SEMPRE EN GALICIA

21 de XANEIRO do 2012

2012-01-24T07:56:00.000-08:00

3º programa do 2012 - 21 de XANEIRO

Comezamos dándolle a benvida aos amigos do Bierzo ASOBECAT, que nos visitan para informarnos do seu "IX FESTIVAL DEL BOTILLO en Cataluña": Juan Pedro Sánchez e Jose Antonio López "Toño".Fannos unha pequena introducción do que vai ser este evento tan importante, que cada ano celebran no Hotel CAMPUS de Bellaterra. Nesta ocasión agasallan ao Concello de Balboa e conectamos precisamente co seu Alcalde, don José Manuel Gutiérrez Monteseirín para mantermos unha pequena conversa con el.

A seguir saudamos a RAMIL, un participante do ultimo Operación Triunfo que nos ven a agasallar o seu primeiro CD que leva por título o seu propio nome RAMIL. Preséntanolo Serxio Seoane, que o acompaña. A verdade é que nos consideramos moi afortunados xa que somos a primeira radio en Cataluña que temos o privilexio de falar con el e sentímonos moi honrados coa súa visita. É un agasallo para os amigos do Bierzo e tamén para tódolos nosos seguidores.

Agradecémosllo moi sinceiramente, tanto a Serxio como a RAMIL: ¡Gracias, en nome de todos!

Conectamos con Galicia para falarmos, coma sempre, con XULIO SIMON, que nos pon en contacto concretamente con CARLOS CARBALLA, "Carramón" para os amigos, que nos fala da súa experiencia no Cruceiro COSTA CONCORDIA. E seguimos a escoitar outro dos singles do CD de RAMIL.

Continuamos a falar cos nosos "Amigos do Bierzo" que volven a convidarnos a todos para que participemos no grande evento que celebrarán o día 11 de febreiro no HOTEL CAMPUS de Bellaterra e acabamos o programa escoitando unha peza máis de música e desexando que volvan a conectar con nosoutros na vindeira semana, que prometemos ofrecerlles outra vez dúas horiñas de radio en galego.

Programa do 14 de XANEIRO

2012-01-24T07:15:00.000-08:00

Nesta ocasión encargouse ARMANDO FERNÁNDEZ do programa de hoxe.
Cando teñamos os arquivos do mesmo "colgarémolo" para disfrute de tódolos seguidores.

1º Programa do 2012

2012-01-24T07:03:00.000-08:00

7 de XANEIRO do 2012

Despois das festas de Nadal e Reises, comezamos o ano cun programa algo informal no que emitimos unha selección de música galega.

Escollimos algunhas pezas dos ultimos discos que chegaron á nosa Redacción e coidamos que foi un programiña entretido e moi orixinal, aínda que o "enlatado" non fora de moita calidade, pero pensamos que conseguimos ofrecer dúas horiñas de música galega fermosísimas, para comeza-lo ano con ledicia.

Aquí o tedes: ENTEIRIÑO, para que gravedes o que máis vos interese...

Ata a vindeira semana.

17 de decembro do 2011

2011-12-20T09:40:00.000-08:00

Ultimo Programa do 2011

Comezamos a emisión de hoxe, acompañado de Armando Fernández e do noso técnico Marc Fort, dándolles a ben-vida a todos e desexando ofrecerlles dúas horiñas de radio entretidas, lamentando a desaparición da grande voz caboverdiana, Cesària Evora que acabamos de coñecer e compartimos con todos unha primeira peza musical interpretada por ela, dedicada a todos e en especial ao noso amigo (tamén finado) Mindo Vizcaia, que tanto apreciaba: “Tempo e silencio”. A primeira comunicación é con Xosé Lamela, que nos presenta ao contertulio de hoxe: Francisco José Fraga Civeira, Ex Vicepresidente da FEGAMP e Alcalde de Piñor. Unha conversa moi interesante.

A segunda comunicación-conversa é para recibir a felicitación de Serxio Seoane, a quen lle correspondemos desexándolle o mellor para o vindeiro aninovo 2012.

Falamos con Xulio Simón, que dende Combarro, tamén nos envía as súas felicitacións para estas datas e fainos un pequeno resumo do que ten preparado para os nosos oíntes.

Na seguinte comunicación poñémonos en contacto con SUSO DÍAZ, que ademais de felicitalo aproveitamos para desexarlle o mellor no seu programa “La Voz en Espiral” que ven realizando tódolos martes, dende Mérida. Un espazo que lles recomendamos a tódolos amantes da cultura en xeral e moi en particular aos asíduos da poesía. Desexámoslle boas festas.

Recibimos a felicitación de PEDRO PEREZ, do Grupo DUPLEX, que desexa enviarnos todo o mellor para o vindeiro aninovo, e nos correspondémoslle mandándolle os nosos anceios de benestar nestas festas.

Por ultimo chamamos a MASITO BEIRÓ, en Padrón, o noso colaborador e por enriba de todo amigo. Queremos facerlle patente os nosos mellores desexos de ventura e benestar para o vindeiro aninovo, e facémolos extensivos a toda a nosa audiencia. Desexamos todo o mellor para todos vosoutros e agardamos voltar a telos como seguidores o vindeiro ano 2012. Que teñan unha fantástica despedida de ano e unha entrada de aninovo feiticeira. ¡¡¡ Ata o ano que ven ¡!!

Penúltimo programa do 2011

2011-12-13T08:28:00.000-08:00

Sábado 10 de decembro:

Temos hoxe a ARMANDO como convidado e colaborador desta emisión. Dámoslle a ben-vida e convidamos a tódolos nosos oíntes e seguidores para que se sumen á nosa proposta de radio en galego durante estas dúas horiñas. Escoitaremos música galega, falaremos cos nosos colaboradores en Galicia e seguro que tamén teremos algunha que outra sorpresa e novidade interesante que comentar. A primeira comunicación é co noso amigo e colaborador MASITO BEIRÓ. O noso artista, creador, pintor... e amigo por enriba doutros calificativos, fainos un percorrido interesante dende a localidade de VALGA, onde se atopa nese momento.

E de seguido conectamos coa Baixa Limia para falar co noso correspondente e amigo XOSÉ LAMELA, que nos presenta a PABLO LÓPEZ VIDAL, diputado pola provincia de Ourense, cos que mantemos unha conversa interesante relacionada cunha interesante proposta de posta en marcha dun parque empresarial na zona da Baixa Limia.

No programa deste sábado temos que ausentarnos por mor de certos compromisos adquiridos e polo tanto non poderemos facer máis contactos que o de XULIO SIMÓN, como cada semana, nesta segunda horiña. Así que despois de escoitar ao noso correspondente dende as Rías Biaxas, despedímonos de todos coa música que escollemos para todos, desexando que volvan a conectarse connosco a vindeira semana, na que lles prometemos facerlles compaña con moitas novidades, música e sorpresas. ¡Agardámosvos!

Programa do sabado 3 de decembro do 2011

2011-12-05T10:42:00.000-08:00

Unha nova emisión do programiña en lingua galega que cada semana facemos en Radio Cornellà. Comezamos propoñéndolles pasar dúas horiñas na nosa compaña, con música galega, con entrevistase participacións interesantes. Despois de escoitar ás MALVELAS, coa súa peza titulada "Trubisqueira", Conectamos con Galicia e falamos, como ven sendo habitual nesta tempada, con XOSÉ LAMELA, o noso correspondente na Baixa Limia.

Un ano máis, despois do fallo da celebración do 25 Certame de Poesía "Rosalía de Castro", da Asociación Cultural Galega do mesmo nome, en Cornellà, tentamos conectar cos premiados e comezamos chamando a ISRAEL MARTÍNEZ VEIGA, en Santiago de Compostela, para felicitalo. Falamos con el e despedímolo escoitando a declamación do poema polo que foi premiado.

A seguir escoitamos outra peza de música, do novo disco de "Berrogüetto", que nos enviaron en primicia para todos vosoutros. O disco titúlase: "O Pulso da Terra", que ven acompañado dun DVD e dun libriño editado por Galaxia e escrito polo periodista Fernando Neira. E con esta peza dámoslle a ben-vida a ELENA NICONOROVA-PETROVA, de ULYÁNOVSK moi interesada coa nosa tradición musical. Curiosa entrevista cunha persoa tan lonxana da nosa Terra pero moi relacionada coas "nosas cousas".

Na segunda hora voltamos a conectar con Galicia, con XULIO SIMÓN, o noso correspondente das "Rías Biaxas", que continúa dándonos cumpridas informacións seleccionadas e con el aprendemos novas cousas que teñen moito a ver coa nosa cultura e coas Letras e moi especialmente coa poesía.

E para rematar, falamos con PACO RIBAS, o noso poeta da Mariña Lucense, que tiñamos algo abandonado, por mor doutros asuntos que nos desconectaron da súa asídua participación e colaboración desinteresada de cada semana. Retomamos a conexión e escoitamos, coma sempre e para finalizr o programa, algunhas das súas creacións poéticas coas que sempre nos agasalla a todos.

Desexamos poder volatar a contar coa vosa atención a vindeira semana. Voltaremos a facer un programiña xeitoso, alomenos coma o de hoxe, ou mellor, se podemos.

O programa do día 26 de NOVEMBRO de 2011

2011-11-28T15:45:00.000-08:00

Despois dunhos breves días de descanso e compromisos cumpridos, voltamos novamente para estar outra vez con tódolos nosos seguidores, oíntes e amigos. Comezamos adiantándolles que teremos algunhas novidades moi interesantes e algunha delas "Primicia" no que se refire á musica galega. Recibimos o libro de BERROGÜETTO : O Pulso da Terra; unha biografía de Fernando Neira. Temos que agradecerlle este agasallo a Beatriz R.Fontán, que nolo envióu a semana pasada. Precisamente con el comezamos a nosa emisión. Tamén queremos falar con algunha das persoas que compoñen o xurado do Certame de Poesía "Rosalía de Castro" de Cornellà, conectaremos con Galicia para falarmos co noso correspondente Xosé, na Baixa Limia. Dedicarémoslle uns minutiños a Berrogüetto (seguro que falaremos con algún dos seus compoñentes, a´si nolo prometeu Bea) e tentaremos falar tamén con Xurxo M.G. que ven de publicar un libriño moi interesante, sobre a figura de Luís Soto, Todo elo adubiado con música e novidades que nos chegan á redacción.

Precisamente a nosa primeira conversa é con PURA SALCEDA, que despois da introducción pásanos a Miguel Anxo Fernán Bello, Presidente do Xurado de este ano.

De seguido conectamos con Suíza, que é onde se atopa o grupo Berrogüetto, e falamos con Isaac, que está subindo ao avión que os transporte de retorno a Galicia, despois do concerto que fixeron aló. Agradecémoslle a súa disposición, e aínda que tan só foron uns minutiños quedamos encantados coa súa participación e prometémonos conectármonos noutra ocasión con máis calma e menos comprometedora.

A seguir, comunicámonos con Galicia, coa Baixa Limia, e falamos con Xosé. A nosa conversa-tertulia, desta hecha xira ao redor do 25 aniversario deste premio poético Rosalía de Castro. A verdade é que paga a pena relembrar a importancia deste evento que a nivel mundial coidamos que é único...

Facemos un pequeno percorrido polas diferentes noticias e novidades que nos chegan á Redacción e comentamos un bocadiño alguna delas. Nesta ocasión non poderemos conectar con Xulio Simón, que tiña un compromiso xa pactado para estas datas no Cebreiro. A semana que ven seguro que o voltaremos a ter,

Por último chamamos a Galicia e poñémonos en contacto con XURXO MARTÍNEZ GONZÁLEZ, membro da "Nave das Ideas", pero que hoxe non nos falará da Nave, senón do libro que acaba de publicar recentemente, que é unha biografía moi pormenorizada de Luís Soto:A xeira pola unidade galega. Agradecémoslle a súa colaboración, felicitámolo e desexámoslle moitos éxitos.

E despedimos o programa ata o vindeiro sábado que tentaremos facerlles pasar dúas horiñas agradables e entretidos, con música, novidades, actividades e a participación dos nosos colaboradores habituais.

Programa do 19 de novembro do 2011

2011-11-28T08:48:00.000-08:00

ARMANDO nos estudios de Radio Cornellà

A dirección do programa de hoxe corre a cargo de ARMANDO FERNÁNDEZ, un vello amigo e colaborador desta nosa emisión e que xa leva moitos anos "facendo Radio Galega en Cataluña", quizáis moitos máis anos ca nos, en "Radio Florida". Dirixe o programa "A Nosa Galiza", nesa emisora de Hospitalet. Actualmente están á espera de que se volva a poñer en marcha toda a maquinaria para seguir emitindo ese programiña, que se non estamos mal informados, comezou sendo dirixido por "Paquita".

Centrándonos no programa de hoxe, comeza conectando con Galicia, concretamente coa Baixa Limia, para falar con XOSÉ LAMELA, como cada semana.

A segunda intervención, coincidindo coa segunda hora do progama é a comunicación con XULIO SIMÓN, que ofrece a tódolos oíntes unha boa escolla de cultura galega.

A seguires conecta con ALFREDO GONZÁLEZ VILELA, outro grande colaborador, poeta, música e compositor que da a coñecer unha novidade interesante para todos aqueles que desexen manifestar as súas cualidades artísticas. Tódolos cuartos domingos de cada mes, baixo a súa dirección e co patrocinio da Asociacion AGARIMOS, de Badalona, faráse un acto músico-poético-creativo nos locais desta Asociación.

Remata o programa escoitando unha peza máis de música galega, escollida para despedir e desexar que volvan a conectarse para escoitarnos e enviarnos a vosas suxerencias, a vindeira semana.

Programa do día 12 de novembro do 2011

2011-11-13T14:17:00.000-08:00

Nesta ocasión temos a compañía de ARMANDO no estudio. Saudamos a tódolos nosos seguidores desexando que pasen dúas horiñas connosco moi agradables, con novidades, comunicacións e música galega. Despois de escoitar a primeira peza conectamos directamente coa Baixa Limia, o noso amigo XOSÉ LAMELA , preséntanos a XAN CARLOS, o responsable de ADEGA-OURENSE, con quen mantemos unha conversa moi interesante sobre algunhas cousas relacionadas co encoro de "As Conchas", nos concellos de Bande e Muiños, así como na comarca que comprende dende a Lagoa de Antela ata ese encoro.

Na segunda hora conversamos con ALFONSO RICO, Presidente da Asociación Cultural Galega Rosalía de Castro, que nos pon ao corrente das Actividades que están a realizar e convida a tódolos socios e simpatizantes que pasen a apuntarse para o día 26 d enovembro que se celebrará a CEA de Irmandade na que se darán a coñecer os premiados no "25 Concurso de Poesía Rosalía de Castro e VIII Premio de Narrativa Rosa Reboredo".

De seguido falamos novamente con Galicia, concretamente con XULIO SIMÓN, que o rescatamos da celebración do seu correspondente Magosto. A verdade é que sempre nos sorprende con algunha cousa curiosa e interesante relacionada coa nosa Cultura.

Facemos unha excepción moi particular no programa de hoxe e comunicámonos con JOAQUIN PARRA, un personaxe moi interesante e importante relacionado coa Viticultura. Coido que asuntos de tanto interese serven para coñecermos mellor a nosa riqueza vitivinícola e apreciala cada día algo máis.

Rematamos este noso programiña de hoxe desexando que volvan a conectarse con nosoutros a vindeira semana. Eu non poderei estar presente, pero temos garantizado a emisión do mesmo, xa que ARMANDO encargarase de levalo adiante, e posiblemente o noso colaborador Serxio Seoane tamén acudirá para facer algo máis amena a emisión.

Programa 5 NOVEMBRO 2011

2011-11-07T11:51:00.000-08:00

Encetamos anunciando as conexións que faremos esta semana, así como algunhas das informacións e novidades que nos chegaron á Redacción. Principiamos falando con XOSÉ LAMELA, que nos presenta a MANUEL RIVERO PÉREZ, co que conversamos e mantemos unha tertulia moi amena.

Na seguinte chamada telefónica conectamos con LUÍS, da Asociación Cotomanguelo , que nos fala das Xornadas Micolóxicas que teñen previsto realizar a vindeira semana en Orazo (A Estrada) Pontevedra. Agradecémoslle a súa participación e información polo miúdo das Actividades organizadas.

Para rematar o programa de hoxe poñémonos en contacto con Xulio Simón, que nos presenta ao convidado especial desta semana: Antonio Ferrer Moreira, que nos fala da súa loita e traballo a prol do noso idioma. Podemos atopalo no seu blog: blogoteca.com/galefas. Coordinados por Xulio, mantivemos unha conversa moi interesante falando da "pancarta das discordias" : Traballamos por un ensino público de calidade.

Seguro que esto servirá de semente para que axude a inzar unha morea de concencias en favor do noso idioma.

Que pasedes unha semana moi gorentosa. Agardamos poder contar convosco outra vez máis, o vindeiro sábado.

Emisión do día 29 de OUTUBRO 2011

2011-10-31T12:21:00.000-07:00

Unha nova emisión do noso programiña para tódolos oíntes e simpatizantes. Comezamos ofrecéndolles unha nova proposta de música proposta para a sintonía do voso-noso programa. Seguro que no día de hoxe chegarán unha morea de votacións e propostas, alomenos eso é o que agardamos, sabendo que temos en xogo nada menos que dous agasallos interesantes: dous reloxos da marca Adolfo Domínguez, un para a música elixida e outro para a finalista. Comunicámonos con José Antonio Dacuña -Queixos do Xurés-, o responsable desa explotación tan importante e interesante da Baixa Limia. Xunto con Xosé Lamela, mantemos unha conversa-tertulia falando das bondades e melloras que aporta esa introducción da Cabra nas montañas do Xurés.

A seguinte comunicación é con Julio López Mouriño, Director do Campo de Traballo Internacional da Asociación Castaño e Nogal, con quen mantemos unha agradable conversa-entrevista falando das novidades que ofrece esta Asociación: Hoxe mesmo unha Conferencia da Sra.Helena Villar Janeiro, Presidenta da Fundación Roslía de Castro (moi amiga do noso programa, por certo), a posibilidade de poder percorrer o Sendeiro restaurado e perfectamente sinalizado de Quitá-Río Donsal, xunto co disfrute das festas e acontecementos que celebran nas aldeas e recunchos que se percorren: Os Magostos, os choupíns... etcétera. Unha excelente elección para esta fin de semana longa.

Na segunda hora poñémonos en contacto, novamente, como cada semana, con Xulio Simón, que nos deleita coa súa crónica cultural, nesta ocasión dende Vilalba (Lugo), camiño da ría do Barqueiro en Viveiro. Tamén comentamos algunha que outra novidade da actualidade e remata a súa intervención co relato e Lenda do Lobisome ROMASANTA.

Para rematar a programación de hoxe, conectamos coa "Asociación Cultural Galega ROSALÍA de CASTRO", concretamente con Antonio Díaz-Vicepresidente da Entidade, que convida a tódolos socios e simpatizantes a que pasen pola rúa Federico Soler, nº 71, para que disfruten do Magosto que comezará a partir das 20 horas e rematará con música en directo para tódolos asistentes. Con esta festa comezan as "Xornadas Culturais" da Asociación, que continuarán con outras actividades próximas a celebrar, como son: A Excursión ao Pirineo Andorrano, os días 5 e 6 de novembro, a Asemblea Xeral Informativa, o día 12 de novembro, Os Certames Literarios : de Poesía Rosalía de Castro e Narrativa Rosa Reboredo, que rematan coa Cea de Irmandade para o día 29 de novembro, e anima a tódolos que o desexen para que pasen pola Entidade para facer a reserva correspondente, xa que as prazas para asistencia son limitadas.

Desexamos que a vindeira semana volvan a conectar con nosoutros. e faremos público os gañadores dos reloxos prometidos, así como xa comezaremos a nosa emisión coa nova sintonía do programa.

22 de OUTUBRO 2011

2011-10-24T03:36:00.000-07:00

Comezamos coa entrega dunha nova proposta para poñer como sintonía da nosa emisión. Dámoslle a benvida a tódolos nosos escoitantes e seguidores e propoñémonos realizar unha emisión máis con novidades, comunicacións e conexións interesantes para todos.

A primeira das conexións precisamente é con XOSÉ LAMELA, que dende a Baixa Limia, proponnos achegarnos á figura de LUZIA TEIXEIRA FERREIRA (LUCY BREAM), unha "talentosa artística plástica Terrabourense". Desexamos falar con ela pero as tecnoloxías telefónicas parece que se alían en contra de nós e non somos capaces de comunicármonos con ela, aínda que Xosé fainos unha achega da súa figura e da exposición tan interesante que el memo pudio presenciar o venres pasado precisamente en Terras de Bouro. Tentarémolo noutra ocasión e coñeceremos algo máis da súa traxectoria artística.

Dámoslle a ben-vida a XOSÉ ROIS FROJÁN, un "mariño aventureiro" que nos visita e trainos como agasallo o seu recente libriño poemario "Anaquiños de min", que ven de presentar precisamente na Irmandade Galega O NOSO LAR de Terrassa. Lenos un poemiña da súa creación.

A seguinte comunicación é con don ALFONSO RICO, Presidente da Asociación Cultural Galega "ROSALÍA DE CASTRO", que nos pon ao corrente dos acontecementos relacionados coa Entidade, da visita, a semana pasada a Ginebra (coa Banda Xuntanza), da vindeira celebración do MAGOSTO, o día 29 de outubro próximo, da excursión a Andorra, da Semana Cultural coa celebración do fallo e Premios de Poesía e Narrativa... ectcétera. Convida a tódolos socios e simpatizantes a participaren.

Rematamos o programa conectando coa Mariña Lucense, e falamos con PACO RIVAS, quen nos despide con dúas das súas creacións poéticas para desexarnos a todos unha semana feiticeira.

3ª Programa da tempada 2011-12

2011-10-16T09:34:00.000-07:00

15 de outubro do 2011

Comezamos unha nova emisión dándolles a ben-vida a tódolos nosos seguidores e convidándoos a escoitar unha proposta para elixir como nova sintonía do programa. Seguramente moitos "arraianos" sentiránse identificados con esa melodía, pero non queremos influír na vosa decisión (que lembramos faremos o día 29 deste mes de outubro), así tan só a damos a coñecer e despois xa veremos cómo queda nas votacións ou decisións de todos os que participedes. Xa sabedes que entre tódolos que enviástedes algunha suxerencia faremos un sorteo e agasallarémosvos cun reloxio da marca Aldolfo Domínguez, e outro para aquela melodía que saia elixida finalmente.

A nosa primeira comunicación é con Xesús Vizcaia, Presidente de ACIVI (Asociación de Comerciantes e Industriais de Viana do Bolo), para preguntarlle polo evento que se está a celebrar nesa vila ourensana: A "VII Festa do bullote e do choupín". Xa tivemos unha pequena conversa hai dúas semanas, pero hoxe queremos que nos dea informacións, en primicia, do que está a suceder.

Coral Polifónica "A CANDEA"- Viana do Bolo

A seguir temos a honra e o privilexio de comunicármonos, en primicia, con María Jesús, Presidenta e unha componente máis da Asociación Coral Polifónica "A CANDEA" de Viana do Bolo, que viñeron a Cataluña, como representantes de Galicia, para actuaren en diversos lugares, como "Lloret de Mar", no "Pueblo Español" de Barcelona e rematan as súas actuacións e interpretacións mañá no Auditorio de Girona, xunto con 14 Corais Internacionais. Agradecémoslle que tivera a deferencia de facernos partícipes de tales acontecementos e felicitámolos polo seu labor e traballo, desexándolles moitos éxitos nas súas intervencións. Ogallá que en vindeiras ocasións teñamos a oportunidade de disfrutar en directo das súas cancións, se voltan outra vez a Barcelona.

Na segunda hora comunicámonos con Galicia para falarmos, como cada semana, con Xulio Simón, o noso correspondente dende as Rías Baixas. Ten unha serie de informacións e comentarios moi axeitados sobre da actualidade cultural que está a suceder no seu entorno e sempre nos agasalla con algunha que outra lectura escollida moi interesante e enriquecedora para todos.

Unha pequena escolla de noticias varias e informacións relacionadas coa Cultura Galega e damos a coñecer diversas actividades previstas realizar pola Asociacón Cultural Galega Rosalía de Castro, para próximas datas: 29 de outubro Festa do Magosto, 5 e 6 de novembro Excursión ao Pirineo Andorrano, 12 de novembro: Asemblea Xeral da Entidade, 26 de novembro Certames Literarios... e seguen a celebrarse as clases de Gaita, Danza, Bailes de Salón... etcétera.

Poñémonos en contacto con Juan, o Presidente de Agarimos de Badalona, que nos fala da próxima Feira do Polbo de mañá e doutra interesante actividade da Asociación, moi arraigada entre os socios, posto que xa levan 14 anos facéndoa; trátase da Festa da Empanadaa, consistente na mostra-concurso de empanadas cociñadas polos socios da Entidade, para os que teñen previsto entregar dous premios: Un á Mellor Presentación e outro á Máis Saborosa e Gustosa. Tamén haberá Premios para os Roscóns tradicionais galegos. Haberá un Xurado (composto por persoas relacionadas coa gastronomía e restauración- un cociñeiro, un restaurador e "un larpeiro") que emitirá o fallo deses Premios.

No final da emisión comunicámonos con Paco Rivas, que dende a Mariña Lucense coméntanos algunha que outra cousa interesante e axúdanos a despedírmonos dos nosos oíntes-seguidores.

Voltamos a desexarlles que pasen unha feliz semana e convidámolos a que voltan a sintonizarnos o vindeiro sábado á mesma hora.

8 de outubro do 2011

2011-10-09T13:09:00.000-07:00

Segundo Programa da Tempada 2011 - 2012

Comezamos este segundo programa dándolles a "Ben-vida" a todos aqueles que nos seguen e adiantándolles aquelo que tentamos levar adiante nestas dúas horiñas de radio, en galego, para todos vostedes. Insertamos a primeira peza de música que nos propoñen para sintonía. É do grupo Kerkenai, titulada Quercus, e que propúxoa un seguinte-oínte, concretamen Suso dende Mérida. Agradecémoslle-lo e desexamos que nos sigan enviando as súas suxerencias para podermos elexir a que máis lles guste no vindeiro programa do día 29 de outubro. Seguidamente conectamos con Galicia, concretamente coa "Baixa Limia", como xa prometiamos a semana pasada, e temos en antena a Xosé Lamela, que nos propón falarmos do Medio Ambiente, e tentamos poñernos en comunicación con José Benito Reza. Por moito que o intentamos non nos foi posible, así que deixámolo para outra ocasión na que as tecnoloxías no-lo permitan.

Seguimos co noso programiña e recibimos no noso estudio a Alfredo González Vilela, que ven acompañado de don Antonio Álvarez González, que é Vicepresidente e Letrado Asesor da Asociación Castaño e Nogal (para o impulso do desenrolo Rural e Medioambiental), de Quintá de Cancelada en Becerreá (Lugo). A verdade é que a conversa que mantivemos con eles foi todo un descubrimento e un ofrecemento do moito e moi bo que están a facer nesta Asociación. Seguro que todos aqueles que desexen facer o percorrido polo sendeiro que eles puxeron en valor disfrutarán. Ogallá houbera moitas máis asociacións deste tipo na nosa Galicia. Outro galo nos cantaría se esto se espallara polo noso rural.

Na segunda hora poñémonos en contacto con Xulio Simón, o noso correspondente das Rías Baixas, pero que nesta ocasión atópase na cidade de Lugo para asistir ás festas do San Frolián, e dende a capital fainos o seu percorrido escollido literario-cultural e semanal, co que nos ilustra a tódolos oíntes. Agradecémoslle-lo e desexamos voltar a conectar con el a vindeira semana.

No remate da nosa emisión recibimos a visita de LÍA, que ven acompañada do noso colaborador e compañeiro de emisión SERXIO SEOANE, que aproveita para saudarnos e mandarlle unha aperta moi especial a tódolos oíntes e seguidores do programa.

Nesta ocasión non tivemos tempo de poder conectar con Paco Rivas, o noso poeta da Mariña Lucense, pero emplazámolos para a vindeira semana que seguro teremos máis tempo e tentaremos manter unha conversa algo máis distendida con el e con algún que outro convidado máis.

Que pasen unha semana saudosa.

Emisión 1º outubro 2011

2011-10-04T11:10:00.000-07:00

Despois da salutación correspondente comezamos o noso programa convidándovos a que participedes con nosoutros na "elección" da música da sintonía da nosa emisión. Coidamos poder decidila o vindeiro sábado 29 deste mesmo mes. Ogallá que teñamos un consenso abondoso e fiquemos todos satisfeitos. Tamén anunciamos unha serie de "pequenas novidades" que incorporamos á nosa retransmisión semanal, e para as que contamos coa vosa aprobación. Tamén admitimos as vosas suxerencias. E seguiremos coas mesmas ganas, ilusión e desexos de poder compracervos en todo aquelo que nos indiquedes.

De primeiras conectamos con Galicia, con Narsés - de Babel de Sons, o responsable da coordinación dunha morea de actividades que se están a realizar na cidade de Ferrol. Unha cativa conversa que nos pon ao corrente das moitas actividades propostas para "Os Barrios", en FERROL.

Conectamos agora con Galicia novamente para falarmos con ROCÍO BARJA CAMPOS, unha poetisa de Santa Leocadia, en Castro de Rei (Lugo), quen nos envióu, por medio de Emilio Luís, a súa primeira publicación en forma de libro de poesía titulado "Detalles de poesía", e coa que mantemos unha conversa moi agradable e agasállanos coa lectura dunha das súas creacións.

Deseguido conectamos con Xesús Vizcaia, Presidente da Asociación de Empresarios de Viana do Bolo (ACIVI) que nos pon ao corente da próxima celebración da "VII Festa do Bullote e o Choupín", prevista para os días 15 e 16 de outubro. Cando estabamos no mellor da conversa cortóusenos a comunicación. Tentaremos voltar a falar con el a vindeira semana.

Falamos agora con Xosé Lamela e con Xulio Simón, cos que nos comprometemos a manter as correspondentes e asíduas comunicacións semanais para que nos informen e nos teñan ao corrente das cousas que suceden na nosa Galicia.

Con Antonio Díaz, mantemos unha pequena conversa para que nos informe das actividades e novidades que teñen previstas dende a Asociación Cultural Galega Rosalía de Castro.

E por ultimo novamente conectamos con Galicia, e nesta ocasión coa Mariña Lucense, dende donde nos fala o noso amigo poeta Paco Rivas, quen segue a colaborar con nosoutros e agasállanos, unha vez máis, cun poemiña da súa autoría.

Así rematamos o noso 1º Programa da TEMPADA 2011-12, desexando que volvan a conectarnos a vindeira semana á mesma hora de sempre: de 6 a 8 do serán.

1 de OUTUBRO : 1º Programa TAMPADA 2011-12

2011-10-03T13:41:00.000-07:00

Comezamos unha nova tempada. Un ano máis, e xa van 25, Sempre en Galicia quere ser partícipe das inquedanzas de todos. Desexamos continuar na mesma liña de traballo coa que se encetou esta tarefa. E para animarvos a participar nesta teima, estas son algunhas propostas.

.- En primeiro lugar queremos mudar de sintonía e desexamos que vostedes mesmos sexan os que elixan a música de comezo e sintonía que identificará a nosa emisión. Así pois xa poden enviarnos as súas suxerencias ao noso correo: semprengalicia@gmail.com ou chamar ao teléfono da emisora: 933778200, ou mandar un comentario á nosa páxina http://semprengalicia.blogspot.com/. Decidirémolo, conxuntamente con todos vostedes, o día 22 de outubro, así que teñen tempo dabondo para enviarnos as súas propostas. Aquela proposta que saia gañadora recibirá como agasallo un reloxio marca Adolfo Domínguez, que temos reservado do sorteo que fixemos con motivo do aniversario pasado.

.- En segundo lugar, e como novidade, incorporaremos á nosa emisión a Xosé Lamela, o anterior director deste programa, que nos axudará a levar a nova sección que chamaremos tertulia-entrevista-conversa cun convidado dende Galicia. Tamén agardamos as suxerencias e propostas de todos vostedes, aprezados oíntes.

.- En terceiro lugar, aínda que esta non é novidade, tentaremos ofrecerlles tódalas novidades musicais que se vaian publicando en Galicia. Para eso teremos a colaboración e participación desinteresada, coma sempre, de Serxio Seoane.

.- E por último, como en edicións anteriores, comunicarémonos con Xulio Simón que nos fará a súa crónica dende Combarro (capital das Rías Baixas, para nosoutros). Tamén contaremos coa participación e colaboración de Paco Rivas, o noso poeta da Mariña Lucense, que dende as Rías Altas farános disfrutar das súas creacións e de seguro que tamén nos deleitará con algún que outro relato dos seus.

Non esqueceremos o relatorio de actividades e acontecementos que se vaian sucedendo na nosa Asociación Cultural Galega Rosalía de Castro, seguiremos a informarlles das novidades que nos vaian chegando á nosa Redacción e darémoslle cumprida información, como resumo, de todo o acontecido na semana e adiantarémoslles aquelas noticias que teñamos.

Todo esto farémolo este humilde equipo que esta formado por Marc FORT, responsable técnico, Antonio Díaz, director da revista Lúa Nova, Serxio Seoane xerente de “Serxio Folk.Produccións” e quen lles fala, Xulio Couxil, ao seu servicio para o que desexen comunicarnos ou suxerirnos. O noso compango, coma sempre, será a música galega que temos na biblioteca, como esta que agora mesmo lles convidamos a escoitar.

18 de xuño

2011-06-22T01:27:00.000-07:00

Ultimo programa da Tempada 2010/11.

Comezamos, como cada fin de semana, saudando e dando a benvida a tódolos que nos sintonizan e seguen pola Internet. A primeira intervención é para propoñerlles que escoiten o tema 11 “Fendendo Achas” do primeiro disco de TALABARTE. E damos lectura a algunhas das noticias que comentaremos na edición de hoxe.

Seguidamente poñémonos en contacto con don ALFONSO RICO, o Presidente da A.C.G.Rosalía de Castro, para convidarnos a asistir á “31 FESTA GALEGA en CAN MERCADER”, os días 23, 24, 25 e 26 de xuño. Poderán asistir a moitos e diversos espectáculos, así como tamén disfrutar coa degustación de moitos productos galegos de calidade que alí se ofrecen.

Conectamos con Xosé, un dos responsables do Restaurante “Os Galegos” de Granollers, que nos pon ao corrente da próxima “Festa Galega” que eles mesmos se encargaron de poñer en marcha e que se celebrará na cidade de Granollers o sábado día 17 de setembro. É a primeira vez que se fai este evento, unha experiencia moi nova xa que nesa localidade non existe ningún Centro Galego. Teñen todo moi ben organizado e contan poder ofrecer unha mosta da Cultura Galega moi digna e seguro que terá moito éxito, xa que a súa oferta gastronómica é moi abondosa e teñen moita experiencia nese eido. A mostra folclórica está garantizada, a música dunha orquestra de renome amenizará a Praza Porticada da vila, a degustación de polbo, lacón, cachelos, pan, viño con denominación de orixe… ectécetra tamén; tan só falta a asistencia de todos aqueles de sexen disfrutar dunha fin de semana gorentosa achegándonos a Granollers. Agradecémoslle a Xosé a súa participación e información detallada , e desexámoslles moitos éxitos.

Conectamos con Galicia, Combarro, onde se atopa Xulio Simón, que nos ten preparada a súa intervención para falarnos da celebración do día de Colón que están a realizar nesa localidade. Escoitamos con interese as cousas que nos ten preparadas.

Falamos con Xosé Carlos García, responsable de Cultura da A.C.G.Rosalía de Castro. Fálanos dos actos previstos en Can Mercader, e adiantanos parte do programa “semi-reservado” que nos falara o Presidente, Cea especial de hirmandade o sábado 25, con entrega de recoñecementos e premios a diversas personalidades relacionadas coa nosa Cultura: Responsables do programa “Sempre en Galicia” ; Luís Bahamonde Polo, Presidente do xornal Galicia en el Mundo; Amarelo de Castro - ex Secretario Xeral de Emigración -; Ferrán Bello - ex Director Xeral de Centres de Cultura de Catalunya -; Manolo Valdés - Director de Radio Tele Taxi -; Molt Honorable José Montilla - Ex President de la Generalitat.

Rematamos esta temporada 2010/11 con música galega. Sigan escoitando e sintonizando Radio Cornellà que pronto voltaremos a inaugurar o novo curso 2011/12, para ofrecerlles todo aquelo que sexa do seu interese. ¡Que pasen unhas BOAS VACACIÓNS e un Bo VERÁN!!! !!! !!! !!!

11 de xuño do 2011

2011-06-14T09:19:00.000-07:00

Este sábado comezamos escoitando unha "primicia" musical que nos enviaron os de LIORNA, despois seguimos con RIOBO ( Begoña Riobó, recoñecida violinista do panorama folk galego, sérvelle de nome á formación que lidera e mais ao primeiro disco da mesma. Riobó chega ás tendas da man de Zouma Records, e recupera melodías tradicionais con arranxos actuais dentro do estilo presentando 10 temas neste traballo. Para alén de Begoña, o grupo conta con Fernando Barroso (guitarra), Marcos Campos (gaita, acordeón e flautas), Xosé Liz (bouzouki), e Fernando Pérez (flautas e requinta). Begoña Riobó ten acompañado cos seus violíns de xeito habitual músicos como Carlos Núñez, Susana Seivane ou Anxo Lorenzo entre outros). Este disco enviónolo o noso colaborador SERXIO SEOANE, a quen lle mandamos a nosa máis sinceira salutación e gratitude pola súa aportación, xa que nos fai chegar moitas novidades relacionadas coa nosa música.

Dámoslle información das novidades que chegan á nosa Redacción e facemos un percorrido pola vida e obras de LOIS PEREIRO, a quen lle adican as LETRAS GALEGAS este ano. Tentamos facer un pequeno achegamento á súa obra e aproveitamos para dar lectura a algúns dos seus poemas.

Visítanos nos estudios, o Presidente da A.C.G.ROSALÍA DE CASTRO, don ALFONSO RICO, que ven a estar con nosoutros para comentar os Actos previstos realizar os días 23, 24, 25 e 26 de xuño en Can Mercader. A Festa Galega anual, que este ano coincide coa "Verbena de San Xoan" e coa FESTA MAJOR de Cornellà. Agardamos que tódolos nosos simpatizantes, amigos, e seguidores poidan disfrutar deses catro días de festa propostos.

A continuación comunicámonos con XOSÉ LAMELA, moi prezado colaborador que se atopa en Galicia, concretamente na Baixa Limia, a quen tentamos comprometer para que nos faga de correspondente dende a súa localidade, para tódolos nosos oíntes.Aproveita o noso Presidente, Sr. Rico, para convídalo aos actos da festividade que se realizarán a vindeira fin de semana do 23 ao 26 de xuño.

Deseguida mantemos unha pequena conversa-entrevista con FABIENNE, responsable da QUINTA DAS DELICIAS, en Portugal, concretamente en Santiaguinho-San Vicente de Lafoes, no Municipio de Oliveira de Frades. Indícanos que teñen varias ofertas de estancia para todos aqueles que desexen pasar uns días de lecer e descanso na súa Hospedaría. Seguro que terán unha estancia moi gorentosa, non só pola atención amable, familiar e de confianza que alí disfrutarán, senón tamén pola súa oferta moi asequible en prezo así como pola cocinha portuguesa e outras moitas variedades.

Terminamos o programiña de hoxe coa conversa que mantemos co Sr.Alcalde de Boimorto, don JOSE IGNACIO PORTOS VÁZQUEZ. Prométenos asistir tamén á Festa Galega en Can Mercader para saudar aos galegos que alí se concentren e tamén a algúns dos seus veciños que se acheguen ao Parque, xa que son varias as familias que procedentes de Boimorto que emigraron hai tempo a Cataluña.

Despedímonos cunha peza de música, como é habitual na nosa andaina e prometémoslle voltar a vindeira semana con máis novidades e con máis música da nosa. Será o último programa desta tempada 2010-2011, polo tanto pensamos facer un especial adicado a tódolos nosos seguidores, en especial aos internautas e "facebokeiros", que sempre nos envían as súas suxerencias e "chatean" con nosoutros.

¡Graciñas! e ata a vindeira semana.

SABADO día 4 de xuño do 2011

2011-06-10T08:54:00.000-07:00

Nesta fin de semana tivemos a ocasión de facer un programa un pouco máis entretido e comentado, gracias á participación de varios colaboradores. No comezo anunciamos as diferentes seccións que tiñamos previsto realizar: Noticias e Informacións diversas, chegadas á nosa Redacción, Comunicación-Conversa con SERXIO Seoane, chamamos a Xulio Simón, e tentamos conversar con Juan Manuel, o encargado de levar adiante o Restaurante "Sanatorio Monte Aloia" en Vigo.

Así pois, despois da lectura dalgunhas novidades, conectamos con SERXIO SEOANE para que nos falara dos diferentes proxectos nos que está a traballar e das súas colaboracións e propostas para este verán, tal como a realización do concerto que fará Anxo Lorenzo en Castellón, a Festa Galega que se realizará en Granollers no mes de setembro, o envío que nos fixo do ultimo traballo de RIOBO, e que pronto teremos no noso programa para que os nosos oíntes poidan escoitalo...

A seguinte comunicación é con XULIO SIMÓN, como cada semana, para que nos fale da súa escolla especial. Fálanos dun achádego interesante sobre os textos máis antigos que se conservan de Eduardo Pondal, relacionados co "Banquete de Conxo"...

Conversamos agora con MANOLO VÁZQUEZ, Presidente do Centro Galego NÓS de Sabadell, para que nos informe das diferentes actividades e da Festa 21 edición "Galicia Avui-Galicia Hoxe", iniciouse co Pregón oficial de José Santamaría do Diari de Sabadell, e que veñen realizando cada ano no Parc Europa desa cidade. Agradecémoslle a súa participación no noso programa

Na parte final do noso programa poñemonos en contacto con JUAN MANUEL, reponsable do Restaurante "Sanatorio MONTE ALBA" de Vigo, que nos informa sobre as especialidades que sirve no seu local e convida aos nosos oíntes para que o visiten e poidan disfrutar das fermosas vistas das Illas Cíes, das rías de Vigo, Pontevedra e Arousa, que se poden contemplar dende as súas intalacións, ao tempo que se pode degustar o "peixe fresco" que sirven nese Restaurante que antes rexentaba dona Mabel, e que agasallou cunha degustación gratuita aos que participaron no "Sorteo do 24 aniversario da nosa emisión". Agradecémoslle a súa participación. Nun próximo programa tentaremos manter unha conversa con máis ampla.

A vindeira semana voltaremos estar aquí, con todos vosoutros, para tentar facer un programa entretido e que sexa do interese de todos vosoutros. Agardámosvos e desexamos a vosa participación.

PROGRAMA do sábado 21 de maio

2011-05-22T00:14:00.000-07:00

Comezamos facendo un pequeno avance das nosas pretensións para estas dúas horiñas de radio en galego. Animamos aos nosos seguidores a que se sumen ás nosas propostas de emisión, a pesares da competencia (hoxe xoga o C.D.Málaga contra o C.F.Barça). Teremos na emisión de hoxe, ademais de moitas informacións, conversas con Pilar Carracelas, Rafael Paz e como cada fin de semana con Xulio Simón en Galicia.

Despois do relatorio informativo, no que falamos do "VIII Festival de CANS (Porriño)", da sétima edición de TRABALLANDO EN LINGUA que se celebrará en Carballo, que o filólogo Ramón Lorenzo ben de gañar o Premio Trasalba 2011, de que o Instituto da Lingua celebra o seu 40 aniversario na Facultade de Xeografía e Historia de Santiago, e doutras noticias máis, poñémonos en contacto con PILAR CARRACELAS, que estivo, xunto con David, á fronte deste noso programa perante un tempo e fálanos da súa experiencia como tal. Dámoslle-las gracias pola súa atención.

Chamamos a RAFAEL PAZ FERNÁNDEZ, autor da novela "LA MUJER DE PAPA", chegounos ás nosas mans por mediación de seu irmán Agustín (ex compañeiro do "club da tiza"). Este Teólogo que disfruta do "xubileo" na súa terra de nacenza, fainos un percorrido pola súa novela, debullando con detalle algunhas cousas moi interesantes da "Empresa Igrexa", en torno á cal decorre esta entretida e moi recomendable novela. Seguro que se tivera un tratamento de márketing diferente convertiríase nun "bet-seller", xa que o argumento e o percorrido da mesma fíxosenos moi engaiolante. Agradecémoslle a súa atención e desexamos poder voltar a falar con el nunha vindeira ocasión, aquí, cando veña a presentar a súa obra a Barcelona.

Na segunda hora poñémonos en contacto con XULIO SIMÓN, coma case sempre, e fainos unha síntese dalgunhas das cousas escollidas por el para esta fin de semana, e remata a súa intervención coa lectura dun poema do poeta homenaxeado este ano nas letras Galegas 2011: LOIS PEREIRO.

Desexamos que volvan a conectar con nosoutros na próxima semana, que tentaremos facelo, cando menos, igoal ou mellor.

14 de maio do 2011

2011-05-15T05:24:00.000-07:00

Xulio Costa e Armando, nos estudios

Visita de ARMANDO e XULIO COSTA

Comezamos este novo programa de hoxe coa presenza-visita de Xulio Costa e Armando ao noso estudio. Agradecémoslle a súa participación e falamos con eles de diferentes cousas que suceden no noso entorno. Damos cumprida información da interesante Conferencia que se desenvolverá no "Saló de Cent" do Concello de Barcelona, e que será impartida polo noso amigo XESÚS RÁBADE PAREDES, e que leva por título: "Galicia na voz dos poetas", con lecturas de poemas en galego e catalán de Lois Pereiro, por HELENA VILLAR JANEIRO, MANOEL CARRETE e PURA SALCEDA. Acompañamento musical con zanfona (viola de roda) de Xaime Rivas Dacosta. Tamén damos lectura a algunhas das novidades que nos chegan á nosa redacción, así como convidamos aos nosos oíntes a participaren connosco nesta emisión de hoxe. Se os queredes escoitar premede a continuación:

A segunda parte (por chamala dalgún xeito) empregámola falando doutras cousas relacionadas coa nosa Cultura, coa participación de Lucía Pérez (unha galega que será a representante de España no Festival de Eurovisión deste ano en Dusseldorf-Alemaña) a quen lle desexamos moitos éxitos. Xa é un bo éxito o xeito de participar neste magno festival que, segundo os medios seica será escoitado e contemplado por máis de 150 millóns de persoas. Unha boa publicidade para esta moza galega, que segundo di Armando vai vestida con "moda galega". Xulio proponnos falar con seu sobriño Juan Manuel, encargado do Restaurante "Sanatorio Monte Aloia" en Vigo. Tentámolo, pero non é posible conectar con Galicia. Tampouco contaremos, no día de hoxe, coa participación de Xulio Simón, que se atopa de viaxe. Ademais temos que rematar o programa cunha hora de adianto por mor de que será retransmitido outro partido do "Basquet Cornellà". Desexamos que todo decorra con ben para eses deportistas. Ata a semana que ven, que voltaremos a estar con vostedes.

7 de maio do 2011

2011-05-09T09:10:00.000-07:00

Tareixa Vizcaia

Unha nova edición deste noso programa. Non puidemos comezar co noso horario habitual, posto que tiñan que retransmitir a semifinal da "Copa Catalunyia" de Basquet, na que participaba o C.B.Cornellà, fronte ao C.B.Mataró, e que gañou precisamente o Cornellà. Aproveitamos para felicitalos e tentamos levar adiante este noso programiña. Coidamos que tódolos nosos oíntes-seguidores sentiranse satisfeitos coa proposta desta fin de semana. Daremos lectura a algunhas das informacións que nos chegaron á nosa Redacción e pretendemos falar con TAREIXA VIZCAIA, que xunto con Rober e Fredi, son os responsables do "Taller del Pa" - Artesans - na rúa Galileo, 133 de Barcelona. Aquí tedes a interesante conversa coa nosa amiga Tareixa (por certo, díxonos que podedes enviar as vosas consultas ao enderezo electrónico: eltallerdelpa@gmail.com). Agradecémoslle a súa participación e convidámola para outra ocasión.

A seguinte conversa facémola con Xulio Simón e don LUCIANO SOBRAL, Alcalde de Poio, con quen mantemos unha pequena entrevista. Como o tempo da nosa conversa fíxosenos moi curto, prometémonos voltar a poñernos en contacto en viendeiras ocasións e despedimos o noso programa ata a vindeira semana.

Programa do 30 de abril 2011

2011-05-02T14:17:00.000-07:00

Encetamos este programa especial de celebración dos "25 anos do Sempre en Galicia" co estudio cheo de acompañantes, amigos, colaboradores e antigos Directores deste noso programa, a saber: don Antonio Díaz, Director da revista Lúa Nova e Vicepresidente da A.C.G.Rosalía de Castro; don Jose Manuel Parrado, Regidor Delegado de Acción Comunitaria y Deportes da cidade de Cornellà; don Emilio Luís López e Josefina González, Directores que foron deste programa en épocas anteriores. Dámoslles a ben-vida e comezamos, coma sempre, cunha peza de música tradicional galega.

Deseguida se incorporan á nosa tertulia-charla-coloquio-celebración outras persoas que queren participar connosco desde Aniversario: dona Mireia Navarro, Directora de Radio Cornellà, don Alfonso Rico, Presidente da A.C.G.Rosalía de Castro, dona Amparo Centeno..., e facemos a primeira conexión-comunicación con Galicia, para falarmos con outro colaborador asíduo e moi vinculado con esta nosa Radio: Kike Fernández.

Novamente comunicámonos con Galicia; nesta ocasión para falar co noso colaborador semanal Xulio Simón. Intercambiamos impresións entre todos e saudámolo cordialmente.

Unha sorpresa inesperada e moi gorentosa é a comunicación con Armando Fernández, un dos máis antigos comunicadores de radio en Galego nas emisoras de Cataluña. Foi o primeiro, xunto con Paquita, en Radio Florida - de Hospitalet -, os que puxeron en marcha esta xeira de comunicación en galego. Fálanos dende Padrón, que está coas festas de "A Pascua" e pasamos a ter unha cálida e agarimosa conversa con Masito Beiró, un antigo colaborador moi aprezado por todos nós e moi especialmente pola nosa audiencia. Posiblemente voltemos a retomar as antigas conversas e crónicas que nos facía en tempos atrás.

A ultima conexión é co Sr.Alcalde de Lobios, don Xosé Lamela, que foi anteriormente Director deste programa, e ponnos en contacto con don Domingo Glez Lopo e Xan Leira, Catedrático de Historia e Productor, Realizador, EScritor e Director de Cine, respectivamente, que nos fan unha pequena síntese do que estaban a celebrar na Aula de Cultura dese Concello: A emigración galega desa zona a Lisboa. Un interesantísimo tema que nos prometen traguer aquí, a Cataluña, para un mellor coñecemento e disfrute.

Despedímonos ata a vindeira semana, desexando que volten a escoitarnos, xa que tentaremos de finalizar esta tarefa de "Celebración do noso 25 Aniversario", coa participación doutras personar que pasaron por este programa e seguiremos a agasallar aos nosos oíntes coa entrega dos reloxos que aínda nos queden.

¡¡¡ 25 ANOS de "Sempre en Galicia" !!!

2011-04-30T03:57:00.000-07:00

Este serán teremos un PROGRAMA ESPECIAL adicado aos 25 anos de emisión deste noso programa.

Contaremos coa colaboración da maior parte dos anteriores directores-conductores deste programa de Radio en galego, e teremos comunicacións en directo con GALICIA para falarmos con moitos dos nosos colaboradores e amigos, que fixeron posible que este humilde programa se levara adiante con éxito durante tantos anos.
Seguro que moitos dos nosos ointes-escoitantes e asiduos seguidores desexarán participar, así que temos preparados 25 agasallos para eles. Sortearemos 25 reloxos da marca Adolfo Domínguez, patrocinados polo noso colaborador e amigo do programa: Pedro Pérez, Presidente do GRUPO DUPLEX.
Todos aqueles que nos envíen un correo ao noso blog ou que nos chamen namentres se realiza o programa, participarán no soteo que faremos nun vindeiro programa especial tamén.
E xa que falamos de programa especial, informámosvos de que mañá tamén teremos un apartado especial de participación na "JORDIADA" que ten programada Radio Cornellà, en Can Mercader.

Convidámosvos a todos para que participedes deste fermoso acontecemento.

Programa do 2 de abril do 2011

2011-04-03T02:27:00.000-07:00

Unha nova emisión con todos vosoutros. Comezamos adiantando o que vai ser o programa de hoxe e adiantamos algunhas das noticias e informacións que nos van chegando á nosa Redacción. Informamos da suspensión da Excursión prevista pola Asociación Cultural Galega Rosalía de Castro, debido a certos acomodos de axenda que non se puideron cumplir. Queda aplazada para o mes de maio. Continuamos coas noticias e informamos da entrega do Premio que hoxe recibe Luís Tosar no Festival de Cine de Málaga, de que a Fundación Seoane abre unha mostra de "cabanas creadoras", que o Concello de A Coruña programa unha semana de homenaxe a Cunqueiro...etcétera, e todas esas poucas noticias acompañadas de algunhas pezas de música galega.

A nosa primeira comunicación-conversa é con VERÓNICA, responsable da ASOCIACIÓN CULTURAL MONTE DA ESTRELA, de Arteixo (A Coruña). Unha conversa chea de engado e información moi interesante sobre as Actividades que esta Asociación leva a cabo, con moitísima participación da xente nova da vila e con importantísimas aportacións e colaboracións de personaxes moi representativos da nosa cultura galega. Agradecémoslle que nos dedicara este tempo para comunicarnos esas inquedanzas da Asociación. Precisamente paramos un chisco na vindeira que realizarán o sábado 9 de abril: Rota a pé polos ríos Vilacoba e San Xusto no Concello de Lousame.

Na segunda hora, como cada semana, conectamos con Xulio Simón, para que nos deleite coa súa escolla de informacións e noticias que sempre teñen moito que ver coa Cultura Galega. Para a vindeira semana adiántanos que falaremos con Xurxo Pintos, autor dun interesante libro que ten moito que ver co Cambio Climático e co Medio Ambente.

Para finalizar conectamos coa Mariña Lucense, para sentir as verbas de Paco Ribas e a súa declamación e recitado dalgún dos seus poemas.

Voltaremos a vindeira semana con máis cousas.

21 de marzo 2011

2011-03-28T03:50:00.000-07:00

No programa deste sábado comezamos, coma sempre, coa sintonía de "Cristina Pato", que está a realizar unha xira internacional moi interesante. Facemos mención das nosas intencións de comuinicarnos con Galicia, con outros colaboradores de Maiorca e de Mérida e con Antonio Díaz, recentemente nomeado Vicepresidente da A.C.G.Rosalía de Castro. e continuaremos co noso acostumado percorrido pola música galega de actualidade e cumprindo as demandas dos nosos oíntes. Tamén faremos mención das novidades e noticias que nos van chegando á nosa Redacción, e informaremos das novidades que se van sucedendo no ambente galego en Catalunya...

A primeira comunicación-conversa-tertulia é con NOELIA RODRÍGUEZ, poeta da Baixa Limia que se atopa en Maiorca e SUSO DÍAZ, outro colaborador e radiofonista (La Voz en Espiral de Mérida), tamén da Baixa Limia, e cos que mantemos unha amena conversa tratando varios aspectos da nosa situación galega. Aproveitamos a ocasión para agradecerlles a súa colaboración e solicitámoslle a NOELIA que nos agasalle os ouvidos a tódolos nosos seguidores cunha das súas composicións poéticas. Unha aportación desinteresada que gardaremos na nosa particular "biblioteca-internauta", que poderán escoitar sempre que o desexen.

A seguiinte conversa-entrevista é con XURXO, Presidente do Colectivo: "A Nave das Ideas", radicado en Vigo, e que nos pon ao corrente dalgunha das actividades promovidas por eles, neste caso interesámonos por unhas Conferencias que se desenvolven en torno aos Medios de Comunicación. Propostas e debates que serven para reflexionar e por en valor o emprego do noso idioma, así como a posible posta en marcha dun "XORNAL DIXITAL". Agradecémoslle a súa dedicación e propoñémoslle continuar mantendo o contacto con eles para seguirmos a recibir as informacións que vaian producíndose neste ambente.

Continuamos nesta ultima parte do noso programa e comunicámonos con ANTONIO DÍAZ, o Vicepresidente da A.C.G.Rosalía de Castro, que nos pon ao corrente das ultimas novidades e propostas de actividades que se desenrolarán: A primeira é na vindeira semana, concretamente unha Visita-Excursión dunha fin de semana a Castellón (Vall d'Uxó) e que aínda poden apuntarse tódolos socios que así o desexen, nas oficias da Entidade, denantes do día 1 de abril. Tamén nos informa dos traballos que se están a realizar para levar adiante a Festa Galega de Can Mercader, que este ano coincide coa Verbena de San Xoan, e que agardan terá unha abondosa participación. Fálanos da próxima presentación da Banda de Gaitas composta por máis de 100 gaiteiros e percusionistas pertencentes a Toxos, Casa Galega de Hospitalt e Rosalía de Castro. Entre outras cousas avanza que se pretende facer unha emisión especial do noso programa "Sempre en Galicia" para conmemorar os 25 anos da súa existencia...

Rematamos a programación de hoxe desexando que volvan a sintonizarnos na vindeira semana, que tentaremos facerlle máis amenas e agradables estas dúas horiñas de radio, coas nosas músicas, coas informacións e tódalas cousas do seu interese.

Programa do 12 de marzo do 2011

2011-03-13T14:44:00.000-07:00

Nesta ocasión atendemos a petición dun oínte que na anterior edición nos solicitaba a emisión dunha peza de música do grupo berciano: AIRA DA PEDRA, e compracemos esta peticiòn cunha peza do seu ultimo traballo titulado "be zeta". Agardamos a súa compracencia.

Seguimos coa enumeración das diferentes noticias e informacións que nos chegan á nosa Redacción e deseguida conectamos con Galicia para falarmos concretamente con MANUEL FORMOSO, o gañador do Primeiro premio do ultimo Certame de Poesía da Asociación Cultural Galega "Rosalía de Castro", de Cornellà. En primeiro termo mantemos unha pequena conversa:

Despois declámanos unha das súas creacións poéticas, concretamente a que lle fixo acreedor do 1º Premio do Certame de Poesía que denantes mencianabamos:

Na segunda hora conectamos novamente con Galicia e falamos con Xulio Simón, como cada semana, que nos trae unha selección de noticias escollidas con información puntual de relevancia para todos nós, sempre cheas de engado e moi interesantes.

Rematamos a emisión desta semana, sen a participación poética de Paco Ribas, o noso poeta da Mariña Lucense. Non nos foi posible a nosa comunicación con el, voltaremos a intentalo a vindeira semana e seguro que disfrutaremos das súas creacións.

Desexamos que a vindeira semana volvan a sintonizarnos e participen connosco nesta nosa teima de espallar "as nosas cousas" intercambiando impresións e compartindo inquedanzas.

Emisión do 5 de marzo do 2011

2011-03-06T01:57:00.000-08:00

Estamos de ENTROIDO. A nosa programación de hoxe está algo condicionada pola festividade do Carnaval na cidade de Cornellà e nos arredores. Dende Galicia non poderemos ter as acostumadas conexións e comunicacións debido precisamente a esta coincidencia da festa carnabaleira, pero tentaremos facer dúas horiñas de radio en galego para tódolos nosos seguidores. Comezamos co relatorio das novidades e informacións que nos chegan á Redacción e continuamos a escoitar as ultimas novidades musicais galegas. Prometemolles escoitar xuntos a Cristina Pato e Rosa Cedrón, alomenos algunha interpretación do seu disco SOAS.

A nosa primeira comunicación é coa A.C.G.Rosalía de Castro, concretamente coa sección das "donas", presidida pola Señora Amelia, que tamén é a Directora do Grupo de Teatro "Anduriña", e que nos pon ao corrente das novidades e proposta de actuacións para conmemorar o "día Internacional da dona". Tamén comentamos as actuacións con Conchita, outra das mulleres que nos informa da celebración da Conferencia que será impartida por Nuria Pujol, Historiadora e Periodista, encol de "A muller na cultura celta-galaica". Charlamos con Amparo e con Rosario, que nos completan a información sobre as actividades programadas, e que nos convidan a participar e asistir o día 12 de marzo a partir das 18 horas.

A segunda hora tentamos de levala adiante comunicándolles as novidades e informacións diferentes. E no final do programa conectamos con Galicia, unha vez máis, e falamos con Paco Rivas que nos despide coa declamación de dúas das súas creacións poéticas.

Saudiños para todos e graciñas pola vosa participación. Agardamos poder contar convosco na vindeira emisión.

26 de febreiro do 2011

2011-02-28T03:34:00.000-08:00

Esta semana temos Asemblea na Asociación Cultural Galega "Rosalía de Castro". Xa daremos cumprida información do resultado da mesma na seguinte emisión (o vindeiro día 5 de marzo). Non poderemos conectar con Xulio Simón, por mor de certos compromisos persoais que está a realizar esta fin de semana en Lugo, pero tentaremos levar adiante esta nosa programación entretendo aos nosos "escoitantes" coa escolla da música galega que temos, coa lectura das novidades que nos chegan á redacción e con outras intervencións interesantes.

A primeira conversa-comunicación é con EDUARDO MENDEZ QUINTAS, o Director do Departamento de Arqueoloxía do Instituto de Estudios Miñoranos, que nos fala do traballo que acaban de presentar:

Presentación do proxecto de dixitalización de petróglifos no web do Instituto de Estudos Miñoranos. Presentación do traballo sobre os PETROGLIFOS

Tamén aproveitamos para que nos faga un pequeno percorrido por outras moitas accións que se estan a levar a cabo dende o Instituto de Estudios Miñoranos.

Despois damos lectura a pequenas comunicacións, notificacións e informacións varias.

A seguir, conectamos con ROSA, a responsable de CULTURA do Concello de LOBIOS, que nos adianta os traballos que estan realizando para preparar o Entroido desa zona da Baixa Limia, e que ten un sentido moi especial porque estan a recuperar a antiga lectura e realización dos DISCURSOS, que se facían, en tempos. Lecturas que consistían e poñer "a caldo" (nunca mellor dito) aos principais mandatarios e gobernantes do Concello, así como a calquera outra persoa do pobo. Aproveitaban a ocasión para facer reparto ("partillas") máis ou menos equitativas das diferentes partes do corpo dalgún animal morto na contorna, todo elo con sentido irónico e bromista. Empregando a "retranca galega".

Damos por finalizada a nosa emisión e convidámolos para voltar a "sentírmonos" a vindeira semana.

Emisión do 19 de febreiro do 2011

2011-02-21T15:36:00.000-08:00

Hoxe comezamos coa interpretación dunha peza musical pertencente ao grupo "Aira da Pedra" do Bierzo. Homenaxe particular adicado ás persoas de ASOBECAT, que tiveron a súa particular celebración a pasada fin de semana no Hotel Campus de Bellaterra, co "VIII Festival do Botillo en Barcelona". Agradecementos para eles e felicitacións polo éxito acadado.

A nosa primeira comunicación-entrevista é con DAVID da Asociación Cultural Galega AGARIMOS, de Badalona, que nos pon ao corrente das súas próximas Actividades, e moi específicamente da "Feira do Polbo" que celebran cada 3º domingo de cada mes. Agradecémoslle a súa participación na nosa emisión.

Seguidamente poñémonos en contacto con IRIA, que levaba un tempo sen colaborar na nosa emisión. Aproveitamos para felicitala pola recente publicación do seu libro de poemas: FLORES DA GALVANA, de edicións Espiral Maior. Recítanos unha das súas composicións e falamos un chisquiño con XIAO, que nos promete enviarnos unha das súas interpretacións solistas de percusión (ten sete aniños tan só).

Nesta segunda hora, como cada semana conectamos con Galicia para comunicarnos con XULIO SIMÓN, o noso correspondente semanal e fainos un percorrido cultural con varias propostas interesantes. Agradecémoslle a súa desinteresada, pero moi estimada colaboración para a nosa emisión de radio en galego.

A emisión desta fin de semana acabámola coa lectura de varias informacións e noticias que nos chegan á Redacción, precedida pola música de Moriartymusica, con quen falaremos noutra ocasión. Desexamos poder contar coa vosa participación na vindeira fin de semana. ¡Graciñas por estardes ahí!

Día 5 de febreiro do 2011

2011-02-06T23:43:00.000-08:00

Esta semana comezamos a nosa emisión conectando con JUAN PEDRO SÁNCHEZ, responsable da Asociación de Bercianos en Cataluña ASOBECAT, que nos pon ao corrente do "VIII Festival del Botillo en Barcelona", que se vai a celebrar o día 12 deste mesmo mes. Adiántanos que se lle fará unha homenaxe a don Gustavo Alonso Vega e a un dos Concellos do Bierzo.
">
A segunda comunicación-entrevista é con Xilberte Manso de la Torre,

Xosé Lois Vilar Pedreira -arqueólogo- e Xulio Simón, o noso correspondente dende Galicia, que versa sobre asuntos moi interesantes relacionados coa Serra da Groba, e a Talasonimia daquela zona costeira da mariña pontevedresa de Santa María de Oia e Baiona...
">
Para finaliza-la nosa emisión de hoxe conectamos novamente con Galicia e nesta ocasión falamos con CARLOS ARES,mantedor da páxina web de VIANA DO BOLO Precisamente foi premiado coa ANDROLLA DE OURO o ano pasado. É un dos mellores coñecedores do Entroido de Viana do Bolo (Ourense), que xa o consideramos un colaborador máis do noso programa. Fálanos dunha documentación-recolleita que acaba de facer e que lle servirá de base, en principio, para unha Conferencia que impartirá en Asturias próximamente, e adiántanos algunhas novidades relacionadas con esta poboación da montaña ourensana, da que moitos oíntes nos reclaman noticias e informacións.
">

sábado 22 de xaneiro do 2011

2011-01-24T09:07:00.000-08:00

Encetamos a nosa locución adiantándolles o que imos a tratar durante estas dúas horiñas de radio en galego: Novidades que nos chegan á redacción, estrea dun novo disco dos "QUEMPALLOU" que leva por título: "Once anos mallando", outro do grupo "KEYMPA", "Menú do Día", conexión con Rosalía de Castro para que nos informe do Campionato de Tute que se está a celebrar na Entidade, Conexión con Galicia para que Xulio Simón nos poña ao corrente dalgunhas das cousas que elixiu para esta semana e finalizaremos coa chamada semanal a Paco Rivas, o noso Poeta da Mariña Lucense, que sempre nos agasalla con unha ou dúas das súas creacións poéticas.

A nosa primeira comunicación-conversa é con ALFONSO RICO, Vicepresidente da A.C.G.Rosalía de Castro, que nos explica cómo vai o "Campeonato Anual de TUTE", na Entidade. Tamén nos fala das diferentes actividades programadas para tódolos socios; unha das máis salientables é o "Cursiño e Cociña" que comezará na vindeira semana.

Poñémonos en contacto con XULIO SIMÓN, que nos fai un percorrido moi interesante pola Cultura Galega do momento, e convida a tódolos ointes a reler a Cunqueiro e outros escritores galegos de relevancia.

A ultima intervención é a de PACO RIVAS. Sempre cun verbo moi axeitado, sempre cunha dedicatoria moi afervoada aos mariñeiros da costa lucense, e rematamos o programa escoitando as súas creacións poéticas tan fermosas.

Ate a vindeira semana. ¡Que sexan moi felicies!

Programa do 15 de XANEIRO do 2011

2011-01-17T23:41:00.000-08:00

Neste segundo programa do ano temos a sorte de ofrecerlles a tódolos oíntes unha "exclusiva" do novo disco de LUAR NA LUBRE "Solsticio", e despois de adiantarlles algunhas das propostas para este programa, xunto coa lectura das principais noticias chegadas á nosa Redacción. A seguir escoitamos un corte dise novo disco de Luar Na Lubre, concretamente: A saia da Carolina.

Continuamos a nosa andaina e comunicámonos con PEDRO J. PEREZ, Presidente do Grupo de Empresas "DUPLEX", que se atopa precisamente en Italia, asistindo a unha Feira de Xoias. Temos que agradecerlle a súa inestimable colaboración desinteresada, que se converteu o ano pasado en sendos agasallos con motivo do noso Concurso-Sorteo de "Sempre en Galicia", e xa temos confirmada o seu patrocinio para o "25 aniversario do noso programa".A nosa conversa está motivada, entre outras cousa, pola recente homenaxe que os xoieiros de Galicia lle fixeron en Baiona. El mesmo nos di que fala moito, pero a verdade é que é moi amena a súa disertación.

A seguir poñémonos en contacto con MANUEL BARCIA, un amigo e colaborador tamén da nosa emisión, membro da Asociación "Orgullo del Bierzo", que nos pon ao corente da "VIII Fiesta del Botillo en Cataluña", prevista para o vindeiro día 12 de febreiro, no Hotel SERHS CAMPUS de Bellaterra, e na que aproveitarán para homenaxear ao poeta berciano GUSTAVO VEGA MANSILLA. Fainos un adianto das novidades e personalidades que asistirán a este evento que será conducido polo tamén berciano LUIS DEL OLMO. Tamén nos informa do menú previsto:
1º Pica-pica, con productos do Bierzo: Cecina, chourizo, lacón, tartaletas, xamón, empanada...
2º Botillo, con cachelos e repolo.
3º Postre berciano, con sorpresa para os asistentes, cafes e chupitos.
Todo elo regado con viño procedente das veigas da comarca do Bierzo. Para debullar e dixerir mellor este menú, haberá unha orquestra que amenizará a sobremesa. O prezo será de 35 €uros por comensal cunha oferta especial do Hotel para poder alugar unha habitación doble por 51 €uros máis, par non ter que desprazarse despois de tan completa degustación gastronómica.

Paramos un ratiño para a Publicidade e continuamos a falar con Manolo Barcia da ASOBECAR, Asociación de Bercianos en Cataluña, sobre a "VIII Fiesta del Botillo en Cataluña". Aquí escoitamos a segunda parte desta nosa conversa:

Na segunda horiña falamos, como cada semana, con Xulio Simón, que nesta ocasión atópase na Fonsagrada, para asistir ás "Iª Xornadas sobre a situación Sociolingüística das comarcas EO-NAVIA", e aproveita a ocasión para poñernos ao teléfono á responsable e coordinadora deste acto, dona Marisé coa que mantemos unha pequena conversa, a pesares do frío intenso que xa estaba arrecendo naqueles lares. Aquí tedes a nosa conversa:

A ultima intervención é a de PACO RIBAS, o noso Poeta da Mariña Lucense, quen nos agasalla, coma sempre, coa declamación de varias das súas composicións.

Agardamos voltar a contar coa vosa atenta escoita. Ate a vindeira semana.

Primeiro Programa do 2011

2011-01-09T14:28:00.000-08:00

Dámoslle a Ben-vida a tódolos nosos oíntes, escoitantes, simpatizantes e seguidores. Pretendemos pasar dúas horiñas agradables. Despois da sintonía de iniciación, ofrecémoslle un adianto das noticias que nos chegan á nosa Redacción. A locución correspóndeme a min, un servidor de vostedes (Xulio Couxil). Nos controis técnicos temos a Marc Fort. A nosa primeira comunicación telefónica é con MANOEL CARRETE -Historiador e Abogado), o noso amigo e colaborador a quen lle desexamos o mellor para este 2011. Fainos unha pequena semblaza do Catedrático de Xeografía don Francisco Rio Barja, cuxo pasamento sucedeu os mércores pasado mentres pasaba uns días de vacacións en Tenerife. Mágoa que teñamos estas perdas e interrupcións, que nos cortan o fío do que viñamos compartindo con todos vosoutros. Destas informacións mellor non ter que repetilas, por máis que é lei de vida, pero mellor atrasalas o máis posible para disfrutarmos da posibilidade de escoitar e disfrutar da compaña deses grandes personaxes da nosa Cultura Galega, que nos preceden e dos que temos moito que aprender. Desexamos un Feliz aninovo 2011 aos compoñentes da nosa patrocinadora: á "Asociación Cultural Rosalía de Castro". Falamos con Ricardo, que foi presidente da mesma en anteriores anos, que nos informa dalgunhas novidades e acontecementos relacionados coa Entidade. Por exemplo: acaban de ter a visita, no Restaurante do Centro, do Ex-President da Generalitat Sr.Montilla. Fala dos actos que estan programados realizar na Entidade, destacando un "Cursiño de gastronomía" nos locais da Nosa Asociación. O Vicepresidente "Alfonso", confírmanos a información de Ricardo e adiántanos que todo está preparado para seguir na mesma liña de anos anteriores: Campionato de Tute e Brisca, Cursos de Baile de Salón, Yoga, Manualidades e Pintura, Danza Galega e Gaita galega, xunto coa interpretación xestual e lingüística, a preparación do Entroido, o Xantar de Inverno ou tradicional "Cocido Galego", no que é imprescindible posuír unha boa pota para incluír nela os chourizos, as androllas, o lacón, os grelos e as patacas... Todo elo moi ben adobado e acompañado con bon viño de Denominaciòn de orixe Galega. Desexámoslle moitos éxitos nestes obxectivos.

A seguinte comunicación é con Xulio Simón, o noso correspondente en Galicia, a quen sorprendemos facendo algunhas compras aproveitando esta fin de semana de rebaixas, pero aínda ten un bocadiño de tempo para darnos a coñecer algunha que outra novidade daquelas terras. Para a vindeira semana prométenos unha entrevista con personaxes importantes e comprometidos coa nosa Cultura Galega, xa que asistirá en "A Fonsagrada" a un curso moi interesante.

Novamente facemos contacto con Xosé Carlos G.González, responsable de Cultura da A.C.G.Rosalía de Castro, tanto para desexarlle un bo comezo de ano, como para que nos informe do resultado dos Premios de Poesía e Narrativa que se fallaron no 18 de decembro pasado na Entidade.

E a ultima conversa mantida en directo neste programa de hoxe foi con Paco Rivas, o noso Poeta da Mariña Lucense, que ademais de manter unha amena charla fainos a 1ª regalía do ano recitando tres poemiñas da súa autoría. Agradecémoslle-lo e saludámonos ata a vindeira semana.

Agardamos que a próxima fin de semana poidamos facer un programa tan entretido e ameno coma hoxe. Pasaremos "lista" e desexamos que volvan a sintonizar con nosoutros.

A grabación desta semana aínda non puiden "repartila" tal e como acostumamos en edicións anteriores, pero ao longo desta semana farémolo. Polo dagora podedes escoitar o programa enteiro (podcats) na seguinte enderezo: http://www.avmradio.com/sempregalicia/Podcast.html

2011-01-09T14:00:00.001-08:00

Ultimo programa do 2010: 18 de decembro

2010-12-26T04:35:00.000-08:00

Comezamos coa nosa sintonía de sempre: música de Cristina Pato. Facemos un pequeno adianto das cousas que desexamos realizar ao longo destas dúas horiñas de "radio en galego", e aproveitamos para escoitar algunha peza dos dous CeDeses que nos trouxo o noso amigo SERXIO SEOANE, "Orquestras de Galicia". Un adianto de agasallos para tódolos nosos oíntes.

Comunicámonos con UXIA, que se atopa no Pazo da Cultura de Pontevedra, próxima a comezar o Festival CANTOS NA MARÉ, por 8º ano consecutivo. Fainos un pequeno adianto da próxima celebración. Agradecémosllo e desexámoslle moitos éxitos nese Festival Internacional da Lusofonía.

Dámoslle a Ben-vida a Serxio e aproveitamos para comunicármonos con Andrés Neira e felicitarlle polo cumpleanos a Mireia, que se atopa rodeada de moitos amig@s. ¡Que cumpla moitos máis!

Despedimos a Serxio desexándolle unhas ¡FELICES FESTAS! e indicándolle á nosa audiencia que pode solicitar ou mercar o disco "Orquestas de Galicia" na páxina web de "Serxio Folk Produccións" e seguimos a escoitar un bocadiño máis da música que nos achegou Serxio.

A nosa seguinte comunicación é con PACO RIBAS, o noso poeta da Mariña Lucense, que ademais de colaborar connosco e desexarnos o mellor para estas Festas feiticeiras. Fainos a regalía de dous poemas cheos de engado e sentimento para todos. Recreanos o final da súa intervención co recitado de dúas poesías da súa autoría, para felicitarnos a festas a todos.

Escoitamos un pouco de música de "Cantos na Maré" do ano 2009... Unha grande festa que se celebra, como xa dixemos, no Pazo de Cultura de Pontevedra.

Comunicámonos con XULIO SIMÓN, o noso correspondente habitual de Galicia, concretamente dende Combarro. Tiña previsto facer unha intervención dende unha casa especial: Mesón SAN ROQUE, para falarmos con "Son", María Concepción, responsable da cociña deste mesón en Combarro e comentarnos algo sobre a elaboración dalgunha das especialidades que nestas datas Navideñas teñen moito aprecio na nosa cultura galega: O Bacallau. Non puido ser, pero quedamos emplazados para facelo noutra ocasión. A súa participación e colaboración versa precisamente sobre a gastronomía e algún libro interesante. Deséxanos unhas Felices Festas e nós correspondémoslle cos mesmos desexos.

Mantemos unha pequena conversa con Kique de Navia, que se atopa na Ribeira Sacra, de Galicia, e felicitámonos mutuamente estas festas de Nadal e desexos de benestar para o vindeiro aninovo 2011. Fainos unha pequena descrición do entorno onde se atopa e quedamos para podérmonos comunicar en vindeiras ocasións e manter conversas máis ou menos asíduas, aproveitando que ten moitos dos contactos con personaxes interesantes e importantes da nosa cultura na zona onde se atopa.

Unha ultima conexión, nesta ocasión en Cornellà, concretamente con Xosé Carlos G. que nos pon ao corrente da celebración que se está a realizar concretamente na Asociación con motivo das XXIV Xornadas Culturais e entrega do Premio de Poesía Rosalía de Castro e Rosa Reboredo de Narrativa.

E rematamos o ultimo programa do ano escoitando unha peza de música da nosa terra galega desexándolles unhas FELICES FESTAS a tódolos nosos oíntes e simpatizantes, sabendo que volveremos a escoitarnos e sintonizarnos a partir do 10 de xaneiro do 2011, que lles desexamos ventureiro para todos.

Programa do 10 de decembro 2010

2010-12-13T02:33:00.000-08:00

Antonio e mais un servidor

Comezamos este penúltimo programa do ano 2010 dándolle información á audiencia das NOVIDADES que nos chegan á Redacción. Acompáñanos Antonio Díaz, Director da Revista "Lua Nova", da Asociación C.G.Rosalía de Castro de Cornellà. Esta semana non podemos cumplir co horario, xa que temos a obriga de asistir á presentación da revista NÓS, do Centro Galego Nós de Sabadell. Damos lectura dalgunhas das informacións e comunicamos aos oíntes a celebración, dentro das XORNADAS CULTURAIS de Rosalía, da previsión do fallo do "24 Premio de Poesía en Língua Galega Rosalía de Castro" e Premio de Narrativa Rosa Reboredo, para o vindeiro día 18 de decembro, no que se contará coa presencia, entre outras, do Catedrático da Universidade Profesor don Basilio Losada Castro, que tanto ten colaborado coas Entidades Galegas en Cataluña, e moi particularmente coa nosa. Seguro que na vindeira semana poderemos contar coa presencia dalgún dos compoñentes do xurado do mencionado premio, así como tentaremos dar máis cumprida información das cousas que se produzan relacionadas con esta actividade de tanta importancia no eido da creación literaria.

Despedímonos con música da nosa terra, desexando que todos volvan a conectar co 104.6 da FM, para podermos celebrar o ultimo programa felicitando a tódolos oíntes e simpatizantes.

Ata a vindeira semana.

Programa do 20 de NOVEMBRO do 2010

2010-11-20T15:37:00.000-08:00

Novamente, unha semana máis comezamos o programa coa mesma sintonía de sempre: a nosa Cristina Pato coa súa TOLEMIA.
Despois de dar lectura a varias informacións e noticias que nos chegan á redacción comezamos a nosa primeira ENTREVISTA con MANOEL CARRETE, para que nos informe dunha seire de actividades nas que estivo implicado e da próxima publicación do libro que estaba a preparar. Informounos, en primicia, de que o vindeiro día 2 de decembro presentarase este libro que trata sobre a Emigración galega en Catalunya, na sé da FUNDACIÓN ROSALÍA DE CASTRO, en Padrón. Prometeunos traernos algún exemplar á emisora e sortear algún deles para os oíntes que nos sintonicen, que nos escoiten pola Internet ou que nos chamen. Agradecémoslle-lo e prometemos estar ao seu carón, cando veña a presentalo aquí.

Continuamos coa programación e voltamos a dar unha serie de NOTICIAS, que escollemos entre as máis salientables do momento.

Na segunda horiña conectamos con Galicia, concretamente co noso colaborador habitual XULIO SIMÓN, que nos deleita cunha serie de escollidas intervencións sobre asuntos moi interesantes relacionados coa nosa CULTURA, moi concretamente coa presentación dunha reproducción da revista NOS... escoitádea aquí:

Desexamos que volvan a conectarnos a vindeira semana. Seguramente que para esa data xa teremos totalmente recuperada a nosa MARIA ROYO.
A pertas a todos e disfrutade.

Programa do 13 de novembro do 2010

2010-11-15T13:58:00.000-08:00

Dámoslle a ben-vida a tódolos nosos oíntes coa sintonía de sempre (Cristina Pato) e comezamos coas primeiras INFORMACIÓNS e NOTICIAS que nos chegan á Redacción. Facemos un pequeno adianto do que tentaremos realizar nestas dúas horiñas de radio en galego.

Lamentamos a non asistencia de MARIA ROYO, xa que non pode asistir ao atoparse convaleciente por mor dun virus griposo que lle impide achegarse aos micros.

Conectamos co AUDITORI de Cornellá, onde se atopa MARÍA DO CEO, que ten previsto actuar ás 8 do serán, cun concerto moi feiticeiro. Dámoslle-las gracias pola súa atención e dedicación, xa que a nosa radio convértese en privilexiada, posto que somos o primeiro medio de comunicación que retransmitimos este evento. Prometémoslle asistir e disfrutar con ela do seu traballo e creatividade.

Máis Noticias e comentarios que nos veñen de Galicia. Aproveitamos para introducir algunha peza de música adicada por algún oínte que a solicitou.

Voltamos a conectar co Auditori de Cornellà, para falr, nesta ocasión, con XOSÉ CARLOS G.GONZÁLEZ, que nos informa de todo o que está a suceder nese Festival do 20 Aniversario da FEGALCAT e "30 Aniversario da A.C.G.ROSALÍA DE CASTRO", e aproveita para convidar a tódolos oíntes e que pasen por alí, para poder disfrutar deste evento que amosa unha parte moi importante da nosa cultura galega.

Programa do 6 de novembro do 2010

2010-11-15T13:30:00.000-08:00

Volve a estar nos micrófonos a nosa periodista-colaboradora MARÍA ROYO.
No comezo estivo a facer un pequeno relatorio de NOVIDADES e outras informacións que chegan á Redacción.

Despois conectou comigo, en RIOCALDO-LOBIOS. Tivemos unha Entrevista con HIPOLITO, un dos Metres do Hotel-Balneario de CALDARIA-LOBIOS.

Novamente INFORMACIÓNS e NOTICIAS.

A seguir Entrevista con RICARDO, compoñente da Xunta Directa da A.C.G.Rosalía de Castro, que informa a toda audiencia dos actos previstos para o día 13 de novembro no AUDITORIO de Cornellà.

Volve a conectar con Galicia e aproveitamos para entrevistar a ALBERTO CANAL, Director de Comunicación do Grupo CALDARIA.

Estamos a traballar e procesar estes datos e en breve "COLGAREMOS" todo o programa para que poidades escoitalo cando queirades-

Programa do 30 de outubro do 2010

2010-11-15T13:23:00.000-08:00

Nesta data estivo á fronte do programa a nosa colaboradora-periodista MARÍA ROYO.

Estamos a procesar os datos para ofrecerlles e colgar todos os pormenores.

Programa do 23 de OUTUBRO

2010-10-25T02:14:00.000-07:00

Voltamos a dárlle-la ben-vida a tódolos nosos oíntes con algunhas noticias e novidades que nos chegan á Redacción, dende Galicia e outras de máis pretiño.

Queremos facer partícipes a todos e dámoslle, novamente, o enderezo do "facebook" SEMPRE EN GALICIA onde está a nosa páxina a funcionar e recibir toda clase de comunicacións e suxerencias. Xa temos unha morea de persoas que se fixeron amigos...

A nosa primeira comunicación-conversa é con XOSÉ LAMELA, o Alcalde de Lobios e anterior Director deste noso programiña de radio en galego.

Cóntanos algunhas novidades naquelas "Terras da Baixa Limia" que tanto añoramos algúns e que seguro moitos dos nosos oíntes e simpatizantes comparten inquedanzas e degoiros por estar alí, ao carón das "faldas" do Xurés-Gerés", un dos Parques Naturais máis grandes de Europa, e que paga a pena ir a visitar e disfrutar del.

Continuamos a nosa emisión conectando novamente con Galicia, co noso correspondente semanal XULIO SIMÓN,. Danos pormenorizada información dunha exposición fotográfica que se fai en Vigo... podedes escoitalo aquí:

Seguimos coas nosas colaboracións e nesta ocasión temos na nosa comunicación-conversa a ISMAEL un dos responsables das TERMAS PREXEGUEIROque nos fai un percorrido "virtual" polas súas instalacións e convídanos a probar as riquezas e bondades das augas termais, por tan só 5 €uros. Agradecémoslle a súa participación.

A ultima entrevista é con EVA LOPEZ,

unha compoñente do Grupo de Pandereteiras "GANDARELA" do Centro Galego de Barcelona, quen nos pon ao corrente das Actividades que ofrece ese Centro Galgo máis antigo de Cataluña.

Rematamos desexándovos unha semana moi proveitosa e chea de bondades.

Progrma do 16 de outubro

2010-10-16T14:56:00.000-07:00

Dámoslle a ben-vida a tódolos oíntes que se incorporan á nosa edición desta semana e propoñémoslle escoitar a BERROGÜETTO, concretamente o seu disco HEPTA, xa que nos visitaron esoutro día na Farga de Hospitalet e desexamos cumplir coa promesa de escoitar a súas creacións anteriores, cousa que nos solicitaron algúns amigos.

Procedemos a dar lectura dalgunhas informacións e comunicacións que nos chegan dende Galicia. Anunciamos a colaboración, como non podía ser doutro xeito, do noso amigo e poeta PACO RIVAS, pero que non será ata a vindeira semana, xa que nestas primeiras datas do noso programa non estaba accesible, por mor dalgúns compromisos puntuais. Agardamos poder contactar con el. Voltamos a escoitar a música proposta ao comezo e seguimos con máis informacións e entre medias incorporamos algunha que outra peza da discografía que temos nos nosos arquivos.

A segunda hora comezámola conectando con Galicia, como xa é habitual, e falamos con XULIO SIMÓN, o noso correspondente semanal que nos fai un pequeno percorrido por algunhas das máis salientables actividades e acontecementos culturais que están a suceder na nosa Galicia. É un pracer poder contar coa súa colaboración desinteresada e tan agradable.

Temos unha comunicación telefónica con XULIO COSTA, o noso "seguidor-forofo" da Radio que nos pide unha peza de Ana Kiro, adicada á Asociación Cultural Galega "Rosalia de Castro", e moi particularmente a Belén, a súa Presidenta, a quen lle enviamos as nosas máis sentidas condolencias polo pasamento do seu avó.

A ultima conexión en con JUAN, da Asociación Cultural Galega "AGARIMOS", de Badalona, para falarnos de dúas cousas: A Festa do Polbo, que se celebrará o domingo día 17 diante da Sé Social da Entidade, na rúa París,nº 45. Unha celebración que se fai mensualmente o 3º domingo de cada mes, na que os asistentes poderán degustar ademais do "Pulpo á Feira", unha morea de tapas e racións doutras especialidades da gastronomía galega.
A segunda noticia, e pola que aproveitamos para felicitalos, é que a Banda da Entidade participou, xunto con CARLOS NÚÑEZ, nos dous Concertos que impartiu en Catalunya, en Sant Cugat del Vallés e en Manresa. Unha honra e unha verdadeira felicidade para os rapaces compoñentes do seu Grupo de Gaita e Baile. ¡Noraboa! e que sigan a ter tantos éxitos como está a ter.

Despedímonos desexando que volvan a conectar con nosoutros a vindeira semana.

Programa do 9 de outubro do 2010

2010-10-09T11:18:00.000-07:00

Comezamos o programa anunciando que teremos unha retransmisión algo "accidentada" xa que teremos que conectar co Campo de Futbol do C.F.Cornellà que hoxe xoga coa Montañesa. Así que teremos a primeira hora con tan só uns minutiños de música e informacións.
Denantes de nada facemos a presentación da incorporación, como colaboradora, de MARIA ROYO, dámoslle a ben-vida e desexamos que a súa aportación sexa o comezo dunha nova andaina chea de éxitos tanto para ela como para o noso programa.
Continuamos e dámoslle paso a MANUEL R. JULIÁN, o primeiro Presidente da Asoc.Cultural Galega "Rosalía de Castro".

Fálanos da súa experiencia como primeiro "locutor-director" deste noso programa de radio "Sempre en Galicia".
NOVIDADE IMPORTANTE: Xa podemos intercomunicarnos cos nosos oíntes, escoitantes e simpatizantes en facebook. Podedes agregarnos aquí : Sempre En Galicia

E tal como anunciabamos dámoslle paso á retransmisión deportiva da xornada de hoxe.

A segunda hora comezámola outa vez con música galega e coa nosa primeira comunicación con Galicia, concretamente co noso correspondente-colaborador XULIO SIMÓN. Poucos minutiños, xa que temos que voltar a darlle paso aos nosos "colegas-compañeiros" de retransmisión deportiva.

E rematamos o programiña de hoxe propoñéndolles que escoiten a peza titulada "Alecrín" e despedíndonos de todos deixando de fondo a música de Reggaeton que nos solicitaron entremedias...

Ata a vindeira semana. Disfrutade e voltade a sintonizarnos o próximo sábado.

2 de OUTUBRO

2010-10-06T08:23:00.000-07:00

Con Xulio, asiduo escoitante

Comezamos esta nova tempada 2010-2011, cos mesmos desexos e intencións (anovados, claro está) de seguir entretendo, comunicando e dando a coñecer tódalas novidades que nos chegan á nosa Redacción, así como todo aquelo que pode ser de interese para tódolos nosos escoitantes, oíntes e seguidores.Así pois damos a coñecer unha serie de novidades e noticias que están a acontecer no noso entorno e na nosa Galicia, lembrando o pasamento de ANA KIRO e DORA VÁZQUEZ; figuras importantes da nosa cultura galega, cada unha na súa temática, claro está: ANA grande representante da música galega, e DORA unha das mellores poetas ourensanas dos ultimos tempos.

Temos novidades en canto a música, posto que nos chegaron varios discos de "Edicións do Cumio - Merza, un século de certames, A música de Merza-Solistas, V I Concurso de Gaiteiros Manuel de Villanueva", de "Aira da Pedra" e da "Banda de Gaitas CASTRO BERGIDUM".

Establecemos a nosa primeira comunicación con MARTA,

unha das responsables de "Ediciones Puerta con Puerta", que veñen de publicar un libro moi interesante: "De Obispos y de Meigas", escrito por Domingo Pellicer, e que hoxe mesmo se atopan nun "stand" na "Festa de San Froilán", en Nou Barris.

Nesta segunda parte facemos un percorrido polas comunicacións, novidades e informacións que nos chegan á nosa Redacción, intercalando un chisco da música que nos enviaron dende Galicia e dende O Bierzo.

Seguimos o noso programiña establecendo comunicación, e mantendo unha pequena conversa precisamente con Ponferrada, concretamente con ALBERTE CANOSA e JOSE MANUEL PEREZ CASTRO, o primeiro compoñente da "Asociación Berciana da Lingua Xarmenta" e o segundo Director da Banda de Gaitas Bergidum e compoñente do grupo de música tradicional "Aira da Pedra".,

Continuamos cun bocadiño máis de música e conectamos novamente con Galicia para falarmos concretamente con ANDRÉS dos "AZOUGHADOS" quen despois de manter unha pequena conversa connosco agasállanos cunha peza galega "a capela" entre el e mais unha das compoñentes do seu grupo.

E rematamos o noso programiña de hoxe felicitando a CHARI, que é unha sorpresa preparada polo seu pai Xulio, asiduo oínte e seguidor de Sempre en Galicia.

Bo fin de semana, e que voltedes a conectar connosco o vindeiro sábado.

Programa do 26 de xuño. Final da TEMPADA

2010-07-01T07:25:00.000-07:00

Comezamos dándolles a ben-vida a tódolos oíntes e propoñendo un percordido virtual para visitar a zona da denominación de orixe: "Viño Albariño", acompañado das pezas musicais extraídas das novidades que nos chegaron ultimamente á Redacción.
Non puidemos conectarnos co noso colaborador habitual Xulio Simón, ao que lle desexamos unhas felices vacacións estivais. Os mesmos desexos van para tódolos nosos amigos: oíntes, internautas e simpatizantes que nos animan a continuarmos nesta fermosa tarefa de falar e comunicármonos con todos vostedes en "lingua galega".
A nosa proposta final ben acompañada do recitado dalgúns dos poemas de PACO RIBAS, o noso poeta da Mariña Lucense, que tamén nos desexa a todos unhas felices vacacións.
Aquí vos queda a parte grabada. O resto foi unha selección de música galega.
">
¡BOAS VACACIÓNS!