SÁBADO 18 de XANEIRO do 2025

Hoxe comezamos o programa dende o Hotel Front Air Congress, de Sant Boi de Llobregat, onde se atopa a Asociación de Bercianos en Cataluña (ASOBECAT) presentando, nunha Rolda de Prensa, o "XXI Festival do Botillo-2025". Recibimos ao seu Presidente JUAN PEDRO SÁNCHEZ e outros convidados que están presentes nese acto, cunha peza de música adicada ao Bierzo, posto que así compartimos sintonía e aproveitamos para que nos informen dos actos previstos. Coméntanos Juan Pedro as previsións dese grande festival anual, que nesta ocasión terán como homenaxeados os seguintes: A título póstumo as donas AURORA RODRÍGUEZ e SILVIA NOGALEDO. Premio Literario Asobecat-2025, don Miguel Angel Revilla. Concello Homenaxeado.2025, Ayuntamiento de Camponaraya, asistirá o seu alcalde don Eduardo Mora Pacios e homenaxe á Adega CUATRO PASOS, que será a que colaborará cos seus caldos para degustar o botillo deste ano. Estaba na presentación HECTOR KEUDELL, locutor de FM Bierzo, que tamén participación na pequena conversa que mantivemos. Pedimos disculpas polasa interferencias sonoras que tivemos, aínda que a comunicación coidamos que foi bastante explicativa. Agradecémoslle a ASOBECAT a súa colaboración e participación no programa de hoxe.

A seguinte comunicación é co noso correspondente na Costa da Morte, OSCAR M. REY CALO, que nos aporta a súa crónica semanal, sucinta, relacionada cos aconteceres naquela contorna, e que podedes ampliar na páxina quepasanacosta.gal, que sempre mencionamos, así como que este programa volve a emitirse mañá domingo a partir das 10 da mañá en Radio Roncudo. Agradecémoslle a súa colaboración e desexamos que teña unha feliz semana.

Despois conectamos novamente con Galicia para recibir a crónica viaxeira e ilustrativa do noso correspondente fotográfico-etnográfico XOAN ARCO DA VELLA, que nesta ocasión nos informa dunha faceta artesanal ancestral que se desenvolve dende hai moitos anos nunha zona concreta de Galicia: A elaboración de cera.

A continuación falamos co Poeta da Mariña Luguesa, PACO RIVAS, que nos comenta a recente publicación do seu libriño de haikus que leva por título: BEIXOS GALLADOS. Tamén nos agasalla coa lectura dalgúnhas desas creacións.

Armando despídese da audiencia.

 

A continuación temos a grabación dunha pequena información relacionada co pasamento dun grande da nosa literatura: BERNARDINO GRAÑA. Comentamos o falecemento deste grande autor, que tiña 92 anos, e que tanta creación literaria tiña publicado.

Tamén escoitamos unha pequena gravación que nos envióu o noso amigo XOSÉ GONZÁLEZ MARTÍNEZ, relacionada coa Restauración da Memoria Lingüística nos cemiterios (En Galego, agora e sempre), nesta ocasión unha específicamente que se realizou no cemiterio de Lira (Salvaterra) con motivo da sustitución da lápida do "Gaiteiro de Lira" Luis Hermenegildo Soutullo. Agradecémoslle a súa aportación.

Deixamos aquí o programa completo-enteiro.