PROGRAMA do 30 de xanerio do 2010

Este último sábado do mes de xaneiro comezamos o programa coa compaña do historiador e colaborador don MANOEL CARRETE, que nos axuda a presentar o programa desta semana, comentando algunhas das cuestións candentes e actuais do panorama galego en Cataluña e en Galicia.

A primeira comunicación telefónica é con MANUEL BARCIA, que nos facilta tódolos datos sobre a "Festa do Botelo" que teñen preparada os socios de "Orgullo del Bierzo" para o vindeiro día 20 de febreiro á que asistirán varios alcaldes bercianos e outros de Cataluña, escritores, poetas, historiadores... e unha morea de personalidades importantes, xunto con Luís del Olmo. Aproveitarán para renderlle unha sentida homenaxe a un personaxe ilustre do Bierzo.

Continuamos coas novidades e importantes sucesos que acontecen en Galicia, como é o asunto das votacións e eleccións de Presidente do Partido Popular en Ourense, que recaeu na persoa de don Jose Manuel Baltar Blanco. Outros datos interesantes foron as diferentes declaracións de colectivos e institucións en contra do Decretazo do Galego.

A segunda hora comezámola coa participación de Xulio Simón e Carlos Callón, Presidente da Mesa pola Normalización Lingüística. Unha conversa, a tres bandas, que nos pon ao corrente do que se está a facer en Galicia e do que se ten previsto para que, a posta en marcha do "Decreto do Galego" non represente un paso atrás no emprego do noso idioma na nosa Galicia.

Rematamos o programa, conversando Manoel Carrete e mais un servidor, e desexando que voltedes a participar connosco a vindeira semana, que vos prometemos moitas máis noticias e moitos desexos de compracer as demandas de tódolos que nos seguides e nos axudades e que continuemos nesta andaina.

Programa do 23 de xaneiro do 2010

Comezamos un novo programa de "Sempre en Galicia" coa sintonía de sempre, "Tolemia de Cristina Pato" e adiantándolles que estaremos perante as dúas horiñas falando e dándolles comunicacións en galego tanto as que se producen aquí, no noso entorno catalán, como aquelas que nos chegan dende Galicia á Redacción. Unha primeira introducción do que pensamos facer e unha nova proposta para que escoiten a nosa música galega.

A nosa primeira comunicación-conversa é con "Kique de Navia", colaborador, escritor, poeta e grande coñecedor das nosas cousas galegas. Ven de pasar unha tempada de lecer e descanso en Galicia e fainos unha pequena introducción do que xa semella un grande atraso e un atranco para o noso idioma galego, a pretensión da posta en marcha do decreto do galego. Tamén nos lembra que nestas datas celebramos o pasamento de Andrés Dobarro, un grande compositor e músico galego a quen lle debiamos facer algunha mención especial. Así lle-lo prometemos e buscamos na nosa discografía para poñer en antena unha peza do disco homenaxe a Dobarro, precisamente "O tren". Despedímolo desexando que poida estar canda nós nestes estudios nunha vindeira e próxima ocasión, aportándonos algo do seu bon facer.

Xa na segunda hora, e no final do programa conectamos con Galicia, concretamente con Paco Rivas, o noso poeta da Mariña Lucense, que nos fai un breve percorrido polo acontecido nesta semana, e que lle alporiza un chisco todos eses atrabancos que pretenden facerlle ao noso idioma e remata a súa intervención, coma sempre, coa declamación de varios poemas da súa creación.

Presentámoslle a Sergi Herrero, o noso novo Tecnico de Son, que sustitúe a Marc. Desexámoslle unha boa emisión, e que poida disfrutar coa nosa comapaña e as nosas eleccións tanto musicais como as conversas e entrevistas que vaiamos realizando.

Desexamos que volvan a conectarse connosco a vindeira semana.

Programa do 16 de xaneiro do 2010

Como todos vostedes saben, a dirección do programa deste día 16 correspondeulle a SERXIO SEOANE, o noso colaborador encargado de aportarnos a maioría das novidades musicais que sempre nos chegan á redacción. Comeza indicando cales son as súas pretensións perante esas dúas horiñas de radio en galego para todos os nosos oíntes. A súa primeira conexión é co responsable da "Feira do Polbo" - falan SERXIO e SUSO RODRÍGUEZ - de Agarimos de Badalona, que aproveita a ocasión para convidar a tódolos asistentes ao evento agasallándoos cunha botella de bon viño si se achegan alí mañá, domingo. O noso agradecemento pola súa oferta e aportación.

Deseguida fai unha conexión con Vigo, onde me atopaba un servidor de vostedes, Xulio Cougil, e fágolle un pequeno resumo de todas aquelas cousas que estiven a realizar e que teñen algunha relación coa nosa emisión e coa nosa cultura galega. Doulle a grazas pola súa chamada e deséxolle un programa entretido e con moito éxito.

A seguinte comunicación e conexión, en directo é con Ricardo Pérez Anta, o Presidente da "Asociación Cultugal Galega ROSALÍA DE CASTRO", e manteñen unha amena conversa relacionada coa Asociación, coas súas Actividades e cos proxectos de futuro.

Despois conecta con Galicia novamente, e en concreto con XULIO SIMÓN, que nos pon ao corrente da novidades máis salientables relacionadas coa nosa Cultura Galega, en especial as que fan referencia ao noso idioma, o galego.

Remata o programa coa audición de varias pezas de música galega, despois de manter tamén unha pequena conversa co noso Técnico de Sonido MARC, que nos deixa para desprazarse a Italia cunha beca de estudio-traballo e ampliar os seus coñecementos na súa especialidade. Desexámoslle o mellor nesta nova andaina. ¡Moita sorte Marc!

A vindeira semana voltaremos a estar aquí e desexamos que volvan a participar connosco e disfrutar coas nosas propostas de entrevistas e música da nosa. Pasen unha semana "xeitosa".

Programa do 9 de xaneiro do 2010

Comezamos desexándolles unha boa entrada de ANINOVO 2010 a tódolos que nos seguen, tanto polas ondas coma polo Internet. Dámoslle-las gracias pola súa constancia e polos moitos correos e ánimos que nos envían ao traverso dos correos electrónicos e comunicacións telefónicas. Sentímonos moi ledos e coidamos que o noso traballo non sería ren sen a súa participación e colaboración. Desexamos cumprir con todas as espectativas que desexan de nosoutros. Pomos, da nosa parte, todo o que temos para tentar cumplir coas súas solicitudes. Así seguiremos, mentres poidamos, e mentres os teñamos ahí, á escoita da nosa radio.
Nun primeiro momento démoslles informacións das cousas que nos chegaron á Redacción, xunto coa proposta de escoitar algunha peza de música do grupo de caboverdianas "Batuko Tabanka", con seu disco DJUNTA Mô. Agradecémosllo a Pai Música, que nolo enviou o mes pasado.

A primeira comunicación telefónica que mantivemos foi con Ricardo Pérez Anta, o Presidente da Asociación Cultural Galega "Rosalía de Castro", que nos informa dos aconteceres da Entidade e dalgunha que outra novidade que se está a preparar para tódolos socios e simpatizantes. Entre outras: O Entroido, coa súa sea correspondente, e os desfiles de Carnaval; a participación do Grupo de Danza e Gaita no Concurso de Galicia; o estreno doutra obra de Teatro que está a preparar a Sña.Amelia, co Grupo Anduriña; a preparación das diferentes candidaturas para dirixir a nosa Entidade... ... moitas e importantes actividades...

A segunda hora comezamos coa comunicación e colaboración de PACO RIBAS, o noso poeta da Mariña Lucense, que nos desexa a todos un Feliz Ano e regálanos unhas cuantas das súas creacións poeticas para comeza-lo ano con ledicia.

Nos ultimos minutos voltamos a ter máis informacións e algo máis de música para escoitarmos.

A vindeira semana posiblmente non poideremos estar en directo no estudio. Tentaremos que o programa se poida emitir igualmente. Pedirémoslle a Serxio que nos axude e se achegue aos estudios para face-lo.

Desexamos que volten a sintonizarnos o vindeiro sábado día 16.
Apertas saudosas, para todos.