"Sempre en Galicia" do día 28 de marzo do 2009

As Informacións e novidades é noso comezo semanal da emisión, tal e como chegan á nosa redacción. Anunciamos as que nos envían e adiantánmoslles que temos previsto conectar con Galicia para ofrecerlles unha entrevista moi interesante, cunha persoa da "Baixa Limia", concretamente en Vilameá de Riocaldo-Lobios (Ourense) e que está a realizar un traballo emprendedor nunha zona que estaba algo esquecida na explotación gandeira á que el se dedica. Dámoslle cumprida lectura ás novas que cada semana chegan á nosa Redacción e poñemos en antena algunha canción das que nos solicitan os nosos oíntes e internautas.

A primeira comunicación, como adiantabamos é con Xosé Antonio Dacuña. Fálanos da súa explotación gandeira-alimentaria, dedicada á cría de "Cabras do Xurés"; a súa páxina é: http://www.queixosdoxures.com/index.php. Un traballo do que está enamorado, como el mesmo di: "é coma un fillo que teño". Persoas coma el, son as que fan que nos sintamos orgullosos de pertencer a esa Terra Galega. Atópase en Lobios, pertiño da fronteira con Portugal, na Serra do Xurés, e adiántanos que está preparando unha sorpresa moi importante para tódolos nosos oíntes que desexen participar nun SORTEO gratuíto para despois da Semana Santa. Iremos dando cumprida información de cómo participar e poder conseguir os agasallos que ofrece.

Continuamos a dar máis informacións e novidades que nos chegan dende Galicia e as que se producen no noso entorno, aquí, en Catalunya.

Seguimos adiante. Volvemos a comunicar con Xulio Simón, o noso corresponsal semanal dende Combarro. Danos unha chea de datos sobre algunhas lecturas recomendables, a traducción ao xaponés de varios poemas de Rosalía de Castro, e dalgunha traducción do xaponés ao galego, e tamén convida aos oíntes a que se atrevan visitar Galicia, concretamente a pequena localidade de Couso, unha aldea totalmente recuperada por parte do don José María Galán e outro socio, e que ofrece unha estancia rural de alta calidade e con moitas actividades alternativas para disfrutar do contacto coa natureza, espelindo o estrés que tanto nos agobia con esa crisis que temos enriba.

Rematamos coa conexión con IRIA, a nosa poeta galega en Catalunya, que nos fai sentir ledos escoitando as súas composicións e creacións.

O programa do sábado 21 de marzo do 2009

A gravación desta semana comezou un "bocadiño" máis tarde e non puidemos recollela dende o principio, pero fixemos unha recuperación dende a participación e charla que tivemos co actual Presidente da Asociación Cultural Galega "Rosalía de Castro", don Ricardo Pérez Anta, que nos informou, polo miúdo, das diferentes acitividades que se están a realizar na Entidade.

A continuación conectamos con Galicia e tivémola participación, como case cada sábado, con Paco Rivas, quen ademais de facer un curto comentario sobre as cousas que están a suceder no país, así como do tempo que están a disfrutar na Mariña Lucense. Remata a súa colaboración coa declamación de varias composicións poéticas da súa autoría.

Hoxe, como tiñamos prometido, conectamos con Manuel L.Rodrígues. Falounos do seu blog, do seu libro premiado "Antítese nativa", da súa creación e da próxima edición dunha segunda edición do mesmo libro, acompañado dun dvd con colaboracións especiais, de Noia, da súa ría... Quedamos para poder conectar noutra ocasión e prometeunos que nos deleitaría coa lectura dalgunha das súas creacións poéticas. Desexámoslle moita sorte.

A comunicación semanal con Xulio Simón, estivo chea de información e detalle sobre un tema que saíu publicado na revista "Grial": As emisións de radio en Barcelona, asinado por Mónica Rebolo. Coido que teremos que enviarlles unha comunicación persoal á dirección da revista para que se pola ao día nesto da información, xa que ten algúns erros e fáltanlle precisións sobre as emisións e datas de realización das mesmas. A continuación falounos da commemoración do 75 aniversario das emisións de Radio en Galicia. Como é un traballo moi documentado e extenso, prometeunos enviárnolo e colgarémolo neste blog para que poidamos consultalo e facer uso del.

A última comunicación fixémola con don Manuel Vázquez, Presidente do Centro Galego "NÓS" , de Sabadell, que nos informou das diferentes actividades que están levando a cabo e convidou a tódolos oíntes a participar nelas.

Rematamos o programa cunha información dorosa: o falecemento do noso entrañable amigo e compañeiro de profesión, do "gremio da tiza", Agustín Calvo Torrecilla. Enviámoslle unha aperta saudosa á súa familia. E despedímonos ata a vindeira semana, que prometemos voltar con moitas novidades, música e conversas con Galicia.

Programa do sábado 14 de marzo do 2009

Este sábado tivemos a compaña de varias "donas da Asociación" que nos viñeron a visitar para informar a tódolos nosos oíntes de tódalas actividades que estan a realizar, aproveitando que pertencen ao "consell de la dona de Cornellà".

Diante de nada PEDIMOS DESCULPAS, públicamente, a Manuel L.Rodrígues, pola "falta de puntualidade" ao non poder conectar con el, como tíñamos previsto. Alongóusenos unha das comunicacións que tiñamos e "incumplimos" coa nosa promesa de falar con el. Sentímolo moito e pedímoslle desculpas. Prometemos facer esa conexión nun próximo programa. Sentímolo moito, por nós mesmos e polos oíntes que seguro estarían á espera desta comunicación.

Comezamos dándolles un adianto de tódalas cousas que tentamos facer nesas dúas horiñas de radio en galego, e que sempre temos aberto a tódolos oíntes e Internautas que nos sintonizan. Propoñémonos falar con Galicia, concretamente con Xoaquín García Calvo, alcalde do Concello de Arzúa, para que nos diga cómo vai a "34 Festa do Queixa de Arzúa-Ulloa". Despois falaremos con Xús Vizcaia, Presidente da ACIVI (Empresarios de Viana do Bolo), conectaremos con Paco Rivas e tentaremos falar con Alcalde de Viana do Bolo, don Andrés Montesinos para que nos dea unha valoración da pasada "39ª Festa do Entroido-Androlla" e as súas impresións sobre cómo se presenta esta nova lexislatura despois de teren ganado as eleccións os do seu partido.

A primeira comunicación, polo tanto, foi con Xoaquín, que foi tamén socio fundador da nosa Entidade "Rosalía de Castro".

A continuación tivemos unha pequena conversa con Conchi, María e Carmen Linares, que nos puxeron ao día de tódalas novidades e actividades que estan desenvolvendo.


Logo falamos con Xús Vizcaia, que ademais de darnos a súa opinión sobre o desenvolvemento dos eventos festivos de Viana, deunos a coñecer unha nova proposta interesantísima: "Atopa o Tesouro. Está en Viana". Tódolos interesados neste xogo-concurso poden dirixirse á páxina da Asociación: http://www.acivi.org/.


Na seguinte comunicación puxémonos en contacto con Paco Rivas, que nos deleitou coas súas creacións e declamacións poéticas, como cada semana.

A ultima intervención correu a cargo de don Andrés Montesinos, Alcalde de Viana do Bolo, quen nos ofreceu a súa impresión das pasadas Festas do Entroido e as futuras previsións para vindeiras celebracións, xunto cun adianto de proxectos interesantísimos para a Vila.

Despois achegámonos a "RADIO TELE-TAXI", convidados por MANOLO VALDÉS, para participar no seu programa de gran audiencia "Lonxe da Terra". Tivémola sorte de participar durante máis de dúas horas e aproveitamos a ocasión, novamente, para compartir con Manoel Carrete, o propio Manolo Valdés (primeira parte), Domingo Balboa e o Ilmo.Alcalde de Viana do Bolo, don Andrés Montesinos, e máis un servidor (segunda parte). Fixemos unha pequena gravación da nosa intervención e aquí a temos colgada repartida en dúas partes para que poidades escoitala e darnos a vosa impresión desta nosa participación en directo.

7 de marzo do 2009

No programa de hoxe estiven acompañado por "Antonio Díaz", Director da revista que edita a nosa "Asociación Cultural Galega ROSALÍA de CASTRO". Compartimos dúas horiñas de radio en galego, nas que fomos debullando os diferentes temas que foron surxindo: música galega tradicional e moderna (segundo nos ían demandando os nosos oíntes) e conversas-entrevistas cos nosos colaboradores. Non puidemos contactar con IRIA, a nosa poeta galega en Catalunya, pero noutra ocasión será.
Non puidemos grabar a conversa mantida con SILVIA, de Expourense, pero foi moi ilustrativa e informativa en tódolos sentidos. Sempre nos atende con toda amabilidade e fainos partícipes de tódolos eventos que se realizan na "Finca Sevilla" do Pazo de Exposicións de Ourense. Tamén nos contou o éxito acadado polo "XANTAR", celebrado na primeira semana de febreiro e á que foi convidado especial Arxentina, que amosou toda a súa espléndida cociña nesas datas.

A seguinte entrevista prevista foi con XOSÉ LUÍS, da Chousa de Alcandra, co que fixemos un pequeno percorrido con comentarios e charla sobre o "trasteo" da semana pasada, e que nos serviu de reflexión par comentar que o máis importante destas cousas é a grande colaboración desinteresada que amosan cada un dos participantes. Agora tan só nos resta recibir os comentarios dos diferentes agasallados, sobre o produto co que foron premiado nos diferenes sorteos, á espera de que rematen algúns dos que quedaban pendentes por entregar, posto que se retrasaron por mor de circuntancias alleas á propia organización.

Conectamos novamente con Galicia e nesta segunda hora comezamos a nosa colaboración semanal con Xulio Simón, que nos informa das reflexións que se veñen facendo tanto na prensa coma noutros medios e aproveita a ocasión para comentar a charla que fixo Xosé Luís Barreiro, como grande crítico e analizador político do que está a acontecer en Galicia despois das eleccións que lle deron maioría ao PP en Galicia.
Intercambio de opinións e desexos de que pase unha semana agradable.

Fixemos unha entrevista en directo coa "BAÑA", concello que se acha pertiño de Santiago de Compostela, e que o día 8 celebra a "VI FESTA DA FILLOA, feita na Pedra, DE A BAÑA", xunto coa a I FESTA DA COCIÑA Á PEDRA". Primeiro falamos uns minutiños con Mónica Tomé, e despois co "mestre filloeiro don Xosé Manuel Mallón, responsable tamén do restaurante D'Antaño en Bertamiráns.


Paco Rivas deléitanos coa declamación semanal á que nos ten acostumados e despedímonos desexándolles todo o mellor para que todo decorra ben nesta segunda semana de marzo.

Ultimo programa do mes de febreiro

Presentamos e comezamos o programa coa participación de moitas persoas no estudio e coa novidade de estarmos conectados -en directo- ao correo electrónico de “Semprengalicia@gmail.com”. Xosé Carlos fainos a presentación de don Enrique Méndez, grande amigo e dende agora outro colaborador máis do noso programa, así como tamén a súa filla dona Gloria Méndez directora de Coaching Solution, e Presidenta da Asociació Catalana de Coachig. Fainos unha pequena introducción e danos a coñecer ese traballo que está a ofrecer a súa empresa: http://evolucionpersonal.com/

Comunicamos directamente con Galicia para falar con “Chousa de Alcandra”, que é o nome do blog que realiza Xosé Luís. Fainos unha pequena introducción (escoitádeo pinchando no trasteo) ao “TRASTEO” e ao sorteo que realizaremos no noso programa de radio de hoxe. Danos a coñecer a “ZELTIA”http://zeltia.zoomblog.com/, a “L&M”http://oblodelm.blogspot.com/2009/01/meme-do-traste-galego.html, e a outros máis que foron os que lle deron a el a responsabilidade de ser o voceiro do “Trasteo” que hoxe tentamos levar adiante. Fixemos o sorteo dos VIANOS: http://semprengalicia.blogspot.com/2009/02/o -trasteo-de-chousa-e-de-outros-3.html, e resultou gañador o nº 18, correspondéndolle a QUENINDIOLA. Aproveitando a ocasión e este momento radiofónico tamén o fixo XOSÉ LUÍS http://chousadaalcandra.blogspot.com/, e correspondeulle ao nº 4, que pertencía a ARTABRIA http://vera-artabria.blogspot.com/. Agardamos disfruten deses agasallos e que nos fagan os comentarios correspondentes aos produtos cos que foron agraciados.

Continuamos con Gloria Méndez, que nos da unha visión importante do que significa e do que pode facer unha persoa achegándose á súa proposta de evolución persoal. Unha entrevista-charla moi amena e interesantísima, con Xosé Carlos, Enrique e mais Gloria.

A seguinte intervención correspóndelle á comunicación, novamente con Galicia. Falamos con Xulio Simón e con Álvaro Martínez Leiro. Aproveitando que Álvaro ten unha exposición -dende o día 20 de febreiro ata o 22 de marzo- que leva por título: Non oes piar?, na Casa da Torre en Redondela, mantemos unha longa e interesante conversa con ámbolos dous.

Continuamos falando con Gloria e rematamos o programa facéndonos eco da concesión, a don Isaac Díaz Pardo, da Medalla ao Mérito nas Belas Artes. Xunto con el tamén foi galardoado don Juan Antonio Porto. Tamén queremos facer a nosa pequena contribución á commemoración do DÍA DE ROSALÍA DE CASTRO, xa que o día 24 de febreiro cumpríronse 172 anos do nacemento da poeta, e fixéronse unha man chea de actos por parte da Consellaría de Cultura da Xunta de Galicia e tamén do Padroado Rosalía de Castro, en Padrón. A peza final é “Unha noite na eira do trigo”, interpretada por María do Ceo.