das súa explotación, dos productos que podemos adquirir, e das ofertas tan interesantes que podemos degustar. Desexámoslle que teñan moitos éxitos.
Recibimos a crónica da nosa correspondente nos Ancares, Fernanda Follana Neira, e agradecémoslle a súa aportación semanal.
 |
| Emma Pedreira |
E finalizamos coa entrevista que lle fixemos a
EMMA PEDREIRA, que nos fala de varias colaboracións e participacións e diversos actos culturais moi interesantes, e tamén da súa úlltima publicación. Agradecémoslle a súa sempre amable atención e desexámoslle moitos éxitos.
Despedímonos, ate a vindeira semana, e aquí deixamos o programa enteiro.
Comentarios